އިނގުރައިދޫ ދާއިރާގެ މެމްބަރު ފަލާހް (ވ) މަޖިލީހުގެ ގޯތިތެރޭގައި ކޮފީ ބައްލަވަނީ. މަޖިލިސް އިންތިޚާބަކީ ވަރަށް ބޭއިންސާފު އިންތިޚާބެއް ކަމަށް އޭނާ ވިދާޅުވި.--- ފޮޓޯ: މިހާރު
17 އެޕްރީލް 2019 - 11:28
41 comments
މި މަހުގެ ހަ ވަނަ ދުވަހު ބޭއްވި އާންމު އިންތިޚާބަކީ ވަރަށް ބޭއިންސާފު، ތާކުން ތާކު ނުޖެހޭ އިންތިޚާބެއް ކަމަށް ރައްޔިތުންގެ މަޖިލިހުގެ އިނގުރައިދޫ ދާއިރާގެ މެމްބަރު އިބްރާހިމް ފަލާހް މިއަދު ވިދާޅުވެއްޖެ އެވެ.
މިއީ، މަޖިލިސް އިންތިޚާބުގެ އިންސާފުވެރިކަމާ މެދު ސުވާލު އުފައްދަވައި، އިދިކޮޅު އެންމެ ބޮޑު ޕާޓީ، ޕީޕީއެމްގެ އިސް މެމްބަރަކު ފާޑު ވިދާޅުވި ފުރަތަމަ ފަހަރެވެ.
މަޖިލިހުގެ ޖަލްސާގައި ފަލާހް ވިދާޅުވީ މިފަހަރުގެ އިންތިޚާބަކީ ހިތާމަވެރި ގޮތަކަށް ދިޔަ އިންތިޚާބެއް ކަމަށެވެ. ފަލާހާއި އޭނާއާ ވާދަކުރެއްވި ކެންޑިޑޭޓާ ދެމެދު ވޯޓުގެ ފަރަގު ވަރަށް ކުޑަ ކަމަށާއި ނަމަވެސް، އިލެކްޝަންސް ކޮމިޝަން (އީސީ) އިން ދާއިރާގެ ވޯޓު އަލުން ގުނާފައި ނުވާ ކަމަށް ފަލާހް ވިދާޅުވި އެވެ.
އީސީގެ ރަސްމީ ނަތީޖާ ދައްކާ ގޮތުގައި، އިނގުރައިދޫ ދާއިރާގެ ގޮނޑި ކާމިޔާބު ކުރެއްވި އެމްޑީޕީގެ ހަސަން މުހައްމަދު (ހަސަންޓޭ) އަށް ލިބިވަޑައިގަތީ 1038 ވޯޓެވެ. ދެން އެންމެ ގިނަ ވޯޓު ލިބިވަޑައިގަތީ ފަލާހަށެވެ. އެއީ 949 ވޯޓެވެ. މިއީ 89 ވޯޓުގެ ފަރަގެކެވެ.
"ނިމިގެންދާ ފަސް އަހަރުގެ ދައުރުގައި އަޅުގަނޑުގެ ދާއިރާގެ ރައްޔިތުން އަޅުގަނޑާ އެއްކޮށް، އަޅުގަނޑުގެ ބަސް އަހައިގެން ދާއިރާގެ ތަރައްގީއަށް ކޮށްދިން ހުރިހާ މަސައްކަތަށްޓަކައި ދާއިރާގެ ފަސް ރަށުގެ ރައްޔިތުންނަށް ޝުކުރު ދަންނަވަން،" ޕީޕީއެމް ޕީޖީ ގްރޫޕްގެ ޑެޕިއުޓީ ލީޑަރު ފަލާހް ވިދާޅުވި އެވެ.
އިންތިޚާބުގެ ބައެއް ދާއިރާތަކުގެ ވޯޓު ފޮށިތައް އަލުން ގުނަން ހުށަހެޅުމުން ގުނާފައިވެ އެވެ. އަދި ބައެއް ފޮށިތަކާ ބެހޭ ގޮތުން ހުށަހެޅި ޝަކުވާތަކަކީ ނަތީޖާ އަށް ބަދަލު އަންނަ ވަރުގެ ޝަކުވާތަކެއް ނޫން ކަމަށް އީސީގެ ރައީސް އަހުމަދު ޝަރީފް ވަނީ ވިދާޅުވެފަ އެވެ.
އާންމު އިންތިޚާބުގެ ރަސްމީ ނަތީޖާ އިއުލާން ކުރުމުގެ ކުރިން އީސީން ބޭއްވި ނޫސްވެރިންގެ ބައްދަލުވުމުގައި ޝަރީފް ވިދާޅުވީ އިންތިޚާބުގެ ވަގުތީ ނަތީޖާ އަންނަމުން ދިޔަ ވަގުތުގައި 24 މައްސަލައެއް ހުށަހެޅި ކަމަށެވެ. އަދި ކޮމިޝަނުން މައްސަލަތައް ދިރާސާކުރުމަށް ފަހު، ނިންމީ ފަސް ދާއިރާއެއްގެ ބައެއް ފޮށިތައް ގުނާށެވެ.
