ކުރީގެ ނައިބު ރައީސްކަން ކުރައްވާފައި ތިއްބެވި ބޭފުޅުން. (ކ-ވ). އަބްދުﷲ ޖިހާދު، ޑރ. މުހައްމަދު ވަހީދު، މުހައްމަދު ވަހީދުއްދީން، ޑރ. މުހައްމަދު ޖަމީލް އަދި ކުރީގެ ނައިބު ރައީސް އަހުމަދު އަދީބު. --- ފޮޓޯ: މިހާރު
17 އެޕްރީލް 2019 - 13:40
51 comments
ނައިބު ރައީސްކަން ކުރެއްވި ބޭފުޅުންގެ ތެރެއިން ކުށްވެރި ނުވެ، އެ މަގާމުން ވަކިވެއްޖެ ނަމަ، ދައުލަތުން މަހަކު 35،000ރ. ގެ އިނާޔަތެއް ދިނުމަށް ރައްޔިތުންގެ މަޖިލިހުން މިއަދު ފާސްކޮށްފި އެވެ.
އޭދަފުށީ ދާއިރާގެ ޕީޕީއެމްގެ މެމްބަރު އަހުމަދު ސަލީމް (ރެޑްވޭވް ސަލީމް) ހުށަހެޅުއްވި، ރައީސުލްޖުމްހޫރިއްޔާގެ ނައިބުކަން ކުރައްވާފައި ތިއްބެވި ބޭފުޅުންނަށް ދޭން ޖެހޭ ރައްކާތެރިކަމުގެ ބިލް މަޖިލިހުންގެ ވަގުތީ ކޮމިޓީން ގެނައި ބަދަލުތަކާ އެކު، މަޖިލިހުގެ ތަޅުމުން ފާސް ކުރީ ވޯޓުގައި ބައިވެރިވެވަޑައިގެންނެވި 46 މެމްބަރުންގެ ތެރެއިން 32 މެމްބަރުންގެ އަޣުލަބިއްޔަތުންނެވެ. ސަލީމްގެ ބިލް ފާސް ކުރަން ނުފެންނަ ކަމަށް 12 މެމްބަރުން ވޯޓު ދެއްވި އެވެ.
އަދި ވަކި ގޮތަކަށް ވޯޓު ނުދެއްވާ ދެ މެމްބަރަކު އިންނެވި އެވެ.
ވަގުތީ ކޮމިޓީން ބިލަށް ބޮޑެތި ބަދަލުތަކެއް ގެނައި އިރު، ނައިބު ރައީސުންނަށް މާލީ އިނާޔަތް ލިބޭނީ ދައުލަތުން މުސާރަ ލިބޭ އެހެން ވަޒީފާއެއް ނުވަތަ މަގާމެއް އަދާނުކުރާ ނަމަ އެވެ. މީގެކުރިން ނައިބު ރައީސުން މަގާމުން ވަކިވާ ހިސާބުން މުސާރަ އާއި އިނާޔަތްތައް ދޭނެ ވަކި ގާނޫނެއް ނެތެވެ.
މީގެއިތުރުން ނައިބު ރައީސަކު އެދިއްޖެ ނަމަ، މާލޭގައި އެއްގަމު ދަތުރުފަތުރު ކުރުމުގެ ވަސީލަތްތައް ދައުލަތުގެ ހަރަދުގައި ސަލާމަތީ ބާރުތަކުން ހަމަޖައްސަން ވާނެ ކަމަށް ބިލްގައިވެ އެވެ. އަދި ނައިބު ރައީސުންނަށް ޑިޕްލޮމެޓިކް ޕާސްޕޯޓާއި ވީއައިޕީގެ ހިދުމަތް ފޯރުކޮށްދޭން ވާނެ ކަމަށް ބިލްގައިވެ އެވެ.
ކުރީގެ ނައިބު ރައީސުންނަށް އިނާޔަތާއި ރައްކާތެރިކަން ލިބޭ ބިލެއް މަޖިލިހުން ފާސް ކުރި އިރު، ނައިބު ރައީސްކަން ކުރެއްވި ފަސް ބޭފުޅަކު މި ވަގުތު ދުނިޔޭގައި އެބަތިއްބެވި އެވެ. ބިލް ފާސްވެ، ރައީސް ތަސްދީގު ކުރައްވައި، ސަރުކާރުގެ ގެޒެޓްގައި ޝާއިއުކުރާ ދުވަހުން ފެށިގެން އިނާޔަތާއި ރައްކާތެރިކަން ލިބިވަޑައިގަންނަވާނީ މުހައްމަދު ވަހީދުއްދީނަށާއި ޑރ. މުހައްމަދު ޖަމީލް އަހުމަދަށާއި އަބްދުﷲ ޖިހާދަށެވެ.
