މާލެ އާއި ހުޅުމާލެއާ ދޭތެރޭ ދަތުރުކުރާ ފެރީއެއް: ހެލްމެޓް އަޅަން މަޖުބޫރު ކުރުމާއެކު ގިނަ ބަޔަކު އަންނަނީ ފެރީގައި ދަތުރުކުރަމުން-- ފޮޓޯ: މިހާރު
17 މާޗް 2019 - 11:49
56 comments
ސިނަމާލެ ބްރިޖުގައި ސައިކަލްގައި ދަތުރުކުރާ ކޮންމެ މީހަކު ހެލްމެޓް އަޅަން މަޖުބޫރުކުރި ހިސާބުން، ހުޅުމާލެ އާއި މާލެއާ ދެމެދު ދަތުރުކުރާ އެމްޓީސީސީގެ ފެރީތަކަށް ބާރުބޮޑުވާން ފަށައިފި ކަމަށް އެ ކުންފުނިން މިއަދު ބުނެފި އެވެ.
މިދިޔަ އާދިއްތަ ދުވަހުން ފެށިގެން ހެލްމެޓް އެޅުން މަޖުބޫރުކުރުމާ އެކު ބްރިޖުގައި ދުއްވާ ސައިކަލްގެ އަދަދު ވެސް ވަނީ މަދުވެފަ އެވެ. ހުޅުމާލޭގައި އުޅޭ ބައެއް މީހުން ބުނާ ގޮތުގައި ހުޅުމާލޭގެ ޓްރެފިކް ވެސް ކުރިއަށް ވުރެ މިހާރު ކުޑަ އެވެ.
ހެލްމެޓް އަޅައިގެން ތިބި ބަޔަކު ސިނަމާލޭ ބްރިޖުގައި ދުއްވާފައި ދަނީ ފޮޓޯ: މިހާރު
އެމްޓީސީސީގެ ޓްރާންސްޕޯޓް ޑިޕާޓްމެންޓްގެ އެސިސްޓަންޓް ޖެނެރަލް މެނޭޖަރު މުހައްމަދު ނާޒިމް "މިހާރު" އަށް ވިދާޅުވީ މިދިޔަ އާދިއްތަ ދުވަހުން ފެށިގެން ކުރިއާ އަޅާބަލާއިރު ފެރީ ބޭނުންކުރާ މީހުންގެ އަދަދު 20 ޕަސެންޓް އިތުރުވެފައިވާ ކަމަށެވެ.
"ކުރިން ފެރީއެއްގައި 50 މީހުން ދަތުރު ކުރާއިރު މިހާރު އެ އަދަދު ވަނީ 70 މީހުންނަށް. 80 މީހުންނަށް އިތުރުވެފައި،" ނާޒިމް ވިދާޅުވި އެވެ.
ފެރީގައި ދަތުރުކުރާ މީހުންގެ އަދަދު އިތުރުވި ނަމަވެސް ފެރީގެ ޝެޑިއުލަށް ބަދަލު ގެންނަން އަދި އެ ކުންފުނިން ވިސްނާފައެއް ނެތެވެ. ސަބަބަކީ ޓާމިނަލް ތޮއްޖެހޭ ވަރަށް ޑިމާންޑް އިތުރުވެފައި ނުވާތީ އެވެ.
ހެލްމެޓް އެޅުން މަޖުބޫރުކުރުމާ އެކު ހެލްމެޓުގެ ވިޔަފާރީގެ ޑިމާންޑް ވެސް ވަނީ ބޮޑުވެފަ އެވެ. މާލޭގެ ބައެއް ފިހާރަތަކާއި އޮންލައިންކޮށް މިދުވަސްކޮޅު އެންމެ ގިނައިން ވިކޭ އެކައްޗަކީ ހެލްމެޓެވެ. އޭގެ އަގުތައް އުޅެނީ 300ރ. އާއި 1،000ރ. އާ ދެމެދުގަ އެވެ.
Helmet eh hoadhaifintha? Ehen noonee bridge mathin dhen nudhuvveyne!
The most trusted news source in the Maldives
Mihaaru
ބްރިޖުގައި ދަތުރުކުރާއިރު ހެލްމެޓް އަޅަން މަބުޖޫރު ކުރުން--
ހެލްމެޓް ނާޅައި ބްރިޖުގައި ސައިކަލުގައި ދަތުރުކޮށްފި ނަމަ އަންނަ މަހުން ފެށިގެން ފިޔަވަޅު އަޅަން ޓްރާންސްޕޯޓް މިނިސްޓްރީން ވަނީ ނިންމާފަ އެވެ. ހެލްމެޓް އެޅުން މަޖުބޫރުކުރީ ބްރިޖުގައި ނުރައްކާތެރި އެކްސިޑެންޓްތައް ހިނގައި، އެތައް ބަޔަކަށް ބޮޑެތި އަނިޔާވަމުން ދާތީ އެވެ. ހެލްމެޓް އަޅަން މަޖުބޫރި ކުރި ފަހުން މިހާތަނަށް ބްރިޖުގައި ނުރައްކާތެރި އެކްސިޑެންޓެއް ހިނގާފައެއްނުވެ އެވެ.
