ޖޭޕީގެ ޓިކެޓުގައި ރައްޔިތުންގެ މަޖިލިހުގެ އިންތިޚާބުގައި ވިލިމާލެ އަށް ކުރިމަތިލައްވާ ކުރީގެ ނައިބު ރައީސް ޑރ. ޖަމީލްގެ ކެމްޕެއިން ރަސްމީކޮށް ފެށުމަށް ރޭ ބޭއްވި ހަފުލާގައި އެ ޕާޓީގެ ލީޑަރު ގާސިމާއި އެހެނިހެން ބައެއް އިސްވެރިން.---ފޮޓޯ: އަހުމަދު ނިޝާތު/މިހާރު
25 ޖެނުއަރީ 2019 - 22:42
35 comments
ޖުމްހޫރީ ޕާޓީ (ޖޭޕީ) ގެ ޓިކެޓުގައި ރައްޔިތުންގެ މަޖިލީހުގެ އިންތިޚާބަށް ކުރިމަތިލުމަށް 97 މީހަކު ހުށަހަޅައިފި އެވެ.
ޖޭޕީން ބުނީ، އެ ޕާޓީގެ ޓިކެޓު ހޯދުމަށް ހުށަހެޅުމުގެ މުއްދަތު މިއަދު ހަމަވިއިރު މަޖިލީހުގެ އެކި ދާއިރާތަކަށް ވާދަކުރުމަށް 97 މީހަކު ހުށަހަޅާފައިވާ ކަމަށެވެ. އެކަމަކު އެ މީހުން ޓިކެޓު ހޯދުމަށް ހުށަހެޅި ދާއިރާތައް ޖޭޕީން އަދި ހާމައެއް ނުކުރެ އެވެ.
ޖޭޕީން ބުނިގޮތުގައި، އަންނަ އޭޕްރީލް ހަ ވަނަ ދުވަހު ބާއްވާ އާންމު އިންތިޚާބަށް އެ ޕާޓީގެ ޓިކެޓު ދޭނެ މީހުން ވަރަށް އަވަހަށް ނިންމާނެ އެވެ. ޖޭޕީގެ ޓިކެޓު ދޭނެ މީހުންގެ މައުލޫމާތުތައް އިވެލުއޭޓް ކުރަނީ އެކަމަށްޓަކައި ކަނޑައަޅާފައިވާ ފަސް މެމްބަރުންގެ ކޮމިޓީ އަކުންނެވެ. އެކަމަކު، ޓިކެޓު ދޭނީ ޕްރައިމަރީ އަކުންތޯ ނުވަތަ އެހެން ގޮތަކުން ކަމެއް ނިންމާނީ ޕާޓީގެ ކައުންސިލުން ކަމަށް ޖޭޕީގެ ތަރުޖަމާން އަލީ ސޯލިހް ވިދާޅުވި އެވެ.
"ފަސް މެމްބަރުންގެ ކޮމިޓީ އަކީ ޓިކެޓު ހޯދުމަށް ހުށަހެޅުއްވި ބޭފުޅުންގެ މައުލޫމާތުތައް އިވެލުއޭޓް ކުރާ ކޮމިޓީ. އެ ކޮމިޓީ އަކުން ނުނިންމާނެ ޓިކެޓު ދޭނެ ބޭފުޅުންނެއް،" އޭނާ ވިދާޅުވި އެވެ.
ޖޭޕީން ބުނެފައި ވަނީ ރައްޔިތުންގެ މަޖިލިހުގެ 87 ދާއިރާ އަށް ވާދަކުރުމަށް އެ ޕާޓީން ނިންމާފައި ނުވާނެ ކަމަށެވެ.
އަލީ ކުރިން ވިދާޅުވެފައި ވަނީ މަޖިލިސް އިންތިޚާބުގައި ވެސް އެ ޕާޓީގެ ފުރަތަމަ ވިސްނުމަކީ މަސްލަހަތު ކުރިއަށް ނެރުމެވެ. އެއާ އެކު، ވެފައި އޮންނަ އެއްބަސްވުންތަކަށް އިހްތިރާމް ކުރުމަކީ ވެސް ޖޭޕީން އަބަދުވެސް ކުރިއަށް ނެރޭ އުސޫލެއް ކަމަށް އޭނާ ވިދާޅުވި އެވެ.
ރައްޔިތުންގެ މަޖިލިހުގެ އިންތިޚާބަށް ޖޭޕީގެ ޓިކެޓަށް ޝައުގުވެރިވާ މީހުންނަށް ފުރުސަތު ހުޅުވައިލީ، މި ސަރުކާރު ހިންގާ އިއްތިހާދުން ގުޅިގެން އެ އިންތިޚާބުގައި ވާދަކުރާނެ ގޮތަކާ މެދު އެއްބަސްވުމަކަށް އާދެވިފައި ނުވަނީސް އެމްޑީޕީން ހުރިހާ ދާއިރާ އަކަށް ކުރިމަތިލާން ނިންމުމުންނެވެ.