ކުރީގެ ނައިބު ރައީސް އަހުމަދު އަދީބުގެ މައްޗަށް ޖިނާއީ ކުށެއް ސާބިތުވެފައިވާތީ އޭނާ އަށް އިނާޔަތާއި ރައްކާތެރިކަމެއް ނުލިބޭނެ އެވެ. އަދި ކުރީގެ ނައިބު ރައީސް ޑރ. މުހައްމަދު ވަހީދު ފަހުން ރައީސްކަން ކުރައްވާފައި ވާތީ، އެމަނިކުފާނަށް ލިބިވަޑައިގަންނަވާނީ ކުރީގެ ރައީސުންގެ އިނާޔަތްތަކެވެ.
ރައްޔިތުންގެ މަޖިލިހުގެ ޖަލްސާއެއްގައި މެމްބަރުން ބައިވެރިވެވަޑައިގަންނަވަނީ. ބިލްގައިވާ ގޮތުން ކުރީގެ ނައިބު ރައީސުންނަށް މަހަކު 35،000ރ. ލިބިވަޑައިގަންނަވާނެ.--ފޮޓޯ/މަޖިލިސް
ކޮމިޓީން ބިލަށް ގެނައި ބަދަލުގައިވާ ގޮތުން ނައިބު ރައީސަކު ބޭނުންވެއްޖެ ހާލަތެއްގައި އެކަށީގެންވާ ފެންވަރަކަށް ސަލާމަތީ ހިދުމަތް ފޯރުކޮށްދޭން ވާނެ އެވެ. އަދި ރާއްޖޭންނާއި ރާއްޖޭން ބޭރުން ސަރުކާރުން ކަނޑައަޅާ ގޮތެއްގެ މަތިން ސިއްހީ ހިދުމަތް ފޯރުކޮށްދޭން ވާނެ ކަމަށް ބިލްގައިވެ އެވެ.
މީގެއިތުރުން ނައިބު ރައީސަކު އެދިއްޖެ ނަމަ، މާލޭގައި އެއްގަމު ދަތުރުފަތުރު ކުރުމުގެ ވަސީލަތްތައް ދައުލަތުގެ ހަރަދުގައި ސަލާމަތީ ބާރުތަކުން ހަމަޖައްސަން ވާނެ ކަމަށް ބިލްގައިވެ އެވެ. އަދި ނައިބު ރައީސުންނަށް ޑިޕްލޮމެޓިކް ޕާސްޕޯޓާއި ވީއައިޕީގެ ހިދުމަތް ފޯރުކޮށްދޭން ވާނެ ކަމަށް ބިލްގައިވެ އެވެ.
އޮގަސްޓް 7، 2008 އިން ފެށިގެން އަމަލު ކުރަން ފެށި ގާނޫނުއަސާސީގެ ދަށުން ނައިބު ރައީސް ކަން ކުރި ބޭފުޅަކަށް އިނާޔަތާއި ރައްކާތެރިކަން ލިބޭނެ ކަމަށް ބިލްގައި ބުނާ އިރު، ބިލްގައިވާ ގޮތުން ނައިބު ރައީސްކަން ކުރެއްވި ބޭފުޅަކު ޖިނާއީ ކުށެއް ކުރިކަން ސާބިތުވެ، އޭނާގެ މައްޗަށް ނިހާއީ ހުކުމެއް އަންނަ ވަގުތުން ފެށިގެން އޭނާ އަށް ބިލުން ލިބޭ އެއްވެސް ރައްކާތެރިކަމާއި އިނާޔަތެއް ނުލިބޭނެ އެވެ.
ކޮމިޓީން ބިލަށް ގެނައި ބަދަލުގައިވާ ގޮތުން ނައިބު ރައީސަކު ބޭނުންވެއްޖެ ހާލަތެއްގައި އެކަށީގެންވާ ފެންވަރަކަށް ސަލާމަތީ ހިދުމަތް ފޯރުކޮށްދޭން ވާނެ އެވެ. އަދި ރާއްޖޭންނާއި ރާއްޖޭން ބޭރުން ސަރުކާރުން ކަނޑައަޅާ ގޮތެއްގެ މަތިން ސިއްހީ ހިދުމަތް ފޯރުކޮށްދޭން ވާނެ ކަމަށް ބިލްގައިވެ އެވެ.
