ޑަބްލިއު ކޮންސްޓްރަކް އިން ހަދަމުން އަންނަ އިމާރާތެއް.
20 ފެބުރުއަރީ 2019 - 14:59
15 comments
ޑަބްލިއު ކޮންސްޓްރަކްޝަނުން މަަސައްކަތް ކުރަމުން ދިޔަ އިމާރާތަކުން ވެއްޓުނު ސިމެންތި ބަސްތާއަކުން ޖެހި، ބަންގްލަދޭޝްގެ ރޯޝަން ޖިއާން މަރުވި ހާދިސާއާ ގުޅިގެން އެ ކުންފުނި 500،000 ރުފިޔާއިން ޖޫރިމަނާކޮށްފައިވާ ކަމަށް މާލޭ ސިޓީ ކައުންސިލުން ބުނެފި އެވެ.
މާލޭގެ ޑެޕިއުޓީ މޭޔަރު ސަމާއު ޝަރީފް ވިދާޅުވީ ޖިއާން މަރުވި ހާދިސާ ހިނގުމާ އެކު އޭރު އެ މައްސަލަ ބަލައި ޑަބްލިއު ކޮންސްޓްރަކްޝަނަށް އޭރު ވެސް ފިޔަވަޅު އަޅާފައިވާ ކަމަށެވެ. ނަމަވެސް ޖިއާންގެ މަރާ ގުޅިގެން އޭގެ ފަހުން އެތައް ފަހަރެއްގެ މަތިން މާލޭގެ މޭޔަރާ "މިހާރު"ން ސުވާލު ކުރިއިރު ވެސް އެފަދަ ފިޔަވަޅެއް އެޅި ކަމަށް ވިދާޅުވެފައެއް ނުވެ އެވެ.
"ހަމަ އޭރު އެ ހާދިސާ ހިނގި ތަނާ އަޅުގަނޑުމެން އެ މައްސަލަ ބަލާފައި، ސިޓީ ކައުންސިލުން މަޝްވަރާކޮށްފައި ޑަބްލިއު ކޮންސްޓްރަކްޝަން ފަސްލައްކަ ރުފިޔާއިން ޖޫރިމަނާ ކުރީ. އެއީ ގަވައިދުން އަޅުގަނޑުމެންނަށް އެޅެން އޮންނަ އެންމެ ހަރުކަށި ފިޔަވަޅު،" ސަމާއު ވިދާޅުވި އެވެ.
އޭނާ ވިދާޅުވީ ސިޓީ ކައުންސިލުން ފިޔަވަޅު އެޅިޔަސް ޖިއާންމެ މަރުގެ މައްސަލަ ބެލުން ނިމުނީ ނޫން ކަމަށާއި އެކަމާ ގުޅިގެން ކުރަން ޖެހޭ ޖިނާއީ ދައުވާ ކުރުމުގެ ކަންތައް ފުލުހުން ކުރިއަށް ގެންދާނެ ކަމަށެވެ.
ރާއްޖޭގައި މަސައްކަތްކުރަމުން އަންނަ ބަންގްލަދޭޝްގެ ޑޮކްޓަރެއްގެ ތިބި ދެ ކުދިންގެ ތެރެއިން ދޮށީ ކުއްޖާ، ޖިއާން، ޑިސެމްބަރު 16 ގައި މަރުވީ ނަލަހިޔާ މަންޒިލްގެ ފަސް ވަނަ ބުރިން ވެއްޓުނު ސިމެންތި ބަސްތާ އިން ޖެހި ލިބުނު ޒަހަމްތަކަށް އައިޖީއެމްއެޗުގެ އައިސީޔޫގައި ފަރުވާދެމުން ދަނިކޮށެވެ.
ޖިއާން މަރުވި ހާދިސާ ތަހުގީގުކޮށް އިންސާފު ހޯދައިދޭން އޭނާގެ މަންމަ އަންނަނީ ސަރުކާރަށް އިލްތިމާސް ކުރަމުންނެވެ. ފ. ނިލަންދޫގައި ޑޮކްޓަރެއްގެ ގޮތުގައި މަސައްކަތް ކުރައްވާ ފަރުޒާނާ ހުސައިން އެ ހާދިސާގެ ފަހުން ރާއްޖެ އަށް އެނބުރި ވަޑައިގެން ވިދާޅުވީ ދަރިފުޅުގެ މަރަށް އިންސާފު ލިބެންދެން ރާއްޖޭގައި މަޑުކުރައްވާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢާން
20 February 2019
ތިލާރި އެކީ އެކަށް އެ ފެމިލީ އާ ހަވާލް ކުރަން ވާނެ. ޢެއްވެސް ލަދެއް ކުލުނެއް އިންސާނިއްޔަތެއް ހުރި ނަމަ މިޖޫރުމަނާ ކޯޓަަކަށް އިސްތިއުނާފު ނުކުރާނެ.
