އެޑިއުކޭޝަން މިނިސްޓްރީގައި މިއަދު ބޭއްވި ބައްދަލުވުމުގައި މިނިސްޓަރު އާއިޝަތު ޝިހާމް (ކ-2) އަދި އޮސްޓްރޭލިއާއިން ރާއްޖެ ކަނޑައަޅުއްވާފައި ހުންނަވާ ސަފީރު ހަޗަސަން ބައްދަލުކުރައްވަނީ.-- ފޮޓޯ: އެޑިއުކޭޝަން މިނިސްޓްރީ
01 ސެޕްޓެމްބަރ 2016 - 15:51
8 comments
އޮސްޓްރޭލިއާ ސަރުކާރުގެ ހިލޭ އެހީގެ ދަށުން ރާއްޖެއަށް ދެމުން އަންނަ ސްކޮލަޝިޕްގެ އަދަދު އަންނަ އަހަރުން ފެށިގެން އިތުރުކުރަން އެ ގައުމުން ނިންމައިފި އެވެ.
އޮސްޓްރޭލިއަން އޭޖެންސީ ފޯ އިންޓަނޭޝަނަލް ޑިވެލޮޕްމަންޓް (އޮޒެއިޑް)އިން ކޮންމެ އަހަރަކު ވެސް ރާއްޖެއަށް 10 ސްކޮލަޝިޕް ދެ އެވެ. ނަމަވެސް އަންނަ އަހަރުން ފެށިގެން އެ އަދަދު 16 އަށް އިތުރުކޮށްދޭނެ ކަމަށް އެ ގައުމުން ރާއްޖެ ކަނޑައަޅުއްވާފައި ހުންނަވާ ސަފީރު ބްރައިސް ހަޗަސަން ވަނީ އެޑިއުކޭޝަން މިނިިސްޓަރު ޑރ. އާއިޝަތު ޝިހާމާއެކު މިއަދު ބޭއްވި ބައްދަލުވުމުގައި ވިދާޅުވެފަ އެވެ.
އެޑިއުކޭޝަން މިނިސްޓްރީގައި ބޭއްވި ބައްދަލުވުމުގައި މި ދެ ބޭފުޅުން ވަނީ ތައުލީމީ ދާއިރާއިން ދެގައުމުގެ ގުޅުން އިތުރަށް ބަދަހިކުރުމާ ގުޅޭގޮތުން މަޝްވަރާ ކުރައްވާފައި ކަމަށް އެޑިއުކޭޝަން މިނިސްޓްރީން ބުންޏެވެ. އަދި ރާއްޖޭގައި ޕެރެމެޑިކްގެ ދާއިރާއިން މީހުން ތަމްރީނުކުރަން ކުރު މުއްދަތުގެ ކޯސްތަކެއް ހިންގުމުގެ ޝައުގުވެރިކަން ސަފީރު ފާޅުކުރައްވާފައިވާކަމަށް ވެސް އެ މިނިސްޓްރީން ބުންޏެވެ.
ޕެރެމެޑިކްގެ ދާއިރާއިން މީހުން ތަމްރީނު ކުރުމަކީ މުހިއްމު ކަމެއް ކަމަށް މިނިސްޓަރު ފާހަގަކުރެއްވި އެވެ.
ހާއްސަ އެހީއަށް ބޭނުންވާ ދަރިވަރުންނަށް ކިޔަވައިދޭނެ ޓީޗަރުން ތަމްރީނުކުރުމުގައި އަދި އިނގިރޭސި ބަސް ކިޔަވައިދޭނެ ޓީޗަރުން ތަމްރީނުކުރުމުގައި އޮސްޓްރޭލިއާ ސަރުކާރުގެ އެހީތެރިކަން ލިބިއްޖެނަމަ، ތައުލީމީ ދާއިރާއިން ރަނގަޅު ނަތީޖާތަކެއް ނެރެވިދާނެ ކަމަށް މިއަދުގެ ބައްދަލުވުމުގައި މިނިސްޓަރު ވަނީ ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިޒާމް
21 September 2016
ހަމަޔަޤީން ސިއްހީދާއިރާ ތީގައި ނުހިމެނޭނެކަން.
ޒެޑްސް 1
20 September 2016
އަދި "ކޮބާ"ގެ އެހީގައި ރާއްޖެއަށް އެއް ހާސް ސްކޮލަރޝިޕް ދެވުނީމަ ފުރިހަމަވާނީ
ބެއްޔާ8
10 September 2016
ތިޔަހެން ސްކޯލާސިޕް އާއި އެކުބޭރުވާ ގިނަ ކުދިން އެނބުރި ރާއްޖެ އައުމެއް ނޯވޭ. އެހެންތާ ވާނީ މިސާލަކަށް ބައްތި ފޯނެއް އޮއްވާ ސްމާޓްފޯނެއް ލިބުނީމަ ދެން ބައްތި ބޭނުން ކުރުމުގެ ބޭނުމެއް ނޯންނާނެ އެހެންނުން. ދިވެހިރާއްޖޭގައި އުޅެނީ ވިޔަފާރި ވެރިންނާއި އެމީހުންނަށް މަސައްކަތްކޮއްދޭ ކަނޑުކޮހުން. ބިލިއަން ރުފިޔާ ވެރިންއެއްވެގެން ކާލިއަސް ރުޅިއަންނަނީ ނަސީދު ދެކެ. އިންނަނީ އެގޮތަށް ޕްރޮގްރާމް ވެފައި.
