ފެނަކަ ކޯޕަރޭޝަނުން ބޭއްވި ޖަލްސާއެއްގައި އެ ކުންފުނީގެ މުވައްޒަފުން ބައިވެރިވަނީ: އެ ކުންފުނީގެ ގިނަ އަަދަދެއްގެ މުވައްޒަފުން ގާނޫނާ ޚިލާފަށް ވަކިކޮށްފައިވާ ކަމުގެ ޝަކުވާ ވަނީ ހުށަހަޅާފައި. --ފޮޓޯ/މިހާރު
21 މާޗް 2019 - 13:03
26 comments
ކުރީގެ ރައީސް އަބްދުﷲ ޔާމީންގެ ސަރުކާރުން ސިޔާސީ ބޭނުމުގައި، ނުހައްގުން ވަޒީފާ އިން ވަކިކުރި ކަމުގެ 800 އަށް ވުރެ ގިނަ ޝަކުވާ ހުށަހަޅާފައިވާ ކަމަށް ރައީސް އޮފީހުން މިއަދު ބުނެފި އެވެ.
ސަރުކާރު ހިންގެވުމުގައި ރައީސް އިބްރާހިމް މުހައްމަދު ސޯލިހަށް ލަފާ އަރުވަން އުފެއްދެވި "ޕްރެޒިޑެންޝަލް އެކްޝަން ކޮމިޓީ"ން ވަނީ އެ ޝަކުވާތައް ދިރާސާކޮށްފަ އެވެ. އެ ކޮމިޓީން މިހާތަނަށް ބެލިބެލުމުގައި ވެސް ސިޔާސީ އެކި ކަންކަމާ ވިއްދައި ވަކިކުރި 100 އަށް ވުރެ ގިނަ މީހުންގެ ވަޒީފާ އަލުން އިއާދަކޮށްދޭން ޖެހޭ ކަމަށް ލަފާ ދީފައިވާ ކަމަށް ރައީސް އޮފީހުން ބުންޏެވެ.
ރައީސް އޮފީހުން ބުނި ގޮތުގައި އެކި މުއައްސަސާތަކަށް ރައްދުވާ ގޮތަށް 800 ޝަކުވާ ހުށަހެޅިއިރު، އެންމެ ގިނައީ ފެނަކަ ކޯޕަރޭޝަނާއި މޯލްޑިވްސް ޕޯޓްސް ލިމިޓެޑާ ދެކޮޅަށް ހުށަހެޅި ޝަކުވާތަކެވެ. މި ދެ ކުންފުނި، ކުރީގެ ސަރުކާރުން ސިޔާސީ އެކި ކަންކަން ހާސިލްކުރުމަށް، ޕީޕީއެމަށް ނިސްބަތްވާ ގިނަ ބަޔަކަށް ވަޒީފާ ދިން ކަމަށް ތުހުމަތު ކުރާ ތަންތަނުގެ ތެރޭގައި ހިމެނެ އެވެ.
ފެނަކައި އިން ވަކިކުރީ ބޭއިންސާފުން ކަމަށް 125 ޝަކުވާ ހުށަހަޅާފައިވާ އިރު ޕޯޓްސް ލިމިޓެޑާ ދެކޮޅަށް 55 ޝަކުވާ ހުށަހަޅާފައިވެ އެވެ.
ކޮމިޓީން އެ ޝަކުވާތައް ބެލިއިރު ފެނަކަ އިން ވަކިކުރި ކަމަށް ހުށަހެޅި 94 ޝަކުވާ އަދި ޕޯޓްސް ލިމިޓެޑާ ދެކޮޅަށް ހުށަހެޅި 38 ޝަކުވާގައި ސިޔާސީ ސަބަބުތައް އެކުލެވިގެންވާ ކަަމަށް ކޮމިޓީން ބުންޏެވެ.
ރައީސް އޮފީހުން ބުނިގޮތުގައި ޕޮލިހާއި އެމްއެންޑީއެފުން ވަކިކުރީ ގާނޫނާ ޚިލާފަށް ކަމަށް 85 ޝަކުވާ ހުށަހަޅާފައިވެ އެވެ. މީގެތެރެއިން 63 މީހުން ވަޒީފާ އިން ވަކިކުރި ސަބަބު މުރާޖައާ ކޮށްދޭން އެ ދެ މުއައްސަސާގައި ކޮމިޓީން ވަނީ އެދިފަ އެވެ.