އެ މައްސަލައިގައި ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވެފައި ވަނީ މަޖިލިހުގެ ދާއިރާތަކަށް ކޯލިޝަނުން ގުޅިގެން ވާދަކުރުމާ މެދު އެމްޑީޕީ އާއި ޖުމްހޫރީ ޕާޓީއާ ދެމެދު އެއްބަސްވުމެއް އޮއްވައި އެ އަށް ނުބަލައި ކުރިއަށް ދިއުމަކީ ކޯލިޝަންގައި މައްސަލަ އުފެދޭނެ ސަބަބެއް ކަމަށެވެ.
އެ މައްސަލަ އަށް ރައީސް އިބްރާހިމް މުހައްމަދު ސޯލިހަށް ހައްލެއް ހޯއްދަވައި ނުދެއްވުނު ކަމަށް ވެސް ގާސިމް ވަނީ ވިދާޅުވެފަ އެވެ.
އެކަމާ ގުޅޭ ގޮތުން ރައީސްއާ ނޫސްވެރިން އިއްޔެ ސުވާލު ދެންނެވުމުން ވިދާޅުވެފައި ވަނީ ކޯލިޝަންގައި މައްސަލައެއް ނޫޅޭ ކަމަށެވެ. އަދި ވިދާޅުވީ، އެމަނިކުފާނު އެދިވަޑައިގަންނަވަނީ ސަރުކާރު މެޖޯރިޓީ އޮތް މަޖިލިހަކަށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބީބު
27 January 2019
ރިސޯޓު އޯނަރުންގެ ވަކިތަކުން މަޖިލިސް ސަލާމަތް ކުރޭ ވިޔަފާރި ވެރިންގެ ކިބައިން މަޖިލިސް ސަލާމަތްކުރޭ ރެޑްވޭވްސަލީމައް މިއަދު އަވަނާ ދޮންނަމެޝިނާ ދެވިދާނެ އެއައް ވޯޓުވިއްކާނުލާ ތަކެތީގެ އަގުުއިންތިހާބޮޑު އެފައިދާއިން ވެނުމަސް ވެނައްކާންދެނީ ރައްޔިތުންގެ މަޖިލީހައް އާދައިގެ މީހުން ހޮއްވަވާ ލައްކަފަހަރު ތިޔަމީހުން ހޮވިއްޖެ ވީކަމެއްނެތް މިފަހަރު ތަފާތު ކޮއްލާ އާދޭސްކުރަން
ވިއްކާނީއޭ
26 January 2019
ޖޭޕީގެ ޓިކެޓް ދީގެން ނުވާނެ އެމްޑީޕީން ޓިކެޓް ދިން ގޮތަށް ދަ ބަނޑުއަކިރިންނަށް ތަނެއްގައި ވަޒީފާ އަދާ ނުކުރެވުނު މީހަކަށް ފުރަތަމަ ޖޭޕީގެ މަޖްލީހުގެ ޓިކެޓް ދީގެން ނުވާނެއޭ އެމެން ރަންރީނދުލޭ މެންގެ ތެރޭން މާލޭގެ ދާއިރާ އަކަށް ކުރިމަތިލި ބޯދިގޭ އަކީ އޭނާގެ ބޮލުގައި ހުރި އިސްތަށްޓަށް ވުރެން ގިނަ ވަޒީފާ އަށް ދިޔަ ތަންތަން އެއްވެސް ތަނެއްގައި 1 މަސް ދުވަހު ވަޒީފާ އަދާ ނުކުރެވޭ މިބާވަތުގެ މީހުންނަށް މަޖްލީހުގެ ގޮނޑި ދޭން ހެޔޮނުވާނެއޭ މުޅިން ވޯޓް
ޕޮކަޑި
26 January 2019
ދަންނައޭ ދަންނައޭ އަހަރުމެން ރައްޔިތުންނަން ބޭނުމެއްނުވެޔޭ ތިޔަހާ ބައިވަރު މަޖްލިސް މެމްބަރުންނެއް ތިޔައީ ކުރެވޭ ބޮޑު އިސްރާފެކޭ ދަންނައޭ ދަންނައޭ
ޕްރައިމަރީ ނުބާއްވާނަމަ އުވާލާ
26 January 2019
ޕްރައިމަރީ ނުބާއްވާނަމަ ސިޔާސީ ޕާޓީ ހެދުމުގެ މަގްސަދު ނެ. ސިޔާސީޕާޓީ ހަދަނީ ޕާޓީ ބޮސް ބޭނުން މީހަކަށް ޓިކެޓް ދޭކަށްނޫން. ހުރިހާ މެމްބަރުންގެވެސް ހައްގާ މަސްލަހަތު އޭގައިވޭ. ޕްރައިމަރީ ނުބާއްވާ ޕާޓީތައް އުވާލާފައި ޕްރައިމަރީ ބާއްވަން ޖެހޭކަމަށް ޤާނޫނުގައި ލިޔޭ! ސޭޓު ކަނޑައަޅާ މީހަކަށް ވޯޓެއް ނުލެވޭނެ . ބަލާބަލަ ސަރުކާރާށްވެސް ވަައްދަން ފޮނުވީ މީހުން. އެއްވެސް މީޙަކު މައުނޭ އަދާލަތެކޭ ނުކިޔާ. ޕްރައިމަރީ ބާއްވަން މަޖުބޫރުކޮށް ޤާނޫނުގައި ހިމަނާ!
