ލަންކާގައި ހިންގާ ބަލައި ފާސްކުރުމުގެ ހާއްސަ އޮޕަރޭޝަންގައި މިދިޔަ ހަތަރު ދުވަސް ތެރޭ ވަނީ 100 މީހަކު ހައްޔަރުކޮށްފައި. -- ފޮޓޯ: އޭއެފްޕީ
27 މެއި 2019 - 09:27
2 comments
ސްރީ ލަންކާގައި ބޮމުގެ ހަމަލާތައް ދިން، އައިއެސް ޖަމާއަތާ ގުޅުން ހުރި މީހުން ހޯދުމަށް ސިފައިން ހިންގާ ހަރަކާތްތަކުގައި މިދިޔަ ހަތަރު ދުވަސް ތެރޭ 100 ވަރަކަށް މީހުން ހައްޔަރުކޮށްފައިވާ ކަމަށް އާދިއްތަ ދުވަހު އޮފިޝަލުން ވިދާޅުވެއްޖެ އެވެ.
އަސްކަރިއްޔާގެ އޮފިޝަލަކާ ހަވާލާދީ ލަންކާގެ ނޫސްތަކުން ބުނީ މިދިޔަ މަަހު 250 އަށް ވުރެ ގިނަ މީހުން މަރުވި ހަމަލާތަކަށް ފަހު ކޮލަމްބޯ އެހެން ބައެއް މުހިންމު ސަރަހައްދުތަކުގައި ސިފައިންގެ ތިން ހާހެއްހާ މީހުން ހަރަކާތްތެރިވަމުން އަންނަ ކަމަށެވެ. ސަރަހައްދުތައް ބަންދުކޮށް ބަލައި ފާސްކުރުމުގެ ހާއްސަ އޮޕަރޭޝަންތަކެއް މި މަހުގެ 23 ގައި ފެށި ފަހުން މިހާތަނަށް 100 ވަރަކަށް މީހުން ހައްޔަރުކޮށްފައިވާ ކަމަށް އޮފިޝަލް ވިދާޅުވި އެވެ.
އޭނާ ވިދާޅުވި ގޮތުގައި ފުރަތަމަ ތިން ދުވަހު ވެސް، ޝައްކު ކުރެވޭ 87 މީހަކު ހައްޔަރުކޮށް ތަހުގީގުކުރުމަށް ފުލުހުންނާ ވަނީ ހަވާލުކޮށްފަ އެވެ.
"ހައްޔަރުކޮށްފައިވާ މީހުންގެ އަދަދު މިހާރު ސަތޭކަ އަށް އަރާފާނެ،" ހައްޔަރުކުރި އެންމެންހެން އެއީ މަނާ ހަތިޔާރާއި ޑްރަގްސް ފެނިގެން ހައްޔަރުކުރި މީހުންކަން ފާހަގަކުރައްވަމުން އޮފިޝަލް ވިދާޅުވި އެވެ.
މީގެ އިތުރުން ލަންކާގައި ހަމަލާ ދިން، އައިއެސްއާ ގުޅުން އޮންނަ ނެޝަނަލް ތައުހީދު ޖަމާއަތާއި ހަނގުރާމަވެރި އެހެން ޖަމާއަތްތަކުގެ ޕްރޮޕަގެންޑާ ވީޑިއޯ ފަދަ ތަކެތި ފެނިގެން ވެސް ބައެއް މީހުން ހައްޔަރުކޮށްފައިވެ އެވެ.
ސިފައިންގެ އޮޕަރޭޝަންތަކުގައި، އެންމެ ފަހުން މުސްލިމުންނާ ދެކޮޅަށް އެންމެ ވަރުގަދަ އަށް ހަމަނުޖެހުން ހިންގި ސަރަހައްދުތައް ވެސް ފާސްކޮށްފައިވެ އެވެ.
ހަމަލާތަކަށް ފަހު ސަލާމަތީ ފިޔަވަޅުތައް ވަރުގަދަކޮށްފައި ވާއިރު ކުއްލި ނުރައްކަލުގެ ހާލަތު ވަނީ އަލުން އެއް މަސް ދުވަހަށް އިތުރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންވެލި
27 May 2019
މިހާރު ނާޖާއިޒް ފައިދާ ނަގަނީއެވެ.
ހޮޓްކިންގ
27 May 2019
ހައްޔަރު ކުރަނީ މުސްލިމުން. ކަމާގުޅުމެއްނެތް ސިޔާސީ ކޯޅުމާއި ގުޅިގެން ޓެރަރިޒަމާއި ގުޅުވައި އެތައް މުސްލިމުންނެއް ވަނީ ހައްޔަރު ކޮށްފައި. މުސްލިމުންގެ ގޯތިގެދޮރާއި ފެކްޓަރީތައް އަންދާލި މީހުން މިނިވަންކަމާއެކު ބިރުދައްކަމުން ދުވާއިރު އެއިން މީހަކު ހައްޔަރު ކުރާތަނެއް ނާދޭ. ނިއުޒީލޭންޑްގައި މިސްކިތެއްގައި ބަޑިޖަހާ މުސްލިމުން މެރުމުން ބަދަލު ހިފަން މީހުން ނުނިކުމޭ އެކަމަކު ލަންކާގައު ތިބީ މުސްލިމުންނަށް ގެއްލުން ދޭން ފެންބޮވާފައި.