އަބްދުﷲ ރަޝީދު: އޭނާގެ މަރުގެ މައްސަލާގައި ދައުވާކުރަން ވަނީ ނިންމާފައި
04 ފެބުރުއަރީ 2019 - 12:58
15 comments
މޭ ޑޭގެ މުޒާހަރާގައި ފުލުހަކަށް އަނިޔާކުރި މައްސަލާގައި މާފުށީ ޖަލުގައި ހުކުމް ތަންފީޒު ކުރަމުން ދަނިކޮށް އަބްދުﷲ ރަޝީދު މަރުވި މައްސަލާގައި އިހުމާލުވި ފަރާތްތަކާ ދެކޮޅަށް ދައުވާ ކޮށްދިނުމަށް އެދި ޕްރޮސިކިއުޓާ ޖެނެރަލްގެ އޮފީހަށް ފޮނުވަން ހިއުމަން ރައިޓްސް ކޮމިޝަން (އެޗްއާރުސީއެމް) އިން އިއްޔެ ނިންމައިފި އެވެ.
އެ ކޮމިޝަނުންބުނީ އޮކްޓޯބަރު 10، 2017 ވަނަ ދުވަހު ގ. ކީމާ، އަބްދުﷲ މަރުވި މައްސަލާގައި އިހުމާލުވި ކަމަށް ތަހުގީގަށް ފާހަގަވި މީހުންގެ ނަންތައް، މައްސަލަ ފޮނުވުމަށް ފަހު ހާމަކުރާނެ ކަމަށެވެ.
އަބްދުﷲ، 51، ގެ މައްސަލާގައި އިހުމާލުވި ފަރާތްތަކާ ދެކޮޅަށް ދައުވާކުރަން ފޮނުވަން ނިންމާފައިވަނީ މައްސަލަ ތަހުގީގުކުރާތާ އަހަރަކަށްވުރެ ގިނަ ދުވަސް ފަހުންނެވެ.
ކ. މާފުށީ ޖަލުގައި ހުކުމް ތަންފީޒުކުރަމުން ދަނިކޮށް 2017 އޮކްޓޫބަރު 10 ގައި ނިޔައުވެފައިވާ އަލްމަރްޙޫމް އަބްދުﷲ ރަޝީދު މުޙައްމަދުގެ މަރުގެ މައްސަލައިގައި ކޮމިޝަނުގެ ތަހުޤީޤަށް ރިޢާޔަތްކޮށް ދައުވާކޮށްދިނުމަށްއެދި ޕްރޮސިކިއުޓަރ ޖެނެރަލްގެ އޮފީހަށް ފޮނުވުމަށް
— HRC of the Maldives (@hrcmv) February 4, 2019
ޖަލު ބަންދުގައި ހުއްޓައި އަބްދުﷲ މަރުވީ އެތެރެހަށީގެ ބައްޔަކަށް އައިޖީއެމްއެޗުގައި ފަރުވާ ދެމުން ދަނިކޮށެވެ. އޭނާ ހޮސްޕިޓަލަށް ގެންދިޔައީ ބަލިވެ އުޅޭތާ އެތައް ދުވަހެއް ވީ ފަހުންނެވެ. އެހެންކަމުން އާއިލާ އިން ތުހުމަތު ކުރަނީ އަބްދުﷲ މަރުވުމުގެ ސަބަބަކީ އެކަށީގެންވާ ފަރުވާ ނުލިބި، ޖަލުގައި ބޭއްވުން ކަމަށެވެ.
2019 ފެބުރުވަރީ 3 ގައި ހިއުމަން ރައިޓްސް ކޮމިޝަނުން ނިންމައިފި
— HRC of the Maldives (@hrcmv) February 4, 2019
އޭނާގެ އަންހެނުން ޝެހެނާޒް އަބްދުއްރަހީމް ކުރިން ދިން އިންޓަވިއުއެއްގައި ބުނިގޮތުގައި އަބްދުﷲ ބަލިވެގެން ޖަލުގައި ބޭސްކުރި ކަމުގެ ލިއުންތައް އާއިލާ އަށް ލިބިފައިވެ އެވެ. އެ ލިއުންތަކަށް ބަލާއިރު ވެސް ފިރިމީހާގެ މަރުގައި ކަރެކްޝަނަލް ސާވިސްގެ އިހުމާލު ހިމެނޭ ކަމަށް ތުހުމަތުކުރެވޭނެ ޖާގަ އެބަ އޮތް ކަމަށް އޭނާ ބުންޏެވެ.
ފާއިތުވި އަހަރުތަކުގެ ތެރޭގައި، އިންސާނީ ހައްގުތައް ގެއްލޭ އެތައް ކަމެއް ހިނގިއިރު ވެސް އެޗްއާރުސީއެމްގެ މެމްބަރުން ތިބީ ހިމޭނުން ކަމަށް ބުނެ އެ ކޮމިޝަނަށް ވަރަށް ބޮޑު ފާޑުކިޔުން އަމާޒުވި އެވެ. ނަމަވެސް އާ ސަރުކާރާ އެކު، އެޗްއާރްސީއެމުން އެކި ކަންކަމުގައި އިސް ނަގައިގެން ހަރަކާތްތެރިވެ އެވެ.
މިއީ ފަހުގެ ތާރީހެއްގައި ހުކުމްތަންފީޒުކުރަމުންދިޔަ މީހެއްގެ މަރުގެ މައްސަލާގައި ދައުވާކުރަން ފޮނުވި ފުރަތަމަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިޓައްޕު ހަސަނު
04 February 2019
އެއުޅޭ ޔާމީނު އަދި އަދުރޭ ޖަލުގައި ބޭސްފަރުވާއިން މަހްރޫމް ކުރީމަ އެމީހުނަށް ވިސްނޭނެ އަބްދުﷲ ރަޝީދު އުޅުނު ހާލު.
