މާދަރީ ބަހުގެ ދުވަހުގެ މުނާސަބަތުގައި މިދިޔަ ފެބްރުއަރީ މަހު ދަރުބާރުގޭގައި ބޭއްވި ހާއްސަ ރަސްމިއްޔާތުގައި ރައީސް އިބްރާހިމް މުހައްމަދު ސޯލިހާއި އާޓްސް އެންޑް ކަލްޗަރު މިނިސްޓަރު ޔުމްނާ އަދި ދިވެހި ބަހުގެ އެކަޑަމީގެ ރައީސް އަޝްރަފް ބައިވެރިވެވަޑައިގަންނަވަނީ.--- ފޮޓޯ: ނިޝާން އަލީ/މިހާރު
29 މެއި 2019 - 13:30
21 comments
ދިވެހި ބަހުގެ އާ ލަފްޒުތައް ހެދުމުގެ އުސޫލުތަކަށް ބަދަލު ގެންނަންޖެހޭ ކަމަށް ގަބޫލުކުރައްވާ ކަމަށް އާޓްސް، ކަލްޗާ އަދި ހެރިޓޭޖް މިނިސްޓަރު ޔުމްނާ މައުމޫން ރޭ ވިދާޅުވެއްޖެ އެވެ.
ދަރުމަވަންތަ ހޮސްޕިޓަލްގެ ބައެއް ތަންތަނަށް ދީފައިވާ ދިވެހި ނަންތަކަށް އާއްމުން ކިޔަމުން އަންނަ ފާޑުކިޔުންތަކާ ގުޅޭ ގޮތުން "މިހާރު"ން ލިޔުނު ހަބަރާއެކު ކުރެއްވި ޓްވީޓުގައި ޔުމްނާ ވިދާޅުވީ ލަފްޒު ހަދަންވާނީ އާއްމުންގެ ހިޔާލާއެކު ގިނަ ބަޔަކަށް ކިޔަން ފަސޭހަ ގޮތަކަށް ކަމަށެވެ. އެކަމާ ބެހޭ ގޮތުން ބަހުގެ އެކަޑެމީއާ މަޝްވަރާކުރަމުން އަންނަކަމަށް މިނިސްޓަރު ވިދާޅުވި އެވެ.
މިފަހުން ދިވެހި ބަހުގެ އެކަޑެމީން ހެދި ބަސްތަކަށް އާއްމުންގެ ގިނަ ފާޑުކިޔުންތަކެއް އަމާޒުވެފައިވެ އެވެ. ހާއްސަކޮށް ދަރުމަވަންތަ ހޮސްޕިޓަލުގެ ކޮޓަރިތަކުގައި ހަރުކޮށްފައި ހުރި ނަން ބޯޑުތަކާއެކު އެ ފާޑުކިޔުންތައް އިތުރުވެފައި ވެ އެވެ. ބައެއް މީހުން ބުނާގޮތުގައި އެ ނަންތަކުން އެއީ ދިވެހި ބަސް ކަމެއް ވެސް ނޭނގެ އެވެ. އެއީ ކިޔަން އުނދަގޫ، ދިވެހިންނާ ބީރައްޓެހި ބަސްތަކަކަށް ވާއިރު މިއީ ދިވެހިން ބޭނުން ކުރާނެ ބަސްތަކެއް ނޫން ކަމަށް ގިނަ ބަޔަކު ބުނެފައިވެ އެވެ.
އާ ލަފްޒު ހެދުމުގެ އުސޫލުތަކަށް ބަދަލެއް ގެންނަން ޖެހޭ ކަމަށް އަޅުގަނޑު ޤަބޫލުކުރަން. ލަފްޒު ހަދަންވާނީ ގިނަ ބަޔަކަށް ކިޔަން ފަސޭހަ ގޮތަކަށް، އާންމުންގެ ޚިޔާލާވެސް އެކު. މިިކަމާ މި ގެންދަނީ ބަހުގެ އެކަޑަމީ އާ މަޝްވަރާ ކުރަމުން. @DhivehiEkedamee @MACH_MV https://t.co/mk3r5kM4mw
— Yumna Maumoon (@yumna_maumoon) May 28, 2019
އާޓްސް މިނިސްޓްރީގެ ދަށުން ހިންގާ ބަހުގެ އެކަޑެމީން އެކަމާ ގުޅިގެން ބުނީ އެ ބަސްތައް ހެދީ އައިޖީއެމްއެޗުގެ އެދުމަކަށް ބަސް ކޮމެޓީގެ ފަންނީ ބޭފުޅުން އެ ހޮސްޕިޓަލަށް ވަޑައިގެން ކަމަށެވެ. އެތާ ތިއްބަވައިގެން އެ މަސައްކަތް ކުރެއްވީ، ކަމާބެހޭ ބޭފުޅުންގެ ލަފާ ވެސް ހޯއްދަވައިގެން ކަމަށް ބުންޏެވެ.
