ކުރީގެ ހޯމް މިނިސްޓަރު އަދި ވިލުފުށީ ދާއިރާގެ އިންތިޚާބީ މެމްބަރު ހަސަން އަފީފް "މިހާރު" އަށް އިންޓަވިއު ދެއްވަނީ. --- ފޮޓޯ: ނިޝާން އަލީ/ މިހާރު
20 މެއި 2019 - 01:51
16 comments
ރައްޔިތުންގެ މަޖިލީހުގެ ރައީސް ކަމަށް ސަރުކާރު ކޯލިޝަނުގެ މައި ޕާޓީ އެމްޑީޕީގެ ލީޑަޝިޕުން ވަކި ބޭފުޅަކަށް ހާއްސަ ކަމެއް ނުދެއްވާ ކަމަށް ކުރީގެ ހޯމް މިނިސްޓަރު އަދި ވިލުފުށީ ދާއިރާގެ އިންތިޚާބީ މެމްބަރު ހަސަން އަފީފް މިރޭ ރާއްޖެ ޓީވީގައި ވިދާޅުވެއްޖެ އެވެ.
މަޖިލީހުގެ ރައީސް ކަމުގެ ވާދަވެރިކަން އެމްޑީޕީގެ ތެރޭގައި ބޮޑުވެފައިވާ އިރު، ގިނަ ބައެއްގެ ސަމާލު ކަން މިވަގުތު ހުއްޓިފައި ވަނީ އެމްޑީޕީގެ ތެރެއިން މަޖިލިހުގެ ރައީސް ކަމަށް ކަނޑައަޅާނެ ބޭފުޅަކާ މެދުގަ އެވެ. މަޖިލިހުގެ ރައީސް އާއި ނައިބު ރައީސް ކަމަށް އެމްޑީޕީގެ ޕާލަމެންޓްރީ ގްރޫޕުން މެމްބަރުން ކަނޑައަޅާނީ 19 މަޖިލިހަށް އިންތިޚާބުވެވަޑައިގެންނެވި މެމްބަރުންގެ މެދުގައި ނަގާ ވޯޓަކުންނެވެ.
އެމްޑީޕީގެ ތެރެއިން މަޖިލިހުގެ ރައީސް ކަމަށް ވާދަކުރައްވަނީ އަފީފްގެ އިތުރުން އެ ޕާޓީގެ ޕާލަމެންޓްރީ ގްރޫޕްގެ ލީޑަރު އަދި ހިތަދޫ ދާއިރާގެ މެމްބަރު މުހައްމަދު އަސްލަމާއި މަރަދޫ ދާއިރާގެ މެމްބަރު އިބްރާހިމް ޝަރީފާއި އައްޑޫ މީދޫ ދާއިރާގެ މެމްބަރު ރޮޒެއިނާ އާދަމާއި މެދުހެންވޭރު ދާއިރާގެ މެމްބަރު އަލީ އާޒިމެވެ.
އެ ޕާޓީގެ ބައެއް މެމްބަރުން ގަބޫލު ކުރައްވާ ގޮތުގައި މަޖިލިހުގެ ރައީސް ކަމަށް ގެނައުމަށް ރައީސް އިބްރާހިމް މުހައްމަދު ސޯލިހް ބޭނުންފުޅު ވަނީ އަފީފެވެ. ކުރީގެ ރައީސް، އަދި މައްޗަންގޮޅި މެދު ދާއިރާގެ އިންތިޚާބީ މެމްބަރު މުހައްމަދު ނަޝީދު ބޭނުންފުޅު ވަނީ އަސްލަމް މަޖިލިހުގެ ރައީސް ކަމަށް ގެނައުމަށެވެ.
ރާއްޖެ ޓީވީގެ "ފަލަ ސުރުޚީ" ޕްރޮގްރާމްގައި އަފީފް ވިދާޅުވީ މަޖިލިހުގެ ރައީސް ކަމަށް ގެންނާނެ ބޭފުޅަކު ކަނޑައެޅުމުގެ އުސޫލުތަކެއް އެމްޑީޕީގެ ތެރޭގައި އެބައޮތް ކަމަށެވެ. އަދި ރައީސް އާއި ނަޝީދު ވެސް ތާއީދު ކުރައްވާނީ ޕާޓީގެ ގަވައިދުގެ ތެރެއިން އަންނަ ބޭފުޅަކަށް ކަމަށް އޭނާ ވިދާޅުވި އެވެ.
"އަޅުގަނޑަށް ގަބޫލެއް ނުކުރެވޭ އެ ދެ ބޭފުޅުންގެ ނަން މީގެ ތެރެއަށް ވެއްދުމަކީ އެހާ ރަނގަޅު ކަމެއް ކަމަށް. ކޮންމެ ގޮތެއް ވިޔަސް، އެމްޑީޕީގެ މެމްބަރަކު ހޮވަން މިއުޅެނީ،" އަފީފް ވިދާޅުވި އެވެ.
