17 މާޗް 2019 - 18:34
13 comments
މި އަހަރު ނިމޭ އިރު މިފްކޯ އަށް އަމިއްލަ ފައިމައްޗަށް ތެދުވެވި، ރާއްޖޭގެ މަސްވެރިންނަށް މަހުގެ ހަމަ އަގު ލިބެން ފަށާނެ ކަމަށް ރައީސް އިބްރާހީމް މުހައްމަދު ސޯލިހް މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ އިންތިހާބުގައި އެމްޑީޕީގެ ފަރާތުން ވާދަކުރާ ކެންޑިޑޭޓުންނަށް ކެމްޕޭން ކުރެއްވުމަށް ނ. އަތޮޅަށް ކުރައްވަމުން ގެންދަވާ ދަތުރުފުޅުގައި ކެނދިކުޅުދޫގައި ވާހަކަ ދައްކަވަމުން ރައީސް ވިދާޅުވީ ވެރިކަމަށް ވަޑައިގެންނެވި އިރު މިފްކޯ އޮތީ ދަރަނި ބޮޑުވެ، ހިނގައި ނުގަނެވޭ ހާލަތެއްގައި ކަމަށެވެ. ނަމަވެސް އެސްޓީއޯގެ ހިންގުމަށް ގެނައި ބަދަލާއި މިފްކޯގެ އޮނިގަނޑަށް ގެނައި ބަދަލާ އެކު މި އަހަރު ނިމޭ އިރު މިފްކޯ އަމިއްލަ އަށް ހިންގޭ ވަރު ވާނެ ކަމަށް ވެސް އެމަނިކުފާނު ވިދާޅުވި އެވެ.
"ހަމަ އެއާ އެކު ރައްޔިތުންނަށް، މަސްވެރިންނަށް ބޭނުންވާ މަހުގެ ހަމަ އަގު ލިބި، އެތައް އެތައް ލުއިތަކެއް މަސްވެރިންނަށް ލިބިގެންދާނެ،" ރައީސް ވިދާޅުވި އެވެ.
ރައީސް އިބްރާހީމް މުހައްމަދު ސޯލިހް ނ.ކެނދިކުޅުދުއަށް ވަޑައިގެންނެވުމުން ސަޕޯޓަރުން މަރުހަބާ ދަންނަވަނީ. ފޮޓޯ: އެމްޑީޕީ ސެކްރެޓޭރިއަޓް
ރިޔާސީ އިންތިހާބަށް ވެވަޑައިގެންނެވި ވައުދުތައް ފުއްދިފައިވާ މިންވަރާ ބެހޭ ގޮތުން ސަރުކާރުން އަލަށް ކުރަން ފަށާފައިވާ ބައެއް ކަންތައްތައް އެމަނިކުފާނު ފާހަގަ ކުރެއްވި އެވެ. އެގޮތުން ސްކޫލް ކުދިންނަށް ނާސްތާދޭން ފެށުމާއި ކާޑުގެ އަގު މުޅި ރާއްޖޭގައި އެއް ހަމައަކަށް ގެނައުމުގެ ކަންތައް ފާހަގަ ކުރެއްވި އެވެ. ކާޑުގެ ބާވަތްތައް މުޅި ރާއްޖޭގައި ހަމަހަމަ ވާނީ އޭޕްރިލް އެކެއްގަ އެވެ.
ސަރުކާރުން ވެފައިވާ ވައުދުތައް ފުއްދޭނީ ސިޔާސަތުތަކަށް ތާއީދުކުރާ، އެމްޑީޕީގެ ކެންޑިޑޭޓުންނަށް މަޖިލީހުގެ މެޖޯރިޓީ ލިބިގެން ކަމަށް ރައީސް ވިދާޅުވާ ވިދާޅުވުން މިއަދު ވެސް ތަކުރާރު ކުރެއްވި އެވެ. އެގޮތުން އެމްޑީޕީން ގެންގުޅޭ "އެޖެންޑާ 19" މެނިފެސްޓޯގައި އެހުރީ ރިޔާސީ އިންތިހާބަށް ވެވަޑައިގެންނެވި ވައުދުތަކުގެ ތަފްސީލްތައް ކަމަށް އެމަނިކުފާނު ވިދާޅުވި އެވެ.