ބަހުގެ އެކަޑަމީން މީގެ ކުރިން ވެސް ވަނީ އެކި އިދާރާތަކަށް، ތަފާތު ކަންކަމާ ގުޅުވައިގެން ނަން ހަދައިދީފަ އެވެ. އެކަމަކު އެއިން ބަހެއް ދިވެއްސަކު ބޭނުންކުރާތީ އަޑު އިވެނީ މަދު ފަހަރަކު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެނުނުކަމެއް
29 May 2019
އެންމެ ފަސޭހައިން ކިޔޭކަހަލަ ބަސް ހެދޭނީ ކިރިޔާ ވާހަކަ ދައްކަން ފަށާ އުމުރުގެ ތުއްތުކުދިން ކައިރީ އަހައިގެން. އެކުދިން އެބަހުރި ވަރަށް ރީތި ކުރު ބަސްބަސް ހަދާފަ. އެކުދިން، ދިގު އަދި އުނދަގޫ ނަން ނަން ކިޔަން ފުރަތަމަކޮޅު ނޭނގިގެން އެކުދިންގެ ސިކުނޑިއަށް ނެގޭ ގޮތަކަށް އެ އެއްޗަކަށް ނަމެއް ހަދާލަނީކަމަށް ފެނޭ. އެންމެންނަށްވެސް ފަސޭހަވާނީ ކުރު ނަން ނަން.
ހުސީނާ
29 May 2019
ގަބޫލުކުރެވޭ ހަމަތަކެއް ހުންނަންޖެހޭ. ސޯޝަލް ސެންޓަރަށް އިޖުތިމާޢީ މަރުކަޒު ކިޔާފައ ސޯޝަލް ސްޓަޑީޒްއަށް އިޖުތިމާޢީ ތަޢުލީމް ކިޔާފައި ސޯޝަލް މީޑިޔާއަށް މީސްމީޑިޔާ ކިޔަންޖެހޭ ހަމައެއް ބުނެދީބަލަ.
ޗައިހާން
29 May 2019
ސޯސަލް މީޑިޔާއައް ކިޔާނީ ' ސިންގަޕޫރު ކޮތަރޭ'
އަލީދ
29 May 2019
ދިވެހި ބަހުން ބޭޑްޝީޓް އަށް ކިޔަން މިލަ ފޭލި ހެދި. އެކަމަކު އެންމެނަށް ކިޔެނީ ބެޑްޝީޓޭ. މިތަނުން ދުލަށް ފަސޭހައީ ބެޑްޝީޓް ތަ ނޫނީ މިލަފޭލި ތަ؟ ދިވެހިން ދިވެހިބަސް ކުރިއަރުވަން ބޭނުން ނުވެ އިނގިރޭސިއަށް އަހަންމިއްޔަތު ކަން ދެންޏާ ކޮންމެ އެއްޗެކޭ ކިޔަސް ކިޔަން އުނދަގޫވެފަ ލިޔަން އުނދަގުވެފަ އަޑުއިވުމުން ބޮލަށް އުނދަގޫވާނެ. އިނގިރޭސިން ބަލިބައްޔަށް ކިޔަނީ ދުލަށް ފަސޭހަ ބަސްބަސްތަ؟ ދިވެހިން ބޭނުމީ އިނގިރޭސި ވާން. ބަސް ކުރިއަރުވާކަށް ނޫން.
ހަސަން ނުވަވަނަ
29 May 2019
މިމީހުން މިކުރާ ކަމެކޭ ފޫ ވައްޓާލާފަ އޮތް ބާލިދީއެއް އިސްކުރު ދޮށުގަ ބަހައްޓައިންގް ފެން ފުރަން އުޅުމެކޭ ތާފަތެއް އެބައޮތްތަ. 21ވަނ ގަރުނުގެ ގަޅިން
ހަސަން ނުވަވަނަ
29 May 2019
ހެނދުނު އޮފީހަށް ވެދެ ސޮއިކޮށްލާފަ ކޮފީތަކުގަ ތެޅިބާލާފަ 12ޖެހީމާ އަނެއްކާ ވަދެ ފޭސްބުކް ޗެެކްކޮށްލާފަ ލަންޗަށް ނުކުމެލާފަ ދެން ގޮސް ތިނެއް ޖެހުމާ ދޭތެރޭ ކުރާނަ ކަމެއް ނެތިގެން މިމީހުން އަހަރުމެންނަށް ކުރާ ދުއްޕާން ތިޔައީ
އެނގޭ
29 May 2019
ބަލަގަ ބަސްހަދަނީ ކޮމިޓީޔަކުން. އެއީ ހަމައެކަނި މީޓިންގތަކަށް އަންނަ ބަޔެއް. ހެނދުނު އޮފީހަށް އަންނަ ބައެއްނޫން އެއީ.
