މޯލްޑިވްސް ޕޯޓްސް ލިމިޓެޑް
15 ޖެނުއަރީ 2019 - 15:27
7 comments
ކުރީގެ ސަރުކާރުން 140 މިލިއަން ރުފިޔާ ހަރަދުކޮށްގެން ގެނައި ވެހިކަލްތަކަކީ ބަނދަރުގައި ބޭނުންކުރެވޭ ވަރަށް ވުރެ ބޮޑެތި ވެހިކަލްތަކެއް ކަމަށާއި އެހެންވެ އެ އެއްޗެހި ބޭނުން ނުކުރެވޭ ކަމަށް މޯލްޑިވްސް ޕޯޓްސް ލިމިޑެޓް (އެމްޕީއެލް)ގެ މެނޭޖިން ޑިރެކްޓަރު ޝާހިދު އަލީ މިއަދު ވިދާޅުވެއްޖެ އެވެ.
އެމްޕީއެލްގައި ބޭއްވި ނޫސްވެރިންގެ ބައްދަލުވުމުގައި ޝާހިދު ވިދާޅުވީ، މިހާރު ބޭނުންވާ ވެހިކަލްތަކުގެ ތެރެއިން ބޮޑެތި ހައެއްކަ ވެހިކަލް ބޭނުން ނުކުރެވޭ ވަރަށް ހަލާކުވެފައިވާ ކަމަށެވެ. އަދި 2016 ވަނަ އަހަރުގެ ފަހުކޮޅު ގެނައި ވެހިކަލްތަކުގެ ތެރެއިން ބޮޑު ހަތަރު ވެހިކަލް ހަލާވެފައިވާ ކަމަށާއި މިހާރު ބަނދަރު އޮތް ގޮތުން އެއީ ބޭނުން ކުރެވޭ ވެހިކަލްތަކެއް ނޫން ކަމަށް އޭނާ ވިދާޅުވި އެވެ. ޝާހިދު ވިދާޅުވި ގޮތުގައި، ގެނެސްފައިވަނީ ބަނދަރުގެ ޖާގައާ ނުބައްދަލު ވެހިކަލްތަކެކެވެ.
އެމްޕީއެލްގައި ހުރި އެކި މައްސަލަތަކާ ހެދި ބޯޓުތަކުން މުދާ ބޭލުން ލަސްވެ ވިޔަފާރިވެރިންގެ ޝަކުވާ ވަނީ ބޮޑުވެފަ އެވެ.
އެމްޕީއެލްގެ މެނޭޖިން ޑިރެކްޓަ ޝާހިދު އަލީ ނޫސްވެރިންގެ ބައްދަލުވުމުގައި ވާހަކަދައްކަވަނީ
"މީގެ ދިމާވާ އެއް މައްސަލައަކީ ޔާޑުގެ ކޮންޑިޝަން ހުރި ގޮތުން ވެހިކަލްތައް ވަރަށް އަވަހަށް ހަލާކުވޭ. އޭގެ ކުރިން ގެނެސްފައިވާ ވެހިކަލްތަކަކީ 24 ގަޑިއިރު ބޭނުން ކުރެވޭ ވެހިކަލްތަކެއް ނޫން،" އޭނާ ވިދާޅުވި އެވެ.
މީގެ ކުރިން 2016 ވަނަ އަހަރު، 140 މިލިޔަން ރުފިޔާގެ ސާމާނު އެމްޕީއެލް އިން ގަތީ ޗައިނާގެ ސަނީ ހެވީ އިންޑަސްޓްރީއާ ހަވާލުކޮށްގެންނެވެ. އެ ފަހަރު ގަތީ 22 ހެވީ ވެހިކަލެވެ. އެއީ ހަ ރިޗް ސްޓިކާ އާއި 10 ޓްރެއިން ކްރޭނާއި ދެ ފޯކްލިފްޓް ޓްރަކު އަދި ހަތަރު އެމްޓީ ކޮންޓެއިނަރު ހޭންޑްލާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިހީ
16 January 2019
އެވެހިކަލް އިގޭ ގަންއިރުވެސް ބޭނުން ނުކުރެވޭނެ ކަން އެއީ އަސްލު ވެހިކަލް ތަކެއް ނޫނޭ. އެއީ އޭގެ މޮޑެލް ތަކެކޭ \
ޓޮކާނޯ
16 January 2019
އެއްޗިހި މަރާމާތު ނުކޮށް ހަލާކު ކޮށްލާފައި ދެން ކޮން ވާހަކައެއް ދައްކާކަށް
ހެހެހޭ
16 January 2019
ކޮންމެ ސަރުކާރެއް އައިސް ނިމިދިޔެ ސަރުކާރުގެ ކަން ކޮފައޮތީ މިހިނޭ އެހެނޭ ބޭނުމެއް ނުކުރެވޭ ކިޔުމުގެ ބޭނުމެއްނެއް އެކަން އަމަލީގޮތުން ނުދެއްކެންޔާ، މި ބުނީ ގޯސްކޮއް އޮތީއާއި ޤާނޫނުގަ އޮތް އަދަބުދޭށޭ. އެހެން ނޫނީ އެވާހަކަ ނުދައްކާށޭ
ތިމާވެށި
15 January 2019
ބޭކާރު ވާހަކަ އެކެވެ. ތިކަމާ ގުޅިގެން އެއްވެސް މީހަކު ހައްޔަރު ނުކުރެއެވެ. ކޮރަޕްޝަންގެ އަމަލު ހިންގި މީހުން ބޭނުން ގަޑިއަކު ރާއްޖެއިން ބޭރަށް ދެވޭނެއެވެ. އުޅެ ވޭ ވަރަށް ފައިސާ ހޯދިއެވެ. ކަމެއް ކުރާނަމަ ވާހަކަ ނުދައްކާ ފުރަތަމަ ޕާސްޕޯޓް ނުފުރޭގޮތައް ހިފަހައްޓަން ވީއެވެ.
ކަލިމ
15 January 2019
ދޮގު ތީ ؟؟
އެދުރުބެ
15 January 2019
އެމްޕީއެލްގެ ހިދުމަތް ހަރުދަނާނަމަ އެމްޕީއެލްގެ ރެވެނިއު ދަށްވާނެ، ލިބޭ ފާއިދާ މަދުވާނެ. އެހެންވެގެން ކަންތަށް ރަނގަޅުނުކުރަނީ. މީހަގީގަތަކީ.
ސަކީނާއްތަ
15 January 2019
ތި އެމްޕީއެލް ހިންގަން ހަވާލުވާމީހުން ފައިސާ ކެއުން ނޫންކަމެއް ނުކުރޭ. ތިފަދަ އަގުބޮޑު އެއްޗިހި ގަންނަން ވާނީ އެފަދަ ކަންކަމަށް ގާބިލް ފަރާތްތައް މެދުވެރިކޮއްގެން. އެހެން ނޫނީ ތިކަންކުރަންތިބޭ ބަޔަކު ކޮއްމެވެސް އެޖެންޓެއް މެދުވެރިކޮށް ގައްނާނީ ސެކެންޑް ހޭންޑް އެއްޗިހި ނުއަގުގައި. ތިހާ އަގުބޮޑެތި މުދާ އުފައްދާ ކުންފުނިން، އެކުންފުނީގެ ފައިނޭންސް އިން ގަައްނަންވީ، އަދި އިންޝުއަރ ކޮއްފައިވާ ތަކެތި.