"އެމްޑީޕީގެ ކޮންމެ މެމްބަރަކީ އެ ބޭފުޅުންގެ ކުރިމަތީގައި އެއްވަރެއްގެ ބޭފުޅުން. ވަކި ބޭފުޅަކަށް އަޅުގަނޑު ގަބޫލެއް ނުކުރަން އެ ދެ ބޭފުޅުން ކުރެ އެއްވެސް ބޭފުޅަކު، ހާއްސަ ކަމެއް ދެއްވާނެ ކަމަށް."
މަޖިލިހުގެ ރައީސް ކަމަށް ޝައުގުވެރިވެވަޑައިގެންނެވި އެމްޑީޕީގެ ބޭފުޅުން. (ކ-ވ) މަރަދޫ ދާއިރާގެ މެމްބަރު އިބްރާހިމް ޝަރީފް، ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް، މެދުހެންވޭރު ދާއިރާގެ މެމްބަރު އަލީ އާޒިމް، އިންތިޚާބީ މެމްބަރު މުހައްމަދު އަސްލަމް އަދި އައްޑޫ މިދޫ ދާއިރާގެ މެމްބަރު ރޮޒެއިނާ އާދަމް. --- ފޮޓޯ: މިހާރު
މަޖިލީހުގެ ރައީސް ކަމަށް އަސްލަމް ގެނައުމަށް ނަޝީދު ތާއީދު ކުރައްވާ ކަމަށް ވިދާޅުވެ، ކުރެއްވި ޓުވީޓާ ގުޅިގެން ކުރި ސުވާލަކަށް ޖަވާބު ދެއްވަމުން އަފީފް ވިދާޅުވީ އެއީ ނަޝީދު އަމިއްލަ ހައިސިއްޔަތުން، އޭރު ކުރެވުނު ސުވާލެއްގެ ޖަވާބުގައި ވިދާޅުވި ވާހަކަފުޅެއް ކަމަށެވެ.
"ނަޝީދު ވިދާޅުވީ މަޖިލީހުގެ ރައީސްކަމަށް އަސްލަމް ވެސް ވަރަށް ރަނގަޅުވާނެއޭ. ދެން ތިއްބެވި ހުރިހާ ބޭފުޅުންގެ ވާހަކައެއް ވިދާޅެއް ނުވެވޭނެ ދެއްތޯ؟ އެއީ އޭރު ކުރި ސުވާލަކަށް ނަޝީދު އަމިއްލަފުޅު ހައިސިއްޔަތުން ދެއްވި ޖަވާބެއް ހަގީގަތުގައި،" އަފީފް ވިދާޅުވި އެވެ.
މަޖިލިހުގެ ރައީސާއި ނައިބު ރައީސަކު ހޮވުމުގެ ވޯޓު ނަގާނެ ގޮތަކާ މެދު އެމްޑީޕީގެ ތެރޭގައި ވަނީ ޚިޔާލު ތަފާތުވުން އުފެދިފަ އެވެ. ބައެއް މެމްބަރުން ގަބޫލު ކުރައްވާ ގޮތުގައި މަޖިލިހުގެ ރައީސާއި ނައިބު ރައީސަކު ކަނޑައަޅަން ވާނީ ސިއްރު ވޯޓެއް ނަގައިގެންނެވެ. އެކަމަކު، އެކަމާ ދެކޮޅު ހައްދަވާ މެމްބަރުން ވިދާޅުވީ ޑިމޮކްރަސީގެ ރިވެތި އުސޫލަކީ ހާމަކަން ބޮޑު ވޯޓަކަށް ދިއުން ކަމަށެވެ.
"އެމްޑީޕީގެ ކޮންމެ މެމްބަރަކީ އެ ބޭފުޅުންގެ ކުރިމަތީގައި އެއްވަރެއްގެ ބޭފުޅުން. ވަކި ބޭފުޅަކަށް އަޅުގަނޑު ގަބޫލެއް ނުކުރަން އެ ދެ ބޭފުޅުން ކުރެ އެއްވެސް ބޭފުޅަކު، ހާއްސަ ކަމެއް ދެއްވާނެ ކަމަށް،" --- އަފީފް
އަފީފް ވިދާޅުވީ ކޮންމެ ގޮތަކަށް ވޯޓު ނެގިއަސް، އެ ވޯޓުގެ ނަތީޖާ އަށް ހުރިހާ މެމްބަރުން އިހްތިރާމް ކުރަން ޖެހޭނެ ކަމަށެވެ. އަދި އެ ވޯޓުގެ ނަތީޖާ ކޮންމެ ގޮތަކަށް ނުކުތް ކަމުގައިވިޔަސް، އެމްޑީޕީގެ ތެރޭގައި އެއްވެސް ކަހަލަ ރުޅިވެރިކަމެއް އޮވެގެން ނުވާނެ ކަމަށް އަފީފް ވިދާޅުވި އެވެ.
