ޚަބަރު / އިމާރާތްކުރުމުގެ ރައްކާތެރިކަން

ޖިއާންގެ މަރާ ގުޅިގެން ދެ ދިވެއްސަކާއި ހަތަރު ބިދޭސީއަކަށް ދައުވާކޮށްފި

ސިމެންތި ބަސްތާ ވެއްޓުނު އިމާރާތް.--

27 ފެބުރުއަރީ 2019 - 16:51

ޑަބްލިއު ކޮންސްޓްރަކްޝަނުން އިމާރާތްކުރަމުން ދިޔަ ތަނަކުން ސިމެންތި ބަސްތާއެއް ވެއްޓި، ބަންގްލާދޭޝްގެ ކުޑަކުއްޖެއް ކަމަށްވާ ރަވްޝާން ޖިއާން މަރުވި މައްސަލާގައި އެ ކުންފުނީގެ މެނޭޖިން ޑިރެކްޓަރާއި ސުޕަވައިޒަރެއްގެ އިތުރުން އިންޑިއާގެ ހަތަރު މީހެއްގެ މައްޗަށް ޕްރޮސިކިއުޓާ ޖެނެރަލްގެ އޮފީހުން ދައުވާކޮށްފި އެވެ.

ދައުވާ އުފުލި ދެ ދިވެހިންނަކީ ކުންފުނީގެ މެނޭޖިން ޑިރެކްޓަރު އާދަމް ޝަފީގާއި ސީނިއާ ސައިޓް ސުޕަވައިޒަރު މޫސާ ހަސަނެވެ. އެ ދެ މީހުންގެ މައްޗަށް އުފުލާފައިވަނީ މީހަކު މަރުވުމުގައި އިހުމާލުގެ އަމަލެއް ކުރުމުގެ ކުށުގެ ދައުވާ އެވެ. ގާނޫނުލް އުގޫބާތުގައި މި އަދަބުގެ އަސާސީ މިންގަނޑަކީ އެއް އަހަރާއި ހަތް މަހާއި ހަ ދުވަހަށް ޖަލަށް ލުމެވެ.

މި ދެ މީހުންގެ މައްޗަށް މި ދައުވާކޮށްފައި ސަވާޖީއެއް ބޭނުންކޮށްގެން ސިމެންތި ބަސްތާތައް މައްޗަށް ނެގުމުގެ މަސައްކަތްކުރި އިރު އަޅަންޖެހޭ ފިޔަވަޅުތަކަށް އިހުމާލު ވެފައި ވާތީ އެވެ.

ޕީޖީ އޮފީހުން ނެރުނު ބަޔާނުގައިވާ ގޮތުން ސިމެންތި ބަސްތާ ވެއްޓުނީ މ. ނަލަހިޔާ މަންޒިލްގެ ނުވަ ވަނަ ބުރިއަށް ސިމެންތި ބަސްތާތައް އެރުވި އިރު، ވިންޗު ލައިނަށް މާބޮޑަށް ދޫވެގެންނެވެ.

ސިމެންތި ބަސްތާ ވެއްޓުނު ވަގުތު ސިމެންތިތައް ބުރައިގެންދާ މަންޒަރު ފެންނަ ސީސީޓީވީ ފުޓޭޖެއްގެ މަންޒަރެއް

ދައުވާ ލިބޭ ބިދޭސީންގެ ތެރެއިން އެކަކަށް، މީހަކު މަރުވުމުގައި ފަރުވާ ކުޑަކުރުމުގެ އަމަލެއް ހިންގުމުގެ ކުށުގެ ދައުވާ ވެސް ކޮށްފައިވެ އެވެ. އެއީ އަދަބުގެ އަސާސީ މިންގަނޑަކީ ހަ އަހަރަށް ޖަލަށް ލުމެވެ. އެއީ ސިމެންތި ބަސްތާ ނަގަން ބޭނުންކުރި ވިންޗު އޮޕަރޭޓްކުރަން ހުރި މީހާގެ މައްޗަށް ކުރި ދައުވާ އެވެ. ޕީޖީން ބުނީ މި ދައުވާ ކުރަނީ އޭނާ އަކީ ވިންޗު އޮޕަރޭޓްކުރަން ހަވާލުކޮށްފައިވާ މީހާ ނޫންކަން އެނގި ހުރެ އެ މަސައްކަތް ކޮށްފައި ވާތީ ކަމަށެވެ. އަދި ބައެއް މީހުންގެ މައްޗަށް، މީހަކު މަރުވެދިއުމުގައި ފަރުވާ ކުޑަ އަމަލެއް ހިންގުމުގައި ބައިވެރިވި ކަމުގެ ދައުވާ ވެސް ވަނީ ކޮށްފަ އެވެ. އެއީ ތިން އަހަރާއި ދެ މަހާއި 12 ދުވަހަށް ޖަލަށް ލުމުގެ އަދަބު އޮތް ކުށެކެވެ.

ރާއްޖޭގައި މަސައްކަތްކުރަމުން އަންނަ ބަންގްލަދޭޝްގެ ދެ ޑޮކްޓަރެއްގެ ތިބި ދެ ކުދިންގެ ތެރެއިން ދޮށީ ކުއްޖާ، ޖިއާން، މިދިޔަ އަހަރުގެ ޑިސެމްބަރު 16 ގައި މަރުވީ ނަލަހިޔާ މަންޒިލްގެ ފަސް ވަނަ ބުރިން ވެއްޓުނު ސިމެންތި ބަސްތާ އިން ޖެހި ލިބުނު ޒަހަމްތަކަށް، އައިޖީއެމްއެޗުގެ އައިސީޔޫގައި ފަރުވާދެމުން ދަނިކޮށެވެ.

