އެމްޑަބްލިޔުއެސްސީ އިން ދޫކުރާ ފެނަކީ ބޯން ރަނގަޅު ފެނެއްކަން އަނގައިދޭން ބޭއްވި ހަރަކާތުގައި އެންވަޔަރަމެންޓް މިނނިސްޓަރު (މ) ވާހަކަދައްކަވަނީ -- ފޮޓޯ: އެންވަޔަރަމެންޓު މިނިސްޓްރީ
19 މާޗް 2019 - 17:55
17 comments
އެމްޑަބްލިޔުއެސްސީ އިން ދޫކުރާ ފެނަކީ މި ސަރަހައްދު ގައުމުތަކުގައި ދޫކުރާ ބޯފެނުގެ ކޮލިޓީއަށް ބަލާއިރު އެންމެ ފެންވަރު ރަނގަޅު ސަޕްލައި ފެން ކަމަށް އެންވަޔަރަމެންޓް މިނިސްޓަރު ޑރ. ހުސެއިން ރަޝީދު ހަސަން މިއަދު ވިދާޅުވެއްޖެ އެވެ.
"މާލޭގައި ރައްޔިތުންނަށް ފޯރުކޮށްދޭ ބޯފެނަކީ މި ސަރަހައްދުގެ ގައުމުތަކަށް އަޅާބެލުމަށް ވެސް، ވޯލްޑް ހެލްތް އޯގަނައިޒޭޝަން (ޑަބްލިޔުއެޗްއޯ) އަށް އަޅާބެލި ނަމަވެސް، އިންސާނުން ބުއިމަށް ވަރަށް އެކަށީގެންވާ ފެނެއް،" އެމްޑަބްލިޔުއެސްސީން ދޫކުރާ ފެނަކީ ބޯން ރަނގަޅު ރައްކާތެރި ފެނެއްކަން އަންގައިދިނުމަށް އެ މިނިސްޓްރީގައި ބޭއްވި އިވެންޓެއްގައި މިނިސްޓަރު ވިދާޅުވި އެވެ.
މިއީ ބޯފެނަށް ކުރަންޖެހޭ ހަރަދާއި ޕްލާސްޓިކް ފުޅި މަދުކުކުރަން މި ސަރުކާރުން ވެފައިވާ ވައުދު ފުރިހަމަކުރަން އެންވަޔަރަމެންޓް މިނިސްޓްރީ އާއި ހެލްތު މިނިސްޓްރީ ގުޅިގެން ބޭއްވި ހަރަކާތެކެވެ.
Presentations regarding tap water were given @EPAMaldives, @MFDA_mv and @MWSC_Official at the media event held to ensure the safety of tap water for public consumption. #100dayspledge #FenFahi #IskuruFen pic.twitter.com/e1jUzLmhLg
— Environment.gov.mv (@EnvGovMv) March 19, 2019
ފެނުގެ ކޮލިޓީއާ ގުޅޭގޮތުން އެމްއެފްޑީއޭ، އީޕީއޭ އަދި އެމްޑަބްލިޔުއެސްސީ އިން ދިން ޕްރެސެންޓޭޝަނާ ގުޅޭގޮތުން އެންވަޔަރަމެންޓް މިނިސްޓްރީން ކުރި ޓްވީޓެއް
ރާއްޖޭގައި ދޫކުރާ ފެނަކީ ތިން މަރުހަލާއެއްގައި ޓެސްޓުކުރުމަށްފަހު ދޫކުރާ ފެނެއް ކަމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އާއި އެމްޑަބްލިޔުއެސްސީ އަދި އެންވަޔަރަމެންޓް ޕްރޮޓެކްޝަން އޭޖެންސީ (އީޕީއޭ) އިން ކަށަވަރުކޮށްދިނެވެ. އެގޮތުން މި މަރުހަލާތަކަށް ފަހު ވެސް އެ ފެން އިތުރަށް ޓެސްޓުކުރާ ކަމަށާއި ފެނުގެ ފެންވަރު ދަށް ނޫން ކަމަށް ބުންޏެވެ.
ފެނުގެ ރައްކާތެރިކަން ކަށަވަރުކޮށްދީފައި ވިޔަސް، ޕްލާސްޓިކް ފުޅީގައި ބަންދުކޮށްފައި ހުންނަ ފެން ގިނަ އަދަދަކަށް ބޭނުންކުރާކަން މިނިސްޓަރު ހުސެން ފާހަގަކުރެއްވި އެވެ. އޭނާ ވިދާޅުވީ ދުވާލަކު، މަދުވެގެން 200،000 ފެންފުޅި ރާއްޖޭގައި ބޭނުންކުރާ ކަމަށެވެ.
