މިރޭގެ ހަފުލާގައި ނާޒިމާގެ ދެކަނބަލުން، ޖޭޕީގެ ލީޑަރު ގާސިމާ އެކު.---ފޮޓޯ: ހުސައިން ވަހީދު/މިހާރު
29 ޖެނުއަރީ 2019 - 22:54
34 comments
ރައްޔިތުންގެ މަޖިލީހުގައި އަންހެނުންގެ ދައުރު ބޮޑު ކުރަންޖެހޭ ކަމަށް ޖުމްހޫރީ ޕާޓީ (ޖޭޕީ) ގެ ލީޑަރު ގާސިމް އިބްރާހިމް މިރޭ ވިދާޅުވެއްޖެ އެވެ.
އަންނަ އޭޕްރީލް ހަ ވަނަ ދުވަހު ބާއްވާ ރައްޔިތުންގެ މަޖިލިހުގެ އިންތިޚާބަށް ޖޭޕީގެ ފަރާތުން ހެންވޭރު ހުޅަނގު ދާއިރާ އަށް ވާދަކުރައްވާ އައިޝަތު ނާޒިމާގެ ކެމްޕެއިން ފެށުމަށް ބޭއްވި ހަފުލާގައި ގާސިމް ވިދާޅުވީ، އަންހެނުންނަކީ ގައުމުގެ ބޮޑު ބަޔަކަށް ވެފައި އެ އާބާދީ ރައްޔިތުންގެ މަޖިލީހުގައި ފުރިހަމަ އަށް ތަމްސީލު ކުރެވެން ޖެހޭނެ ކަމަށެވެ.
"އެ މީހުންނަށް އެނގޭނެ ވަރަށް ގިނަ ކަންތައްތައް އަޅުގަނޑުމެން ފިރިހެނުން ނުދަންނަ. މުލިއްސެއް ޖަހައިގެން ރިއްސި މީހަކަށް އެނގޭނީ އޭގެ ރިހުން ހުރި މިންވަރު. ތަކްލީފެއް އުފުލާ މީހަކަށް އެނގޭނީ އެކަމެއްގެ ބޮޑުކަމާއި ކުޑަކަން. އަންހެން ބޭފުޅުންނަށް ދިމާވާ ކަންކަން އަންހެން ބޭފުޅުންނަށް އެނގޭނީ،" ރައްޔިތުނގެ މަޖިލީހުގެ ރައީސްކަން ވެސް ކުރައްވާ ގާސިމް ވިދާޅުވި އެވެ.
މިރޭގެ ހަފުލާގައި ނާޒިމާ ވާހަކަ ދައްކަވަނީ.---ފޮޓޯ: ހުސައިން ވަހީދު/މިހާރު
ރައްޔިތުންގެ މަޖިލީހުގައި އަންހެނުންގެ ދައުރު އިތުރު ކުރުމުގެ އިތުރުން ސިޔާސީ އެހެން ދާއިރާތަކުގައި ވެސް އަންހެނުންގެ ދައުރު އިތުރު ކުރުން މުހިންމު ކަމަށް ގާސިމް ވިދާޅުވި އެވެ.
".. އަންހެނުންނަށް ލިބޭ އުނދަގުލާއި ވޭނާއި ހޫނު އެނގިވަޑައިގަންނަވާނީ ހަމަ އަންހެން ބޭފުޅަކަށް. ރައްޔިތުންގެ މަޖިލީހަށް އަދި އެހެން ސިޔާސީ ދާއިރާތަކަށް އަންހެން ބޭފުޅުން ބޭނުންވާކަން އަޅުގަނޑުމެންނަށް އެނގޭ އެއްވެސް ކަހަލަ ޝައްކަކާ ނުލައި،" ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގެ ކުރީގެ ނައިބު ރައީސް އަދި މަޝްހޫރު ވޮލީބޯޅަ ކުޅުންތެރިޔާ ނާޒިމާގެ ކެމްޕެއިން ރަސްމީކޮށް ފެށުމުގެ ހަފުލާގައި ގާސިމް ވިދާޅުވި އެވެ.
