ދިއްފުށީގައި ހަމަނުޖެހުން އުފެދުނީ ފިހާރައަކުން ވައްކަން ކުރި މީހާ ހޯދަން ރައްޔިތުން ނުކުތުމުން. --ފައިލް ފޮޓޯ
22 މެއި 2019 - 23:28
46 comments
ކ. ދިއްފުށީގައި ރޭ ހިނގި ވައްކަމަކާ ގުޅިގެން އެ ރަށުގެ ރައްޔިތުން ވަގުން ހޯދަން ނިކުމެ އުޅެނިކޮށް ހިނގި ހަމަނުޖެހުމެއްގައި ދެ މީހެއްގެ ގަޔަށް މިރޭ ވަޅި ހަރައިފި އެވެ.
ރޭ ހާރުދަން ވަގުތު ދިއްފުށީ ލަވްލީގާޑް ކިޔާ ފިހާރައެއް ފަޅާލައި 180،000 ރުފިޔާ ވަނީ ވަގަށް ނަގައިފަ އެވެ. އަދި އެ މީހުން ހޯދަން އެ ރަށުގެ ގިނަ ބަޔަކު މިރޭ ވަނީ ނިކުމެފަ އެވެ.
ކައުންސިލް މެމްބަރު އިބްރާހިމް ސާޖިދު ވިދާޅުވީ އޭނާގެ ގޭގެ ފިހާރަ އިން ވައްކަން ކުރި މީހުން ހޯދަން ނުކުމެ އުޅެނިކޮށް، ޖެހިގެން ހުރިގެއިން ބައެއް ފައިސާތައް ފެނިފައިވާ ކަމަށެވެ. އަދި އެ ފައިސާ ވަގަށް ނެގިކަމަށް ތުހުމަތު ކުރެވޭ މީހާ ހޯދަމުން ދަނިކޮށް، މީހުންގަނޑުގެ ތެރެއަށް އޭނާާ ވަޅިއެއް ހިފައިގެން ނުކުމެ ދެ މީހަކަށް ހަމަލާ ދީފައިވާ ކަމަށް ވިދާޅުވި އެވެ.
"އެކަކުގެ އަތަށް ވަޅި ހެރުމުން އޭނާގެ އަތުގެ ނާރު ވެސް ވަނީ ބުރިވެފައި. އޭނާގެ ހާލު ސީރިއަސް،" ސާޖިދު ވިދާޅުވި އެވެ.
ޒަހަމްވި އެ މީހާ މާލެ ގެނެސް، އައިޖީއެމްއެޗުގައި މިހާރު އަންނަނީ ފަރުވާ ދެމުންނެވެ.
ވަޅި ހެރި މީހާ ހުއްޓުވަން އުޅެނިކޮށް އެހެން މީހަކު ވެސް ވަނީ ޒަހަމްވެފަ އެވެ. އެކަމަކު އޭނާގެ ހާލު ސީރިއަސްއެއް ނޫނެވެ.
ސާޖިދު ވިދާޅުވީ ވަޅިހެރުމާ އެކު މީހުންތައް އެ މީހާގެ ގަޔަށް އަރައިގަތް ކަމަށާއި އެހެންވެ، ކޮންމެވެސް ވަރެއްގެ އަނިޔާތަކެއް އޭނާއަށް ލިބުނު ކަމަށެވެ. އަދި އެ ވަގުތު އެ ސަރަހައްދަށް ފުލުހުން ގޮސް އެ މީހާއަށް ހިމާޔަތްދީފައިވާ ކަމަށް އޭނާ ވިދާޅުވި އެވެ.
"ފުލުހުންގެ ހިމާޔަތުގައި މިހާރު އޭނާއަށް އަންނަނީ ސިއްހީމަރުކަޒުގައި ފަރުވާ ދެމުން،" ސާޖިދު ވިދާޅުވި އެވެ.
