ައެމްޑީޕީގެ ބައްދަލުވުމެއްގައި ނާޒިލް ބައިވެރިވެވަޑައިގަންނަވަނީ: މި އިންތިޚާބުގައި އެންމެ ގިނަ ވޯޓު ހޯއްދެވީ އޭނާ ކަމަށް އީސީގެ ނަތީޖާ އިން ދައްކާ. --ފޮޓޯ/މިހާރު
10 އެޕްރީލް 2019 - 10:34
24 comments
މިދިޔަ ހޮނިހިރު ދުވަހު ބޭއްވި ރައްޔިތުންގެ މަޖިލިހުގެ އިންތިޚާބުގައި އެއް ކެންޑިޑޭޓަކަށް އެންމެ ގިނަ ވޯޓު ލިބުނީ ހިތަދޫ ދެކުނު ދާއިރާ އިން ހޮވިވަޑައިގެންނެވި އިބްރާހިމް ނާޒިލަށް ކަން އިލެކްޝަންސް ކޮމިޝަނުގެ ނަތީޖާ އިން ދައްކައިފި އެވެ.
މަޖިލީހަށް އަލަށް ކުރިމަތިލެއްވި ނާޒިލް ހޮވިވަޑައިގަތީ އެ ދާއިރާ އަށް ވޯޓުލާ އާބާދީގެ 70 ޕަސެންޓުންނެވެ. އެއީ، 1،931 ވޯޓުންނެވެ. ރައްޔިތުންގެ މަޖިލިހަށް އަލަށް އިންތިޚާބުވި ނާޒިލްގެ އިތުރުން ތިން ކެންޑިޑޭޓަކު ހިތަދޫ ދެކުނު ދާއިރާ އަށް ވާދަ ކުރެއްވި ނަމަވެސް ވޯޓުގެ ފަރަގު ބޮޑެވެ.
ހިތަދޫ ދެކުނު ދާއިރާ އަށް ވޯޓުލުމުގެ ހައްގު 4،154 މީހަކަށް ލިބިގެންވެ އެވެ. އެކަމަކު ވޯޓުލާން ނުކުތީ 2،798 މީހުންނެވެ.
ގާނޫނީ ވަކީލް އަދި ތުޅާދޫ ދާއިރާ އިން 19 ވަނަ ރައްޔިތުންގެ މަޖިލިހަށް އިންތިޚާބުވެވަޑައިގެންނެވި ހިސާން ހުސައިންގެ ފިރިކަލުން ނާޒިލް މަޖިލިހުގެ ހިތަދޫ ދެކުނު ދާއިރާގެ ގޮނޑި ކާމިޔާބު ކުރެއްވީ، އެމްޑީޕީގެ ޕްރައިމަރީގައި އެ ދާއިރާގެ މިހާރުގެ މެމްބަރު އަލީ ނިޒާރު ބަލިކޮށް، ޓިކެޓް ހޯއްދަވައިގެންނެވެ.
ނާޒިލްގެ އިތުރުން، މި އިންތިޚާބުގައި ދެން އެންމެ ގިނަ ވޯޓު ހޯއްދެވި ލިސްޓުގައި އަނބިކަނބަލުން ހިސާން އާއި ގަލޮޅު އުތުރު ދާއިރާގެ މެމްބަރު އީވާ އަބްދުﷲ އާއި މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ އާއި ހޯރަފުށީ ދާއިރާ އަށް ހޮވިވަޑައިގަތް އަހްމަދު ސަލީމްގެ އިތުރުން ގެމަނަފުށީ ދާއިރާގެ ގޮނޑި ކާމިޔާބު ކުރެއްވި އަހުމަދު ސައީދު ހިމެނިވަޑައިގަންނަވަ އެވެ.