އަފީފް ވިދާޅުވި ގޮތުގައި، އެމްޑީޕީން ދަނީ ޑިމޮކްރަޓިކް އާދަކާދަތައް ދަމަހައްޓަމުންނެވެ. އެހެންކަމުން ޕާޓީގެ ތެރޭގައި ނުތަނަވަސްކަމެއް އޮވެގެން ނުވާނެ ކަމަށް އަފީފް ވިދާޅުވި އެވެ. ސިޔާސީ ވާދަވެރިކަން އޮންނާނެ ކަމަށާއި އެކަމަކީ ބޭރަށް ގެންދަން ޖެހޭ ކަމެއް ނޫން ކަމަށް ވެސް އޭނާ ވިދާޅުވި އެވެ.
މަޖިލީހުގެ ރައީސްކަން ލިބިވަޑައިގެންފި ނަމަ، ރާއްޖޭގެ ގާނޫނުތަކާއި ގަވާއިދުތަކަށް ބަލައިގެން މަޖިލިސް ހިންގަވާނެ ކަމަށާއި މަޖިލިސް ހާމަކަން ބޮޑު ގޮތެއްގައި ކުރިއަށް ގެންދިއުމަކީ ވަރަށް މުހިންމު ކަމެއް ކަމަށް އަފީފް ވިދާޅުވި އެވެ. އަދި މަޖިލިހުގެ ރައީސް ކަމުގައި އިންނަވާ އިރު، ރައީސް އިބްރާހިމް މުހައްމަދު ސޯލިހާއި ނަޝީދުގެ ނުފޫޒެއް އަތުވެދާނެ ކަމަށް ގަބޫލު ނުކުރައްވާ ކަމަށް އޭނާ ވިދާޅުވި އެވެ.
އެކަމަކު، ރައްޔިތުންގެ މަސްލަހަތާ ގުޅުން ހުރި ކަމަކަށްވެއްޖެ ނަމަ، ވީއެންމެ އަވަހަކަށް މަޖިލިހުގައި އެކަމެއް ނިންމެވުމަށް މަސައްކަތް ކުރައްވާނެ ކަމަށް ވެސް އަފީފް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުުުުުންބުލިދި
21 May 2019
އައްޑޫ މީހަކަށް މިސަރުކާރުގެ ކެބިނެޓުންވެސް ޖާގައެއްނެތް... އަސްލަމަކީ ހިތަދޫ އުތުރު ދާއިރާ މީހުން ދެގޮތެއްނުވެ ކޮންމެފަހަރަކު އެގޮޑީގައި ބަހައްޓާ މީހެއް. ސިޔާސީ ގޮތުންވެސް އައްޑޫ މީހުންނަކީ ދެގޮތެއްނުވާ މީހުން ތިބި ތަނެއް އެހެންވީމާ ރައީސް ނަޝީދުގެ ވިސްނުންފުޅާއެކު އެންމެ އައުލާކަން ބޮޑީ އަސްލަމަށް މަޖިލިސްގެ ގޮނޑި
މަށޭމަށޭ
20 May 2019
ދެވަނަ ސޭޓެއް ތަޖުރިބާކޮށްލަން ބޭނުމިއްޔާ އަފީފަށް މަޖިލިސްގެ ރައީސްކަންދީ.
މުހަމަދު ހާލިސް
20 May 2019
ތިޔަކަންތަށް އޮންނަނީ އަބަދުވެސް ތިޔަހެން، ވަކި މީހަކު ގެނައުމަށް ވަކި ބަޔަކު މަސައްކަތްކުރުން، އެއީ ހަމަ ގައިމުވެސް ލީޑަރުން ކޮށްގެންވާނެކަމެއްނޫން، މިހާރު ސަރުކާރުގައި ތިބި މީހުންވެސް ކޮށްގެންވާނެ ކަމެއްނޫން
މުހައްމަދު3
20 May 2019
އަސްލަމަކީ ތިޔަ މަޤާމަށް ވަރަށް ޤާބިލްބޭފުޅެއް. ފުރަތަމަ އެމް.ޑީ.ޕީ ވެރިކަން ވެއްޓުމުގައި، އޭރުގެ ހޯމް މިނިސްޓަރު އަފީފުގެ މިސްމެނޭޖްމެންޓާއި، އިހުމާލު ވަރަށް ބޮޑަށް އޮތުމާއެކު، އަފީފާމެދު ސުވާލު އުފެދޭ.
