ފެހެންދޫ ކުދިން ދަތުރު ކުރާ ޑިންގީ: އެ ކުދިންނަށް ފެރީއެއް ހަމަޖައްސައި ދެނީ އިންޑިއާ ސަރުކާރުގެ ހިލޭ އެހީގައި.
03 ޖޫން 2019 - 11:21
65 comments
ބ. ފެހެންދޫ ސްކޫލް ކުދިން ކޮންމެ ދުވަހަކު ޑިންގީއެއްގައި ދަތުރުކުރަން ޖެހޭތީ އެކަން ހައްލު ކޮށްދިނުމަށްޓަކައި އެ ސްކޫލަށް ޚާއްސަ ފެރީއެއް އިންޑިއާ ސަރުކާރުގެ އެހީގައި ދިނުމަށް ނިންމައިފި އެވެ.
ފެހެންދޫ ސްކޫލުގައި 26 ކުދިން ކިޔަވަމުން އަންނައިރު، އެ ކުދިން ކިޔަވަން ދާން ޖެހެނީ އެ ރަށާ އެއް ފަޅެއްގައި އޮންނަ ގޮއިދުއަށެވެ. ރަށުގައި އާބާދީ ކުޑަވުމުން ފެހެންދޫގައި ސްކޫލުގައި ކިޔަވައެއް ނުދެ އެވެ.
ފެހެންދޫ ސްކޫލުގެ ކުދިން ދަތުރުކުރުމުގައި ދިމާވެފައިވާ ދަތިތައް އެ ރަށު ކައުންސިލުން މިދިޔަ އޭޕްރީލް މަހު ވަނީ ރައީސް އިބްރާހިމް މުހައްމަދު ސޯލިހުގެ ސަމާލުކަމަށް ވެސް ގެނެސްފަ އެވެ.
ރާއްޖޭގެ ފޮރިން މިނިސްޓްރީން މިއަދު ބުނީ އިންޑިއާ ސަރުކާރުން ރާއްޖެ އަށް ދީފައިވާ 106 މިލިއަން ރުފިޔާގެ ހިލޭ އެހީގެ ތެރެއިން ފެހެންދޫ ސްކޫލްގެ ކުދިންނަށް ރަނގަޅު ފެންވަރުގެ ފެރީއެއް ހަމަޖެއްސުމަށް 1.5 މިލިއަން ރުފިޔާ ކަނޑައަޅާފައިވާ ކަމަށެވެ.
ފެހެންދޫ ސްކޫލްގެ ކުދިން މިހާރު ދަތުރުކުރަނީ އެ ކުދިންގެ ބެލެނިވެރިންނާއި ރަށު ކައުންސިލުން ހަމަޖައްސާފައިވާ ޑިންގީއެއްގަ އެވެ. އެކަމަކު، އެ ޑިންގީ ހަލާކުވެ، ބާވުމުން ބޮޑެތި ދަތިތަކެއް ވަނީ ކުރިމަތިވެފަ އެވެ.
"މި ޕްރޮޖެކްޓުގެ ދަށުން މި މައްސަލަ އަށް ދާއިމީ ހައްލެއް ހޯދި، އެއްވެސް ހުރަހެއް ނެތި ފެހެންދޫގެ ކިޔަވާ ކުދިންނަށް ސްކޫލަށް ދެވޭނެ މަގު ފަހިވާނެ އެވެ،" ފޮރިން މިނިސްޓްރީން ބުންޏެވެ.
ފޮރިން މިނިސްޓްރީން ބުނިގޮތުގައި، ރާއްޖޭގެ އިޖުތިމާއީ އަދި އިގުތިސޯދީ ތަރައްގީ އަށް ބޭނުންވާ މަޝްރޫއުތައް ހިންގުމަށްޓަކައި އިންޑިއާ ސަރުކާރުން ހިލޭ އެހީދޭން އެއްބަސްވީ މިދިޔަ މާޗް މަހު އެ ގައުމުގެ އޭރުގެ ފޮރިން މިނިސްޓަރު ސުޝްމާ ސުވަރާޖު ރާއްޖެ އަށް ކުރެއްވި ރަސްމީ ދަތުރުގަ އެވެ.
ސުޝްމާގެ ދަތުރުގައި އެއްބަސްވި ހިލޭ އެހީ އެކި ދާއިރާތަކަށް ބަހަމުން އަންނައިރު، އިންޑިއާގެ ބޮޑުވަޒީރު ނަރެންދުރަ މޯދީ ދެވަނަ ދައުރަކަށް ހޮވިވަޑައިގަތުމަށް ފަހު ގައުމުން ބޭރަށް ކުރައްވާ ފުރަތަމަ ދަތުރުގައި އަންނަ ހުކުރު ދުވަހު ރާއްޖެ ވަޑައިގަންނަވާނެ އެވެ. ދެ ދުވަހުގެ މުއްދަތަށް މޯދީ ކުރައްވާ މި ދަތުރުގައި ރާއްޖޭގެ ރައްޔިތުންގެ މަޖިލިހުގައި ތަގުރީރު ކުރައްވާނެ އެވެ.
