މަޖިލިހުގެ ރައީސް ކަމަށް ޝައުގުވެރިވެވަޑައިގެންނެވި އެމްޑީޕީގެ ބޭފުޅުން. (ކ-ވ) މަރަދޫ ދާއިރާގެ މެމްބަރު އިބްރާހިމް ޝަރީފް، ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް، މެދުހެންވޭރު ދާއިރާގެ މެމްބަރު އަލީ އާޒިމް، އިންތިޚާބީ މެމްބަރު މުހައްމަދު އަސްލަމް އަދި އައްޑޫ މިދޫ ދާއިރާގެ މެމްބަރު ރޮޒެއިނާ އާދަމް. --- ފޮޓޯ: މިހާރު
23 މެއި 2019 - 12:16
25 comments
އަންނަ އަންގާރަ ދުވަހު ހުވާކުރާ 19 ވަނަ ރައްޔިތުންގެ މަޖިލިހުގެ ރައީސާއި ނައިބު ރައީސަކަށް އެމްޑީޕީން ހޮވަން ބޭނުންވާ ބޭފުޅަކު ކަނޑައެޅުމަށް އެ ޕާޓީގެ ޕާލަމެންޓްރީ ގުރޫޕް (ޕީޖީ) ގެ މެމްބަރުންގެ މެދުގައި ހޯމަ ދުވަހު ވޯޓު ނަގަން ނިންމައިފި އެވެ.
ސަރުކާރު ހިންގާ ކޯލިޝަންގެ މައި ޕާޓީ އެމްޑީޕީގެ ޓިކެޓުގައި އާ މަޖިލިހަށް އިންތިޚާބުވެވަޑައިގެންނެވި 65 ބޭފުޅުންނަށް ޕާޓީން ފޮނުވި މެސެޖެއްގައި ވަނީ މަޖިލިހުގެ ރައީސާއި ނައިބު ރައީސް ކަނޑައެޅުމުގެ ވޯޓުގައި އެ ޕާޓީ ވިޕްލައިން ނިންމުމަށް ވޯޓަކަށް އަހަން ޖެހޭ ކަމަށެވެ. އަދި އެކަމަށް ގޮތް ނިންމުމުގެ ބައްދަލުވުން ބާއްވާނެ ތަނާއި ގަޑި ފަހުން އަންގާނެ ކަމަށް އިންތިޚާބީ މެމްބަރުންނަށް އެމްޑީޕީން ފޮނުވި އެސްއެމްއެސް ގައި ވެ އެވެ.
މަޖިލިހުގެ ރައީސް ކަމަށް އެމްޑީޕީގެ ފަރާތުން މިހާތަނަށް ޝައުގުވެރިކަން ފާޅުކުރައްވާފައި ވަނީ އެ ޕާޓީގެ ޕާލަމެންޓްރީ ގްރޫޕްގެ ލީޑަރު އަދި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމާއި ކުރީގެ ހޯމް މިނިސްޓަރު އަދި ވިލުފުށީ ދާއިރާގެ އިންތިޚާބީ މެމްބަރު ހަސަން އަފީފާއި މެދު ހެންވޭރު ދާއިރާގެ މެމްބަރު އަލީ އާޒިމާއި މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ)ގެ އިތުރުން މީދޫ ދާއިރާގެ މެމްބަރު ރޮޒައިނާ އާދަމެވެ. އޭގެ ތެރެއިން އެމްޑީޕީގެ ތެރޭގައި އެންމެ ބޮޑު ވާދަވެރިކަމެއް އުފެދިފައި އޮތީ އަސްލަމާއި އަފީފްގެ މެދުގަ އެވެ.
މި ހިނގާ 18 ވަނަ ރައްޔިތުންގެ މަޖިލީހުގެ މެމްބަރުންނާއި އާ މަޖިލިހަށް ހުވާ ކުރާ 19 ވަނަ ރައްޔިތުންގެ މަޖިލީހުގެ ބޭފުޅުންނާ އެކު މަޖިލިހުގައި އޮތް ތަރާވީހަކަށް ފަހު ނޫސްވެރިންނާ ވާހަކަފުޅު ދައްކަވަމުން ރައީސް އިބްރާހިމް މުހައްމަދު ސޯލިހް ރޭ ވަނީ މަޖިލީހުގެ ރައީސަކަށް އެންމެ އެކަށީގެން ވަނީ އަފީފް ކަމަށް ވިދާޅުވެ، އަފީފަށް ވަރަށް ބޮޑަށް ތައުރީފް ކުރައްވައިފަ އެވެ.
