ނޫސްވެރިންގެ ބައްދަލުވުމެއްގައި އެމްއެންޑީއެފްގެ އިސްވެރިންތަކެއް: ލަންކާގައި ދިން ބޮމުގެ ހަމަލާތަކާ ދިވެއްސަކާ އަދި ގުޅުމެއް ނެތް ކަމަށް އެންސީޓީސީ އިން ބުނޭ -- ފޮޓޯ/މިހާރު
22 އެޕްރީލް 2019 - 17:33
9 comments
ސްރީލަންކާގައި އިއްޔެ ދިން ބޮމުގެ ހަމަލާތަކުގަައި ދިވެއްސެއްގެ ބައިވެރިވުމެއް މިހާތަނަށް ނެތްކަން ބޭރުގެ ފަރާތްތަކުން ކަށަވަރު ކޮށްދޭ ކަމަށް ނޭޝަނަލް ކައުންޓާ ޓެރަރިޒަމް ސެންޓަރު (އެންސީޓީސީ) އިން މިއަދު ބުނެފި އެވެ.
ސްރީލަންކާގެ އެކި ތަންތަނުގައި އިއްޔެ ދިން ބޮމުގެ ހަމަލާތަކުގައި 290 މީހުން މަރުވެ، 400 އަށް ވުރެ ގިނަ މީހުން ވަނީ ޒަހަމްވެފަ އެވެ. އެ ހަމަލާތަކާ ގުޅިގެން ރާއްޖޭގައި ވެސް ވަނީ ސަލާމަތީ ކަންކަން ވަރުގަދަކޮށްފަ އެވެ.
އެންސީޓީސީ އިން މިއަދު ކުރި ޓްވީޓެއްގައިވަނީ ލަންކާއަށް ދިން ބޮމުގެ ހަމަލާތަކާ ގުޅިގެން މިހާތަނަށް ބެލި ބެލުމުން، ދިވެއްސެއްގެ އެއްވެސް ބައިވެރިވުމެއް ނުފެންނަ ކަން ރާއްޖެ އާއި ރާއްޖެއިން ބޭރުގެ ކަމާބެހޭ ފަރާތްތަކުން އެ ސެންޓަރަށް ކަށަވަރުކޮށްދޭ ކަމަށެވެ. އެހެންވެ، ޔަގީންނުވާ މައުލޫމާތުތައް ފެތުރުމުގައި އިތުރަށް ސަމާލުވުމަށް އެދޭ ކަމަށް އެ ޓްވީޓްގައިވެ އެވެ.
Our local and international partners assure us there’s no truth as of yet to the claims linking Maldives to yesterday's terrorist attack in Sri Lanka. We urge all to be responsible and refrain from sharing unverified information. For queries please call our Hotline at 1615.
— NCTC Maldives (@NCTCMaldives) April 22, 2019
އެންސީޓީސީގެ ޓްވީޓް
ގިނަ އަދަދަކަށް ދިވެހިން ދިރިއުޅޭ ލަންކާގެ އެކި ތަންތަނުގައި ދިން ބޮމުގެ ހަމަލާތަކާ ގުޅިގެން އެ ގައުމުން މިހާތަނަށް 24 މީހަކު ހައްޔަރު ކޮށްފައިވެ އެވެ. އެކަމަކު ހައްޔަރުކުރި މީހުންގެ އެއްވެސް މައުލޫމާތެއް ލަންކާ ފުލުހުން އަދި ހާމައެއް ނުކުރެ އެވެ.
ލަންކާގައި އިއްޔެ ދިން ބޮމުގެ ހަމަލާތަކަކީ އެ ގައުމުގައި 25 އަހަރު ވަންދެން ހިނގި ދާޚިލީ ހަނގުރާމަ ނިމުނުތާ 10 އަހަރު ފަހުން ދިން ޓެރަރިސްޓް ހަމަލާ އެވެ. އެ ހަމަލާއާ ގުޅިގެން މިރޭ މެންދަމުން ފެށިގެން މުޅި ގައުމުގައި ކުއްލި ނުރައްކަލުގެ ހާލަތު އިއުލާންކޮށް، ޓެރަރިޒަމްގެ އަމަލުތައް ހުއްޓުވަން ސަލާމަތީ ބާރުތަކަށް ލިބޭ ހުރިހާ އިހްތިޔާރުތަކެއް ބޭނުން ކުރުމުގެ ހުއްދަ ދޭން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަރުވާލި އާދަނުގެ ސިޔާސީ ހާސަރު
29 April 2019
މުޅިން ރަގަޅު ތޯ ތިޔަ ބަހުރުވަ. 1-ދިވެއްސަކު ބައިވެރި އެއްނުވެ. އޯކޭ 2-ދިވެހިންނާ އެއްވެސް ލެވެލް އެއްގައި ގުޅުން ހިރިތޯ އަދި ދަނީ ބަލަމުން.