މި އިވެންޓްގައި ހެލްތު މިނިސްޓަރު އަބްދުﷲ އަމީން ވިދާޅުވީ އެމްޑަބްލިޔުއެސްސީން ދޫކުރާ ފެނުގެ ކޮލިޓީ ކަށަވަރުކޮށްދޭތީ، ފުޅީގައި ބަންދުކޮށްފައި ހުންނަ ފެން ބޭނުންކުރުން ހުއްޓާލަންވެއްޖެ ކަމަށެވެ.
އެމްޑަބްލިޔުއެސްސީން ބުނީ ހޭލުންތެރިކުރުމުގެ މި ހަރަކާތް މާލޭގައި ފެށުމަށް ފަހު އަތޮޅުތެރޭގައި ވެސް ކުރިއަށް ގެންދާނެ ކަމަށެވެ.
ރާއްޖޭގައި ބޯން ދޫކުރާ ފެނަކީ ކަނޑުން ނަގާ ލޮނުން އުފައްދާ ފެނެކެވެ. އެމްއެފްޑީއޭގެ ސީނިއާ ސައެންޓިފިކް އޮފިސަރު ސާޖިދާ މުހައްމަދު ވިދާޅުވި ގޮތުގައި ރާއްޖޭއަށް ދޫކުރާ ފެނުގައި ޖަރާސީމުގެ އެއްވެސް ބާވަތެއް ހުރިކަން ފާހަގައެއް ނުކުރެވެ އެވެ. އަދި ފެން ސާފުކުރުމުގެ މަރުހަލާގައި ބޭނުންކުރާ ކެމިކަލްތައް ވެސް ބޯން ދޫކުރާ ފެނުގައި ހުންނަނީ ޑަބްލިޔުއެޗްއޯ އަދި އީޕީއޭ އިން ވެސް ކަނޑައަޅާފައި ހުންނަ މިންވަރަށް ވުރެ މަދުން ކަމަށް އޭނާ ވިދާޅުވި އެވެ.
އެއްފަހަރު ބޭނުންކޮށްފައި އެއްލާލާ ޕްލާސްޓިކް މަދުކުރަން ފެން ފުޅިތައް ރިސައިކަލް ކުރާ އާ ޕްރޮގްރާމެއް ތައާރަފްކުރަން އީޕީއޭ އިން އަންނަނީ މަސައްކަތްކުރަމުންނެވެ. އެތަނުގެ ޑިރެކްޓަ ޖެނެރަލް ޑރ. އިބްރާހިމް މުހައްމަދު ވިދާޅުވީ އެ ތަނުން އަންނަނީ "ކޮންޓެއިނާ ޑިޕޮސިޓް ސްކީމެއް" ހަދަމުން ކަމަށެވެ. މި ސްކީމް ތައާރަފްކުރުމުން ކޮންމެ ފުޅިއެއްގެ އަގަށް އެއް ރުފިޔާ އިތުރުކުރާނެ އެވެ. އަދި އެ ރުފިޔާ އަލުން ލިބޭނީ ފެންފުޅިތައް ރިސައިކަލް ކުރަން ހަވާލުކުރުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކަމު
20 March 2019
އެންމެ ކުރިން ތިޔަ ފެން ދޫކުރަން ފެށިއިރު ބުއިން. ވާރޭ ފެން ބޮއިބޮއިފަ ތި ފެން ބުއިމަށް ބަދަލުކޮށްލީމަ މީހާ ބަރުހެލިވެ ހަށިގަނޑަށް އޭގެ އެނގުންވި. ބަނޑުހިކޭ އޭރު އެ ފެން ބުއީމަ. އެހެންވެ ހުއްޓާލީ. މިހާރު ތިޔަ ފެނުގެ ގޮތެއް ނޭގެ ކިޔާކަށް. ޕްލާސްޓިކް ފުޅީގަ ހުންނަ ފެނަކީވެސް އެންމެ ރައްކާތެރި ފެނެއް ނޫން. އެކަމު ވާރޭ ފެން ނުލިބޭތީ ބޮނީ. ބޯން އެންމެ ރަގަޅުވާނީ ހަމަ މާތްﷲ އަހަރުމެންނަށް ވެއްސަވާ ފެން. މަތިން ވެހޭ ފެން ނެގޭނަމަ ޚަރަދުވެސް ކުޑަވާނެ.
އިކޮނޮމިސްޓް
20 March 2019
ބަލަ އެމް ޑަބްލިޔު އެސްސީ އަށް އަންގަބަލަ ފެންފުޅި ހަދަން އިތުރު ތަންތަން ނުހަދަން. އެއް އަތުން ކުރަނީ މަނާ. އަނެއް އަތުން ބޮނީ ފެންފުޅި. ޑަބަލް ސްޓޭންޑަރޑް
ވަހީދު
20 March 2019
ހެހެހެ. ސަރަހައްދުގައި ފެން އެންމެ އަގޮ ބޮޑީ ކޮންތާކުބާ؟ ޖާވާބު ދޭނެ ކަމެއް ނެތް.
