މާފުށީ ޖަލުގައި މީގެ ހިންގި ކޯހެއް ފުރިހަމަ ކުރި ގައިދީންތަކެއް ސެޓްފިކެޓާއެކު.-- ފޮޓޯ: ނިޝާން އަލީ
21 އެޕްރީލް 2019 - 16:31
22 comments
ޖަލުގައި ހުކުމް ތަންފީޒު ކުރަމުންދާ 201 ގައިދީ އަކަށް ރައީސް އިބްރާހިމް މުހައްމަދު ސޯލިހު އަދަބު ލުއިކޮށްދެއްވައިފި އެވެ.
އެމަނިކުފާނުގެ ތަރުޖަމާނު އިބްރާހިމް ހޫދު މިއަދު ވިދާޅުވީ، މުޖުތަމައަށް ނުރައްކަލެއް ނެތްކަން ކަށަވަރު ކުރުމަށް ފަހު 201 ގައިދީއެއްގެ އަދަބު ރައީސް ލުއިކޮށްދެއްވާފައިވާ ކަމަށެވެ. އެކަމުގައި ބޮޑަށް ބެއްލެވީ އިންސާފު ލިބުމުގައި ޝަރުއީ ނިޒާމުން ގެއްލިފައި ތިބި މީހުންނަށް ކަމަށް ހޫދު ވިދާޅުވި އެވެ.
އަދަބު ލުއިކޮށްދެއްވާފައިވާތީ އޭގެ ތެރެއިން ބައެއް މީހުން މިނިވަންވެފައި ވެ އެވެ. އަނެއްބައި މީހުން ގޭ ބަންދަށް ބަދަލު ކޮށްދީފައިވާއިރު ދެން ތިބި މީހުންގެ ޖަލު ހުކުމުން ބޮޑު ބައެއް ވަނީ މާފުވެފަ އެވެ. ނަމަވެސް އޭގެ ތަފްސީލުތަކެއް ހޫދު ނުދެއްވަ އެވެ.
ހޫދު ވިދާޅުވީ އަދަބުލުއިކޮށްދޭން ނިންމި މީހުންގެ ތެރޭގައި ޑައިމޯފިން ބޭނުން ކުރުމާއި ވައްކަން ކުރުމާއި ކެނަބިސް އާއި ބަނގުރާ ބޭނުންކޮށްގެން ހުކުމް ތަންފީޒުކުރަމުންދާ މީހުން ހިމެނޭ ކަމަށެވެ.
އޭނާ ވިދާޅުވި ގޮތުގައި، މަސްތުވާތަކެއްޗާ ގުޅޭ މައްސަލައެއްގައި ހުކުމް ތަންފީޒު ކުރަމުން ދިޔަ މީހަކު އަދަބުލުއިކޮށްދިނުމުގެ ސަބަބުން މިނިވަންވި ނަމަވެސް، ކޯޓު އަމުރެއް ނެތި އެ މީހަކު ދިރިއުޅޭ ތަންތަނާއި އެއްޗެހި ފުލުހުންނަށް ދެ އަހަރު ވަންދެން ބަލައި ފާސްކުރެވޭނެ އެެވެ.
ހޫދު ވިދާޅުވީ އަދަބުލުއިކޮށްދިން އެންމެންނަކީ ވެސް ހުކުމުގެ ހަތަރުބައިކުޅަ އެއްބައި ތަންފީޒުކޮށްފައިވާ މީހުން ކަމަށެވެ އެ މީހުންގެ އަދަބުލުއިކޮށްދިންއިރު، ބަލި ހާލަތާއި ޖަލުގައި އެ މީހެއްގެ އަހުލާގު ހުރި ގޮތާއި ހާއްސަ ހާލަތްތަކަށް ބަލާފައިވާނެ ކަމަށް ވިދާޅުވި އެވެ.
