މިނުވަންގޮޑާގެ ޖުމްއާ މިސްކިތަށް ހަމަލާދީ ބިއްލޫރިތައް ތަޅާލާފައި. --ފޮޓޯ:އޭއެފްޕީ
14 މެއި 2019 - 12:29
7 comments
ކޮލަމްބޯ (މެއި 14) - ސްރީ ލަންކާގައި ދީނީ ހަމަނުޖެހުންތައް ބޮޑުވެ މިސްކިތްތަކަށް ހަމަލާދޭން ފެށުމުން އެ ގައުމުގައި ރޭ ކާފިއު އިއުލާން ކޮށްފި އެވެ.
ދީނީ ހަމަނުޖެހުންތަކުގައި އިއްޔެ ވަނީ މުސްލިމަކު މަރުވެފަ އެވެ. މިއީ މިދިޔަ މަހު 21 ވަނަ ދުވަހު ދިން ބޮމުގެ ހަމަލާތަކަށް ފަހު ލަންކާގައި ހިންގި ހަމަނުޖެހުންތަކުގައި މީހަކު މަރުވި ފުރަތަމަ ފަހަރެވެ. އުމުރުން 45 އަހަރުގެ މީހާ މަރުވީ ޕުއްތަލަމް ހޮސްޕިޓަލްގައި އެޑްމިޓްކޮށް ފަރުވާ ދޭން ފެށި ފަހުންނެވެ.
އޮފިޝަލުން ބުނެފައި ވަނީ ކާފިއު އިއުލާންކުރީ ދީނީ ހަމަނުޖެހުންތައް ކޮންޓްރޯލް ކުރުމަށް ކަމަށެވެ.
ނޯތު ވެސްޓަން ޕްރޮވިންސްގެ މުސްލިމް އޭރިއާތަކުގައި އުޅޭ މީހުން ބުނި ގޮތުގައި ގްރޫޕްތަކުން މިސްކިތްތަކަށް ހަމަލާދީ ގެއްލުންތައް ދިނުމުގެ އިތުރުން މުސްލިމުންގެ ފިހާރަތަކަށް ގެއްލުންދީފައިވާ ކަމަށެވެ. ފުލުހުން ވެސް ބުނީ މުސްލިމުންގެ ކާރުތަކާއި ސައިކަލްތަކުގައި ރޯކޮށްލާފައިވާ ކަމަށެވެ.
"ވަރަށް ގިނަ ފިހާރަތަކަށް ވަނީ ހަމަލާދީފައި. މިސްކިތްތަކަށް ހަމަލާދޭން ފެށުމުން އެ ގްރޫޕް ކޮންޓްރޯލް ކުރުމަށް ފުލުހުން ވަނީ ވައިގެ ތެރެއަށް ބަޑިޖަހައި ކަރުނަ ގޭސް ބޭނުންކޮށްފައި،" ފުލުހުންގެ ސީނިއާ އޮފިޝަލަކު ވިދާޅުވި އެވެ.
ލަންކާ އިން އިއްޔެ ވަނީ ސޯޝަލް މީޑިއާ ނެޓްވޯކްތައް ވެސް ބަންދުކޮށްފަ އެވެ.
މިސްކިތްތަކަށް ހަމަލާ ދެނީ ކްރިސްޓިއަން ގްރޫޕްތަކުންނެވެ. ހުޅަނގު އުތުރުގެ ޗިލޯ ޓައުންގައި އާދިއްތަ ދުވަހު ހަމަނުޖެހުން ހިންގަން ފެށީ ފިހާރައެއްގެ ސޭޓް ފޭސްބުކްގައި ކުރި ކޮމެންޓަކާ ގުޅިގެންނެވެ.
"ކަލޭމެން މާގިނައިން ހީ އުފާ ނުކުރާށެވެ. އެއް ދުވަހަކުން ރޯނެ އެވެ،" މުސްލިމް ސޭޓް ފޭސްބުކްގައި ބުނެފައިވެ އެވެ.
ފުލުހުން ބުނީ ފޭސްބުކްގައި ޕޯސްޓްކުރި 38 އަހަރުގެ މީހާ ހައްޔަރުކޮށްފައިވާ ކަމަށެވެ.
