ސިއްހީ ދިރާސާ ކުރުމުގެ ޝައުގުވެރިކަން އަންނަނީ އިތުރުވަމުން: މިނިސްޓަރު

ހެލްތު މިނިސްޓަރު އަމީން، ހެލްތު ރިސާޗު ބުލެޓިން މިއަދު ބައްލަވާލައްވަނީ.---ފޮޓޯ: ހުސައިން ވަހީދު/މިހާރު

ލަމްޔާ އަބްދުﷲ، މިހާރު

16 އެޕްރީލް 2019 - 14:24

ރާއްޖޭގައި ސިއްހީ ދާއިރާ އިން ދިރާސާ ކުރުމުގެ ޝައުގުވެރިކަން އިތުރުވަމުން އަންނަ ކަމަށް ހެލްތު މިނިސްޓަރު އަބްދުﷲ އަމީން މިއަދު ވިދާޅުވެއްޖެ އެވެ.

ސިއްހީ ދާއިރާއާ ގުޅޭ ގޮތުން މިދިޔަ އަހަރު ކުރި ހަ ދިރާސާއެއް އެކުލެވޭ 'ހެލްތު ރިސާޗު ބުލެޓިން' ނެރެދެއްވަމުން މިނިސްޓަރު އަމީން ވިދާޅުވީ، ހެލްތު މިނިސްޓްރީން އަންނަނީ ސިއްހީ ދިރާސާކުރާ ދާއިރާ ފުޅާކުރަން ވިސްނަމުން ކަމަށެވެ.

"ސިއްހީ ދާއިރާގެ ރިސާޗުކުރުމުގެ ވިސްނުން ވަރަށް ބޮޑުތަން ކުރިއަރުވަން [ބޭނުން]. [އޭގެ ތެރޭގައި] ރިސާޗު ކުރުމަށް ބޭނުންވާ ހޭދަ އިތުރުކުރުމާއި ރިސާޗުކުރުމަށް ބޭނުންވާ އުސޫލުތައް ހަރުދަނާ ކުރުމާއި ރިސާޗުކުރުމަށް ބޭނުންވާނެ އުސޫލްތައް ކަނޑައެޅުން [ހިމެނޭ]،" އަމީން ވިދާޅުވި އެވެ.

ސިއްހީ ދިރާސާ ހަދަން 2007 ވަނަ އަހަރު ހަތް ޕްރޮޕޯޒަލެއް ނެޝަނަލް ހެލްތު ރީސާޗު ކޮމިޓީ އަށް ލިބުނެވެ. އަދި 2017 ވަނަ އަހަރު 38 ޕްރޮޕޯޒަލެއް ލިބުނު ކަމަށް ހެލްތު މިނިސްޓްރީން ބުންޏެވެ. މިދިޔަ އަހަރަށް ހުއްދަ ދިނީ ހަ ދިރާސާ އަކަށެވެ.

ހެލްތު މިނިސްޓަރު އަމީން، ހެލްތު ރިސާޗު ބުލެޓިން މިއަދު ނެރެދެއްވަނީ.---ފޮޓޯ: ހުސައިން ވަހީދު/މިހާރު

މިއަދު އާންމުކުރި ބުލެޓިން ގައި، މިދިޔަ އަހަރު ކޮށްފައިވާ ދިރާސާތަކުގެ ހުލާސާ އާއި ރިސާޗު ކޮމިޓީގެ މައުލޫމާތާއި ސިއްހީ ދާއިރާގައި ކުރަމުންދާ ދިރާސާތަކުގެ މައުލޫމާތުގެ އިތުރުން ސިއްހީ ދިރާސާ ކުރުމަށް އިސްކަންދޭ ދާއިރާތައް ވެސް ހިމަނާފައި ވެ އެވެ. އޭގައި ހަތް މީހެއްގެ ދިރާސާތައް ހިމެނެ އެވެ.

ރިސާޗު ބުލެޓިން ގައި ހިމެނޭ ދިރާސާތައް:

- ސްޓްރޯކް ޖެހިފައިވާ މީހުން އައިޖީއެމްއެޗުގައި ފަރުވާދޭ ނަރުހުންނަށް ލިބިފައިވާ މައުލޫމާތާއި ހިދުމަތްދޭ ގޮތް.

- ތެލެސީމިއާ ބަލިމީހުން ދަގަނޑުގެ މާއްދާ ދަށްކުރުމަށް ދޭ ފަރުވާ ކުރިއަށް ނުގެންދިއުމަށް މެދުވެރިވާ ސަބަބުތައް.

- އައިޖީއެމްއެޗްގެ އައިސީޔޫ ގައި މެޝިނުގެ އެހީގައި ނޭވާލައްވާ ބަލިމީހުންގެ ފަރުވާ ދިގުދެމިގެންދާ ސަބަބުތައް.

- ނަރުހުންދޭ ފަރުވާއާ މެދު އައިޖީއެމްއެޗްގެ ވޯޑް ބީ [މާބަނޑުމީހުންނަށް ހާއްސަ ވޯޑް] ގައި ތިބޭ މީހުން ހިތްހަމަޖެހޭ މިންވަރު.

