ވިޔަފާރި ބަނދަރުގެ ހިދުމަތް އަވަސް ކުރުމުގެ މަސައްކަތް އެމްޕީއެލުން ފަށައިފި

އެމްޕީއެލްގެ މެނޭޖިން ޑިރެކްޓަ ޝާހިދު އަލީ

ފާތިމަތު ޝަނާ މުހައްމަދު، މިހާރު

15 ޖެނުއަރީ 2019 - 12:40

ވިޔަފާރި ބަނދަރުގެ ހިދުމަތްތައް އަވަސް ކުރުމުގެ ގޮތުން ތިން ކަމަކަށް އަމާޒުކޮށްގެން މޯލްޑިވްސް ޕޯޓްސް ލިމިޓެޑުން މަސައްކަތްތަކެއް ފަށައިފި އެވެ.

އެމްޕީއެލްގެ މެނޭޖިން ޑިރެކްޓަ ޝާހިދު އަލީ މިއަދު ވިދާޅުވީ މިހާރު ފަށާފައިވާ މަސައްކަތްތަކަށް ވަރަށް ބޮޑު ހޭދައެއް ކުރަން ޖެހޭ ކަމަށެވެ. އޭގެ ސީދާ އަދަދު ވިދާޅުނުވިޔަސް، ހަމައެކަނި ބަނދަރު ސަރަހައްދުގެ މަގުތައް މަރާމާތުކުރަން ވެސް 40 މިލިއަން ރުފިޔާ ވަރު ހޭދަވާނެ ކަމަށް ވިދާޅުވި އެވެ.

މުދާ އުފުލުމުގައި ދިމާވާ މައްސަލަތައް ހައްލުކުރަން އެމްޕީއެލުން ކުރިއަށް ގެންދަނީ ހަލާކުވެފައިވާ ވެހިކަލްތައް ހެދުމާއި ބަނދަރު ސަރަހައްދުގައި ހުރި މަގުތައް މަރާމާތު ކުރުމުގެ އިތުރުން ބަނދަރުގެ ޖާގަ ބޮޑުވާނެ ގޮތަކަށް ބަނދަރު ރީއެރޭންޖު ކުރުމެވެ.

ޝާހިދު ވިދާޅުވި ގޮތުގައި މުދާ އުފުލަން ބޭނުންކުރާ ގިނަ ވެހިކަލްތަކެއް މިވަގުތު ހުރީ ހަލާކުވެފަ އެވެ. އޭގެ ތެރޭގައި ހެވީ މެޝިނަރީ ގިނަ އަދަދަކަށް ހުރި ކަމަށް ވެސް ވިދާޅުވި އެވެ.

"ހަލާކުވެފައިވާ ވެހިކަލްތަކަށް ބޭނުންވާ ސްޕެއާ އާއި ސާމާނު މަރާމާތު ކުރުމުގެ މަސައްކަތް ކުރަމުން މިދަނީ،" ޝާހިދު ވިދާޅުވި އެވެ.

އެމްޕީއެލް ކާގޯ އޭރިއާ: ބަނދަރަށް ބޮޑެތި ބަދަލުތަކެއް ގެންނަން ވަނީ ޖެހިފައި

އޭނާ ވިދާޅުވީ ހަލާކުވެފައިވާ ބައެއް ވެހިކަލްތައް މަރާމާތު ކުރުމަށް ފަހު މިހާރު ނެރެވިފައިވާ ކަމަށެވެ.

ބަނދަރު ސަރަހައްދުގެ މަގުތައް ވަރަށް ބޮޑަށް ހަލާކުވެފައިވާ ހުރުމުން ވެހިކަލްތަކަށް ގެއްލުން ލިބޭ ކަމަށް ޝާހިދު ވިދާޅުވި އެވެ. އެހެންކަމުން އެ މައްސަލަ ހައްލު ކުރުމުގެ ގޮތުން ފަށާ މަގުތައް މަރާމާތުކުރުމުގެ މަސައްކަތް މި އަހަރު ނިންމާލެވޭނެ ކަމަށް ވިދާޅުވި އެވެ.

ޝާހިދު ވިދާޅުވި ގޮތުގައި 2011 ވަނަ އަހަރުން ފެށިގެން މިހާތަނަށް ވިޔަފާރި ބަނދަރަށް ގެންނަ މުދަލުގެ މިންވަރު ތިން ގުނަ އިތުރުވެފައިވާ ކަމަށެވެ. ނަމަވެސް މި މުއްދަތުގެ ތެރޭގައި ބަނދަރު ބޮޑުކޮށް، ހިދުމަތް އަވަސް ކުރުމަށްޓަކައި މާ ބޮޑު މަސައްކަތްތަކެއް ކޮށްފައިނުވާ ކަމަށް އޭނާ ވިދާޅުވި އެވެ.

Viyafaari bandharu bossun laafai, avas halleh beynunvey!

The most trusted news source in the Maldives

Mihaaru

ރާއްޖޭގެ އެންމެ ބޮޑު ބަނދަރަށް މުދާ އުފުލާ ބޯޓުފަހަރު އާންމު ގޮތެއްގައި 10 ވަރަކަށް ދުވަހު ބަނދަރުގައި އޮންނަން ޖެހެ އެވެ. އެކަމަކު ވިޔަފާރިވެރިން ބުނާ ގޮތުގައި ބައެއް ފަހަރަށް މުދާ ހުސްނުކުރެވި ދެ ހަފުތާއެއްހާ ދުވަސް ވެސް ހޭދަވެ އެވެ. އޭގެ ސަބަބުން ވިޔަފާރިވެރިންނާއި ބޯޓުފަހަރު ދުއްވާ ކުންފުނިތަކަށް ގެއްލުންތަކާ ކުރިމަތިވެ އެވެ.

