ވެލި ބަރުކޮށްފައި އޮތް ބޯޓު: އެ ބޯޓަކީ ބްރިޖް ހެދި ކުންފުނީގެ ބޯޓެއް ނޫން ކަމަށް ފުލުހުން ބުނޭ
25 މެއި 2019 - 17:13
29 comments
ވެލި ބަރުކޮށްފައި އޮއްވައި ރޭ ފެނުނު ރާއްޖެ އިން ބޭރުގެ އުޅަނދަކީ ސިނަމާލެ ބްރިޖްގެ މަސައްކަތް ކުރި ކުންފުނީގެ އުޅަނދެއް ނޫން ކަމަށް ރާއްޖޭގައި ހުންނަ ޗައިނާގެ އެމްބަސީން މައުލޫމާތު ދީފައިވާ ކަމަށް ފުލުހުން މިއަދު ބުނެފި އެވެ.
ލ. ހިތަދޫ ކައިރީގައި ވެލި ބަރުކޮށްފައި އޮތް ބޭރުގެ އުޅަނދެއް ފެނިގެން ފުލުހުންނާއި ކަސްޓަމްސުން އަންނަނީ އެ މައްސަލަ ބަލަމުންނެވެ. އެ އުޅަނދު އޭރު ދަތުރު ކުރަމުން ދިޔައީ ހުވަދު އަތޮޅުގައި ހަދަމުންދާ ރިސޯޓަކަށް ކަމަށާއި އެ އުޅަނދަކީ މާލެ އާއި ހުޅުލެއާ ދެމެދު އަޅާފައިވާ ބްރިޖްގެ މަސައްކަތްކުރި ޗައިނާގެ ސީސީސީސީ ކުންފުނީގެ އުޅަނދެއް ކަމަށް ފުލުހުން ކުރިން ބުނެފައިވެ އެވެ.
ފުލުހުން މިއަދު ބުނީ އެއީ ސީސީސީސީ ކުންފުންޏާ ގުޅުން ހުރި އުޅަނދެއް ނޫން ކަމަށް ޗައިނާގެ އެމްބަސީން ބުނެފައިވާ ކަމަށެވެ. އެ އުޅަނދަކީ ސީސީސީސީގެ ސަބް ކޮންޓްރެކްޓް ކުންފުންޏަކު ގެނައި އުޅަނދެއް ކަމަށާއި އަދި އެ ސަބް ކޮންޓްރެކްޓް މިހާރު އުވާލާފައިވާ ކަމަށް އެމްބަސީން މައުލޫމާތު ދޭ ކަމަށް ވެސް ފުލުހުން ބުންޏެވެ.
ފުލުހުން ބުނި ގޮތުގައި އެ އުޅަނދު ނިސްބަތް ވަނީ ހުންނާން އައުބޯ ޓެކްނޮލޮޖީ ލިމިޓެޑް ކިޔާ ކުންފުންޏަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށަހީމާ
26 May 2019
ވަރަށް ފައްކާ މައްސަލަ ޖެހުނު ހިސާބުން ވުޖޫދުގަ ކުންފުނިވެސް ނެތް ފަރާތެއްގެ އުޅަނދެއް ކުންފުނި އުވާލާފަ
ޢެޑްމުންޑޯ
26 May 2019
މިސަރުކާރުން އާމްދަނީ ހޯދުމަށް ބޭރުގައުމުތަކަށް ދޮންވެލިވިއްކުމާއި ރުއްގަސް ވިއްކާކަން ފާހަގަކުރެވޭ ، ބަޖެޓް އިތުރުކުރަން އިތުރުގޮތެއް ނެތީކަންނޭގެ
އަހަލާ
26 May 2019
އަޅެ މަ ސީސީސީސީ އަށް ބަވާ ކަރުގައި ލޭރަހަ ލީމަ ތިބުނަނީ ކީކޭ. އަޅެ އެއްފަހަރުވެސް ވާނުވާ ބަލާލައިފަ އަނގަ ހުޅުވައިލައިނަމަ.