ގގ
01 September 2016
ކޭމްބުރިޖު ޔުނިވާރސިޓީގެ ސެކަންޑްރީ ސެޓްފިކެޓް ނަހަދާ މުޅި ރާއްޖޭގައި މޯލްޑިވްސް ނެޝިނަލް ޔުނިވާރސިޓީގެ ސެކެންޑްރީ ސެޓްފިކެޓް ތާރަފުކޮށް ޤައުމީ ސަނަދު ދޭން ފެންނަނީ!
ހުއްބުލްވަޠަން
01 September 2016
ތި ސްކޮލާޝިޕް ތެރޭގައި ހުންނާނީ މުޅިންހެން މެނޭޖްމެންޓް. އެއީ ވަރަށް ދެރަ ކަމެއް. މެޑިސިންގް އަދި ޓެކްނިކަލް ދާއިރާވެސް ބޭނުންވޭ!
ނިޒާމް
21 September 2016
ނުކެރޭނެ ސިއްހީދާއިރާގެ އެއްޗެއް ދޭކަށް، ދިވެހި ސަރުކާރުން ދޭ ދާއިރާތަކަކުން އިގޭތޯ ދިވެހިރާއްޖޭގެ ސްކޯލާޝިޕްގެ ދާއިރާތައް ކަނޑައަޅަނީ. އަހަރެން ގޮސް ބެލިން އޮސްއެއިޑް ޕްރޮގުރާމް ސިއްހީދާއިރާ ލިބޭތޯ، އެމީހުންގެ ފަރާތުން މައުލޫމާތު ލިބުނު ގޮތުގައި ދިވެހި ދައުލަތުން ނޭދޭހާ ހިދަކު ސިއްހީދާއިރާ އިން ސްކޯލާސިޕްތަކެއް ނުލިބޭނެ. ދައުލަތުން ބޭނުންވާ ގޮތަށް ބޭޏުންވާ ދާއިރާއަކުން ފުރުސަތު ދެއްވަނީ .... ކީއްވާނީ ދިވެހި ފިރިހެން ކުދިން ނަރުސްކަން ކިޔަވަން ފޮނުވިއްޔާ، ހަމަ ޔަގީން އޭރުން ދިވެހި ފިރިހެން ނަރުހުން ނުލިބިގެން އިންޑިޔާއިން އިންޕޯޓް ކުރާކަށް ނުޖެހޭނެ/
ކޮބާ
01 September 2016
އޮސްޓްރޭލިޔާ ސަރުކާރުން ރާއްޖެ އަށް ދޭ ސްކޮލަރޝިޕްސްގެ އަދަދު އެންމެ 16 އަށް ވުން އެއީ ދެން ވަަރަށް ކުޑަ މިންވަރެކެވެ. ދެން ސަރުކާރުން ބައްލަވަންވީ ސިންގަޕޫރު ސަރުކާރުގެ އެހީގައި ރާއްޖެ އަށް އަހަރަކު 100 ސްކޮލަރޝިޕްސް އަދި ޖަޕާންގެ އެހީގައި އަހަރަކު 1000 ސްކޮލަރޝިޕްސް އަދި ޗައިނާގެ އެހީގައި އަހަރަކު 5000 ސްކޮލަރޝިޕްސް ރާއްޖެ އަށް ހިލޭ އެހީގެ ގޮތުގައި ލިބޭތޯއެވެ. އެއިރުން އޮސްޓްރޭލިޔާ އަށް ހުންނާނެ ގައުމު ތަކަކީ ކޮބައި ކަން ރަނގަޅަށް އަންޑަރސްޓޭންޑް ވެފައި. މިކަން ޖެހޭނެ ޖައްސަން ވަރަށް ގްރޭންޑް ކޮށް ވަރަށް ލާރޖް ކޮށް. މިކަން ޖެހޭނެ ހަމަޖެހެން މިމަހު. ކޮބާ މުންދު. މުންދު އަރާމު ކުރަނީތަ ޖަޕާނުގައި އޮވެގެން އޭން. ކީއްތަ ތިކުރަނީ މުންދުމެން.
ނަޖީބް
21 September 2016
ދައުލަތުން އެދިގެން ދިވެހި ފިރިހެން ކުދިން ނަރުސްކަން ކިޔަވަން ނިކަން ފޮނުވަބަލަ ، އޭރުން 3 އަހަރު ތެރޭ ހަމަ ޔަޤީން 16 ދިވެހި ފިރިހެން ނަރުހުން އައިޖީއެމްއެޗް ގައި ތިބޭނެ ކަން. މިކަހަލަ ކަންތައްތައް ކޮށްގެން ވެސް ވެއްޖެ އެއްނުން ދިވެހި ފިރިހެން ނަރުހުން އިތުރުކުރުމުގެ މޮޅު ރޮކެޓެއް ރާވަން