ބެންކޮކް އެއާވޭސްގެ ފްލައިޓް ތެރޭގައި މިއަދު ބަޔަކު މަޑުކޮށްލައިގެން. ބެންކޮކަށް ދެވޭނެ އިރެއް ނޭނގޭތީ ދިވެހިން ތިބީ ކަންބޮޑުވެފައި.
22 ފެބުރުއަރީ 2019 - 18:55
15 comments
ބެންކޮކް އެއާވޭސްގެ މަތިންދާބޯޓެއްގައި މާލެ އިން ފުރައިގެން ތައިލެންޑަށް ދަތުރުކުރި ވިއްސަކަށް ދިވެހިން، އެ ބޯޓަށް ޖެހުނު މައްސަލައަކާ ހެދި، އެ ގައުމަށް ނުދެވި ސްރީ ލަންކާ އެއާޕޯޓުގައި މިއަދު ތާށިވެއްޖެ އެވެ.
"މިހާރު" އާ ވާހަކަ ދެއްކި ދިވެހި ދަތުރުވެރިއަކު ބުނީ މިއަދު މެންދުރު 12:45 ގައި ބެންކޮކް އެއާވޭސްގެ ފްލައިޓް ޕީޖީ 712 މާލެ އިން ފުރައިގެން ބެންކޮކަށް ދަތުރު ކުރަމުން ދަނިކޮށް، ޓެކްނިކަލް މައްސަލައެއް ދިމާވި ކަމަށް ބުނެ، މަތިންދާބޯޓު ލަންކާ އެއާޕޯޓުގައި ޖެއްސިތާ ފަސް ގަޑިއިރު ވެފައިވާ ކަމަށެވެ.
"އަޅުގަނޑުމެން ޑިމާންޑް ކުރިން ބޯޓަށް ވެގެން އުޅޭ ގޮތެއް އޮޅުން ފިލުވައި ދޭން. އެކަމާ ގުޅިގެން އެއާލައިނުން އެއްވެސް ވާހަކައެއް ދައްކަން ވަނީ ދެކޮޅު ހަދާފައި،" ބޯޓުގައި އިން ދަތުރުވެރިޔާ ބުންޏެވެ.
އޭނާ ބުނީ ބޯޓުގައި ތިބޭތާ މިހާރު ފަސް ގަޑިއިރު ވެފައިވާ އިރު، ބޯޓުން ނުކުތުމުގެ ހުއްދަ އެއާލައިނުން މިހާތަނަށް ދީފައި ނުވާ ކަމަށެވެ. ދިވެހިންގެ ތެރޭގައި ގިނަ އަދަދެއްގެ އަންހެނުންނާއި ކުޑަކުދިން ހިމެނޭއިރު، އެއާލައިނުން އެއްވެސް ކާ އެއްޗެއް ނުދޭ ކަމަށް އޭނާ ބުންޏެެވެ.
"ބޯޓުގައި އެބަތިބި މާބަނޑު އަންހެނުން ވެސް. އެމީހުންނަށް ކެވޭނެ ގޮތެއް ނެތް،" ދަތުރުވެރިޔާ ބުންޏެވެ.
"އެއާލައިނުން މިހާރު އަންގަނީ ލަންކާގައި މިރޭ އެއްކޮށް މަޑުކުރަން ޖެހޭނެ ކަމަށް."
ވައިގެ ދަތުރުފަތުރާ ބެހޭ ބައިނަލްއަގުވާމީ މިންގަނޑުން ބަލާ ނަމަ ތިން ގަޑިއިރަށް ވުރެ ގިނަ އިރު ބޯޓު ތެރޭގައި ދަތުރުވެރިންނެއް ނުބޭތިއްބޭނެ އެވެ. އަދި ބޯޓުގައި ދެ ގަޑިއިރު ވެއްޖެ ނަމަ ކާން ދޭން ޖެހެ އެވެ.
ބެންކޮކް އެއާވޭސްގެ މަތިންދާބޯޓަށް މިހާރު ދިމާވެފައިވާ ހާލަތުގައި އިތުރު މަތިންދާބޯޓެއް ހަމަޖެހެންދެން ހުރިހާ ދަތުރުވެރިންގެ އެކޮމަޑޭޝަނާއި ކެއުން ދޭން ޖެހޭނީ އެ އެއާލައިނުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުރަނގަ
23 February 2019
"އަޅުގަނޑުމެން ޑިމާންޑް ކުރިން ބޯޓަށް ވެގެން އުޅޭ ގޮތެއް އޮޅުން ފިލުވައި ދޭން". ކަލޭ ތީ ކާކު ތި ޑިމާންޑުކުރަން!؟ ވެގެން އުޅޭގޮތެއް ގޮތެއް ކިޔާ ދިނިއްޔާ އިނގޭނެތަ އަޅެ؟
ގައްލޭ
23 February 2019
ބަލަ މައްސަލައެއް އުޅެންޔާ ކިޔައިދޭން ޖެހޭނެ ދޯ؟ ޑަކުޓަރަށް ދިޔައިމަވެސް ކިޔައިދޭނުން؟ ކިޔައިނުދީ ބޭސް ދިނީމަތަ ކަލެއަށް ރަގަޅީ؟
ޖަމަލު
22 February 2019
ބެންކޮކް އެއަރވޭޒް މިހާރަކަށް އައިސް ބޯޓުގަ ވރަށް މައްސަލަ އުޅޭ
ވިލްސް
22 February 2019
ކޮންމެ ކަމެއް ސިޔާސީ ނުކޮަށްބަލަ. އެމީހުން އެއާޕޯޓުގައި ތާަށިވީ ސަރުކާރުގެ ވެސް އަދި ކުރިން ވެރިކަން ކުރި މީހެއްގެ ސަބަބަކުން ނޫނޭ. މި ދުނިޔޭގައި ދަތިކަމާއި އުފާވެރިކަންވެސް ވޭ. ދުނިޔޭގައި އުޅޭއިރު ކަންތަކާ ދިމާވާނެ. މީހަކަށް ދެރަ ގޮތެއް ވެއްޖިއްޔާ އެ މީހަކަށް ހެޔޮދުއާ ކޮށްދޭންވީ. ހަމަ ކަމެއް ވާއިރަށް ކޮންމެވެސް މީހެއްގެ ބޮލަށް ކަނޑާލުން އެއީތަ ރަނގަޅު ގޮތަކީ؟
ލީމް
23 February 2019
ވިލްސް ތީ ވަރަށް ބަރާބަރު މީހެއް. ވަރަށް ވިސްނޭ މީހެއް. ލަވް ޔޯރ ވޯރޑްސް. ވިލްސް ކަހަލަ މީހަކު ލިބޭނެނަމަ. ލަވްޔޫ...