އިންތިޚާބުގެ ނަތީޖާ ދައްކާ ގޮތުން ސަރުކާރު ކޯލިޝަންގެ މައި ޕާޓީ، އެމްޑީޕީން ވަނީ 65 ގޮނޑި ހޯދައިފަ އެވެ. މިއީ އާންމު އިންތިޚާބުގެ ތާރީހުގައި މިހާ ގިނަ އަދަދެއްގެ ގޮނޑި އެއް ޕާޓީއަކުން ހޯދި ފުރަތަމަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޭޑީ ބޯއީ
18 April 2019
ބޮޑާވެރިކަން، ކިބުރުވެރިކަން އިސްކޮއް ތިމާ ވަރުގެ މީހަކު ނެތްކަން ދަތެވެ. އިސް ސަފުގެ ކުރިޔަށް ކެމްޕޭނުގައި އުޅުއްވީ އިޙްލާސްތެރިންތޯ؟ ތިމާއަށް ތިމާ ފެނުމުން ލިބޭނެ އެންމެ ބޮޑު ދެރަ ތި ފެންނަނީ. ހަމަ ބިމައް މަރުޙަބާ!
ދަތްނެތްކުއްޖާ
17 April 2019
މިހާރު އިގިރޭސި ބަހުން 2 ލަފްޒް ބުނެލަން ނޭގޭ ނުކިޔަވާ ތިބޭ ޤަމާރުންނެއް ރައްޔިތުން ނެއް ނުހޮވާނެ.
ސާދާސީދާ
17 April 2019
264 ގަޑިއިރު ފަހުންތޯ ފަހްމްވީ؟
އަލިބެގެވާހިދު
17 April 2019
ފަލާހު ހޮވެންދެން ވޯޓުގުނަގުނާތިބވެންވީބާ. އަލުންގުނުމުގެ ހުއްޖަތެއްނެތިއްޔާ ފަލާުހު ނުހޮވުނޭކިޔާ ގުނާކަށްނުޖެހޭ.ރައްޔިތުންގެ ނިންމުމަށް އިހުތިރާމް ކުރަންޖެހޭ ރައްޔިތުންގެ ބަސްގަބޫލު ކުރަންޖެހޭ ނުކުރެވޭމީހުންނަށް ދިމާވެދާނެގޮތް މިހާރު ދިމާވެގެން ތިއުޅެނީ
އުއްޗު
17 April 2019
ދާއިރާއަށް މުޅިއެކު ވޯޓް ދިނުމުގެ ހައްގު ލިބިފައި ވަނީ 3000 ވަރަކަށް މީހުން 1987 މީހުންގެ ވޯޓް މިދެމީހުންނަށް ލިބިފައިވާ އިރު ބާކީ 1013 ގެ ތެރެއިން 3 ވަނަ އަދި ހަތަރުވަނައަށް ދިޔަ 1110 ވޯޓް ވަނީ ހޯދާފައެވެ ދެން ވިސް ނާލާ ޢިންސާފް ވެރިކަން ވޯޓް ނުލާ އެކަކުވެސް ނެތް ބާތިލް ވޯޓެއްނެތް މި އިންސާފަކީ
ދުއްރަ ހުއްތު
17 April 2019
ތިމާ ނުހޮވުނީމަ އިންތިހާބު ގޯސްވީ، ..؟... ތިޔަޓީމު ރައްޔަތުން ބަލައިނުގަތީ. އުޅެވުނުގޮތާމެދު ވިސްނާލަބަލަ. ދަައުލަތް ފޫވައްޓާލީ، ތަނެއްދޮރެއް ބަލައިނުލާ އުޅެގަނެވުނީ ކިހިނެއްތޯ ؟
އަޙުމަދު.
17 April 2019
ފަލާހު ނުހޮވުނީމާ މަޖިސް އިންތިހާބު ބޭ އިންސާފު ވީ ؟ ފަލާހާ އެމް.ޓީ ސީ ސީ އިން ބަންނަން ހަވާލުކުރި 4 ފެރީގެ ތެރެއިން ކިތަށް ފެރީތޯ ބަނީ ؟ އެކަމަށް ދިންފައިސާއިން ފެރީ ނުބަނދެ އަމިއްލަ ޔޮޓް ބަނުމަކީ އިންސާފު ތޯއެވެ؟ ފަލާހުމެން އިންސާފޭ ކިޔައިގެން ވާހަކަ ދައްކާކަށް މާތާހިރެއްނޫން، ރިޔާސީ އިންތިހާބު ކުރިމަތި ވެގެން އައިދުވަސްވަރު އެމް.ޑީ.ޕީ ތެރެއަށް އަންނަން މަސައްކަތް ކުރީ ނުބަނދެ ހުރި ފެރީގެ މައްސަލަ ހިންދާލެވޭނެ ކަމަށް ތޯއެވެ ؟
ޟަމީރު
17 April 2019
ދެން ލަލަ ލާ
އަލިބެއްޔާ
17 April 2019
ބަލިވީމާ ތިކަހަލަ އެއްޗެތި ހިތައް އަރާނެ.
ދެރަ
17 April 2019
ރައްޔިތުންގެ ވޯޓާ ހަހައަށް އާދެވުނުއިރު ތިމާމެންގެ އުޅުމާ އަހުލާގު ބެހެތްޓުނުހިސާބު ތިމާމެންނަށް އިގޭބާ