ހާމީ
20 March 2019
އެހެންވެގެންތާ ގާއިގާ އުނގުޅާ ޝަވަޖެލް ކޮޅުވެސް ނުފިލައިގެން މިއުޅެނީ. މިސަރަހައްދުގެ އެހެން ހުރިހާ ގައުމެއްގަ ހުރެ ފެންވަރާއިރު ފިލާ ނުލާހިކު އަވަހައް. ކަލޭމެން ދޫކުރާ ފެން ހުސްވިއަސް ޝަވަޖެލް ގަޔަކުން ނުފިލާ. ( #ހުސް ވަގު)
ޖުލައި
20 March 2019
ފެނުގެ އަގުވެސް ހެޔޮކުރަންޖެހޭ، ކަރަންޓުގެ އަގު ހެޔޮކުރެވޭއިރު ފެނުގެ އަގުވެސް ހެޔޮކުރެވެންޖެހޭނެ. އަސާސީ ޚިދުމަތެއް. ފެނުގެ ކޮލިޓީ ޔަގީންކޮށްދިނުމަށް އިތުބާރުކުރެވޭ ބައިނަލް އަގުވާމީ ލެބޯޓުރީއަކުން ތަޚްލީލުކޮށް އޭގެ ނަތީޖާ މަހިަކު އެއްފަހަރު ގެޒެޓުގަ ސާއިރުކުރާ ގޮތަށް ހަދާބަލަ. ހަމަ ނޫސްކޮންފަރަންސެއްބާވާފަ ތިހެން ކުޔަކަށް މިހާރު މީހުން ގަވޫލެއްނުކުރާނެ. ކީއްވެ އެކަން ކުރަން ނުކެރިގެން ތިއުޅެނީ.
އެޑްވޮކަސީ
20 March 2019
ނަމެއްގައި 3 ތަނުން ޗެކުުރާކަމަށްވަނީ. ކޮންމެކަމެއްވެސް ނަމެއްގައި ކުރަނީ މޮޅުވާހަކަ ދައްކަނީ
އަހްމަދު
20 March 2019
މިހާރު އެއްނަމްބަރުފެން. މިސަރުކާރު ނާންނައިރު ބުނީ އެތަނުންދޫކުރަނީ ނަޖިސްފެނޭ. ކިހާރީތި.
ކައުންސެލަރު
20 March 2019
ތިޔަބުނާ މޮޅުފެނެއް ލިބެނީ ހަމައެކަނި މާލޭގައުޅޭ މީހުންނަށް. އަދި ތިޔަބުނާ މޮޅުފެން ބޭނުން ނުކޮށް ފުޅީގަ ބަންދުކުރިފެން ގިނައިން ބޭނުން ކުރަނީވެސް މާލޭގައުޅޭމީހުން. އަތޮޅުތެރޭގަވެސް ތިބީ ހަމަ ދިވެހިރައްޔިތުން. އަތޮޅުތެރޭގެ މީހުންނަށް ތިއަށްވުރެމާރަނގަޅަށް 2008ގެ ވެރިކަން ބަދަލުވެ އެޅި ފެންހޮޅިއާ ގޭސްހޮޅިއާ ކިރުހޮޅިއާ ގަރުދިޔަހޮޅިއާ ރިހާކުރު ހޮޅިއާ ޖޫސްހޮޅިއާ މިހުރިހާ ހޮޅިއަކުން ބަރާބަރަށް ލިބޭ! ވައްސަލާން
ތިމާވެށި
20 March 2019
ކުންފުންޔަށް އެތައް ސަތޭކަ މިލިއަން ފައިދާ ވާއިރު މަހަކު ކިތައްސަތޭކަ މިލިއަން ރުފިޔާ ރައްޔިތުންގެ ޖީބުން ފެނައް ހަރަދު ވާކަން އިނގޭ ހެއްޔެވެ؟ ކުން ފުންޔަށް އެނގޭނެއެވެ. ނޫސްވެރީން ހާމަ ކޮށްލަ ބަލާށެވެ.
އެންދެރި
19 March 2019
ރާއްޖޭގެ އާބާދީ 4 ލައްކަ އަށް ނާރައެވެ. ކޮންމެ އަހަރަކު ފެނައްޖެހި ރަށްރަށައް އަގުބޮޑުކޮށް ދޯނި ކުއްޔަށް ހިފާފަ ފެން ފޮނުވައެވެ. އަހަރަކު އެތައް ސަތޭކަ މިލިއަން ފައިދާވެއެވެ. އެބުނާ ފެންޓެސްޓް ކޮށްލަ،ބަލާށެވެ.