ނައިބު ރައީސުންނަށް ދޭ އިނާޔަތާއި ރައްކާތެރިކަން ލިބޭނީ ބިލަށް އަމަލު ކުރަން ފަށާ ތާރީޚުން ފެށިގެން ކަމަށް ވެސް ސަލީމް ހުށަހެޅުއްވި ބިލަށް ކޮމިޓީން ގެނައި ބަދަލުތަކުގެ ތެރޭގައި ހިމެނެ އެވެ. ބިލަށް އަމަލު ކުރަން ފާށާނީ ބިލް ފާސްވެ، ތަސްދީގުކޮށް ސަރުކާރުގެ ގެޒެޓްގައި ޝާއިއުކުރާ ދުވަހުން ފެށިގެންނެވެ.
ދައުލަތުގެ ބަޖެޓުން މިހާރު އިނާޔަތް ދެނީ ރައީސްކަން ކުރައްވާފައި ތިއްބެވި ބޭފުޅުންނަށެވެ. އެގޮތުން، އޮފީސް ހިންގުމުގެ ޚަރަދާއި ދިރިއުޅުއްވާ ތަނުގެ ޚަރަދު ހަމަޖެއްސުމަށާއި މާލީ އިނާޔަތުގެ ގޮތުގައި އެތައް މިލިއަން ރުފިޔާއެއް ދިނުމަށް ބަޖެޓުގައި ކޮންމެ އަހަރަކު ވެސް ހިމަނަ އެވެ.
ސަލީމް ހުށަހެޅުއްވި ބިލަށް ބަހުސް ކުރެއްވި ބައެއް މެމްބަރުން ވިދާޅުވި ގޮތުގައި ނައިބު ރައީސްކަން ކުރެއްވި ބައެއް ބޭފުޅުން މަގުމަތިވެފައިވާ ކަމަށާއި އެ ބޭފުޅުންނަށް ފުރިހަމަ ރައްކާތެރިކަމާއި އިނާޔަތް ލިބެން ޖެހޭނެ ކަމަށެވެ. އެކަމަކު، އެހެން ބައެއް މެމްބަރުން ވިދާޅުވީ މިފަދަ ބިލެއް ފާސް ކުރުމުގެ ކުރިން ދައުލަތުގެ ބަޖެޓުން އެފަދަ ކަމެއް ކުރުމުގެ ފުރުސަތު އޮތްތޯ ބެލުމަކީ މުހިންމު ކަމެއް ކަމަށް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު ރަޝީދު އަލީ
18 April 2019
ދިވެހިރާއްޖޭގެ މަތީކޯޓުގެ ފަޑިޔާރުންގެ މަހު އެލަވަންސް 20000 ވިހިހާސް ދުވަސްކޮޅަކަށް ރައީސުލްޖުމުހުރިއްޔާގެ ނައިބު ކަންކުރެއްވީމަ 35000 ތިރީސް ފަހެއް ހާސް ރުފިޔާ އެލަވަންސު މަހަކަށް......... މަޖިލީސް މެމްބަރުންނަށ ހަމަ ސާބަސް....
ހުތްކިބަ
18 April 2019
ނުނޭ! ނޫނޭ! މިއޮތީވާކަމެއް! މީގެތެރޭގައި ހައްތަހާވެސް މިތިބީ ކާނެއެޗެއް ބޯނެއެއްޗެއް ލިބޭނެ އެއްވެސް ގޮތެއްނެތިފައިތިބި ނިކަމެތި އަނަރޫފަވެފައިތިބި އަޅާލާނެ އެކެއްވެސްނެތި ނިކަމެތިވެފައިތިބ ބޭފުޅުންކޮޅެއް. މަށްހީވަނީ ތިވަރު ތަންފުކެއް މަދުހެން. މިބިލް ހުށަހެޅުއްވި ޢިއްޒަތްތެރެރިޔާއަށް މިފަދަ ވިސްނުމަކަށް ތަޢުރީފު ޙައްޤެވެ. މަޖިލީހުގެ ދާއިމީ މެންބަރުކަމެއް ޢުމުރުދުވަހަށްދޭން ރައްޔިތުން ވިސްނަންޖެހެއެވެ. މެންބަރަށް ފަށްފަށުން ޝުކުރިއްޔާ
މުލޭ
18 April 2019
ސަލާމަތީ ބަރުތަކަށް ޒިންމާ މަތިކުރާއިރު ވަސީލަތްވެސް ހަވާލުކުރަންވާނެ. ނުފޯރާފޮތިން ފޫގަޅަން އުޅުމުމުން ވާނެގޮތް ކޮންމެވެސް ވެރިޔަކު އޮންނާނެ ބުނެދީފައި. މީ ވަރަށް ވާހަކަ.