ނުހައްގުން ވަޒީފާ އިން ވަކިކުރި ބައެއް މީހުން ޓްރައިބިއުނަލަށާއި ކޯޓަށް މައްސަލަ ހުށަހަޅައި، އެ މީހުންނާ އެއްކޮޅަށް މައްސަލަ ނިމުމުން ވެސް ވަޒީފާ އިޔާދަކޮށްދީފައި ނުވާ ކަމުގެ 47 ޝަކުވާ ހުށަހަޅާފައިވެ އެވެ.
ކައުންސިލަރުންނާއި ކައުންސިލްތަކުގައި ވަޒީފާ އަދާކުރި މުވައްޒަފުން ވަކިކޮށްގެން ވެސް ޝަކުވާ ހުށަހަޅާފައިވެ އެވެ. ހުށަހެޅި 61 ޝަކުވާގެ ތެރެއިން 7 މީހަކު ވަކިކުރީ ސިޔާސީ ގޮތުން ކަމަށް ކޮމިޓީން ވަނީ ކަނޑައަޅައިފަ އެވެ.
ވޭތުވެދިޔަ ސަރުކާރުގައި ސިޔާސީ ގޮތުން ވަޒީފާ އިން ވަކިކުރި މީހުންގެ ވަޒީފާ އިޔާދަކޮށްދިނުމަކީ ރައީސް އިބްރާހިމް މުހައްމަދު ސޯލިހްގެ ވައުދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޫސް ބަލާމީހާ
21 March 2019
މައސަލަތައްބަލައި ކުރިޔަށް ގެންގޮސް ނިންމަންވީ. އެކަމަކު ވަޒީފާ ވަކިކިރިޔޭ ކިޔާފައި ޚިދުމަތް ލިބިނުދޭބަޔަކަށް މުސާރަ ދިނުމަކީ ބޭއިންސާފެއް. އަދި ޢެވަޒީފާ ވަކިކުރިމާ އެހެން ތަނަކުން ވަޒީފާ ލިބި މުސާރަވެސް ލިބެމުންދާނެ. ދެކޮޅުންކާވެނަކަށް ވަޒީފާ ވަކިކުރި މީހުންގެ ސިފަ ލިބިގެން ނުވާނެ.
ޑިމޮކްރަޓިސްޓް، ރ.ވާދޫ
21 March 2019
ރައީސުލް ޖުމުހޫރިއްޔާއަށް ލިބިގެންވާ ބާރުގެ ދަށުން ރ.ވާދޫ ފެނަކަހިންގަންހުރި ވެރިޔާ ބޭރުކޮށް އެމްޑީޕީއަށް މަރުދިނީމަ ހަދިޔާއަކަށް އަސާސީ ތައުލީމުގެ ފެންވަރުގެ ކްރައިޓީރިޔާ ސަރުތަކަށް ހަދާ ވަކިމީހަކަށް މަގާމުދިނުން މީ ސިޔާސީ މަންފާއެއް ވަކިމީހަކަށް ހާސިލުކޮށްދިނުމަކަށް ނުވޭތަ؟ މިސަރުކާރުން ކުރީމަ އޯކޭވެފަ އެހެން ސަރުކާރެއްނަމަ ނުގައްގުދޯ؟
ޑިމޮކްރަޓިސްޓް، ރ.ވާދޫ
21 March 2019
މިސަރުކާރުގަ، އިބޫ ސޯލިހު މިމަހު ރ. ވާދޫއިން ފެނަކަ ކޯޕްރޭޝަނާ، ހެލްތު ޕޯސްޓު އިން އެތަނާ ހަވާލުވެތިބި މީހުންވަކިކުރީ ސިޔާސީ މަގުސަދެއްގަ ނޫންތަ؟ ރީތި ވާހަކަދައްކާ މަތިއޮމާންކޮށްލާއިރު މިހީވަނީ ދެންތިބެނީ ބީރު ކަނު މީހުންހެން! މިސަރުކާރުން ތިހެންކިޔާ ކްރެޑިޓް ނެގޭނެކަމަށް ހީނުކުރާތި! އިބޫސޯލިހު ނޫނީ ރައީސްއޮފީހުން ނިކަން މިކަމާ އެއްޗެކޭބުނެބަލަ! ޕާޓީއަށް މަރުދޭމީހުނަށް އިހުލާސްތެރި ސަރުކާރޭ ކިޔާބަލަ!
