ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން "މިހާރު" އާ ވާހަކަ ދައްކަވަނީ.---ފޮޓޯ: މިހާރު
23 ޖެނުއަރީ 2019 - 13:05
25 comments
ރާއްޖޭގައި ހިލޭ ޑިގްރީ އަށް ކިޔެވޭނެ ފުރުސަތު ފަހިކޮށްދިނުމަކީ މި ސަރުކާރުގެ ކެމްޕެއިން ވައުދެއް ކަމަށް ވާއިރު، އެކަމަށް ކަނޑައަޅާ އުސޫލުތައް އަންނަ މަހުގެ 13 ގެ ކުރިން އާންމު ކުރާނެ ކަމަށް ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން މިއަދު ވިދާޅުވެއްޖެ އެވެ.
ރާއްޖޭގައި ފުރަތަމަ ޑިގްރީ އަށް ސަރުކާރުގެ ޚަރަދުގައި ކިޔަވައި ދޭން ފެށުމަކީ ރައީސް އިބްރާހިމް މުހައްމަދު ސޯލިހްގެ ސަރުކާރުގެ ފުރަތަމަ 60 ދުވަހުގެ މުއްދަތުގައި ކުރަން ނިންމާފައިވާ ކަމެކެވެ. އަންނަ މަހުގެ 13 އަކީ އެ މުއްދަތު ހަމަވާ ދުވަހެވެ.
މަތީ ތައުލީމާ ބެހޭ މިނިސްޓަރު "މިހާރު" އަށް ވިދާޅުވީ އަމިއްލަ ކޮލެޖުތަކާއި ޔުނިވާސިޓީތަކާ ގުޅިގެން މަތީ ތައުލީމުގެ ވައުދާ ގުޅޭ އުސޫލުތައް ކަނޑައެޅުމުގެ މަސައްކަތްތައް ކުރަމުން އަންނަ ކަމަށެވެ. އެކަންތައް ނިންމައި، މުއްދަތު ހަމަވުމުގެ ކުރިން އިއުލާނު ކުރާނެ ކަމަށް ވިދާޅުވި އެވެ.
ރާއްޖޭގެ ދިރާސީ އާ އަހަރާ އެކު، ބައެއް ކޮލެޖުތަކުގައި ކިޔެވުން މިހާރު ވަނީ ފަށައިފަ އެވެ. އެހެންވެ، ފުރަތަމަ ޑިގްރީ އަށް ކިޔަވާ ދަރިވަރުން ވަނީ ފައިސާ ވެސް ދައްކައި ނިންމައިފަ އެވެ.
ސަރުކާރުން ކަނޑައަޅާ އުސޫލުގެ ތެރެއިން އެ ހުރިހާ ދަރިވަރުންނަށް ފައިސާ ދޭނެ ކަމެއް ނުވަތަ ނޫން ކަމެއް ހަޔާ އެޑިއުކޭޝަން މިނިސްޓްރީން އަދި ނުބުނެ އެވެ.
ސަރުކާރުން ކުރިން ބުނެފައިވަ ނީ އަމިއްލަ ކޮލެޖުތަކުގައި ވެސް ޑިގްރީއަށް ހިލޭ ކިޔެވޭނެ ކަމަށެވެ.
ޑިގްރީ ފެންވަރަށް ހިލޭ ކިޔަވައިދިނުމަށް މިއަހަރުގެ ބަޖެޓުން ވަނީ 50 މިލިއަން ރުފިޔާ ކަނޑައަޅައިފަ އެވެ. އެ އަށް ފަހު އަންނަ އަހަރާއި 2021 ވަނަ އަހަރު އެކަން ކުރިއަށް ގެންދިއުމަށްޓަކައި 175 މިލިއަން ރުފިޔާއަށް އިތުރު ކުރާނެ ކަމަށް، މި އަހަރަށް ހުށަހެޅި ދައުލަތުގެ ބަޖެޓުގައި ވެ އެވެ.
.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޤާދިރު
24 January 2019
އަމިއްލަ ކޮލެޖުތަކުން ހިލޭ ކިޔެވޭ ކަމަށް ވަންޏާ އަމިއްލަ ސުކޫލުތަކުން ކިޔަވާ ދަރިވަރުންނަށް ވެސް ހިލޭ ކިޔެވެމްވާނެ. ނޫންނަމަ އެއީ އިންސާފަށް ކުރެވޭ ކަމެއްނޫން.