ރައީސް އިބްރާހިމް މުހައްމަދު ސޯލިހާއި މަޖިލިހުގެ ރައީސް ގާސިމާއި ކުރީގެ ރައީސް މުހައްމަދު ނަޝީދު ރޭ އޮތް މަޖިލިހުގެ ތަރާވީހުގައި ބައިވެރިވެވަޑައިގަންނަވަނީ. --- ފޮޓޯ: މަޖިލިސް
"އަފީފްގެ މަސައްކަތް މީގެ ކުރިން ފެނިފައި އެބަހުރި. އަސްލަމާ އެކު މަސައްކަތް ކުރެވިފައި އެބަހުރި. އަޅުގަނޑު ގަބޫލު ކުރާ ގޮތުގައި އަފީފަކީ މި ކަމަށް އެންމެ އެކަށީގެންވާ ބޭފުޅާ،" ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހް ވަކި ބޭފުޅެއްގެ ނަން މި ވިދާޅުވީ އެ މަގާމަށް ޝައުގުވެރިކަން ފާޅުކުރައްވާފައިވާ އަސްލަމާއި އެމްޑީޕީގެ އެހެން ބައެއް މެމްބަރުން ވެސް ރޭގެ ހަފުލާގައި ތިއްބެވި ވަގުތެއްގަ އެވެ. އަފީފަށް ތާއީދު ކުރައްވައި އޭނާގެ ނަން ރައީސް ވިދާޅުވުމާ އެކު، އަސްލަމްގެ މޫނުމަތިން ހާސްކަން ވަރަށް ބޮޑަށް ފެނުނެވެ.
މަޖިލީހުގެ ރައީސަކަށް އެންމެ އެކަށީގެން ވަނީ އަފީފް ކަމަށް ރައީސް ވިދާޅުވި އިރު، ކުރީގެ ރައީސް އަދި މައްޗަންގޮޅި މެދު ދާއިރާގެ އިންތިޚާބީ މެމްބަރު މުހައްމަދު ނަޝީދު ބޭނުންފުޅު ވަނީ މަޖިލިހުގެ ރައީސް ކަމަށް އަސްލަމް ގެނައުމަށެވެ. އަސްލަމަކީ ނަޝީދުގެ ވަރަށް އަރިސް ބޭފުޅެކެވެ.
މަޖިލިހުގެ ރައީސާއި ނައިބު ރައީސަކު ހޮވުމުގެ ވޯޓު ނަގާނެ ގޮތަކާ މެދު އެމްޑީޕީގެ ތެރޭގައި ވަނީ ޚިޔާލު ތަފާތުވުން އުފެދިފަ އެވެ. ބައެއް މެމްބަރުން ގަބޫލު ކުރައްވާ ގޮތުގައި މަޖިލިހުގެ ރައީސާއި ނައިބު ރައީސަކު ކަނޑައަޅަން ވާނީ ސިއްރު ވޯޓެއް ނަގައިގެންނެވެ. އެކަމަކު، އެކަމާ ދެކޮޅު ހައްދަވާ މެމްބަރުން ވިދާޅުވީ ޑިމޮކްރަސީގެ ރިވެތި އުސޫލަކީ ހާމަކަން ބޮޑު ވޯޓަކަށް ދިއުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިންސާފުދޮހޮއްކޮ
23 May 2019
ފުރަތަމަ ގާނޫނު އަސާސީ 1931 ގައި އޭގެ ވިއްސަކަށް އަހަރުފަހުން ދިވެހިންގެ ވެރިކަމުގެ ނިޒާމަށް ބަދަލުތަކެއް 1953 ގައި ޖުމްހޫރިއްޔާ 1953 ފުރަތަމަ ރައީސްގެ ވެރިކަމުން ދުރުކުރުން ،އެއަށްފަހު އިންތިޙާބީ ރަސްކަމެއް 1968ދެވަނަ ޖުމްހޫރިއްޔާ 2005 މަލްޓިޕާރޓީ،2008 މަލްޓިޕާރޓީ އިލެކްޝަން، 2012 ފުރަތަމަ މަލްޓިޕާރޓީ ރައީސް ވެރިކަމުން ދުރުކުރުން، މި ޓައިމްލައިންތަކަށް ބަލާއިރު 2019 އަނެއްކާވެސް ބޮޑުބަދަލަކަށް މިސްރާބު ހިފާފައިވާތަން މިފެންނަނީ
ހަސަނު
23 May 2019
ރައީސުލްޖުމްހޫރިއްޔާ ގެ މަގާމުގާހުރެ މަޖުލީހުގެ ރައީސްކަން ކުރާނެ މީހަކު ހޮވުމަކީ ރީތި ގޮތެއް ނޫން...