"އެބަހުރޭ ސިސްޓަމް ތެރޭގައި ބެދިފައި ތިބި މީހުން. އަދަބު ލުއިކޮށްދިންއިރު ބޮޑަށް ބަލާފައި ވަނީ، އާ ގާނޫނުލްއުގޫބާތަށް އަމަލުކުރަން ފެށިއިރު ނިޒާމުން ގެއްލިފައި ތިބި މީހުންނަށް،" ހޫދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަސަންދީ
22 April 2019
ރަގަޅު މީގެ ތެރޭގައި މީހުން މަރާފައިވާ މުޖުރިމުން ނުހިމެނޭ ކަމީ ރަގަޅުކަމެއް އަދި ކުޑަކުދިންނާ ބެހިފައިވާ މީހުންނަށް ފުރުސަތު ދީގެންނުވާނެ ދެންތިބި މީހުންނަށް މުޖުތަމަޢުގައި އުޅުމުގެ ފުރުސަތު ދޭންޖެހޭ މީގެ ތެރެއިން އެންމެ މީހަކު ރަގަޅުވުމަކީވެސް ޤައުމައް ލިބޭނެ ވަރަށް ބޮޑުފައިދާއެއް
ކޭޓީ
22 April 2019
އެންމެ ފަހުންވެސް އޮތީ ދެވަނަ ފުރުޞަތުގެ ދަށުން ދޫކޮށްލި މީހުންގެ ތެރެއިން މީހަކު ގޮސް ދެވަނަ ފުރުޞަތުގެ އޮފީސް ފަޅާލާފަ
ސަނި
22 April 2019
ކޮން ކޮން ބައެއް ކަމާ ކޮން ކޮން ކުއްތަކެއް ކުރި ބައެއްކަން އެނގެން ޖެހޭ..
ކުކުޅު
22 April 2019
ރޯދަމަހަށް ވަގުން ދޫކޮށްލީ ރަގަޅުދެން
ރޯނާ
22 April 2019
ދޫކޮއްލި މީހުންގެތެރޭގަ އެއްޖިންސުން ގިނަކުޑަކުދިންތަކަކާ ބެހުނުމީހާވެސް ހިމެނެ.
އާދަން
22 April 2019
އަދަބު ލުއިކުރުމުގެ ފުރުޞަތު ރައީސަށް އޮންނަ އޮތުން ބަދަލުކުރަންޖެހޭ.
ސަތާރަ
22 April 2019
ކުރިއަށް މި އޮތީ ރޯދަމަސް. މިޤައުމުގައި މިހާރަކަށް އައިިސް ރޯދަމަސް ވެފައިވަނީ ވައްކަން ކުރުމާއި ފޭރުން ފަދަ ބޮޑެތި ކުށްތައް އިތުރުވެގެންދާ މަހެއްގެ ގޮތުގައި. އަދި މިއުޅެނީ މިދިޔަ އަހަރު ރޯދަމަހު ހިނގާފައި ހުރި ބޮޑެތި ބޮޑެތި ކަންތައްތަކުގެ މަތިން ހަނދާން ނުނެތިގެން. ރޯދަމަހާ ދިމާކޮށް ތި ހުރިހާ އެންމެން ދޫކޮށްލުމަކުން ނުފުދޭ. އެމީހުން ކުށެއްކޮށްފިނަމަ އެކަމުގެ ޒިންމާ ސަރުކާރުން ނަގަންޖެހޭނެ.
ރަށުމީހާ
22 April 2019
މާ މަމޮޅޭވެފަ ކޮމަންޓުކުރާއިރު ވާނުވާ އިނގިގެން އެއްޗެއްލިޔަނީ ކިތަށްމީހުންބާ ތިޔަބަޔަކު ވީއްލުނީ އިއްޔައަކު މިއަދަކުނޫން އަދި އެއިގެން މީހަކު ކަމެއްކޮށްގެން ހައްޔަރުކުރިވާހަކައެއް ނުބުނޭ
ދޮށީކޮއި ޢަލީގެ މުޙައްމަދު
22 April 2019
ބައިކުދިންކޮޅު ޖަލުގައި ބައިތިބަން މަނަމަވެސް ހިތެއްނުރުހޭނެ
ކާފަބޭ
21 April 2019
ކޮންމެ ގައެދީއަކައް ދޫކޮއްލުމުގެކުރިން ރަނގަޅު ހެލްމެޓެއްވެސް ހަދިޔާކުރަންފެނޭ.
ދޮށީކޮއި ޢަލީގެ މުޙައްމަދު
22 April 2019
3000 ރުފިޔާ ގެ ރަމަޟާން އިނާޔަތް ވެސް ދޭން ފޭނޭ ހައްޔާރުވާ ކުދިންނަށް ކުރިންވެސް އިނާޔަތް ދޭފަންޑެއް ހުޅުވި މިހާރު ދާއިމީކޮށް އެކުދިންނަށް އިނާޔަތް ދޭން ޖެހޭނެ