- މާލޭގެ ސާނަވީ ފެންވަރުގެ ސްކޫލްތަކުގެ ކުދިންގެ މެދުގައި ދުފުމުގެ ނުރައްކާތެރިކަމާ ބެހޭގޮތުން މައުލޫމާތު ލިބިފައިވާ މިންވަރާއި ބޭނުންކުރާ ގޮތް.

- ދަސްވެނިވެފައިވާ ނަރުހުން އަލަށް ވަޒީފާ އަށް ނުކުންނަ ފުރަތަމަ އަހަރުގެ ތަޖުރިބާ.

މިއީ ރާއްޖޭގެ ސިއްހީ ދާއިރާއާ ގުޅުން ހުރި ދިރާސާތަކުގެ މައުލޫމާތު ފަސޭހަކަމާ އެކު އެއް ތަނަކުން ފޯރުކޮށްދޭން ނެރޭ މިފަދަ ހަ ވަނަ ގައުމީ ބުލެޓިނެވެ.

ހެލްތު މިނިސްޓްރީގެ ޕޮލިސީ ޕްލޭނިން އެންޑް އިންޓަނޭޝަނަލް ހެލްތު ޑިވިޝަންގެ ޑެޕިއުޓީ ޑިރެކްޓަ ޖެނެރަލް ސާމިއާ ހެލްތު ރިސާޗު ބުލެޓިންއާ ބެހޭ ގޮތުން މިއަދު ވާހަކަ ދައްކަވަނީ.--- ފޮޓޯ: ހުސައިން ވަހީދު/ މިހާރު

ހެލްތު މިނިސްޓްރީގެ ޕޮލިސީ ޕްލޭނިން އެންޑް އިންޓަނޭޝަނަލް ހެލްތު ޑިވިޝަންގެ ޑެޕިއުޓީ ޑިރެކްޓާ ޖެނެރަލް އައިޝަތު ސާމިއާ ވިދާޅުވީ މިއީ މިފަދަ ދިރާސާތައް ކުރާ މީހުންގެ މަސައްކަތުގެ އަގު ވަޒަންކުރުމުގެ އިތުރުން މިކަމަށް ޝައުގުވެރިވާ މީހުންނަށް ހިތްވަރުދިނުމަށް ނެރޭ ބުލެޓިން އެއް ކަމަށެވެ. އަދި އެ މިނިސްޓްރީގެ އުންމީދަކީ ސިއްހީ ދާއިރާއާ ގުޅުން ހުރި ޕްރޮގްރާމްތަކާއި ސިޔާސަތުތައް ހެދުމުގައި އެ ދިރާސާތަކުން ހޯދާ މައުލޫމާތު ބޭނުންކުރުން ކަމަށް ވިދާޅުވި އެވެ.

ބޭސް ދިރާސާ ހެލްތު މިނިސްޓްރީ އަބްދުﷲ އަމީން، ކުރީގެ ހެލްތު މިނިސްޓަރު ސިއްހަތު

10 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަނބިލި

17 April 2019

އަބަދުވެސް ސްޓަންޓް ޖައްސަޖައްސަ ހުރޭ. ވަރަށް ނާގާބިލު ވަޒީރެއް. ކުރާނެ ކަމެއްވެސް ކަންކުރާނެ އިސްތަރުތީބެއްވެސް ނޭގޭ. ދާއިރާގެ ތަޖުރިބާ ނެތް މީހުންނަށް ކަންކަން ރަނގަޅު ކުރެވޭނެ ގޮތެއް ނޯންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަރުހެއް

17 April 2019

ތިކަން ކުރާ ބަޔަކީ ނަރުހުން. ރާއްޖޭގަކުރާ ސިއްހީ ރިސާޗްގެ %90 ކުރަނީ ނަރުހުން. އެހެންވެސް ހާމަކުރިނަމަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގޭ ގައުމާ މަގޭ މިނިސްޓަރު

16 April 2019

ޝައުގުވެރިކަން އިތުވާނޭ ނޫންތޯ ތިޔަފަދަ ސަމާލުކަމާއި އަޅާލުން ލިބެންޏާ. ސާބަސް މިނިސްޓަރު އަމީން.ތުރުކުރައްވައިގެން ިތ ހުންނެވި ގަމީހާއި ޓާއީވެސް އެޙާމެ ފުރިހަމަ. ހަމަ ނަންބަރު 1

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޖުމަލް ނަސީމް

16 April 2019

މިނިސްޓަރ އަމީން ހެލްތުމިނިސްޓްރީ ހިންގެވުމުގައި ތިގެންގުޅުއްވާ ހިކުމަތްތެރި ސިޔާސަތު ވަރަށްވުރިހަމަ. ވަރަށް ޕްރޮގްރެސިވް ވިސްނުމެއްގެންގުޅުއްވާކަން އެގޭ. ނަމަވެސް ތިތަނުގެ އިސްމަގާމްތަކަށް ބަދަލެއް ނުގެނެސް އަމީންގެ މަސައްކަތް ކާމިޔާބެއް ނުކުރެވޭނެ. އެމީން އެތިބީ މިނިސްޓަރއަށް ކަމެއްވިޔަ ނުދޭން ގަދަ ފައި ވިއްދާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއުމިނާ

16 April 2019

ރައީސް ސޯލިހްގެ ޕްރެޒިޑެންސީ ކާމިޔާބް ކުރުމަށް މިނިސްޓަރ އަމީން ކުރައްވާ މަސައްކަތް ފާހަގަކިރަން. ޢަދި ވަރަށް ހިންގުންތެރި ހިކުމަތްތެރި އަދި ސަރުމާރަށް މުހިންމު ވަޒީރެއްވެސްމެ އެހެންނަމަވެސް އެމްޑީޕީއަށް ސޮއި ނުކޮށްފިއްޔާ ވަޒީރުކަމުގެ ނުބެހެއްޓޭނެ. ރައްޔިތުންބުނެފި ތިމަންނަމެން ބޭނުމީ އެމްޑިޕީ ކަމަށް. ޢެއަށް ތަބާވާންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްދި ވެރިޔާ

16 April 2019

ދެން އަމީންވާންވީ އަލީ ވަހީދަކަށް؟ ހެހެހެ.. މަގާމަކާ ޖެހިގެން ގުޑާނެ ބޭފުޅެއް ވައްތަރެއް ނުޖަހާ އަމީން.، އެހެނެއްނޫން ގައުމީ މަސައްކަތުގައި ކުރިއަށް ދިޔުމަށް ހުރި ހުރަހެއް ވިިއްޔާ އެ ހުރަހެއް ނައްތާލަން ޖެހިއްޖެ ހާލަތެއްގައި ގައުމު ޢިސްކުރާނެ ވައްތަރު ޖަހާ.. އަމީންއަކީ ވަަރަށް ވިސްނުންތޫނު ބޭފުޅެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތިން

16 April 2019

ސިއްހީ ކަންކަމާ ގުޅޭގޮތުން ދިރާސާކުރާ މީހުންގެ މަސައްކަތްތަކުގެ އަގު ވަޒަންކޮށް އެކަމަށް ހިތްވަރު ދިނުމަކީ ސިއްހީ ދިރާސާތައް ކުރިއަރައިގެންދާން ލިބޭނެ ފުރުސަތެއް. މަނިކުފާނުގެ ވިސްނުން ވަރަށްވެސް ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީމާ

16 April 2019

ރާއްޖޭގައި މާގިނައިން މީހުން ޑޮކްޓަރަށް ދައްކަނީ ކީއްވެގެބެންތޯ އެބަޖެހެއެއްނޫންތޯ ރިސާޗްކުރަން. ބޮލެއްގަ ރިއްސާލިޔަސް ހަމަ ޑޮކްޓަރަށް. ޙުމެއް އަޔަސް ޑޮކްޓަރަށް. ބޭސްކެއުމުގަވެސް ހައްދެއްނެތް. މިނިސްޓަރ އަމީން ތެޅިނުގަނެ ކެތްތެރިކަމާއި އެކު ތިޔަކުރައްވާ މަސައްކަތަށް ޝުކުރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުގުނީ

16 April 2019

ހީވާގި މިނިސްޓަރ އަށް ވަރަށްބޮޑަށް ޝުކުރުދަންނަވަން. މަނިކުފާނުގެ މަސައްކަތަށް ޝުކުރުދަންނަވަން. ސިއްޚީ ޚިދުމަތަކީ ހަމައެކަނި ބޭސްދިނުމެއްނޫން. ރަގަޅު އިލްމީ ދިރާސަތަކަށް ފުުރުޞަތު ދެއްވީތީ ޝުކުރު. ހުރިހާ ވުޒާރާތަކުންވެސް އެބަޖެހޭ ރިސާޗް އަށް މިގޮތަށް އިސްކަމެއްދޭން. ޓުއަރިޒަމާއި އިމާރާތްކުރުމުގެ ދާއިރާއަކީވެސް ރިސާޗް ބޭނުންވާ ދާއިރާތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

16 April 2019

ވަރަށް ފުރިހަމަ އިސްނެންގެވުމެއް. ރިސާޗަށް ރާއްހޭގަ އިސްކަން ނުދޭތީ އަަބަދު އެޑޮހޮކް ދިސިޝަންތައް ނަގަގަންޖެހެނީ. މިނިސްޓަރ އަމީން ތި ގެންދަވާ މިސްރާބް ވަރަށް ރަގަޅު. ޚާއްސަކޮށް އިލްމީ އަސާސެއްގެ މައްޗަށް ކަންކަން ބިނާކުރަން ވިސްނުމަކީ ވަރަށް ރަގަޅުކަމެއް. ހެލްތު މިނިސްޓަރއަށް ޝުކުރު