ޢާޒިމްބެ
24 January 2019
ޑިގްރީައްކިޔެވީމަވާކަމެއް ބުނެދީބަލަ ވަޒީފާއެއްނެއް ހުރިހާވަޒީފާއެއް ދެނީ ފެންވަރެއްނުބަލާ މަގުމަތީ އަޑުގަދަކުރަމުން ދުވާ މީހުނައް މީ ދޮގެއްތޯ
ދަންނަ ނުދަންނަ
23 January 2019
ގައުމުގެ ލާބައާއި މަންފާއަށް ކުރަންވީ ކަމަކަށް ހަދަންވީ. ޖީބު ބޮޑުކުރަން ކުރާ ކަމަކަށް ނުހަދަންވީ. ކުދިން ބޭނުންހައި ޓޮޕިކްތަކަށް ރިސާރޗް ނުހަދައި ގައުމަށް ފައިދާހުރި ގައުމީ މައްސަލަތަކަށް ރިސާރޗް ހަދަންވީ. ޔުނިވަރސިޓީތަކުން އަމާޒުކުރަންވީ ގައުމީ ކަންކަމަށް. ހިއްސާގެ ބާޒާރުގައި ޓޫރިޒަމްގެ ހިއްސާ ގަންނަން ލިބެން ނެތީ ކީއްވެގެންތޯ؟ ސްޓޮކް އެކްސްޗޭންޖް ވަރުގަދަ ނުވަނީ ކީއްވެތޯ މިކަހަލަ ކަންކަން ބަލަންވީ. އޭރުން ގައުމަށް މިވާގޮތް އެނގޭނީ.
ޤޮއްޔެ
23 January 2019
ކޮބާ 6 މަސްދުވަހުގެ ޗުއްޓީ ޓީޗަރުނަނަށްދޭ. ޢެއީ ފުރަތަމަ 100 ދުވަހުގެ ވައުދެއް.
ސީދި
23 January 2019
ވަކި ޚާއްސައުސޫލަކުން ވަކިހާއްސަ ކޮލެޖެއް އޮވެގެން ނުވާނެ ހުރިހާކޮލެޖެއްވެސް ހިމެނެންވާނެ... ހުރިހާ ދަރިވަރުންވެސް ހިމެނެންވާނެ
ސާބަހޭ
23 January 2019
ކިތައްމެ ޑިގުރީ އެއް ކުރިންހަދާފަ ހުއްޓަސް އެހެންޑިގުރީއެއް ހަދަންފަށާއިރައް ހަމަ ހިލޭ ކޮއްދެންޖެހޭބާ؟؟؟؟؟
ނައީމާ ނަސީމް
23 January 2019
ކުރިއަށް ގެންދަވާ، އަދި އެމްކިޔުއޭ މިނިވަންކޮށްދެއްވާ، އަދި ކުދިންގެ ފީތަށް ފަސޭހަކަމާއި އެކުގައި ލިބޭނެގޮތް ހަދަންޖެހޭނެ، އެނޫނީ ކުއްޖާގެ ކިޔެވުން ހުއްޓޭނީ
ނައިސް
23 January 2019
އާސަންދައިން 60ރ އަށް ވިޓަމިން ގުޅައެއް ލިބޭ އުސޫލުން މިކަންވެސް ކުރާނީ. ކުރިއަށް ގެންދޭ. މުއްސަދިން އިތުރަށް މުއްސަދި ވެވޭނެ ހުރިހާ ގޮތެއް ސަރުކާރުން ކޮށްދެއްވާތި.
މުހައްމާ
23 January 2019
އުފަންކުރަންޖެހޭ ކަމެއް. ދައުލަތަށް އަދި ގައުމަށް ބޭނުންވާ ދިރާސާތައް ހެދުމަށް ކޮންމެ އަހަރަކު ވަކި މައުޟޫޢުތަކެއް ކަނޑައަޅައި ދިރާސާ ހެދުމަށް ދަރިވަރުންނާ ހަވާލުކުރެވޭނެ ނިޒާމެއް އޮންނަންވާނެ. އެ މައުޟޫޢަށް ދިރާސާހަދާ ދަރިވަރަށް ކަމާބެހޭ މުވައްސަސާތައް ހުޅުވާލައި މިނިވަންކަމާއެކު ގައުމަށް ބޭނުންވާ ދިރާސާ ހަދަންވީ. އޭރުން މިނިވަންކަމާއެކު ގައުމުގެ ހާލަތު އެދަރިވަރުން ކިޔައިދޭނެ، ދަރިވަރުންގެ ސިކުޑިތައް ގައުމާމެދު ހުޅުވި މައްސަތައް އޮޅުންފިލާނެ.
ރަނގަޅަށް ވިސްނާ...
23 January 2019
ތައުލީމާ ސްއްހަތާ ދުޅަހެޔޮކަމަށް.. އިސްކަންދީ.. މުސްތަގްބަލުގައި ކުރިއްެރުމާ ތަރައްގީ
އަނިނު
23 January 2019
ތިޔަ މިނިސްޓަރަކީ ވިލާކޮލެޖުގެ ސްޓާފެއް. އަދި އެ ކޮލެޖުގެ ރެކްޓަރގެ ޅިޔަނު. އެމް.ކިއު.އޭ ގަ ހުރީ ޖޭ.ޕީ ގެ ފަރާތުން އައްޔަން ކޮށްފަ ހުރި ބޭފުޅެއް. ރާއީސްއަށް ދަންނަވާލަން، ވަކި ކޮލެޖަކަށް ވަކި ބަޔަކަށް ފައިދާ ވާނެ ގޮތަށް ނުވަތަ އެ ޝައްކުކަން އުފެދޭގޮތަށް މިނިސްޓަރީތަކުގަ އައްޔަންކޮށްފަ ތިބި ސިޔާސީ ބޭފުޅުން ނުބޭތިއްބުމަށް.