މިރޭގެ ހަފުލާގައި ގާސިމް ވާހަކަފުޅު ދައްކަވަނީ.---ފޮޓޯ: ހުސައިން ވަހީދު/މިހާރު
ގާސިމް ވިދާޅުވީ ރާއްޖޭގެ ރައްޔިތުންގެ މަޖިލީހުގައި އަންހެނުން މަދުވުމުން ބޭރުގެ ގައުމުތަކުން އެކަމަށް ފާޑުކިޔާ ކަމަށެވެ. އެހެންކަމުން އަންހެންނުންގެ ބޭނުންތެރިކަން ދަނެގަނެ ގާނޫނާއި ގަވާއިދުތައް ހެދުމުގައި އަންހެނުންގެ ދައުރު ހިމެނުން މުހިންމު ކަމަށް ވެސް ގާސިމް ވިދާޅުވި އެވެ.
މީގެ ފަސް އަހަރު ކުރިން އިންތިހާބުކުރި 18 ވަނަ ރައްޔިތުންގެ މަޖިލީހަށް ހޮވިވަޑައިގެންފައި ވަނީ އެންމެ ފަސް އަންހެން ބޭފުޅުންނެވެ. އެފްއޭއެމްގެ ފުރަތަމަ އަންހެން ނައިބު ރައީސް ނާޒިމާ ވިދާޅުވެފައި ވަނީ ކުޅިވަރުގައި ކާމިޔާބު ހަރުފަތްތަކަށް ފަހު، ރައްޔިތުންގެ މަޖިލިހަށް ވާދަކުރައްވަން ނިންމެވީ އޭނާގެ އަމިއްލަ ދާއިރާ ތަމްސީލު ކުރައްވަން ކަމަށެވެ. އެ ދާއިރާގައި އިސްކޮށް، ކެރޭ އަދި ހިތްވަރުގަދަ މީހެއްގެ ގޮތުގައި އޭނާ ދެމިހުންނަވާނެ ކަމަށް ނާޒިމާ ކުރިން ވިދާޅުވެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޯން
30 January 2019
ދެންވާނީ ބަންގާޅި ޔަށްވީހެން..ވެރިކަނ ކުރާނީ އަންހެނުން
ނިހާނު އަހުމަދު
30 January 2019
2008ް ގައި ރައްޔަތުން ބަލައިގެންފައިވާ ގާނޫނު އަސާސީގައި ސާފުކޮށް ބުނޭ ގައުމުގެ ވެރީންނަކީ ރައްޔަތުންކަމަށް. ގާސިމު އަކީވެސް ރައްޔަތުންގެ ޚާދިމެއް ނޯކަރެެއް މިކަން ހަނދާން ނުނައްތާ.. އެކަކުވެސް މޭފުއްޕައިގެން ނޫޅުއްވުމަށް ބުނަން
މަރޭމިތުރު
30 January 2019
އަނަހެނުންގެ ދައުރުގެއްލޭ މަޖިލީހައް ގިނަކުރުމުން! އަންހެނުންނަށް މީބުނިބަހެއް އެހެނަސް ހެޔޮއެދެމުން!.............................................................. އަންހެނުންގެ ޒިއްމާތައް ގެއްލިގޮސް މިރާއްޖޭގައި އުފެދޭ ދަރިންނަކީ ހުސް ސިޔާސީބަޔަކަށް ވެދާނެކަމުގެ ބިރު އެބައޮތް! މިހިނދު އަޅުގަނޑު އެދެނީ އެއްވެސް އަންހެން މުދައްރިސަކު މިމަގު ހިޔާރުނުކުރުމަށް!
އަހުމަދުލް
30 January 2019
މާ އަވަހަށް ކަންކަމާ ތެޅިގަތީމް ދާނީ ހުޅުބު. ޖޭޕީގެ ވިސްނުން ބަދަލު ކުރަން ޖެހޭ ރައްޔިތުން އިތުބާރު ހޯދަން ޖެހޭ.