އަމީލް
20 May 2019
މީ ހިޔަލީ ގެ ބިޒްނަސް ޕާރޓްނަރ.
އާންމު މެންބަރު
20 May 2019
ނޫން! މިފަހަރު ޚާއްސަކަމެއް ދޭނެ. އެއީ 7 ފެބްރުއަރީ 2012 ގެ ހިތި ރައީސް ނަޝީދަށް ފެނިވަޑައިގެންފަ ހުރީމަ. އެދުވަހު ހޯމް މިނިސްޓަރާ ޑިފެންސް މިނިސްޓަރ ގެ އިހުމާލު ވަރަށް ބޮޑު. އޭރުގެ ހޯމް މިނިސްޓަރ އަކީ އަފީފު. އަނެއްކާ މިއަދު ހުރިހާ ބާޣީންގެ ތާއީދު އޮތީވެސް އަފީފަށް. މިއީ އެމްޑީޕީގެ ލީޑަރޝިޕާ އާންމު މެންބަރުންވެސް ވަރަށް ޚާއްސަ ނަޒަރްކުން ބަލަމުންދާންޖެހޭ ކަމެއް.
ނޭވާ
20 May 2019
ޢަފީފަކީ ތިކަމުގެ ވައްޓަފާޅި ހުރި މީހެއް ނޫން ދެންހަމަ ބޮޑު މަގާމެއް އެތައް އިނާޔަތަކާ ކަންތައް އޮތަތީވެ އެކަންކަމަށް ކުރިމަތިލުމަކީ މީހުން އުލޭ ގޮތެއް ނޫން ހުރިހާވެސް ގޮހަކީ ޔާމީނުލައިގެން ކަންކަން ކުރަން އުޅެވުނީމަ ނަތީޖާއެއްގެ ގޮތުން މަޖްލިހުގެ ރައީސް ކީއްކުރަންތޯ ނައިބަކަށްވެސް އަހަރެމެން ޕޮާރތީގެ މީހަކަށް ވައިވެސް ނޭޅެވޭނެ
ވާނުވާ5
20 May 2019
ސަރުކާޜު އެމްޑީޕީއާރިފޯމިސްޓުން އަތަކުވެސް ނެތް. އިބޫ ހުރީ ހިސޯރުކޮށްފައި. މަޖިލީސްގެ ސާފު މެޖޯރިޓީ އެމްޑީޕީއަށް ދިނީމަ ރައީސަކަށް ގޮތް ނޭގެ މީހަކު ލައިގެން ރައްޔިތުން ކުރަން އެދޭ ބޮޑު ކަންތައް ނުވާނެ! އަންނި ދުރު ކުރަން އުޅެނީ އެހެންވެ. އާދައިގެ ރައްޔިތަކަށް ފައިދާ ވާ ރާއްޖޭގެ ބާރުގަދަ ފަރާތްތަކާ ކުރިމަތިލާން ކެރޭ ހުރީ އޭނަ އެކަނި ފާޅުގައި. އަސްލަމް ކަޑައީ އެހެންވެ. މިސާލަކަށް ސޭޓު، ނިހާނު މިން ވޭޖް އިންކަމް ޓެކްސް ވާހަކަ ދައްކާ އަޑުއެހިންތަ؟
އައްޑޫ ރަދުން
20 May 2019
އެމްޑީޕީހުރިހާ މެމްބަރުން އެއްވަރެއް ނުވާނެ.އަސްލަމް ވަރަށް ބޮޑުތަނުން ސީނިއަރު ވާނެ.އައްނި މީހެއްގެ ނަންބުނެފިއްޔާމުން އެގައި ސަބަބެއް އޮންނާނެ.އަންނި އަކީ ވަރަށް ދުރު ވިސްނޭ ސާދާ ސީދާ ބޭފުޅެއް.ތިޔަ ލިސްޓަށް ބަލާއިރު،އަސްލަމް ރޮޒޭނާ އެއީ ހަރޑްކޯ..ދެން ތިއްބެވީ ސޮފްޓްކޯ ބޭފުޅުން..
އަފުޔާފު
20 May 2019
ޑިމިކްރަސީޢަކީ ހިތުގެ ރައިސް ބުނިހާ ގޮތަކަށް އާހޫން ކިޔާ ތައްގަނޑު ޖެހުމެވެ. އޭނާއަކީ ހިލޭ ބޭސްފަރުވާ ދީ އެކަނިވެރިނަެިންނަށް ފަެިސާދާެން ފެށި މައި ޑިކްކޮރަސީއެވެ. ޢެވަރުގެ ޑިކްކޮރަސީ ކުރިމަތީ ކުޑަކަކޫ ޖަހާށށެވެ. .ހިތުގެރައިސާ ތަޅާ ނުފޮޅާށެވެ.