ހެލްމެޓްގެ އުސޫލާ ހިލާފަށް ދުއްވާ ފަރާތްތައް ފުރަތަމަ ފަހަރަށް 500 ރުފިޔާއިން ޖޫރިމަނާ ކުރާއިރު ދެވަނަ ފަހަރު 750 ރުފިޔާއިން ޖޫރިމަނާ ކުރެވެ އެވެ. އޭގެ ފަހުން ގަވައިދާ ހިލާފުވާ ކޮންމެ ފަހަރަކު ޖޫރިމަނާ 1،000 ރުފިޔާއަށް އަރަ އެވެ.
ހެލްމެޓް އަޅައިގެން ތިބި ބަޔަކު ސިނަމާލޭ ބްރިޖުގައި: ހެލްމެޓް އަޅަން މަޖުބޫރުކުރުމުން ފެރީގައި ދަތުރުކުރާ މީހުން ވަނީ ގިނަވެފައި -- ފޮޓޯ: މިހާރު
ސިނަމާލެ ބްރިޖު ހުޅުވުމާ އެކު އެމްޓީސީސީ ފެރީތަކުގައި ދަތުރުކުރާ މީހުންގެ އަދަދު މަދުވެ ޝެޑިއުލަށް ވަނީ ބަދަލު ގެނެސްފަ އެވެ. ކުރިން އާއްމުކޮށް ކޮންމެ 10 މިނެޓަކުން މާލެ އާއި ހުޅުމާލެއާ ދެމެދު ފެރީ ދަތުރުކުރާއިރު މިހާރު އޮންނަނީ ކޮންމެ 20 މިނެޓަކުން ކުރާ ގޮތަށް ބަދަލުކޮށްފަ އެވެ. އަދި މިހާރު ބޭނުން ކުރަނީ އޭސީ ފެރީ އެކަންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔަމްޔަމް
18 March 2019
ހެލްމެޓް އެޅީމާ ހާދަ ބޮލުގަރިއްސައޭ ދޯ
ސާދާސީދާ
18 March 2019
މުހައްމަދު ނާޒިމް "މިހާރު" އަށް ވިދާޅުވީ މިދިޔަ އާދިއްތަ ދުވަހުން ފެށިގެން ކުރިއާ އަޅާބަލާއިރު ފެރީ ބޭނުންކުރާ މީހުންގެ އަދަދު 20 ޕަސެންޓް އިތުރުވެފައިވާ ކަމަށެވެ. "ކުރިން ފެރީއެއްގައި 50 މީހުން ދަތުރު ކުރާއިރު މިހާރު އެ އަދަދު ވަނީ 70 މީހުންނަށް. 80 މީހުންނަށް އިތުރުވެފައި،" ނާޒިމް ވިދާޅުވި އެވެ. ނާޒިމްއަށް ކިޔަވައިދިން މީހެއްގެ ހައިސިއްޔަތުން ލަދުގަނޭ! 50 އިން 70 އަށް އެއީ %40 ގެ އިތުރުވުމެއް. 50 އިން 80 އަށް އެއީ %60 ކުރިއެރުމެއް!
އިހްސާސް
18 March 2019
ފީއެއް ނަގާގޮތަށް ނަމަވެސް ހެލްމެޓުތައް ބެހެއްޓޭނެ ގޮތެއް ހަދާބަލަ. އަދި ބުރިޖުމަތިންދާ އެމްބިއުލޭންސް ފަޔަވައި އެހެން އުޅަނދުން ފީނަގާ. ހެލްމެޓު ކިހިލި ޖަހައިގެން އުޅެން އުނދަގޫ. މަޑިދަށަށްވެސް ލެވޭވަރުގެ ހެލްމެޓު ވިއްކާ ތަނެއް ނިކަން އެނގޭ ކުއްޖަކު ޙިއްސާކޮށްލަބަލަ.
ހެލްމެޓް
18 March 2019
ކޮއްކޯ، ހެލްމެޓަކީ ކިހިލީގަ ޖަހަން ޖެހޭ އެއްޗެއް ނޫން. އެއީ ބޮލުގަ އަޅާ އެއްޗެއް.
