ކޮލަމްބޯގެ ސެއިންޓް އެންތަނީސް ފައްޅި ކައިރީ ސިފައިން ހަރަކާތްތެރި ވަނީ. --ފޮޓޯ:އޭއެފްޕީ
27 އެޕްރީލް 2019 - 13:30
23 comments
ސްރީ ލަންކާ ފުލުހުންގެ ބެލުމުގެ ދަށުގައި ތިބި ހަ ދިވެހިންގެ ތެރެއިން ހަތަރު މީހަކު ދިރިއުޅޭ ގެ ބަލައި ފާސް ކުރި އިރު، މަސްތުވާތަކެތި ވެސް ފެނުނު ކަން "މިހާރު" އަށް އެނގިއްޖެ އެވެ.
ސްރީ ލަންކާގައި އާދިއްތަ ދުވަހު ބަޔަކު ދިން ބޮމުގެ ހަމަލާތަކުގައި 200 އަށް ވުރެ ގިނަ މީހުން މަރުވެފައި ވާއިރު ސަލާމަތީ ބާރުތަކުން އަންނަނީ ގެތައް ފާސް ކުރުމުގެ ބޮޑު އޮޕަރޭޝަނެއް ހިންގަމުންނެވެ.
އެނގިފައިވާ ގޮތުގައި މަސްތުވާތަކެތި ފެނުނީ ދިވެހި ދަރިވަރުންތަކެއް ދިރިއުޅޭ ގެއަކުންނެވެ. އެގެއިން މަސްތުވާތަކެއްޗާއެކު އެއާ ގަން އެއް ވެސް ވަނީ ފެނިފަ އެވެ. ދިވެހިން އުޅޭ ގެއިން ފެނުނު އެ ތަކެތި އަދިވެސް ހުރީ ލަންކާ ފުލުހުންގެ ބެލުމުގެ ދަށުގައި ކަމަށް އެނގިފައިވެ އެވެ.
މި މައްސަލައިގައި ފުލުހުން ވަނީ އެ ހަތަރު މީހުންނާ ސުވާލުކޮށް ބަޔާނެއް ވެސް ނަގައިފަ އެވެ. އެ މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރާނެ އެވެ.
އިސްލާމިކް ސްޓޭޓް (އައިއެސް) އާ ގުޅުން ހުރި ފޮތެއް ގެއެއްގެ ތެރެއިން ފެނުނު މައްސަލައެއްގައި ދެ ދިވެއްސަކު ވެސް ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ. އެނގިފައިވާ ގޮތުގައި، އެ ދެ މީހުން ހައްޔަރުކުރީ މާލެ އިން ޑޮކްޓަރަށް ދެއްކުމަށް ލަންކާ އަށް ދިޔަތާ މާ ގިނަ ދުވަސްތަކެއް ނުވަނީހެވެ. މި ދެ މީހުން ވެސް ކޯޓަށް ހާޒިރުކުރާ ގޮތަށް ވަނީ ހަމަޖެހިފަ އެވެ.
ލަންކާގެ ފުލުހުންގެ ބެލުމުގެ ދަށުގައި ހަ ދިވެއްސަކު ތިބި ކަން ފޮރިން މިނިސްޓްރީން ކަށަވަރުކޮށްދެ އެވެ.
އެކަމަކު، އެމީހުންގެ އިތުރު އެއްވެސް މައުލޫމާތެއް މިނިސްޓްރީން އަދި ހާމައެއް ނުކުރެ އެވެ. މި ހަ މީހުންނާ ބޮމުގެ ހަމަލާތަކާ ގުޅުން އޮތް ކަމަށް ތުހުމަތު ނުކުރާ ކަމަށްވެ އެވެ.
ފުލުހުންގެ ބެލުމުގެ ދަށުގައި ތިބި މީހުންގެ އާއިލާތަކަށް އެމްބަސީން ގުޅައި ދެވެން އޮތް މައުލޫމާތެއް ނަމަ، ފޯރުކޮށްދިނުމަށް މަސައްކަތް ކުރަމުން އަންނަ ކަމަށް ފޮރިން މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަނީ
28 April 2019
"އެގެއިން މަސްތުވާތަކެއްޗާއެކު އެއާ ގަން އެއް ވެސް ވަނީ ފެނިފަ އެވެ. ދިވެހިން އުޅޭ ގެއިން ފެނުނު އެ ތަކެތި އަދިވެސް ހުރީ ލަންކާ ފުލުހުންގެ ބެލުމުގެ ދަށުގައި ކަމަށް އެނގިފައިވެ އެވެ." - އެ ތަކެތި އެމީހުންނަށް އަނބުރާ ދޭން ޖެހޭނެ ކަމަށްތޯ ދެކެނީ؟؟ ލޮލް. ޓޫ ފަނީ އަ ސްޓޭޓްމަންޓު
ފުންނަ
28 April 2019
ތި ބޮންގޮއްވި ބަޔަކު އެކަން ކުރި އަސްލު މަޤްޞަަދަކީ ކޮބާކަމެއް އަދިވެސް އަލުގަނޑަށް ސާފުނުވާތީ، އެކަން އެގޭބޭފުޅަކު ގެ ޖަވާބެއްލިބިދާނެތޯ. އެކަން ކުރިބަޔަކު އެބޭނުން ވެގެއް އުޅެނީ ކޮއްޗެއްތޯ.