މަންނާނު
26 January 2019
ސޭޓް އަންހެނުން ފިރިމީހާ ބިރުގަންނަނީ ކޯލިށަން ނޫންގޮތަކަށް އެއްގޮޑިވެސް ނުލިބިދާނެތީ
ބޮކި ބޮކި
26 January 2019
ސޭޓޫ ނިކަންކެރޭނެހޭ ޕްރައިމަރީ ބާއްވަން ! ހަމަގައިމުވެސް ނުކެރޭނެ !
ލެސަނެއްދޭން
26 January 2019
ޖޭޕީގެ ޓިކެޓް ހޯދަން 97 މީހުން އެދުނު ނަމަވެސް ޖޭޕީން ނުޖެހޭނެ އެ 97 މީހުންނަށް ޓިކެޓް ދޭން މިފަހަރު ޖޭޕީން ޓިކެޓް ދޭން ޖެހޭނީ ސީދާ އަތުގައި ފައިސާ ހުރި ތަނަވަސް ކަމުގެ އަހުލުވެރިންނަށް އަދި ރަށެއްގައި ނަމަ ރަށުގެ އާއިލާ ބޮޑު މީހަކަށް އެއިރުން ދެން އެމްޑީޕީގެ ނަމުގައި ކުރިމަތިލާފައިވާ ދަ ބަނޑުއަކިރިން ދާނީ ޗޮކުން ކަން މަމެންނަށް ޔަގީނޭ މަމެން ޕީއެންސީން މަޖްލީހުގެ ޓިކެޓް ދޭ އިރު މިފަދަ ކަންކަމަށް ވިސްނާނެ ކަން ޖެހޭނެ މިފަހަރު ކެނެރީގެ ނަޝީދަށް
ޚަރަދޭ
26 January 2019
ޖޭޕީގެ ޓިކެޓް ހޯދަން 90 އަށް ވުރެން ގިނަ މީހުން އެޕްލައި ކުރިނަމަވެސް އެއެންމެންނަށް ނުޖެހޭ ޓިކެޓް ދޭން މަޖްލީހުގެ އިންތިޚާބުގައި ވާދަ ކުރާ ކެންޑިޑޭޓެއްގެ އަތުގައި ހުންނަން ޖެހޭނެ 3 މިލިއަން ރުފިޔާ ލިކްއިޑް އެސެޓްސް ގެ ގޮތުގައި ކެމްޕެއިން ކުރަން ފަންޑެއް ގެ ގޮތުގައި އެއިރުން އެފައިސާ ތަޅާލެވޭނެ ލޮބީ ކުުރުމަށް ޓަކައި އިންތިޚާބުގެ ވޯޓް ލާން ހަފްތާ އަކަށް ވެފައި ވަނިކޮށް އިންތިޚާބުގައި ވޯޓް ލާން ކައިރިވެފައި ހުއްޓާ ކުރާ ޚަރަދު އެއީ ވޯޓް ޔަގީންވާ
ކަރީމުއްދީން ބާޝާ
26 January 2019
ވަލީދާ ވަލީދުއާ ޝަމީލުވެސް ކޮންމެސްދާއިރާއަކަށް ކުރިމަތިލާނެތާ.
ގޮބޮޅިއަލީ
26 January 2019
ބޮޑާ ނުހާކާ ބަނޑުނުކައްކާ ހުރިހާދާއިރަައަކަށް މީހުން ނެރެބަލަ ގާސިމާ...ކަލޭ ބޮޑާހާކާނީ ނަހުލާ ކައިރީގަ
ކިއްލިބާޝާ
26 January 2019
ހެހެހެހެ....