ޚަބަރު / ހުސްނުއް ސުއޫދު (ސުޕްރީމް ކޯޓުގެ ފަނޑިޔާރު)

ސުއޫދު ޑީޖޭއޭ އަށް ހާޒިރުކޮށް ބަޔާން ނަގައިފި

ކުރީގެ ބަންޑާރަ ނައިބު ހުސްނުއްސުއޫދު (ވ) މިއަދު ޑީޖޭއޭ އިން ނުކުމެވަޑައިގަންނަވާ އިރު، އަރިހުގައި ވަކީލް ނޫރުއްސަލާމް އަބޫބަކުރު. --- ފޮޓޯ: ނިޝާން އަލީ/ މިހާރު

މުހައްމަދު ޔާމީން، މިހާރު

24 އެޕްރީލް 2019 - 16:34

11 comments

ރާއްޖެ ޓީވީގެ ޕްރޮގްރާމެއްގައި ކުރީގެ ބަންޑާރަ ނައިބު ހުސްނުއްސުއޫދު ދެއްކެވި ވާހަކަތަކާ ގުޅިގެން ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އަށް އޭނާ މިއަދު ހާޒިރުކޮށް ބަޔާނެއް ނަގައިފި އެވެ.

މިދިޔަ އާދިއްތަ ދުވަހުގެ ރޭ ރާއްޖެ ޓީވީގެ "ފަލަސުރުޚީ" ގެ ޕްރޮގްރާމްގައި ސުއޫދު ވަނީ ސުޕްރީމް ކޯޓުގެ ފަނޑިޔާރުންނަށް އިތުބާރު ނެތް ކަމަށާއި އެ ހުރިހާ ބޭފުޅުން މަގާމުން ދުރުކުރަން ޖެހޭނެ ކަމަށް ވިދާޅުވެފަ އެވެ. އެހެންވެ، ސުޕްރީމް ކޯޓުން ވަނީ އެ މައްސަލަ ބަލަން ނިންމައިފަ އެވެ.

ސުއޫދު "މިހާރު" އަށް މިއަދު ވިދާޅުވީ ސުޕްރީމް ކޯޓުގެ ދަށުން ހިންގަމުން އަންނަ ޑީޖޭއޭ އަށް އޭނާ ހާޒިރުކޮށް، އެ ވާހަކަތައް ދެއްކެވީ ކޮން މަގުސަދެއް ހާސިލް ކުރަންތޯ އެތަނުން އެހި ކަމަށެވެ. ސުއޫދު ވިދާޅުވި ގޮތުގައި އޭނާއާ ސުވާލު ކުރެއްވީ ޑީޖޭއޭ އާއި ސުޕްރީމް ކޯޓުގެ އިސް ބައެއް ބޭފުޅުންނެވެ.

"އަޅުގަނޑު ދެންނެވިން މަގުސަދެއް ނެތޭ. ހިޔާލުފާޅުކުރުމުގެ މިނިވަން ކަމޭ ބޭނުންކުރީ. އެއީ އަޅުގަނޑު އަމިއްލަ ހައިސިއްޔަތުން ދެއްކި ވާހަކައެއް ކަން ފާހަގަކުރީ،" ސުއޫދު ވިދާޅުވި އެވެ.

ސުއޫދު ވިދާޅުވި ގޮތުގައި އޭނާ ހުންނެވީ ޝަރުއީ ނިޒާމަށް ބަދަލު ގެނެވޭ ފެންވަރުގެ މަގާމެއްގައެއް ނޫނެވެ. ސުޕްރީމް ކޯޓުގެ ފަނޑިޔާރުން ވަކި ކުރަންޖެހޭ ކަމަށް ވިދާޅުވީ އެއީ ޝަރުއީ ނިޒާމަށް ރައްޔިތުންގެ އިތުބާރު ހޯދުމަށް ކުރަން ޖެހޭ ކަމަކަށް ވާތީ ކަމަށް އޭނާ ވިދާޅުވި އެވެ.

ސުޕްރީމް ކޯޓުން ބުނީ، ސުއޫދު އެ ޕްރޮގްރާމްގައި ޝަރުއީ ދާއިރާއާ ބެހޭގޮތުން ދެއްކެވި ވާހަކަތަކާ ގުޅިގެން އެ މައްސަލަ ބަލަން ނިންމީ ކޯޓުގެ ހުރުމަތް ރައްކާތެރި ކުރުމުގެ ގަވާއިދާއި ގާނޫނީ ވަކީލުންގެ ގަވާއިދުގެ ދަށުން އެ މައްސަލަ ބަލަން ސުޕްރީމް ކޯޓުގެ ފަނޑިޔާރުންގެ މަޖިލީހުން ނިންމުމުން ކަމަށެވެ.