ދޮންބެއްޔާ
28 April 2019
"އެނގިފައިވާ ގޮތުގައި މަސްތުވާތަކެތި ފެނުނީ ދިވެހި ދަރިވަރުންތަކެއް ދިރިއުޅޭ ގެއަކުންނެވެ" ބެލެނިވެރިންނޭ އަދިވެސް ހޭއަރާކަށް ނުވޭތޯ؟ ދަރިވަރުން ބޭރު ޤައުމުތަކަށް ކިޔަވަން ފޮނުވިޔަކަސް އަދި ނުނިމޭ. ގާތުން ވަރަށް ބޮޑަށް ފާރަވެރި ވާންޖެހޭނެ. ނޫންނަމަ އަތްނުފޯރާ ހިސާބަށް ކަންކަން ހިނގައިދާނެ. ކަންކަން ތިލަވެ މީހުންނާ ހަމަޔަށް އަޑުތައް އަންނާނީ ވާނެ ހަތަރެއްޗެއްވެ ނިމޭފަހުން
ވަާނުވާ
28 April 2019
މީ ދޮގު ހަބަރެއް
ނިޒާމު
28 April 2019
ޟމިމީހުނާއި ހުރެ ލަންކާއައްވެސް އެރެންނެއް ދިވެހިންނޭކިޔައިގެން ކީކޭބުނާނީ ފިސްތޯލައާއި އައިއެސް ފޮތާއި ޑްރަގާއި ކޮޓައރތެރޭން މީ ކިޔާ ކުދިން އުޅޭގޮތްބާ ތިމީހުން ނާ ރަނގަޅައް ސުވާލުކޮށް ތިޔަމީހުންގެ ފޯނާި ލެޕްޓޮޕްފަދަ ތަކެތިވެސް ޗެކްކުރަން ފެނޭ ތިޔަމީހުނާ ހުރެ މުޅި ގައުމައް ހުތުރުނަން އަދިކޮބާތޯ އެތާ ނައްގޮސް ސަލަންޖަހާ ދިވެހިންވެސް އަދި ހަށިވިއްކާ ދިވެވިން އުޅޭވާހަކަވެސް އެހާމެ މަސްސޫރު މިހަމަ ކިޔަވީބާ
ޅަބޭ
27 April 2019
ހެހެހެހެހ.... ތެދެއްމެ. ކަނބުރު ގެއައް ވަނިއްޔާ އަޅިބުރާނެ. މުސްކުޅިން ބުނެއުޅެ ހަރުބަހެއް.
ޙިނި
27 April 2019
ޖިހާދީ ހައްދުފަހަނަ އަޅައިފައިވާ މުސްލިމުންގެ ސަބަބުން ލަންކާވެސް ހަލާކުވީ.
1828
27 April 2019
ދިވެހިންގޮސް މުޅި ލަންކާ ހަލާކުކޮށްފި.
zifleen
27 April 2019
ބްރޯ. މަސްތުވާތަކެއްޗެއް ނުފެނޭ! ކެމަލް ހާޑް ފޮށްޓެއް ފެނުނީ. އެއާ ގަން އެކޭ ބުނާއިރު ޓޯއީ އެއާ ގަން އެއް ފެނުނީ ވެސް. އެމީހުން ތިބީ ހައްޔަރު ކޮށްފައެއް ނޫން. ރިސްކެއްގައި ތިބީމަ ހައި ސެކިއުރިޓީ ތަނެއްގަ ތިބީ ބައިތިއްބާފަ. އެމްބަސީން ހަވާލުވާން އަންނަންދެން. ގެޓް ޔޯ ފެކްޓްސް ރައިޓް!
މިއޫލް
27 April 2019
ކަލޭތީ އޭގެ މީހެއްދޯ!
ބުރޯބުރ
27 April 2019
ލަންކާ ސިފައިންނަކީ ދުވަހަކުވެސް ބަޑިއެއްފެނުނު ބަޔެއްނޫން
ޙުސް
27 April 2019
ތިމީހުންގެ ފޯނާ ކޮންޕިއުޓަރުތައް ޗަކުކުރުން މުހިއްމު