އޭނާ ވިދާޅުވީ ވައްކަން ކުރި ކަމަށް ތުހުމަތު ކުރެވޭ ބޮޑު ގުރޫޕެއް އެ ރަށުގައި އޮންނަ ކަމަށާއި ކުރިއްސުރެ ތަކުރާރުކޮށް އެ މީހުންގެ އުނދަގޫ ރައްޔިތުންނަށް ބޮޑު ކަމަށެވެ. އަދި ރޭ ހިނގި ވައްކަމުގެ މައްސަލަ ފުލުހުންނަށް ރިޕޯޓު ނުކުރީ މިހާތަނަށް އެ މީހުން ހޯދައި ފިޔަވަޅެއް އެޅިފައި ނުވާތީ ކަމަށް ވިދާޅުވި އެވެ.
"އެހެންވެ އަޅުގަނޑުމެން ނިންމީ ރައްޔިތުން ނުކުމެ ވަގުން ހޯދަން. އަންހެނުންނާއި ފިރިހެނުން ވެސް ހިމެނޭ ގޮތަށް ގިނަ ބަޔަކު ނުކުތް،" ސާޖިދު ވިދާޅުވި އެވެ.
އޭނާ ވިދާޅުވި ގޮތުގައި ރޭ އެގޭ ފިހާރަ ފަޅާލައިގެން، ތިޖޫރީގައި ހުރި ނަގުދު ފައިސާގެ އިތުރުން ގިނަ އަދަދެއްގެ ފޯނު ކާޑު ވެސް ވަނީ ވަގަށް ގެންގޮސްފަ އެވެ. އަދި މިއީ އެ ގެއިން ވައްކަން ކުރި ތިން ވަނަ ފަހަރު ކަމަށާއި މީގެ ކުރިން ދެ ލައްކަ ރުފިޔާ ވެސް ވަގަށް ނަގާފައިވާ ކަމަށް ސާޖިދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައަނެއްމިތުރު
23 May 2019
ކެމެރާ ގަނޑެއް ވިޔަސް ހަރު ކޮށްލަ ބަލަ. އެލާރމް ސިސްޓަމް އެއް ވިޔަސް. މާދަން ނަގާނީ ތިޔަށް ވުރެ ގިނައިން ކަމަށް ވެސް ނޭނގެ.
ހާސަރު
23 May 2019
ގިނަ ރައްރަށުގައި ހަމައެއް ލަމައެއްނެތި ވަކިފާޑަކަށް އުޅޭ މަދު ބަޔަކު މައިތިރި ކުރެވޭނީ ރަގަޅަށް ތިބި މީހުން އެމީހުންދެކެ ބިރު ނުގަނެ މައިތިރި ކުރީމަ. %99 މީހުން އެންމެ ޕަސެންޓެއްގެ ބަޔަކުދެކެ ބިރުން ތިބޭތީ އެމީހުން ބޭނުންހާކަމެއް ކުރަނީ.
ހަސަން ނުވަވަނަ
23 May 2019
ހުވަދޫ ވާދޫގެ ފިރިހެނުންގެ ތެރެއިން %95 މަސްތުވާތަކެތީގެ އަވައިގެ ޖެހިފަ. އެރަށުގަ ތިބި ފުލުހުން އުޅެނީ މިމީހުންނާއެކި އަބަދު ކޮފީގަ. ކިހިނެއް ރަނގަޅުވާނީ ދެން.
ދޮންބެއްޔާ
23 May 2019
އިހުމާލުވެވޭނަމަ މިފަދަ ހިތާމަވެރި ކަންކަން ހިނގާނެ. ދެރަކަމެއް
ދޮންވެލި
23 May 2019
ވަޅި ހެރި ގަްރޫޕް ރަށުން ބޭރު ކުރަން،މިހާރުވެސް ލަސްވއްޖެއެވެ. ޓެރަރިސްޓް ހަމަލާއެއްދީފިއެވެ. ސަލާމަތީ ބާރުތަކުން ނޫނީ ރައްޔިތުން އެމީހުން ރަށުން ބޭރު ކުރަން ވީއެވެ. ނޫނީ އިތުރު ހަމަލައެއް ދީފާނެއެވެ.