ދިވެއްސެ
17 April 2019
އަދިވެސް ރަތްޔިތުންގެ ލާރި ބަހަންވީ މި މަހުޖަނުންނައްތަ؟ ކިހާަ ދެރަ ކަމެއްމީ. ތިޔަމީހުންނަން މިހާރުވެސް ދުވާލަކަށް ލިބޭ އާމްދަނީވެސް ތިޔައްވުރެއް ގިނަވާނެ. ތިޔަ ލާރި މާހައްގު އެތަކެއް ދިވެހިން މިރާއްޖެގަވޭ.
މިސްރާބު
17 April 2019
ރައްޔަތުންގެ ވޯޓަކުން އިންތިޚާބު ނުވާ ނައިބަކަށް އިނާޔަތް ނުލިބުމަކީ އިންސާފު ވެއްޖެއްޔާ ރައްޔަތުން އުންމީދާއި ހުވަފެންތަކާއެކު ވެރިކަން ހަވާލުކުރީމަ އަމިއްލައަށް އިސްތިއުފާ ދެއްވާ ފަރާތަކަް ލިބުން އިންސާފަށް ވާނެތޯ؟ ހަމަޖެހޭ ވާހަކަ ދައްކަވާތި!
ހަމަ ޖެހޭބާ
17 April 2019
ދެން ފަހެ ޕޮލިޓިކަލް މަގާމެއް ކުރެއްވިޔަސް އުމުރަށް މުސާރަޔާ އެލަވަންސް އަދި އެހެނިހެން ކަންކަންވެސް ކުރަންފެނޭ ... އޭރުން ތި މަޖްލިސް ނިމުނީ... އާޙިރަތާ ޖެހެންދެން ލިބޭނެ އިނާޔަތެއް ނެއްބާ
ޑީސީ
17 April 2019
ކަލޭމެންގެ މައިންބަފައިންގެ ތަރިކައެއްތަތީ ދިވެހި ރައްޔިތުން އޮއްދާހިއްލައިގެން ހޯދާލާރިކޮޅު ބައިބަޔަށްބަހަން..
ޑރ.ނަޒުނާ އަހުމަދު/ސ.ހިތަދޫ/ޔޫކޭ
17 April 2019
މަޖިލީހުގެ މެމްބަރުން ކީއްވެ ކަމެއްނޭނގޭ ރައްރަށުގެ ކައުންސިލުންނަށް މިދަދަ ވެލްފެއާރ އެލައުންސު ގާނޫނަކުން ނުނިންމިގެން އުޅެނީ، އެމީހުން އެއީ ސީދާ އެސަރަހައްދެއްގެ ރައްޔަތުން ވޯޓު ދީގެން ހޮވާބަޔެއްކަމުން އަހަރެން ގަބޫލުކުރަނީ ތިޔަ ފޮޓޯރަކުން ފެންނަ މޭން މޭޑު ނައިބު ރައީސުންތައްކަމުން ރައްޔަތުންނާއި އެއްވެސް ގުޅުމެއްނެތި އައިސް އުޅޭބަޔަކަށްވާތީވެއެވެ. މިހާރުގެ ރައީސަށް މަޖިލީހުން ކަންތައްފަސޭހައިން ކުރެވެން އޮތުމުންއެއްބަނޑުއެއްމެނަށްނައިބުކަން
ކަންއޮތްގޮތް
17 April 2019
ހައްތަހާވެސް ޕީޕީއެމްގެ ބާރުހިނގިމީހުން. މިމަޖިލީހުގެ ބާރުކެނޑުމުގެކުރިން ހަދިޔާއެއްދިނީ. ރަސްކަލުން ދައުލަތަށްލިބޭހައި އެއްޗެއް އެމީހުން ތަޅާބުރުއްސިނަމަވެސް އެކަން މިހާރު ވިޔަދީގެންނުވާނެ. ރައްޔިތުންގާތުން އެހުމެއް ކެހުމެހެތިއެވެ. ވިކިފައިތިބި މަންދޫބުންތަކެއް ދައުލަތުގެ ޢާމްދަނީ މިގޮތަށް ތަޅާބުރުވައިގެންނުވާނެ. އެމީހުން އަދާކުރީ ވަޒީފާއެއް، އުޖޫރަހުންނާނީ ލިބިފަ. މިހިންވާނަމަ، ކޮންމެ ރައްޔިތަކަށްވެސް މިވަރުދީ! މިކަން ބާތިލުކުރަންޖެހޭނެ.
Naseem
17 April 2019
ރައްޔިތުން ވޯޓުންހޮވި ނައިބުންނަށް ދިނަސް އޯކޭ