ޖަމަލު
20 February 2019
މަރުގެ ދިޔައިގެ އަގަކީ މިގައުމުގައި ފުރާނަޔަކަށް 500،000ރ. ޑިމަކުރަސީ ފައްކާވެ ހައްގުތަށް ކަށަވަރު ވެއްޖެ ކަން ޔަގީން.
ރާބަޑޭ
20 February 2019
މީހެއްގެ މަރުގެ ދިޔައަކީ ފަސްލައްކަ ރުފިޔާތަ؟ ތިބުނާ ގަވައިދެއް އިސްލާހުކުރޭ. އަދި މިހާރުން މިހާރަށް ތިމައްސަލަ ތަހުގީގުކޮށް ޖިނާއީ ދައުވާ އުފުލާ. މީ ފަސް ލައްކަ ރުފިޔާއަކުން ނިންމޭވަރުގެ ކަންކަމެއްނޫން. ބޮޑު ބިޔަ ކުންފުންޏަކަށް ފަސްލައްކަ ރުފިޔާއަކީ ކޯންޗެއް
ނަންބަރު
20 February 2019
މަދުވެގެން 2.5 މިލިއަން ދިވެހި ރުފިޔާއިން ޖޫރިމަނާ ކުރެވެން ޖެހޭނެ.
ހުނިގުރާބު(ރީކޯ)
20 February 2019
ބަލަ ހުވަނދަކަށް ވެސް ނުވިއެއްނު !!!
މަރީނާޒް
20 February 2019
ފައިސާ އެކުއްޖާގެ އާއިލާއާ ހަވާލު ކުރީތަ؟
ޝެލަރީ
20 February 2019
އަންނަނީ ހިނި ކީކޭބުނާނީ އެއްކަލަ ޓެކްސީ ދުއްވާނިކަމެތި ފަގީރު މީހާގެ މައްސަލަ މެކުހައް ޖަހައި ޑުރައިވިން ލައިސަންސަ ބާތިލްކޮށް ނުވިޔާކަށް ޖިނާއީ ޝަރީއަތެއް ކުރަނީ ޑަބްލިއު ވީމަ ލައިސަންސް އޯކޭ ދެއްތޯ؟ ކޮބާތޯ ތިވިދާޅުވާ އިންސާފް ކުއްވާނީ ކުށައް ދެއްތޯ؟
ކެންޑްރިކް
20 February 2019
އާން. އެވެސް ފުރާނަ، މިވެސް ފުރާނަ. ޖިއާން ނިޔާވީ. ކާރު އެކްސިޑެންޓުގެ ވިކްޓިމް އަދި ދުނިޔޭގަ އެބަހުރި. މިވަރަށް ނޫންތޯ އިންސާފުވެރި ވާނީ؟؟ އެކްސިޑެންޓު ވީ އަންހެން މީހާއައް އަވަސް ޝިފާއަކައް އެދެން.
ޣަފޫރު
20 February 2019
އެކުންފުންޏަށް ތިވާނީ ހުވަދޫ ކަނޑަށް ގާކޮޅެއް ވައްޓާލުން ފަދަ ކަމަކަށް. ރައްޔިތުންނަށް އެނގޭ އަދަބެއް ދިން ކަން ހާމަކުރުމަށް ކުރި ކަމެއްކަން.
ޙުސް
20 February 2019
ޙާދަކުޑަ އަދަގެކޭތީ، އިހުމާލުން ކުއްޖާމަރުވީ މީގަ ކުރަންޖެހޭނީ މީހަކު މެރިކަމުގެ ޖިނާއިީ ދައުވާ.
މަންޑޭލާގެ އަމާ
20 February 2019
ގާތްގަބޑަކަށް 3 މިލިއަން ބަނގުލާދޭޝް ޓާކާ ދަރިފުޅުގެ މަރާއީގުޅުވައިގެން މިއޮތީ ލިބިފައި، މިފައިސާ ބޭނުންހިފައި ދަރިފުޅުގެ މައްސަލަ ދޫކޮށްލާނިތޯ ނުވަތަ އިތުރަށް ކުރިޔަށް ގެންދާނިތޯ.؟؟
ސިފަ
20 February 2019
ތީ ދައުލަތައް ދައްކާ 5ލައްކަ ރުފިޔާ.. އަދި ކުއްޖާގެ އާއިލާއަށް ނުލިބޭނެ 1ލާރިވެސް.. އެކަން ކުރާނީ ކޯރޓުން!
މުގާބޭ
21 February 2019
އެލާރިއަކީ ނިޔާވި ކުއްޖާގެ އާއިލާއަށް ލިބޭނެ އެއްޗެއްނޫން، އެއީ ޑަބްލިއު ކޮންސްޓްރަކްޝަނުން ދިވެހި ދައުލަތައް ދައްކަން ޖެހޭ އެއްޗެއް