ކަކުނިބޯ
26 May 2019
ވައިޓް ބީޗް ސޭންޑް ޔޫއެސް، ޔުއަރަޕް އަދި އިގިރޭސިވިލާތަށް ފަސޭހަކަމާއެކު ވިއްކާލެވޭ މަދުވެގެން 300 ޑޮލަރަށް ޓަނެއް
ކަކުނިބޯ
26 May 2019
ހެވޭ ކޮންޓްރެކްޓް އުވާލިޔަސް ޒިންމާދާރު ކުރެވެންޖިހޭ ސީސީސީ ސަބަބަކީ ކޮންޓްރެކްޓަށް މަސައްކަތް ކުރުމަށް އިމްޕޯޓްޑިޔުޓީއާއިނުލާ ރާއްޖޭގައި ހަރަކާތްތެރިވުމަށް ހުއްދަދެނީ ހަމަ އެކަނި ހުއްދަދެވުނު ޕްރޮޖެކްޓްގެ މަސައްކަތްކުރުމަށް ވިޔަފާރިކުރާ ވަސީލަތަކަށްނޫން. އެބޯޓް ޑިކްލެއަރ ކޮށްފައި އޮންނާނީ ސީސީސީ ގެ ޕްރޮޖެކްޓަށް ވީމާ ކޮންޓްރެކްޓް އުވާލިޔަސް ކޮންޓްރެކްޓް އުވާލިކަން ކަމާބެހޭފަރާތްތަކަށް ނާންގާއޮތްނަމަ ސިސީސީ ޒިންމާވާންޖެހޭ އިމްޕޯޓްޑިޔުޓި ވެސް ނަގާ
ބޮޑުމީހާ
26 May 2019
ހެހެހެ. މީހުންގެ ފޯކަސް ހަގީގީ މައްސަލައިން ގެއްލުވާލުމަށް ދައްކާ ވާހަކަތީ. ކޮންމެ ކުންފުންޏެއްގެ ބޯޓަކަސް ގަވާއިދާ ޚިލާފަށް ވެލި އެއޮތީ ނަގާފަ. ދެން އަލީގެ ބޯޓޭ، ޗައިނާ ބޯޓޭ، ފަޅޮލޭ ކިޔާނެކަމެއްނެތް. އަވަހަށް ތަހްގީގްކޮށް ހަރުކަށި ފިޔަވަޅުއަޅަންވީ. އަންނަ އަހަރު ދައުލަތުގެ ބަޖެޓާއި އެއްވަރުގެ ޖޫރިމަނާއެއްކުރީމަ ހުންނާނީ ރަގަޅަށް. ކޮންމެއަކަސް ކުރި ތަހްގީގަކާއި ދިން އަދަބެއްގެ ހަބަރު މިހާރު ނޫހުގައި ޖަހާނެ ދުވަހަކަށް އިންތިޒާރުކުރާނަން
އިބްރާހިމް އަހުމަދު
25 May 2019
ހުރިހާކަމެއް ބޮއްސުންލާފަ! ދޭސީއަކަސް ބިދޭސީއަކަސް އަތުޖެހުނު އެއްޗެއް ވިއްކާހުސް ކުރަނީ! އޭ ހެޔޮ ވެލިފުކެއްވިއަސް، ގަހެއްވިއަސް، މަހެއްވިއަސް. ބަލާނެ މީހަކު ނެތް! މިއޮތީވާ ގައުމެއް!
ހިކް
25 May 2019
ބްރިޖް މަސައްކަތް ނިމި ސަބް ކޮންޓްރެކްޓް އުވާލީމަ ތިޔަ އުޅަނދު ރާއްޖޭގަ މިހާ ދުވަހު އެއެނބުރެނީ ދެން ކިހިނެއްތަ؟
ބްރޯ
25 May 2019
ތިއޮތީގަނީމާވެފަ ދޫނުކުރާތި
ޢަބްދުﷲނާފިޒް
25 May 2019
ތިބޯޓަކީ ކޮންބަޔަކު ކޮންތާކުން ގެނެސް ކިހިނެއް ރާއްޖޭގަ ހަރަކާތްތެރިވާ ބޯޓެއްތޯ ޔާމީނު ގާތު އަހާބަލަ، ސަބްކޮންޓްރެކްޓް އުވާލާފަޔޯ، ދެން ރާއްޖޭގަ ތިޔަ ބޯޓެއް ހަރަކާތްތެރިވަނީ ކޮން ފަރާތެއްގެ އަމުރަށްތޯ ބޯޓުގަ ތިބި ފަޅުވެރިންނަށް މުސާރަ ދެނީ ކޮންފަރާތަކުންތޯ ބެލީމަ ތިވާގޮތެއް އެނގިދާނެ.
ހުޅެވިހަނދު
26 May 2019
ޗަކޮއެ ކައިރީ އަހަންވީ
ތުނިޔަ
25 May 2019
ތިން ބަންގާޅީންގެ ދަށުވި ފުލުހުންގެ ވާހަކައޭ މިކިޔަނީ! މިފަހަރު ޗައިނާ އެމްބަސީން...މާދަން އެހެން ބަޔަކު އެއްޗެއްކީ ހަމަ އެހެން.. މީހަކު އެއްޗެއް ބުނާއިރަށް، އެގޮތަކަށް ތަހުގީގު ނިންމާލާބަޔަކަށް ފުލުހުން ވެނިމިއްޖެ.