މަރު އެކްސިޑެންޓް ޕީޖީ އޮފީސް އިމާރާތްކުރުމުގެ ރައްކާތެރިކަން ކޮންސްޓަރަކްޝަން ކުންފުނިތައް ސަލާމަތީ ފިޔަވަޅުތައް މާލެ ބަންގްލަދޭޝް

24 ކޮމެންޓް, 71 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލީ ޝަރީފް

28 February 2019

މިކަމުގައި ރާއްޖޭގެ އިކޮނޮމިކް މިނިސްޓްރީ އަދި ލޭބަރ މިނިސްޓްރީ، އިމިގްރޭޝަންގެ ، ރާއްޖޭގެ ހިއުމަން ރިސޯސް ރަންގަޅުކުރުމަށް ޕޮލިސީ ލެވެލްގައި ރަގަޅު އެގްޒިކުޔުޝަން ޕްލޭންއެއް ހަދަން ޖެހޭ، ރާއްޖެއައްނަ މަސައަކަތު ބިދޭސީންގެ ކޮފިކޭޝަން އަދި އެކްސްޕީރިއެންސްއަށް ބަަލަންޖެހޭ. ދިވެހިން މަސައްކަތައް ތަމްރީންކޮރަން ޖެހޭ، ޓެކްސްގެ ފައިސާ ޙަރަދުކުރަން ޖެހޭނީ އިގްތިސޯދައް މަންފާކުރާގޮތައް..ކުރުކޮށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރު

28 February 2019

މުޅިކުންފުނި މިކަމުގައި ޒިއްމާނަގަންޖެހޭނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރު

28 February 2019

ވަކިވަކި ފަރުދުންނަށް ދައުވާކުރުމަކީ ބަލައިގަނެވޭނެ ކަމެއްނޫން. ހައްގުވެރިން ކޮބާ؟؟؟؟؟؟ މިކަމުގެ އސްލު ކުއްވެރިންނަކީ އިމާރާތްކުރާ ފަރާތް. މީ ދުނިޔޭގެ އެއްވެސް ގައުމަކު ދައުވާކުރާ އުސޫލެއްނޫން އިނގޭތޯ!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޒީ

28 February 2019

ދެެން ކުންފުނި އޮތް ގޮތަށްތަ ޖަލަށް ލަނީ؟ ކަލެއަކަށް ނޭނގެ ދޯ ކުންފުނި ޖޫރިމަނާ ކޮށްފަ އޮތް ކަމެއް! ވާނުވާ ނޭނގުނަސް އަނގަ ބާނާތި ދުނިޔޭގެ އެއްވެސް ގައުމެކޭ ފާފަޅޮލޭ ކިޔާފަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިލެންޑަރ

28 February 2019

އޭއި މިހިރަ މަރޭމިތުރާ، މި ރަނގަޅައް ކިޔާބަލަ، ކިޔަން ނޭނގެންޏާ އެނގޭމީހެއް ކައިރިން ވާނުވާ އޮޅުން ފިލުވޢަިގެން ކޮމެންޓް ކޮއްބަލަ! މަމޮޅޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްޕެބާއި

28 February 2019

ބްރަދާ.. ނެގްލިޖެންސް ގެ ބައިވަރު ވައްތަރުތައް ހުރޭ. އަދި، ވެރިމީހާ، މުޅި ރަށް އަންދާލާށާ ބުނީމާ އަންދާލާކަށް ނުޖެހޭ. އަދި، ވެރިމީހާ ވަކިކަމެއް ކުރާށޭ ބުނީމާ، ފަރުވާކުޑަކޮށް މަސައްކަތު މީހާ ގެ ކުށުގެ ޒިންމާ ނަގަންވީ ހަމަ އެމް.ޑީ.؟؟؟؟ އެހެންވެއްޖެއްޔާ ވިހެއި މީހާ ނޫންތޯ ކުށެވެރިވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތީއްބެ

28 February 2019

ކޮބާ ރައްކާތެރި ކަމުގެ ފިޔަވަޅު ނައަޅާ އޮތުމުން ކޮންޓްރެކްޓަރުގެ މައްޗަށް ކުރި ދަޢުވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޒީ

28 February 2019

5 ލައްކަ ރުފިޔާ އިން ޖޫރިމަނާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

28 February 2019

ރާއްޖޭގައި ދިރިއުޅޭ ބިދޭސީން ބައެއް ޚިދުމަތްތައް ލިބުމުގައި އިތުރަށް ފައިސަ ދައްކަންޖެހޭ، އެހެންވީމަ ދިވެހި ކުންފުންޏެއްގެ އިހުމާލުން މީހަކު މަރުވުމުން އެ ކުންފުންޏުން ނޫނީ ދިވެހިންނަށް ދެވޭ އަދަބުވެސް އަސާސީ މިންގަޑަށްވުރެ އިތުރުވާން ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޅޯ

28 February 2019

މިދެންކޯޗެއް. ނަމަކަށް އަދަބު.ކުންފުންނި އަދިވެސް ހަމަ ބޮޑެތި ޕްރޮޖެކްޓް ތައް ކުރިއަށް ގެންދަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެއްސެއް..

27 February 2019

ކުންފުނީގައި އިސްކޮށްތިބި ދިވެހިންނަށް ކުޑަ މުއްދަތަކަށް ބަންދުވާނެ ދައުވާއެއްކޮށް، ބިދޭސީ މަސައްކަތްތެރީންނަށް ދިގުމުއްދަތަކަށް ބަންދުވާނެ ދައުވާއެއް ކުރާކަމަށް ފާހަގަވޭ.