ބުއްޅަބޭ
23 April 2019
އެއްބައި ފަހަރަށް ހީވެ. މިޚަބަރުތަކުން ދިވެއްސަކު ނުވެގެން އުޅެނީއޭވެސް، މީ ދެން ކޮންކަމެއްތޯ، ދިވެހިން ވާންޖެހޭތޯ މިކަަހަލަ ކަންކަމުގައި އަޅުގަނޑުމެންނަކީ ވަރަށް ސާދާ ދިރިއުޅުމެއް އުޅެމުންދާ ބައެއް، 10 ވަރަކަށް މީހުން މަގުފުރެދިގެން އުޅުނަކަސް ގިނަމީހުން ތިބީ ރަނގަޅު ގޮތުގަ.
ކުނި
23 April 2019
މީ ބަންގާޅީންގެ ގައުމެއްނުންދޯ ތިޔަބުނާބޯޑަރު ކޮންޓްރޯލް ކޮންމެވެސް އެހެންބަޔަކަށް ކުރަން ފެނޭ ދައުލަތުގެ މުއައްސަސާތަކުން މިޒާތުގެ ވާހަކަދައްކަން ހަމަ ލަދުނުގަނޭބާއޭ ހިތައްއަރާ
ޢެޑްމުންޑޯ
22 April 2019
ހަމަލާތަކާއި ދިވެހިންނާއި ގުޅުން އޮންނަންޖެހޭތަ ، ހައިރާނެއްނުވާނެތަ ، ޓެރަރިސްޓް ޖަމާއަތްހަދާގެންތަ ދިވެހިން އުޅެނީ ، އެހެންވެއްޖެއްޔާ ހާދަބިރުބޮޑޭ ،
މޮންޓެ ކްރިސްޓޯ
22 April 2019
ޓެރަރިސްޓު ޖަމާއަތްތަކާ ގުޅިގެން ހަނގުރާމަ ކުރަން ސީރިޔާއަށް ދިވެހިން ދާ ކަމެއް ނޭނގޭތަ؟
ހިގޮ
22 April 2019
ދެންތީ ކޮންކަމެއް އަހަރެމެން އަމިއްލަޔަށް ތިކަމުގެ ތެރެއަށް ތިބޭނެނީ
ޖާބެ
23 April 2019
ބަލަ ކަލޭމެން އަމިއްލަޔަށޭ ސޯޝަލް މީޑިޔާ ގައި މާ ގައްޑަވެގެން މިހެން ކިޔަނީ. އެހެންވެ އެކަން ސާފުކޮއްދިނީ ސަރުކާރުން.
ބަބުރުލް ސަލީމް
22 April 2019
ހާދަ ފާސްޓޭ. އަދި އެމީހުންނަށްވެސް އެއުޅެނީ ވާނުވާ ރަގަނޅަށް ނޭންގި.
މަރޭމިތުރު
22 April 2019
ދިވެއްސަކުވެޔޭ ބުނިއަޑު ނުވެސް އަހަން! ދިވެއްސަކު ނެތަސް މުސްލިމުންވާކަން އަޑުއެހިން!................. މިކަމުގައި ދިވެއްސަކު ވާކަމެއް އަޑުވެސް ނާހަން. އެކަމަކު އެނގޭ އެއްކަމަކީ ބޭރުގެ ފަރާތެއް ޝާމިލުވާކަން. މުސްލިމުންގެ ބަޔަކުވާކަން. އެއީ ޔަގީނުންވެސް އެނގޭކަމެއް.