މަޖިލީހަށް މެމްބަރުން ހޮވަން ނެގި ވޯޓުގައި އެންމެ ގިނަ ގޮނޑި ކާމިޔާބު ކުރީ ސަރުކާރު ކޯލިޝަންގެ މައި ޕާޓީ، އެމްޑީޕީންނެވެ. އެ ޕާޓީން 86 ދާއިރާ އަށް ވާދަކޮށް 65 ގޮނޑި ކާމިޔާބުކޮށްފައިވެ އެވެ. މިއީ މަޖިލީހުގެ ސާފު އަޣުލަބިއްޔަތެވެ. ޖުމްހޫރީ ޕާޓީ އާއި ކުރީގެ ރައީސް މައުމޫން އަބްދުލްގައްޔޫމްގެ ތާއީދާ އެކު ނުކުންނެވި ކެންޑިޑޭޓުން އަދި އިދިކޮޅު ޕީޕީއެމާއި ކޮންގްރެސް ޕާޓީގެ އިތުރުން އަމިއްލަ ގޮތުން ވާދަކުރި ކެންޑިޑޭޓުންނަށް ނެގުނީ 22 ގޮނޑި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޯރަފުށީ ޗާލުނަޔާ
10 April 2019
މަރުހަބާ އަހުމަދު ސަލީމް( ސައްލެ). މީގެންވެސް އެގިގެން ދަނީ މަނިކުފާނުގެ ގާބިލުކަމާ ރަށްއިތުން މަނިކުފާނު ބޭނުންވެފައި ތިބި މިންވަރު.
ތަމީމް
10 April 2019
ގެމަނަފުށީ ދާއިރާގެ ގޮނޑި ކާމިޔާބު ކުރެއްވި އަހުމަދު ސައީދަށް ލިބުނު ވޯޓަށް ވުރެ ގިނައިން ލިބުނު ދާންދޫ ދާއިރާގެ ގޮނޑި ކާމިޔާބު ކުރެއްވި އޮޑިޓާ ޔައުގޫބު އަބްދުﷲ އަށް ލިބުނު ވޯޓު. ސައީދަށް ލިބުނީ 1329 ވޯޓު. ޔައުގޫބަށް ލިބުނީ 1470 ވޯޓު.
ތަމީމް
10 April 2019
ގެމަނަފުށީ ދާއިރާގެ ގޮނޑި ކާމިޔާބު ކުރެއްވި އަހުމަދު ސައީދަށް ލިބުނު ވޯޓަށް ވުރެ ގިނައިން ލިބުނު ދާންދޫ ދާއިރާގެ ގޮނޑި ކާމިޔާބު ކުރެއްވި އޮޑިޓާ ޔައުގޫބު އަބްދުﷲ އަށް ލިބުނު ވޯޓު. ސައީދަށް ލިބުނީ 1329 ވޯޓު. ޔައުގޫބަށް ލިބުނީ 1470 ވޯޓު.
ފާތޭ
10 April 2019
ލޯބި ކުއްޖެއް...
ފޮނިކަނަޑަމުން
10 April 2019
މާމޮޅައް ކިޔަވައިގެންނޭ ކިޔާފަ ފޮނިކަނަޑަމުން ދުވި މީހާކު ހުޓެވެ.. އޭނާ ބުނަމުންދިޔައީ ނާޒިލުއަކީ ނުކިޔަވާ މީހެކޯ... ނާޒިލު ނުދޭ އެޔަކައް ރައްދެއްވެސް.. ތަފާތު ދާއިރާޔަކުން ކިޔަވައި މާސްޓާސްގެ ސަނަދެއް އޮތޭނުކިޔާާ... ރައްދުދިނީ ރައްޔިތުން..
ރަންވޭ މަތީ ވެލާ
10 April 2019
ބުރޯ ހޮވުނު މީހުންގެ ތެރެއިން ބޮޑުވަޒީރު ފަޅިއާ އިބޫ ފަޅި ވަކި ކޮށްލަ ދީބަލަ. ބޮޑުވަޒީރު ފަޅިން ވެއްޖެއްޔާ ބޮޑުވަޒީރު ބުނާއިރަށް ފަނިވައްދާ ބިން ވިއްކަންވެސް ވޯޓު ދޭނެ. އިބޫ ފަޅި ވެއްޖެއްޔާ ސިކުންތަކަށް ނަމަވެސް ގައުމާ މެދު ވިސްނާލާނެ. މީ ރައްޔިތުންނަށް އެގެން ވަރަށް މުހިއްމު މައުލޫމާތު! އަޅެ ޕްލީޒް.
ވެލާގެ ބިސް
10 April 2019
ހުސް ބޮޑުވަޒީރުގެ ފަޅި އޮތީ. އިބޫގެ ފަޅިއެއް ނެތް.