މީގެ ކުރިން ވެސް ޝަރުއީ ދާއިރާގެ އެކި ކަންކަމަށް ފާޑު ވިދާޅުވެގެން ސުއޫދާއި އެހެން ބައެއް ވަކީލުން ސުޕްރީމް ކޯޓުން ވަނީ ސަސްޕެންޑްކޮށް، އެ ވަކީލުންގެ މައްސަލަ ބަލައިފަ އެވެ. އެކަމަކު، ފަހުން، އެ ހުރިހާ ވަކީލުންނަށް ކޯޓުތަކުގައި ވަކާލާތު ކުރުމުގެ ފުރުސަތު ސުޕްރީމް ކޯޓުން ވަނީ ދީފަ އެވެ.

ސުއޫދު އެންމެ ފުރަތަމަ ސަސްޕެންޑް ކުރީ 54 ވަކީލަކު ސޮއިކޮށް ސުޕްރީމް ކޯޓަށް ހުށަހެޅި ޕެޓިޝަނަކާ ގުޅިގެންނެވެ. އޭނާގެ އެ ސަސްޕެންޝަން އުވައިލީ، މިދިޔަ އަހަރުގެ ފެބްރުއަރީ މަހުގެ ފަސް ވަނަ ދުވަހުގެ ރޭ، ސަރުކާރުން ކުއްލި ނުރައްކަލުގެ ހާލަތުގެ އިއުލާން ކުރުމާ އެކު އެވެ. އޭގެ ފަހުން މިދިޔަ އަހަރުގެ ސެޕްޓެމްބަރު މަހުގެ ތެރޭގައި ވެސް ސުއޫދު ވަނީ ސަސްޕެންޑްކޮށްފަ އެވެ.

ގޮތް ނޭނގޭ މަރުތަކާއި މީހުން ގެއްލުވައިލުމުގެ މައްސަލަތައް ތަހުގީގުކުރަން އުފައްދާފައިވާ ރިޔާސީ ކޮމިޝަނުގެ ރައީސް ކަން ވެސް ކުރައްވައި ސުއޫދު ބައެއް ފަނޑިޔާރުންނާއި ގޭންގުތަކާ ގުޅުން ގޮތް ކަމަށް ވިދާޅުވެ ދެއްކެވި ވާހަކަތަކާ ގުޅިގެން ކްރިމިނަލް ކޯޓަށް ހާޒިރުކޮށް، އޭނާގެ މައްސަލަ ބެލި އެވެ.

ފަނޑިޔާރުން ސުޕްރީމް ކޯޓް ޖުޑީޝަލް އެޑްމިނިސްޓްރޭޝަން ޖުޑީޝަރީ ހުސްނުއް ސުއޫދު (ސުޕްރީމް ކޯޓުގެ ފަނޑިޔާރު)

11 ކޮމެންޓް, 76 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަސަން ނިޒާމު

25 April 2019

ރަނގަޅު ތީ ސައިޒްކޮށްލަން ވެފަ ހުރިމީހެއްކަމައް ގިނަބަޔަކު ބުނަމުންދަނީ އަދި ފުލުހުންނައްވެސް އުނދަގޫވެ ތީނަގެ ކަންތަކާ ހެދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ.ނަޒުނާ އަހުމަދު/ހިތަދޫ/ޔޫކޭ

24 April 2019

އ ހ ޒަކީންމެންގެ ނަފުރަތާއި އެކު ނަޝީދު ހެއްދެވި ޅައެއްޗެއް...އެމްޑީޕީ ސަރުކާރުން ހެދި އެންމެ ބޮޑު މިސްޓޭކަކީ ތީމުގެ ފަނޑިޔާރުގެތައް ހިންގަން ހަވާލުކުރުން. އެކަމުން ރައްޔިތުން މިއުޅެނީ އަދިވެސް އަރައި ނުގަނެވިގެން. ތީމުގެ ކޮންމެވެސް އެހެންކަމަކަށް ބަދަލުކުރަން އެބަޖެހޭ މިސަރުކާރުގައި. ފަނޑިޔާރުކަން ކުރަން ހާވާލު ކުރަންޖެހެނީ ކަމާއި އެކަށީގެންވާތަނެއް. ޢިންސާފަކީ އިމާރާތް ވަރުގަދަވެގެން ލިބޭނެ އެއްޗެއް ނޫންކަން ރައްޔިތުންނަށް މިއަދު ދަސްވެއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާމިލު

24 April 2019

އެމްޑީޕީ ސަރުކާރުން ހެދި އެންމެ ބޮޑު މިސްޓޭކަކީ ތީމުގެ ފަނޑިޔާރުގެތައް ހިންގަން ހަވާލުކުރުން. އެކަމުން ރައްޔިތުން މިއުޅެނީ އަދިވެސް އަރައި ނުގަނެވިގެން. ތީމުގެ ކޮންމެވެސް އެހެންކަމަކަށް ބަދަލުކުރަން އެބަޖެހޭ މިސަރުކާރުގައި. ފަނޑިޔާރުކަން ކުރަން ހާވާލު ކުރަންޖެހެނީ ކަމާއި އެކަށީގެންވާތަނެއް. ޢިންސާފަކީ އިމާރާތް ވަރުގަދަވެގެން ލިބޭނެ އެއްޗެއް ނޫންކަން ރައްޔިތުންނަށް މިއަދު ދަސްވެއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގގގގގގ

24 April 2019

މަޖިލިސް 2 ފަހަރަށް ބަދަލުވެއްޖެ. ރައީސްމީހާ އިރު އިރު ކޮޅުން ބަދަލުވެއްޖެ އާ ްޤާނޫނު އަސާސީ އައިފަހުން. މިމީހުންގެ ތެރެއިން ރައްޔތިުން ކުނި ފިލުވަން އުޅޭ ކޮންމެ ފަހަރަކު ބަގާވާތް ގެންނަނީ. ކުނި ކެހިޔަ ނުދޭން. އާޤާނޫނު އަސާސީގެ އަސްލު މަންފާ ރައްޔތިުންނަށް ނުލިބިގެން މިއުޅެނީ މިހެންވެ ކަން އެ ދޭ ބަދަލުތަކުން އެނގޭނެ. މިފަހަރު ބަދަލު ކުރާނަން. ބަދަލު ވާނެ. ކުނި ކަހާނަން. ނުކަހާ ދޫ ނުކުރާނަން. . މި ނިކުތީ އިލޮށިފަތި ހިފައިގެން ރައްޔިތުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލް

24 April 2019

ޖުޑީޝަރީގައި ތިބި ވިޔާނުދާފަރާތްތަކުގެ ހިތަކަށް ސުޢޫދުގެ އަޑުއަހާކަށް ކެތެއް ނުވާނެ. ސަބަބަކީ ސުޢޫދަކީ ފިސާރި ތެދުބަހުން ވާހަކަ ދައްކަވާ ޤާބިލު ބޭފުޅެއް. ސާބަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ.ނަޒުނާ/ސ.ހިތަދޫ/ޔޫކޭ

24 April 2019

އިންސާނާގެ ކެރުމާ މޯޓިވޭޓު އެއަންނަނީ ލިބިފައިވާ ތަޢުލީމުގެ އިތުރަށް ތަޖުރިބާއާއި އެމީހެން ބޭންކު އެކައުންޓުމެނޭޖުކުރުމުގެ ގާބިލުކަން ހުރެ އަމިއްލަ ނަފުސަށް އިތުބާރުއޮވެގެން. ގިނަލޯޔަރުންނަކީ ތިމާ ކުލިނުދެއްކޭ ހާލަތުގައި ތިބޭބަޔެއްކަމަށްވާނަމަ އަބަދުވެސް ބިންމައްޗަށް ވެއްޓޭ ފަތްތަކުގެ ދަށުގައި އުޅެންޖެހިދައިވަނީ.. ސުއޫދަކީ ދިވެހިގައުމު ފަޚުރުވެރިވާންޖެހޭވަރުގެ ތަޢުލީމީ ގާބިލުބޭފުޅެއް. ރާއްޖޭގެ ޔުނިވަރސީޓީތައްމިކަމަށް ހެކިފުދޭނެ.ކީޕް އަޕް ސާރ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާަަަަރަސީދު

24 April 2019

ޝުއޫދައް ސާބަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީރާޖާ

24 April 2019

ސުއޫދަކީ ގަޓު މީހެއް. މި ވަރުގެ މީހެއް މަދުވާނެ. ތިމާ ބޭނުން ޚިޔާލެއް ފާޅުކުރުމަކީ ކޯޓުން ބިރު ދައްކަންޖެހޭ ކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

24 April 2019

ސުއޫދުއަކީ ހިތްވަރުގަދަ ބޭފުޅެއް. އެފަދަ ބޭފުޅުން މިހާރު މިގައުމުގައި ވަރަށް މަދު. ގާނޫނުއަސާސީން ލިބިދޭ ހައްގުތަކުގެ ބޭނުން ކުރުމުގައި ރައްޔިތުން ހިތްވަރުލާން އެބަޖެހޭ.