ހަސަނުގެދަރި
29 May 2019
ބަސް ނެހެދިއަސް އެތަނަކަށް/ އެތަނަކަށް/ އެކަމަކަށް ގިނަމީހުން ކިޔައިއުޅޭނަން އެއީ ބަސްކަމުގައި ބެލިފައިހުރީ އެހެންވެތާ ބޭރުބަސްތަށް އެކުވެގެން ދިވެހިބަސް އުފެދިފައިވަނީ ބަހުގެތެރެއަށް ބޭރުބަސް ވަދެގެން އަންނަނީ އެބަހުގެ ނުފޫޒު ގަދަވީމާ ނަންލިޔެފަ ބޯޑު ޖެއްސަކަސް އެއެއް ނުހިނގާނެ. މަރުވެގޮސްފައިވާ ބަސްތަށް ދިރިގެން އަންނަތަނެއް ނުފެނޭ.
ބަބުރަންޖީ ހާޖީ
29 May 2019
މިބަސްތައް ކިހިނެތްތޯ. 1. ޓީވީ (ފޮޓޯދުވާފޮށި) 2. މޯބައިލް ފޯނު (ވާހަކަދައްކާ ފައިވާނުކިބަ) 3. ލެޕްޓޮޕް (އުނގުބޭންދި) 4. ކާބަންޑައިއޮކްސައިޑް (ދެލި ވައި) 5. ޓީޝާޓު (އަންނަ ފޮރޯ)
ހަސަން ނުވަވަނަ
29 May 2019
މިބަސްތައް ކިހިނެއްތޯ: 1. މޭރީ ބްރައުން (އެނދި މަރިޔަނބު) 2. ޕިއްޒާ (ވިލާތު ފަތަފޮޅި) 3. ދިވެހި ބަހުގެ އެކެޑަމީ (21ވަނަ ގަރުނުގެ ދުއްޕާން އިދާރާ)
ރަދީފުއްދީނުލް އަކްބަރު
29 May 2019
މަވެސް އެބަހުރި ބައެއް ޚިޔާލު. 1. ކައުންސެލަރު (ކަތީބު) 2. ކައުންސިލްގެ ރައީސް (ބޮޑުކަތީބު) 3. މޭޔަރު (މޭކާދައިތަ) އަންހެނެއްނަމަ އަދި ފިރިހެނެއްނަމަ (މޭކާބޭގަނޑު) 4. ޑޮކްޓަރު (ހަކީމު) 5. ނާރސް (ހަކީމައްތަ) 6. ސްޕެޝަލިސްޓް (ހަކީމް ދާދާ)
ޙަސީ
29 May 2019
ހީވަނީ ޖެއްސުމަކަށް ހަދާފައި ހުރި ނަންތަކެއް ހެން.
ކުޅުދުއްފުށީ ބަސް އެނގޭމީހާ
29 May 2019
ބަސް އެއީ ހަދަން ޖެހޭ އެއްޗެއް ގަބޫލެއް ނުކުރަން ދުނިޔޭގައި މީހުން މީހުން ވާހަކަ ދައްކާ ބަސްތަށް މިއަދާ ހަމަ އަށް ވެސް ހުރިީ ބަހުގެ އެކަޑަމީ އަކުން ބަސް ހަދައިގެން ނެއް ނޫން ދިވެހި ބަހުގައި ކޮންމެ އިންސާނެއްގެ ދިރިއުޅުމުގެ ވެސް އަސާސީ ހުރިހާ ކަމަކަށް ބަސް ހުރޭ ، މިގައުމު މިނިވަން ގައުމެއްގެ ގޮތުގައި އޮވެ، މިތާ ރައްޔިތުންނަކީ ހުސް ދިވެހިންނަށް ވެފައި އަދި ސަރުކާރުން ދިވެހި ބަސް ބަލައިގަންޏާ ދިވެހި ބަހެއް ނުއުވޭނެ.
ހަސަން ދެވަނަ
29 May 2019
ހަމަރަނގަޅަށްވެސް ތާކުންތާކުނުޖެހޭ ހަޑިމުޑުދާރު ނަންތަކެއްއެހެރީހަދާފަ.. އަޝްރަފުމެންކަހަލަ ހަމަޖެހެންޖެހޭ ބޭފުޅަކުއިސްވެހުންނަވައިގެން ދިވެހިންނަށް ދުއްޕާނަކަށްވާކަހަލަ އެއްވެސް އެއްޗަކަށްނުވާ ނަންތަކެއްލިއުނީމަ ހިތާމަކުރާހާލު އިސްތިއުފާދެއްވުމަށްވެސް އަޝްރަފުއަށްގޮވާލަން..