ދަތްނެތްކުއްޖާ
22 February 2019
ދަތުރު ކުރަންޏާ މި ހުރިހާ ކަންކަމާއި ކުރިމަތި ލާންޖެހޭނެ. އަޑުގަދަކޮއް ތިމާމެން ވަރުގެ ބައެއް ނެތް ކަމަށް ދެއްކުމަށްޓަކައި ބޯޓުގެ ކުރޫން އާއި ކައްޕި އާއި ދިމާލަށް ބެވިއަކަސް ވާނެކަމެއް ނޯންނާނެ. ކަލޭމެން ޝުކުރު ކުރަންޖެހޭނެ ސަލާމަތުން ލަންކާ އެއަރޕޯރޓަށް ތި ފުލައިޓު ޖެއްސުނު ކަމަށްޓަކައި.
ލޫކޮސްޖަލީލޭމިއީ
22 February 2019
ޔާމީނުގެ ވެރިކަންނަމަ މިހާރު އޭ380 ބޯޓެއް ޗާޓަރުކޮށްގެން ތާށިވެފަ ތިބި ދިވެހިން ބެންކޮކަށް ގެންދާނެ
ޙެކޮސް
23 February 2019
ނަމަ
ދަންމާނު
22 February 2019
ނަންވާނީ މޯލްޑިވިއަން..
ކޮޅުނބު
22 February 2019
ތީބަޖެޓް އެއާލައިނެއް ޢެކަމަޑޭސަން އަދި ކާންވެސް ބުލިބޭނެ
އަލީ ތޮއްޑޫ
22 February 2019
ތިތާވެސް ހަޅުތާލު ކުރޭ އަވަހަށް
ޢިސްކުރުބެ
22 February 2019
ކާންނުދީ ބޯންނުދީ ބެހެއްޓީމާވެސް ތިހަދަނީ ރަނގަ ޅަށް ކަމަށްބުނެ ފިރުމާލަ ފިރުމާލާ ތިބެންތަވީ އާ އިބޫ ސަރުކާރުގަ ކަންކުރަންވާނީ ތިހެން ހަހަހަ ތިބޭނެ ދޯ ތިހީކުރާ ގޮތަށް.
ތިމާވެށި
22 February 2019
ސަރުކާރު ހަމަ ހިމޭނުންނެވެ. ފޮރިން މިނިސްޓްރީގެ ބަހެއް އަޑެއް ނީވެއެވެ. އާއްމު ރައްޔިތުން ނަށް ވާނުވާ މީޑިޔާ މެދުވެރިކޮށް އޮޅުން ފިލުވާދިނުން ރަނގަޅުވާނެއެވެ. ނޫނީ އާއިލާތަކުން ކަން ބޮޑުވާނެއެވެ.
ސަކީނާ
23 February 2019
ސަރުކާރު ކައިރިން އަހީމަ ދޯ އެނގެނީ ކަމެއް ކުރަންޏާވެސް
މާލޭމީހާ
23 February 2019
ދުނިޔޭގަ އަހަރަކު 30 މިލިޔަނަށް ވުރެ ގިނަ ފްލައިޓު އެބަ އުދުހޭ. އެހެންވީމާ ދުނިޔޭގަ ކިތައް ފްލައިޓުގަ ޓެކްނިކަލް މައްސަލަ ޖެހިގެން ޑިލޭވާނެ ކޮންމެ ދުވަހަކަ؟ ދުނިޔޭގެ އެހެން އެއްވެސް ގައުމެއްގަ ނޫހަކަށް ނާރާ އެގައުމުގެ ރައްޔިތަކު އިންނަ ފްލައިޓެއް ޑިލޭވާ ކޮންމެ ފަހަރަކު. އާންމުކޮށް ނޫހަށް އަރާނީ އާދަޔާ ހިލާފު ހާދިސާ އެއް ހިނގާފިއްޔާ. ދިވެހިންގެ ފައިން ދޮންވެލި އަދިވެސް ނުހިކޭތީ ހުރިހާވެސް މައްސަލައަކީ!