މާލެބެ
23 May 2019
އިބޫއަށް އަސްލަމް ކަމުނުދާންފެށި ސަބަބަކީ ރިއާސީ އިންތިޚާބަށް ރައީސް ނަޝީދަށް ނުނިކުމެވިއްޖެ ހާލަތެއްގައި އަސްލަމް ވެސް ނެރުން އޮޕްޝަނަކަށް ލައިގެން ނަޝީދު އުޅުއްވި އުޅުއްވުން. އަދި އިބޫމެން ޝާހިދުމެންގެ ރުހުމާދެކޮޅަށް އެމްޑީޕީ ޕްރައިމަރީގައި ނަޝީދުގެ ކެމްޕެއްިން މެނޭޖަރުކަން އަސްލަމް ކުރުން. ވީމާ އޭރުއްސުރެ އިބޫމެންގެޓީމަށް އަސްލަމް ގޯސްވެއްޖެ. ކުރިން ވަރައްގާތް ދެބޭފުޅުން.
ސޭޓުގެ އަނބިމީހާގެ ފިރިމީހާ
23 May 2019
ރައީސް ނަޝީދަށް ކުރިމަތި ނުލެވިއްޖެނަމަ، އޮޕްޝަނަލް ކިތައް ބޭފުޅުން ނެންގެވިބާވައެވެ؟ މޭބިސްކަދުރުވެޔޮގަނޑުގެ ޚަބަރުގައި ނަންހިނގައިއުޅުނީ 3 ނަމެކެވެ. މުޙައްމަދު ޝިހާބާއި ޢަބްދު ﷲ ޝާހިދާއި، ފުވާދު ތައުފީޤުގެނަމެވެ. 4 ވަނަ އޮޕްޝަނެއްވެސް ގެންގުޅުއްވީތާއެވެ! ކޮންމެއަކަސް ތިދެރައީސުންގެ ގާތްކަމަށް ބުރޫއަރުވަން ކެތްމަދުވެފައިތިބި ބައެއްގެ ސަބަބުން ބުރޫއަރާފާނެކަމާއިމެދު ޝައްކު އުފެޭވަރު އެބަވެއެވެ.
ހަސަންބޭ
23 May 2019
އައްޑޫ ހިތަދު އުތުރުދާއިރާގެ މެންބަރު އަސްލަމް އަށް ރައީސް ސާލިހް ތާއީދު ނުކުރާހެން ހީވެގެން، އަސްލަމްގެ ބައްޕަ ފޭސްބުކްގަ ލިއުނު ސްޓޭތަސް ފެނިފަ ހިނި އައި. ދަރިފުޅަށް ވަޒީފާއަށް ހާޒިރުވުމާއި ގަޑިއަށް ހުރމަތްތެރިކޮށް ހިތަން ދަސްކޮށްދެއްވިނަމަ ހާދަ ރަގަޅޭ ހިތަށް އެރި
ސުވާލެއް
23 May 2019
ކާކުތަ ތި މެސެޖް ފޮނުވަނީ؟ ކާކު ބުނެގެންތަ؟
ސިންސިޔާ
23 May 2019
މި އިބޫ ހަމަ އައްޑޫ މީހަކަށް މަގާމެއް ނުދޭންވެގެން އެ އުޅެނީ.... ޕާޓީގެ ރައީސް ނަޝީދު އަކީ ސިޔާސީ ގޮތުން އަރާ ހުންނެވި ބޭފުޅެއް. ޕާޓީއަށްވެސް އަދި ސަރުކާރަށްވެސް ކާމިޔާބު ވާނީ ނަޝީދުގެ ވިސްނުމާއެއް ގޮތަށް ކަންތައް ކުރުމުން. އެކަން އިނގޭނެ އިބޫ ރައީސް ކަމަށް ފުރުސަތު ދެއްވީވެސް ނަޝީދު.