ދުނބުރި
21 March 2019
ވިދާޅުވި ވާހަކަ ފުލާ މިހާރު ތިޔަކިޔާ ލަވަޔާ ދިމައެއްނުވޭ ވައުދުވީ ނުޙައްޤުން ވަޒީފާއިން ވަކިކޔރި މީހުނަށް އަނބުރާ ވަޒީފާ ހޯދަދޭން އެކަމަކު މިހާރު ތިޔަ ކިޔަނީ ސިޔާސީއޭ ކީހާޅެން ފަރިއްސަށްވަނީތާ ދޯ ހަމަ އެކަކުވެސް ބަހާ ޢަމަލާ ދިމާނުވަންޏާ ދެން ކާކުގެ ވާހަކަބާ އަޑުއަހަންވީ މިޤައުމުގަ މުޅިންވެސް ބަހާ ޢަމަލާ ދިމާނުވާ މުނާފިޤުންބާ މި އުޅެނީ؟؟؟
ލަޓީ
21 March 2019
މެނިފެސްޓޯގެ މަގްސަދު ހާސިލެއް ނުވި. ކޮމިޓީއަށް ވަރަށް ސަލާން
ލަޓީ
21 March 2019
މެނިފެސްޓޯގެ މަގްސަދު ހާސިލެއް ނުވި. ކޮމިޓީއަށް ވަރަށް ސަލާން
ޭްރިޒާ
21 March 2019
މިސަރުކާރުން ކިތަކެއް ވަކި ކޮއްފިތޯ އެޔެއްވެސް ބުނެ ދިންނަަމަ ހަަމަ ގައިމު މަމެންގޭ ކުއްޖަކަށް ފެން ކުންފުނިން ވަނީ އެއްވެސް ކަމަކާ ނުލާ ނޯޓިސްދީފަ
ޖަލީލު
21 March 2019
ތިޔައިގެން މަދުބަޔަކު ވަކި ކޮށްފައި ނުވާނެއެކޭނުން އެކަމަކު ތީ ވަރައއދެރަކަމެއް އެކއެކިކަންކަމުގައި ވަކި ކުރީމަ އަނެއްކާ އަލުން ވަޒީފާ މިހުންނަނީވެސް ވައްދަރެއްގެ ޑިލެއްއް .އަދި ކޮބައިތޯ އަމިއްލައައް ކެނޑިގެންވެސް މޮޅުވާހަކަ ދައްކައިގެން ވަޒީފާ އަޅުން ހޯދަން އުޅޭ މީހުންވެސް އަދި މިގޮތައް ކެނޑިފަ ރިޓަޔަރ މަންޓު ހޯދަން އުޅޭމީހުންވެސް މަދެއްނޫން ކަމައް ގިނަބަޔަކު ގަބޫލުކުރެވެ...
ޖުން
21 March 2019
މިއީ އެންމެ ޒިންމާދާރުކަން ކުޑަ، ކޮމިޓީ. މީޑިއާއަކަށް އިންޓަރުވިޔު ދޭކަށް ނުކެރޭ. ކޮމިޓީން ބަޔާނެއް ނެރޭކަށް ނުކެރުނު. ރައީސް އޮފީހުގެ ބޮލަށް ކަނޑައިލީ
ޢަބްދުﷲ އިސްމާޢީލް
21 March 2019
ތިޔަ ކޮމިޓީ މީހުން ފިލައިގެންތަ އުޅެނީ، މީޑިއާއަށް ނުކުންނާކަށް ނުކެރުނު އުތަ. އެއް ކުންފުންޏެއްގެ އެންމެން ކޮމިޓީގައި. ތިޔައީ ޒިންމާދާރު ކޮމިޓީއެއް ނޫން. ވަރަށް ފީކަޅާ.