މުޙުއްމާ
23 May 2019
އަދުލު އިންސާފު ޤާއިމުކުރަން ޙަވާލުވެ ތިބޭ މީހުން އެކަން ނުކުރާނަމަ ރައްޔިތުން ނުކުމެ އެމީހުންގެ ޙައްޤުތަށް ހޯދަން މަސައްކަތް ކުރާނެ. މިފެންނަނީ އެމަންޒަރު. ހުރިހާރަށެއްގެވެސް ހާލުހުރީ މިގޮތަށް. ފުލުހުންގެ ޙިމާޔަތް ލިބޭނީ ވަގުންނަށާއި ކުށް ކުރާ މީހުނަށް. ވައްކަން ކުރާ މީހަކު ފުލުހުންނަކަށް ހިފޭތަނެއް ނާދޭ. ވަގަށް ނެގި އެއްޗެއް ފުލުހުންނަށް ފެންނަތަނެއް ނާދޭ. ސައިކަލާއި އެއްޗެހި ވަގަށް ނަގާއިރު ނުފެންނަންޏާ ޤާބިލު މީހުން ފުލުހުންނަށް ލާން ވެއްޖެ.
ޡުލޭ
23 May 2019
މުޅި ރަށަކީވެސް ވައްކަންކުރުމާ މަސްތުވާ ތަކެތި ބޭނުން ކުރުމާ މާރާމާރީ ހިންގުމުގަ ހައްދުފަހަނަ އަޅާފަ އޮންން ރަށެއް.
ޫުސވސ
24 May 2019
ތީދޮގެއް ކަޑައެޅިގެން ވަރައް ފަހުން ކުރަން ފެށިކަމެއްތީ ތިރަށުގަ... 2016 ވައްކަން ކުރަން ފެށީ
މަގޭބުނީ
23 May 2019
މަށެއްނެތިން އެޗެއްބުނާކަށް ، މިސަރުކާރަށް ފާޅުގަ ވޯޓް ލެވުނީތީ ކުޑައިކޮށް ލަދުގަންނަހެން ހީވާން ފަށައިފި....، ދެން ވާނީވެސް އެހެން ރައްޔިތުންގެ ވެރިކަމެއް ކަމަށް މޮޓޯ ހަދައިގެން ހޮވުނީ، ދެން ރައްޔިތުންދޯ ނިކުމެ ވަގުވެސް ހައްޔަރުކުރާނީ......
މަރިއްޔާ
23 May 2019
އެހެން ގޮސް އަނިޔާވެރި ވެގެން ނުވާނެ. އެއް ގެއަކުން 3 ފަހަރު އެހާ ބޮޑު ޢަދަދެއް ވައްކަން ކުރަން ފުރުސަތު ލިބުނީމަ އެނގެނީ އެގޭ މީހުންގެ ފަރުވާ ކުޑަ ކަމާ ޒިންމާދާޜުކަން ކުޑަކަން. ރައްޔިތުން ނިކުމެ އއަނިޔާ ކުރުމަކީ ވަރަށް ނާތަހުޒީބު ކަމެއް.
މީނަ
23 May 2019
ތިކޮމެންޓް ވަރަށް ތަހުޒީބު ކޮންމެއަކަސް
ކަންއޮތްގޮތް
23 May 2019
ރައްޔިތުންގެ ބާރުއޮތުމަކީ ކަންކަން ކާމިޔާބުކަމާއިއެކު ނަތީޖާ ދައްކާނެކަމެކެވެ. ފުލުހުންނަށް ބަރޯސާވެތިބެވޭކަށެއް ނެތެވެ. ދިގު ތިރީސް އަހަރަކާއިއެކު އެތަންއެއޮތީ ވަކިގޮތަކަށް ބައްޓަންކޮށް ޚަރާބުކޮށް ގަޑުބަޑުކޮށްފައެވެ. ފުލުހުން ރަށްރަށުގައި ބައިތިއްބަނީ ވަކިބޭނުމަކަށެވެ. އެމީހުން ބޭނުންވާމީހާ ހުނިޖަހައިގެން ހޯދުމަށާއި ފާރަލުމަށެވެ. އެނޫންކަމަކުނޫނެވެ. ދުވާލު އުޅޭނީ އަމިއްލަ ކަންތަކުގައެވެ. ފެންނާނީ ހަވީރުދަޅަޔަށެވެ. ރޭގަނޑު ފެންނާނީ މަދުންނެވެ.