ށޯފީ
04 February 2019
ބިށާމް ހުރެގެން އިންސާފެއް ނުލިބޭނެ އެއާއިލާއަކަށް..ބިސާމް ކަހަލަ ކޮރަޕްޓް މީހުން ބޭރުކުރަން ޖެހޭ
ހުކުމާ ހަމަޔަށް ދާންޖެހޭ
04 February 2019
އިހާނެތިކޮށް ހިތުމުގެ ނިޔަތުގައި ގަސްތުގައި ޒިންމާއިން އެއްކިބާވުމުގެ ސަބަބުން މީހަކު މަރުވެފަވާ މައްސަލައަކީ ފަހުގެ ތާރީޚެއްގައި މި ގައުމު ދުށް އެންމެ އަނިޔާވެރިޔާގެ ދުވަސްވަރު ހިންގި ކަމެއް
ދޮގެއްތަ؟
04 February 2019
ފަހުގެ ތާރީޚެއްގައި މި ގައުމު ދުށް އެންމެ އަނިޔާވެރިޔާ ކޮޅުފައިން ތަޅާ ފުލުހަކު މަރާލަން އުޅުނީ އެންމެންގެ ލޯ ކުރިމަތީ.
ބޮކި ބޮކި
04 February 2019
މިދިޔަ ފަސް އަހަރު އެޗް.އާރު.ސީ.އެމް އޮތީ ވާގި ނެތި ބަލިޖެހިފަ !
އަހުމަދޭ
04 February 2019
މީނަ އެކަނިތަ ޖަލުގަ މަރުވީ.؟ މިސަރުކާރު އައިފަހުންވެސް އެތައް ބަޔަކު މަރުވެއްޖެ ގޮޅީގަ
އަލްޖިބްރާ
04 February 2019
ކިތަންމެވަރަކަށް ތަހުޤީޤް ކުރިއަސް އޭނާމަރުވީ ބައެއްގެ އިހުމާލުންކަން ސާބިތެއް ނުކުރެވޭނެ ! ބައެއްގެ ކުރިމަތީގަ ތަޅާ ރޯނާގަންނަވާލީމާވެސް ސާބިތު ކުރެވޭވަރަށް ހެކިނެތީމައޭ ކިއާފަ ދޫކޮށްލާ ބަޔަކަށް ، މީހަކު މަރުވީމަ ދެން ސާބިތުކުރެވޭނީ ކޮންކަމެއް ؟
ދަތްނެތްކުއްޖާ
04 February 2019
ތިޔަ މައްސަލައިގައި އެޗް އާރ ސީ އެމްގެ މެމްބަރުންގެ މައްޗަށްވެސް ދަޢުލަތުން ދަޢުވާ ކުރަން ފެނޭ.
އެމް. އެސް. އެން 5535
04 February 2019
ފުރަތަމަ ބަދަލުކުރަންވީ ތިޔަ ކޮމިޝަންތަކުގައި ތިބި މެމްބަރުން. އެޗްއާރުސީއެމް، އޭސީސީ، ޕީއައިސީ، ސީއެސްސީ އަދި ޖޭއެސްސީ މިހުރިހާ ކޮމިޝަނެއްގައި ތިބި މީހުން ވަކިކުރަން ޖެހެއެވެ. އެހުރިހާ އެންމެން މިދިޔަ 5 އަހަރު ތިބީ މުންޑު ހިއްލައިގެން ޔާމީނުއަށް ސަނާ ކިޔުމުގައެވެ. އެ މަޤާމުތަކުގައި ތިބޭ މީހުންނަށް ކަންކަން ނުފެންނަންޏާ މާތްﷲ ގަންދީ ކުރި ހުވަޔާ ޙިލާފްވީ. މިތަންތަނަށް ކޮރަޕްޓް ނޫން މީހުން އަލުން ވައްދައިގެން ނޫނީ މިޤައުމު ހަމަ މަގަކަށް ނޭޅުވޭނެ.
އަޙްމަދު ޒަކީ
04 February 2019
އެންޓި-ޓޯޗަރ ޤާނޫނޫގެ ދަށުން މައްސަލަ ތަހްޤީގް ކުރަން އެޗް.އާރު.ސީ.އެމް. އަށް އޮންނަނީ 3 މަސް ނޫންތޯ؟ ކީއްވެގެންތޯ 1 އަހަރާއި 4 މަސްދުވަހުސް ތިކަމަށް ހޭދަވީ؟ ބަޔަކު ޤާނޫނާއި ޚިލާފުވާއިރު ތިބޭފުނުންވެސް ތިހުންނަނީ ޤާނޫނާ ޚިލާފުވެފަ. ފެއިލްވަފައި އޮތްތަނެއް. ވަޒީފާގެއްލިދާނެތީ ބިރުން ތެޅިގަނެގެން ރުއްސަން ކުރާހާ ކަންތަންތިއީ. މަޖިލީހުގެ އަންނަ ދައުރުގައި ތިޔަ ކޮމިޝަންގެ މެންބަރުންގެ އިތުބާރު ނެތް ކަމަށް ނިންމުމަށް ގޮވާލަން.
ރެޓޭ
04 February 2019
ތިޔަ އިހުމާލުގަ އެޗް.އާރު.ސީ.އެމްގެ 5 މެންބަރުންވެސް ބޮޑުތަނުން އިހުމާލުވެފަތިބީ! މި ހުރިހާ ދުވަހު 5 މެންބަރުން ތިއްބެވީ އަވަހާރަފުޅު ލައްޕަވާފަ ވިއްޔާ!