އާދަނު123
17 March 2019
ލިންކް ރޯޑާ ބްރިޖް އަރަން ފީއެއް ނަގަވީ އޭރުން މި އުޅޭ ތަނެއްދޮރެއް ނުބަލާ ދާބައިގަނޑު މަދުވާނެ.
ޑުވަސަވި
17 March 2019
ޒުވާނުން ދެކެ ގައްނާކުރއްވާ ބިރުން ހުރިހާ މުސީބާތެއް ރައްޔިތުންއައް. އޭގެން މީހަކު ކިތައްމެ ބާރައް ދުއްވިއަސް ސުވާލު ކުރެވޭ ހިސާބަކު ނޫން ތިބެނީ ، ލައިސަންސް ހިފަހައްޓަން ކެރެނީ އެއް ނޫން. ތިން ފަށާ ތަރި އެރި ޕޮލިހުން އަވީގަ ބައިތިއްބާގެން މަގު ހުރަސް ކުރެވެނީ ، ޒުވާނުން ބޭނުން ތާކު ޕާކުކުރަނީ، ދުއްވާނެ ގޮތަކަށް ދުއްވަނީ ، މިޔޮއް ހޫނުގަ އަންހެނުން ބުރުގާ މަތިން ބޮޑު ހެލްމެޓެށް އަޅަގެން އަހަރުމެން އުޅެން މިޖެހެނީ، ގާނޫން ތަންފީޒު ކުރާކައް ނޫޅޭ.
އައިސާދީ
17 March 2019
އެއްވެސް ކަމަކީ ދިވެހިންނަށް މީގެކުރިން މަޖުބޫރުކުރުވާފަ އޮތް ކަންކަމެއްނޫން، މީ އެންމެންގެ ރައްކަލަކަށް ވުރެ ސިޔާސީ ވަކި މަގުސަދެއްގަ ކުރި މަޖުބޫރެއް ކަމަށް ބޮޑަށް ބެލެވޭ، އެންމެން ވަގުތުން ހެލްމެޓް ގަނެގެން އަޅާނެ ކަމުގެ އުންމީދު ސަރުކާރުން ކުރުންވެސް މީ ގޯހެއް، ރާއްޖެތެރޭން މާލެ ދެތިންދުވަހަކަށް ބޭހަކަށް އައިސްލާމީހާވެސް ހެލްމެޓްގަނެގެންނޫނީ ވާކަށްނެތް، މިކަހަލަ މަޖުބޫރު ކަމަކުނުދޭ!
ކަރާ
18 March 2019
ދެތިންދުވަހަކަށް ބޭހަކަށް އަންނަ މީހާއަށް ދުއްވާނެ ސައިކަލެއް ލިބެންޏާ ހެލްމެޓެއްވެސް ހަމަ ހޯދިދާނެ.
ޢައިސަތު
17 March 2019
ޢަޅެފަހެ ޖޫރިމަނާއަކީ 750!!!!!! ޢިސްލާހުކޮށްބަލަ
ދަތުރުވެރިޔާ
17 March 2019
ހެލްމެޓް މަޖުބޫރުކުރުން މައްސަލައެއްނޫނެވެ. ހެލްމެޓް ނެތް ބޭފުޅުންނަށް ފެރީގައި ސައިކަލް ހިފައިން ދެވޭނެގޮތް އެމް. ޓީ. ސީ. ސީ ހަމަޖައްސަވައި ދެއްވުންއެއީ މުހިންމު ކަމެއް ކަމުގައި ދެކެމެވެ.
އާދަނު123
17 March 2019
ކީކުރަން ހަމަޖަސަނީ ތިއުޅޭ ބައިގަންޑު ރޭސްޖަހަން
ޙަސަން އަޙްމަދު
17 March 2019
ހަގީގަތުގަ ހެލްމެޓު މަޖުބޫރު ކުރުމުގެ ދުވަސްކޮޅެއް ކުރިން ފުލުހުން ހައިވޭ ބަލަހައްޓަން ފަށައިފި. އެހިސާބުން ފެށިގެން އެ މަގު އަމާންވެއްޖެކަން އިހްސާސް ކުރެވެން ފެށި.
އުދުހޭ
17 March 2019
ބްރިޖް ފެށޭ ހިސާބުގައި ބަސް ޓާމިނަލް އެޅިނަމަ ބަހުގައި ދަތުރުކުރާ މީހުން ގިނަވީސް. ބަސް ޓާމިނަލް އަޅަން އެންމެ ރަގަޅު ބިމުގައި ކުރީ ސަރުކާރުން އެޅީ ކޮރަޕްޝަނުގެ ރެސްޓޯރަންޓެކޭ ކިޔާތީ އިވެނީ.