ޟާނު
30 January 2019
ނާޒިމަ މީދެންކާކު ހޮވަން ހުސް މިކަހަލަ މީހުން މަޖިލިހަށް މިކުރިމަތިލަނީ
ވަތުބަތާނަ
30 January 2019
އަންހެން ކަނބަލުންގެ ދައުރު އިތުރުކުރަންވީ، އެކަމަކު މި މުސްލިމު މި ދިވެހި ޤައުމުގެ ކަނބަލުން ވާންޖެހޭނީ އެ އިންތަކާއި އެ ގިންތީގެ ހަމަތަށް ހިފަހައްޓާ އެކަން ގަބޫލުކުރާ ކަނބަލުންނަށް. ފޮޓޯއިން އެ ފެންނަ މަންޒަރު އެހާ ގަބޫލެއް ނުކުރެވޭ.
މަރޭމިތުރު
30 January 2019
އަޅުގަނޑުކަންބޮޑުވޭ މިދާއިރާއަށް މާގިނަ އަންހެނުން ނުކުންނަންއުޅޭ މައްސަލައަށް! މިއިން ނުރަނގަޅު ނަތީޖާއެއް ގައުމައް އަތުވެދާނެކަމަށް ބިރުީވެްޖެ.، ކޮންމެ ކުޅިވަރެއްކުޅޭ މީހަކު، ކޮންމެ ނޫސްވެރިއަކު، ކޮންމެ ފަންނާނަކު ރާއްޖޭގައި މިކަމަށް ކުރިމަތިލުމީ އެހެންދާއިރާތަކަށް އަސަރުކޮށްފާނެކަމެއްކަމަށް އަހަރެންދެކެނީ! މަޖިލީހައް އަންހެނުން ގެންނަންޖެހޭނީ ވަކިމިންވަރަކަށްކަމަށް އަޅުގަނޑުދެކެނީ.
މަރޭމިތުރު
30 January 2019
ގިނަކުރިހެން އަންހެނުން ސިޔާސީކަންތަކަށް ނުކުންނާނެ! ގިނަކުރިހެން މަޖިލީހައް އަންހެނުންގެ ކިނަކަންކަން ގެއްލޭނޭ!.................................................................. އަންހެނުން ސިޔާސީދާއިރާއަށް މާބޮޑައް އިތުރުވެއްޖެނަމަ އެކަމުން އެހެން ނަތީޖާއެއްވެސް ނުކުމެދާނެ!އަދި އިތުރު ދާއިރާތަކަށް އޭގެ އަސަރުފޯރަފާނެ! މާގިނަ އަންހެނުން މިދާއިރާއަށް ނުކުންނަން އުޅޭތީ ކަންބޮޑުވޭ!
މާރަނގާ - އައްޑޫ ސިޓީ
30 January 2019
އަންހެނުންނާއި ދިވެހިންގެ ދައުރު ބޮޑުކުރުމަށް ޓްއަރިޒަމް ޤަވާއިދުގަ އޮތް ގޮތަށް ޤާސިމް ފަދަ މަހުޖަނުން އަމަލުކުރޭތޯ؟ * * މާ ރަނގަޅުވާނެ ތިޔަ މަޖިލީހުން ފާސްކުރާ ދައުލަތުގެ ބަޖޭޓްގައި އާބާދީގެ ތިންބައިކުޅަ 2 ބައި ރައްޔިތުންގެ ދައުރު ބޮޑުވާގޮތަށް ކަންކަން ހިމެނުން. * * މަޖިލީހުގައި މަހުޖަނުންގެ ދައުރު ކުޑަކޮށް ރައްޔިތުންގެ ދައުރު ބޮޑުކުރުމަށް “އަޅު ވިސްނުނުގެ ސިކުނޑިތަކަށް މަޖިލީހުން ޖާގަދިނުން ހުއްޓާލުން މުހިންމު” ވަނީވެސް މިހެންވެ.
ހިނާޖް ޝަރީފް
30 January 2019
ނާޒިމާ މިދެން ކާކު؟
ރާއްޖެ
30 January 2019
ހޫ އާރ ޔޫ؟