ލަންކާގެ 21 މިލިއަން މީހުންގެ އާބާދީގައި މުސްލިމުންގެ ނިސްބަތަކީ 10 ޕަސެންޓެވެ. ކްރިސްޓިއަނުންގެ ނިސްބަތަކީ 7.6 ޕަސެންޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުސްތާޛް
15 May 2019
ފަހު ޒަމާނުގައި މުސްލިމުން ލައްކަބޮޑުތަން ނިކަމެތިވާނެ ކަމަށް ވަނީ.... ކޯރެއްގައި އޮންނަ ކުނިކޮޅެއް ފަދައިން ވާނެ ކަމަށްވަނީ....
ބަދިވެރިބެ
14 May 2019
އެހެނޭ ކިޔާފަ އެމީހުން ރުޅިއަރުވަން އެހެން ލިޔަންޖެހޭތަ? އެމީހުންގެ އަޅުކަންކުރާތަނުގައި ތިއްބާ ހަމަލާދީ އެތައްބައެއް ނަރާލުމުން ހުޅުފަޅާފައި ވާއިރު އަދި އަލިފާނަށް ދަރު ނޭޅިޔަކަސް ވެދާނެ ދޯ
ވާލުސޮރު
14 May 2019
އައިއެސް މީހުންގެ މަގުސަދު ފިސާރި ރަނގަޅަށް އެބަ ހިނގާ، ވިސްނާލާ ދެން ލަންކާގަ ތެދުވާނީ މުސްލިމުން އެހެން ދީންތަކުގެ މީހުންނާ ދެކޮޅަށް އެހިސާބުން ޖިހާދޭ ކިޔާފަ ކޮންމެވެސް ފައިސާ ގަނޑެއް ލިބޭ ޕޮރގްރާމެއް ރާވާނެ. ހިތާމައަކީ ދިވެހިންގެ ތެރޭގައިވެސް އައިއެސް މުނާފިގުންނަށް ތާއިދުކުރާ މީހުން ތިބޭތީ
Dhaadhey
15 May 2019
އަރަބި/ އެމެރިކާގެ ރޭވުން ކާމިޔާބުވެ މުސްލިމުން ނިކަމެތިވަމުންދާތަން ތިޔަފެންނަނީ.
ސަޅިބައިސާ
14 May 2019
މިއީ މޮސާޑުން ބޭނުންވާގޮތް. އެމީހުން ކޮންޓުރޯލްކުރާ ދީނީ މަޒުހަބުތަކަށް ހިތްވަރުދީގެން މުސްލިމުންނާ ޣައިރު މުސްލިމުން އެކުއުޅުނަ ނުދިނުން. އިސްލާމުންގެ ތެރޭގައިވެސް މިއަދު ގިނައީ ހަރުކަށި ފިކުރުގެ މުނާފިގުންް. ފައިސާގެ ދަހިވެތިކަމުގާ ހައްގަށް ފުރަގަސްދީފައިތިބި ޚަވާރިޖުންގެ އުސޫލުތަކަށް ތަބާވާ މުނާފިގުން.
ރަދީފް
14 May 2019
ވަރަށް ދަށުދަރަޖައިގެ އަމަލެއް އަޅުކަންކުރާ ތަންތަނަށް ހަމަލަދިނުންއެއީ.ހަރުކަށި އިބާރާތުން މިކަން ކުއްވެރިކުރަން.ލަންކާގެ މުސްލިމުންނަށް ކެތްތެރިކަން ދެއްވާށި.އާމީން
ރާވެރިބެ
14 May 2019
"ކަލޭމެން މާގިނައިން ހީ އުފާ ނުކުރާށެވެ. އެއް ދުވަހަކުން ރޯނެ އެވެ،" .. ހަޤިގަތެކެވެ. ކިތަންމެ ރުޅިއަޔަސް މިކަމަކުން ނުވެއް ރެކެވޭނެއެވެ. ﷲއަށާއި އެކަލާންގެ ރަސޫލާ ޞައްލައްﷲ ޢަލައި ވަސައްލަމައަށް ތަބައުވެ ތަޤުވާވެރިވި މީހުން ފިޔަވައެވެ.