ދާދި ފަހުން ރާއްޖެއަށް މުދާ ހިފައިގެން އައި ބޯޓެއް މާ ގިނަ ދުވަހު ބަނދަރުގައި އޮންނަން ޖެހުމުން ކޮންޓޭނަރުތައް ނުބާލައި ދިޔައީ އެވެ. އެކަމަކު އޭގެ ދެ ދުވަސް ފަހުން އެނބުރި އައިސް މުދާ ހުސްކުރި އެވެ.

Mudhaa nubeyli lasvegen, 100 container aa eku boatu furaifi

The most trusted news source in the Maldives

Mihaaru

އެމްޕީއެލް އާގު ބޯޓު މޯލްޑިވްސް ޕޯސްޓް ލިމިޓެޑް ޝާހިދު އަލީ، މެނޭޖިން ޑިރެކްޓަރު، އެމްޕީއެލް މާލޭ ވިޔަފާރި ބަނދަރު

9 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާރަނގާ - އައްޑޫ ސިޓީ

15 January 2019

ހުރިހާ މައްސަލައެއްގެ އަސްލަކީ “އެންމެ ރަށްގަނޑެއްގެ ސަރުކާރެއް” އޮންނަ އޮތުން. ކުޅުދުއްފުއްޓާއި އައްޑޫ ބަނދަރަކީ ބޭނުންނުކުރާ ނަމަ ކީއްކުރަން ހެދި ތަންތަން؟! ދައުލަތުން އެސްޓީއޯއަށް ސަބްސިޑައިޒްކޮށްގެން ގެންނަ ކާޑްގެ ބާވަތްތަކުގެ އިތުރުން ޑީސަލް، ޖެޓް ފިއުލްތަކުގެ ތެރެއިން އުތުރާއި ދެކުނަށް ބޭނުންވާ މުދާ ކުޅުދުއްފުއްޓާއި އައްޑޫ ބަނދަރަށް ނުގެންފަނީ ކީއްވެ. އަދި މާލޭ ޕޯޓުން އެސްޓީއޯގެ މުދާ ކްލިއަރކުރުން ދަންވަރަށް ބަދަލުކޮށް އެހެން މީހުނަށް ވަގުތުދީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަލީމް

15 January 2019

ކުރީސަރުކާރުގަ ބޮޑެތި ކޮރަޕްޝަން ހިންގާފައިވާ ފާއިދު މެން ގާތް ކޮށްގެން ޝާޑު އަށް ތިޔަތަން ހިންގޭނެއެކޭ މަށެއް ނުބުނާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެޔޮނުވާނެ

15 January 2019

ދަންވަރު ތިކުރާ މަސައްކަތް ހުއްޓާ ދެއްވާ، މިހިސާބު ރައްޔިތުންގެ ނިދި މަހްރޫމް ނުކުރައްވާ. ރޭގަނޑުގެ އިރާކޮޅު ވެސް މަސައްކަތް ނުކޮށް ދަންވަރަށް ފަށާގަންނަނީ މިހެން ނަހައްދަވާ. މުޅިދުވަސް މިހޭދަވަނީ ބާރު އަޑުތެރޭ އެހެންކަމުން ރޭގަނޑުގެ ހިމޭންކަމެއް ބޭނުންވޭ. މިކަމުން ކުރާ ނޭދެވޭ އަސަރުގެ ޒިންމާނަގާނީ ވަކި ކާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯދާ ޖޭ ސިޔާސަތ

15 January 2019

މާލޭ ޕޯޓް ބާރުބޮޑުވެ މުދާ ނުބޭލިގެން އުޅޭ އިރުވެސް ރާއްޖޭގެ އެހެން ސަރަހައްދު ތަކުގައި ހުރި ޕޯޓްތަކަށް މުދާ ބާލާ ގޮތަށް ހަމަޖައްސަން އަދިވެސް ނުވަނީތޯ؟ އެއްސީޕޯޓާއި ، އެއް އެއާރ ޕޯޓާއި އެއްރަށުން ގައުމު ހިންގަން އުޅޭ ސިޔާސަތު ދޫކޮއްލާށެވެ، ރާއްޖޭގެ ހުރިހާ ސަރަހައްދެއްގެ ރައްޔިތުންނަކީވެސް ދިވެހިރައްޔިތުންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންމަޑޭ

15 January 2019

އަލަށް ތަނެއް ހެދުމަށް ވުރެ ވެރީންނަށް ފައިދާ ވަނީ މަރާމާތު ކުރީމައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމީމް

15 January 2019

މިދިޔަ ވެރިކަމުގެ ދުވަސްވަރު، ނުހައްގުން ވަޒީފާތަކުން ވަކި ކުރެވުނު 9 މީހުންގެ ވަޒީފާ އިއާދަކޮށްގެންތާ، އެހެން ކަމެއް ކުރެވޭނީ ވެސް؟؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

15 January 2019

ވެހިކަލް މަރާމާތު ކުރުން ރަނގަޅެވެ، ދެން ތިޔަ ކުރަނީ ބޭކާރު ހަރަދެކެވެ. ޕޮކެޓް މަނީއެވެ. މައްސަލަ ހައްލު ވާނީ ތިލަފުށީގަ ބަނދަރު މަސައްކަތް ފަށައިގެންނެވެ. އަމިއްލަ ކުންފުނި މީހުން މިހާރުވެސް މަސައްކަތް ކުރެއެވެ.