މަޖިލީހުގެ އިންތިހާބުގެ ކެމްޕޭނަށް ރައީސް ވަނީ ކުރިން އައްޑުއަށާއި ވ. އަތޮޅަށް ވެސް ދަތުރުކުރައްވާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދީމާހު
18 March 2019
އެކަމަކު މެޖޯރިޓީ ނުލިބިއްޖިއްޔާ ނުލިބޭނެނު މަހުގެ ހަމަ އަގެއް، މިހާރު ހަމަނޭވާލުންވެސް މިއޮތީ މެޖޯރިޓީ އާ ގުޅިފައި. މެޖޯރިޓީ ނުލިބޭނަމަ ރާއްޖޭގައި މީހުންވެސް ދިރި އުޅެނޭ ކަމެއް ނޭގެ
ނެގުނުކަތީބު
18 March 2019
ތިކަހަލަ ވަޢުދުތަކަކީ އިބިލީހުގެ ކައިވެންޏެކޭ ނުވަތަ ޖަމަލު ފޮޑިއެކޭ އެއްގޮތަށް، ނުވަތަ ނަނާ ހުވަފެނަކަށް ވެގެން ނިމޭ ކަންތައްތައް! މިދައްކަނީ ވަރަށް ބޮޑުކަމެއްގެ ވާހަކަ، އެކަން ކޮންޓްރޯލް ކުރުމަށް ދައުލަތުގެ އެއްވެސް ޙައިސިއްޔަތެއް ނެތް! އެބަހީ ދައުލަތުގެ ކުންފުނީގަ ބާރެއް ނެތޭ.
ޙަލުރުބެ
18 March 2019
ޥޯޓް ކާރިވީމަ ދެން ހުރޮހާކަމެއްވެސް ވާނެ، މިދިޔަ ހަފްތާގައި ސަރުލާރުން ނަގާޓެކްސް އިން ނުފުދިގެމް ތެޔޮ އަގުބޮޑުކުރީ
އިބިރިހިންބެއްޔާ
17 March 2019
"... އިންތިހާބުގައި އެމްޑީޕީގެ ފަރާތުން ވާދަކުރާ ކެންޑިޑޭޓުންނަށް ކެމްޕޭން ކުރެއްވުމަށް ނ. އަތޮޅަށް ކުރައްވަމުން ގެންދަވާ ދަތުރުފުޅުގައި ކެނދިކުޅުދޫގައި ވާހަކަ ދައްކަވަމުން ރައީސް ވިދާޅުވީ" މުޙައްމަދު ނަސީމު ތިޔަ ވިދާޅުވަނީ ރައީސު އިބޫ ސާލިހު ދައުލަތުގެ ދެވަނަ މުއައްސަސާއެއް ކޮންޓްރޯލުކުރަން މަސައްކަތް ކުރައްވަނީއޭތޯ؟
ބަދަވި
17 March 2019
މަސްވެރިންނަށް ހަމައަގުދިނީމާ ރައްޔިތުން ކާންހޯދާ މަހުގެ އަގު ސޯލިހުވާނެކަމަށް ފެންނަނީ އޭރުން މަސްކިލޯއެއް އަތެއްނުފޯރާނެ
ހަމަހޭ
17 March 2019
ކީކޭތޯ ސްކޫލްކުދިންނައް ނާސްތާދެނީޔޭތޯ؟. އިސްކަންދަރސްކޫލްގެ ބައެއްކުދިންނައް ދެވުނީމަ އެ މުޅިގައުމުގެ ހުރިހާސްކޫލަކައް ދޭމާނާގަ ވާހަކަފުޅުދައްކަވަން ލަދުފުޅުވެސް ނުގަންނަނީތީ؟ އޯ އޮޅުނީ އެމްޑީޕީގެ ބޭފުޅެއް؟؟؟؟؟؟؟؟.
ރާއްޖެ
17 March 2019
މި އަހަރު ނިމޭ އިރު ދިވެހިރާއްޖެ ވެސް ހަމަ އަގުގަ ވިއްކާލެވޭނެ. ޗިޗަންޑާ 19.
ވަތަން އިސްކުރަންޖެހޭ
17 March 2019
މީވޯޓު ހޯދަންވީމަ މީހުންހެއްދުން ކަމަކީ. މި ދަޅަތަކުގާ ގަމާރުމީހުން ޖެހޭ.
އެގެންދާ19
17 March 2019
މޑޕ މިކިޔާ ހަމަ އަގާ ހައްގުމިންވަރު މިއީ ކިހިނެ ހަމަޖައްސާވަރެ. ހައްގުމިންވަރު ﷲތައާލާ ކޮއްމެއަޅަކަށްވެސް ދެއްވަނީ މަސައްކަތްކުރުން އަޅުންނައޮތީ. މަހުގެ އަގު ދުނިޔޭގެ ބާޒާރުގާ ކަޑައަޅަނީ ދިވެހިރާއްޖެއިންތަ. އޯޕެކުން ތެލުގެ އަގު ކަޑައަޅާގޮތަށް. ކީކޭހިތާ މިއުޅެނީ. މަހުގެ ހައަގުހޯދަން ނިގަންބޯއަށް މަސްކިރުވަން ދިޔައީމަލިބޭގޮތަށް އެގެންދާ19ގައޮތީ.
ހަމަހާމަ
17 March 2019
ކޮބައިތޯ ހަމަ އަގަކީ ރައީސް