ޢަލިދީދީއައްޑޫސިޓީ
23 May 2019
ރައީސް ނަޝީދު ވިދާޅުވީ މަޖިލިސް ހިންގާނީ މަޖިލީހުގެ ތަޅުމުންނޭ. އެމަނިކުފާނު ބޭނުންފުޅުވަނީ ތަޅުމުގައި ވާހަކަފުޅު ދައްކަވާށޭ. މިއީ، ލައްކަވާހަކަ. އަހަރުމެން ވެސް ބޭނުންވަނީ، އަސްލަމް މެންފަދަ ތަޖުރިބާހުރި ބޭފުޅުން އައްޑޫގެ މުސްތަގުބަލަށް މަޖިލިސް ތަޅުމުގައި ވަކާލާތުކުރަން. އެއްގަތަކަށްވެސް، އަނގަ ބަންދުކޮށްގެން ގޮނޑިއެއްގަ އިންކަށް ނޫން. އައްޑޫ ރައްޔަތުންނަށް މޮޅީ އަސްލަމް ބިލުހުށަހަޅާ އެއަށް ބަހުސް ކޮށް ވޯޓު ދެއްވަން އިިންނެވުން. މިއީމަގޭބަސް.
ހަސަނެބެއްޔާ
23 May 2019
15އަހަރު ތިއަސްލަމް މަޖްލީހުގަ އިދެއްޖެ. އައްޑުއަތޮޅަށް ފައިދާހުރި ކޮން ބިލެއް ހުށަހެޅީ؟ އައްޑޫއަތޮޅު ރައްޔިތަކަށްވީތީ އަޅުގަޑުގަންނަނީ ލަދު. މަޖްލީހުގެ ހަޒިރީ އިން އަސްލަމް ދަނީ ފަހަތުން 2 ވަނަޔަށް
ނަމެއް ނުބުނެވޭނެ
23 May 2019
މާތްﷲގެ އިރާދަފުޅުން މަގޭވޯޓުގެ އިތުރުން 21 ވޯޓު މިހާރު މިއަދާއި ހަމައަށް ކަށަވަރުވެފައިވޭ ( ރޮޒޭއަށް ) މަޖިލީހުގައި ހުރި އެއްމެ ގާބިލު ތަޢުލީމީ މެމްބަރ... ކިތަކެއް މިލިއަނުގެ އޮފަރ ކިތަކެއްފަހަރު ވަނީ މިދިޔަ 5 އަހަރުތެރޭ ރޮޒޭއަށް އޮފަރ އައިސްފައި. ނަމަވެސް ހުރިހާ އޮފާތަކަށް ނޫނެނެކޭ ބުނެ ނަޒާހަތްތެރި ކަމުގައި އިއްޔެވެސް މިއަދުވެސް... ވީމާ އަހަރުމެން 19 އަށް ހޮވުނު އެއްމެންވެސް ހިނގާ ރޮޒޭއަށް ތާއިދުކޮށް ރޮޒޭހޮވަން. ގާސިމްގެ މަޅީގައިވެސްނުޖެހޭނެ..
ޖާވިމު
23 May 2019
ބަލަ ކޮއލިޗަން އިން އެއްބަސްވީ މައުމޫން ޕާޓީއަށް މަޖިލިސް ރައިސް
ބޮޑުބަލާސޭނާ
23 May 2019
މަށަށް ކަމުދަނީ އަފީފް. އަސްލަމްގެ ގަޑިޖެހުމުގެ ބައި ވަރަށް ބޮޑުވާނެ. އަދި ސަލާމް ބުނާ ދުވަސްވެސް ވަރަށްގިނަވާނެ. މިހާރުވެސް މަޖްލިސް ހާޒިރީ ބަލާ.
ހަސަންބޭ
23 May 2019
ވަރަށް ބޮޑުތެދެއް