ގޫބައްޑާ
10 April 2019
5000 މީހުންގެ އާބާދީއަކަށް 1 މެންބަރު ހޮވަނީ. ކުޑަ ބޮޑު އެންމެން ތަމްސީލުކުރަން. ދެން 5000 މީހުންގެ ތެރެއިން ވޯޓުލެވޭ 4154 މީހުންތިބެފަ އޭގެތެރެއިން 1931 ވޯޓު ލިބުމުން އެނގެނީ އެ ޑިސްޓްރިކްޓް މީހުން އޭނާބަލައި ނުގަންނަކަން. އަދި ދެން ކުރިމަތިލީ މީހުން ވެސް ބަލައި ނުގަންނަކަން. މަދުވެގެން ވޯޓުލެވޭ މީހުންގެ ދެބައިކުޅަ އެއްބައި ވޯޓު ލިބުނުނަމަ. މަޖިލީހަށް އެގޮތަށް ހޮވުނު ކެންޑިޑޭޓަކީ ކޮބާ؟؟
ރަދީފް
10 April 2019
ނެތް ، ވޯޓްލާން މީހުން ނުނިކުމެ ތިބެންޏާ ފެންނާނީ މިފަދަ މަންޒަރެއް.ގިނަ މީހުން ކުރިމަތިލީމަ ވޯޓް ބެހިގެންވެސް ދާނެ.ލޮރިބައްފަ ވެސް އުޅެނީ ވަރަށް ކުރީގަ.
ރަދީފް
10 April 2019
މަރުހަބާ ނާޒިލް.ނާޒިލް އެއީ ވަރަށް މީހުންނާއި ގުޅޭ އަދި ހިތްހެޔޮ މީހެއް.ސ.ހިތަދޫ އޭރުގެ ސަދަން ސެކަންޑްރީ ސްކޫލް (މިހާރު ޝަރަފުއްދީން ސްކޫލް) ފުރަތަމަ ހުޅުވި އަހަރު (1993) ގަ އެއްކްލާހެއްގަ ނާޒިލްއާއިއެކު ކިޔެވިން.ގުޑް ލަކް ނާޒިލް.ވ.ވެދުން
ޓްރުތު
10 April 2019
ނާޒިލް ރީތި ވީމަ ވޯޓު ދިން މީހުންވެސް ގިނަ ހެހެހެ
މަޖާ
10 April 2019
އެކަމަކު އެންމެ ރީތި ލިސްޓުގަ ނެތޭ ?
ޕާޓީޓްރުތު
10 April 2019
ޕާޓީ އެންމެންވެސް ހޮވިފައިހުރީ ކޮންމެވެސް ތިޔަކަހަލަ ކަމެއްވެގެން. އެއްބަޔަކު ރީތިވެގެން، އަނެއް ބަޔަކަށް އެޖެންޑާ 19 އެކަނި ކިޔާލަން އެނގިގެން، އަނެއް ބަޔަކު ޓީވީއަށް އަރާ ވާހަކަ ނުދެއްކުމުގެ ސަބަބުން ލިބުނު ވޯޓް އިތުރުވެފައިހުރީމަ ދެން ކެނޑިޑޭޓުންގެ ފެންވަރު ހުރިތޯ ނެތްތޯ ބެލުމުގެ ބޭނުމެއް ނެތްތާ.
ސޮކެޓު
10 April 2019
ވޯޓުދީގެން ވާކަމެއްވިއްޔާ މިފަހަރު އައްޑުއަށްވާނެ. އެކަމަކު މިފާއިތުވި 100 ދުވަހު އެކަނި މާލެއަށް އިއުލާންކުރެވިފަހުރި މަޝްރޫއުތައް ހިންގިއަސް އެހެން ރަށްރަށަށް މިހާރު މިދޭ ދޮޅުމިލިއަންވެސް ލިބޭނެހެނެއް ހިއެއްނުވޭ.
ރަދީފް
10 April 2019
ނުވާނެ އެއްކަމެއްވެސް ، އައްޑޫމީހުން އެއީ ކޮންމެ އިންތިހާބެއްގަ ޕަވަރ ޝިފްޓްކުރަން ސިޔާސީ މީހުން ގެންގުޅޭ ހަތިޔާރެއް.މިފަހަރު 5 އަހަރުން އައްޑޫއަށް ތަރައްގީ ނުގެނެވިއްޖެނަމަ (ހުވަދޫ ، ފުވައްމުލައް އަދި އައްޑޫ) ހިމެނޭގޮތަށް ''ބްރޭކްއަވޭ ރިޕަބްލިކް''އެއް އުފައްދާނެ ފަދަ ފަހުލަވާނުންތަކެއް މި 3 އަތޮޅުން ފެނިގެންދާނެކަމަށް އުއްމީދުކުރަން.ވ.ވެދުން