އާބާދީ މަދުވުމުގެ ސަބަބުން ފެހެންދޫ ސްކޫލު 2008 ވަނަ އަހަރު ވަނީ ބަންދުކޮށްފަ އެވެ. އޭގެ ފަހުން، މޫސުން ކިތަންމެ ގޯސްވި ނަމަވެސް ދަރިވަރުން ސްކޫލަށް ދާން ޖެހެނީ ކުޑަ ޑިންގީއެއްގަ އެވެ. އެކަން މި ސަރުކާރުގެ އެޑިއުކޭޝަން މިނިސްޓްރީ އަށް ހުށަހެޅުމުން އެތަނުން ވަނީ ދަރިވަރުން ދަތުރުކުރުމަށް، ހިޔާކޮށްފައިވާ 20 ފޫޓުގެ ޑިންގީއެއް ދީފަ އެވެ. އެކަމަކު ޑިންގީގެ ސަތަރިގަނޑު ހަލާކުވުމުގެ ސަބަބުން، އަނެއްކާ ވެސް ދަރިވަރުންނަށް ވަނީ ތަކުލީފުތަކެއް އުފުލަން ޖެހިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބާދު
04 June 2019
އިންޑިއާ ސަރުކާރުން ކޮއްދިން ކަމެއްނޫންތިޔަކީ.. ތިޔަވާހަަކަ ދައްކައިގެން ދިވެހިން އިންޑިއާ މީހުން ބޭނުންވާހާ ޖަރީމާއެއް ރާއްޖޭގެ ފަސްގޑުގައ ހިންގާތަން ބަލާކައް ދިވެހިންނުތިބޭނެ..ތިޔަވާހަކަ ދެއްކުމުގެ ބޭނުމަކީ އިންޑިއާ ސިފައިން ބޭތިއްބުމައް މަގުފަހި ކުރަން ކުރާކަމެއް
ޢަޖައިބު
03 June 2019
އިންޑިއާ އެހީ އައި ނުލާ. އެޑިއުކޭޝަން އަށްވީވަރަކީ އެ ޑިންގީގައި ސަތަރި ކޮޅެއް ޖެހުން..ލަދު
ދޭސީ
03 June 2019
އަހަރެމެން އެންމެން ޓެކްސް ދައްކަނީކީ ލިބޭހާ ފައިސާއެއް ރިކަރަންޓު ހަރަދުގޮތުގަ ހަރަދުކޮށްފަ ކުޑަ ލޯންޗެއް ވަރުވެސް އިންޑިޔާ ފައިބުޑައް ވެއްޓިގެން ހޯދާކަށްނޫން. ބަޖެޓުގެ 70% ރިކަރަންޓު ހަރަދު ގޮތުގަ ދަންޏާ އެއޮތީ މާބޮޑައްވެސް ހަރަދު ބަރަދު މުތާލިއާ ކުރަންޖެހިފަ.
ރައްޔިތު މީހާގެ ދަރި
03 June 2019
ކޮންމެ ރަށަކަށް ޑިންގީއެއް އިންޑިޔާގެ އެހީގައި ހޯދައިދިނީމާ ހުންނާނީ އިންޑިޔާއަށް ލައްކަ ކަންތައް ކޮށްދެވިފައި. އިންޑިޔާގެ އެހީގައި ކުރި ކަންތަކުގެ އަދަދު ކިޔާއިރު ގައިމު ގިނަވާނެ. އަދި މިއަށް އިންޑިޔާގެ އެހީގައި އިޕިލްއިޕިލް ޕާކެއް ސޯސަންމަގުގައި ހަދާފައި އޮންނާނެ ވާހަކަވެސް އިތުރުކޮށްލާ. އަދި އެތަން އޮންނާނީ ތިމާވެށީގެ ގޮތުން ބަލައިގެން ހަދާފައި ކަމަށްވެސް މާދަމާގެ ޚަބަރުގައި ލިޔެލާ. މީ ތިމާވެށީގެ ގައުމެއްވިއްޔާ.
މާގުރެޓު
03 June 2019
މަބުނީ، ދީބާޖާއަށްދޭ ފައިސާއިން ތީގެ ކިތައްލޯންޗު ހޯދޭނެތަ؟
މިއަދު
03 June 2019
އަޅެފަހެ އަހަރެން ހޮވާދީބަލަ ތިކުދިން ދަތުރުކުމަށް ތިދެރަށް ދެމެދުގައި ބްރިޖެއްއަޅައިދޭނަން
އަމަލުން
03 June 2019
މިލިއަނުން ޑޮލަރު ކާއިރު، 1.5 މިލިއަންރުފިޔާ ގަނޑު ދައުލަތުން ހަރަދު ނުކުރެވެނީ ކީއްވެ، ކޮބާ ލަދު, އެހީނލިބެންދެން ނުކޮށް ބޭއްވުމަކީ ހަމަ ބޮޑު ފެއިލިއަރ އެއް. އެއީ 1.5 މިލިއަންއަކީ ދައުލަތައް އެއްވެސް އެއްޗެއްނޫން. ހަވާއަރުވާ ރައީސް ހުވާކުރަން 40 މިލިއަނުން މަތީގައި
އަބްދުލްމާރިކް
03 June 2019
ދިވެހިންނަކީ މިއަދު ނާށިގަނޑު ހިފައިގެން ސަލާންޖެހަންޖެހޭ ނިކަމެތި ޤައުމެއްނޫން... މިޤައުމުގެ ބައިތުލްމާލު ބަޔަކު ކައިލާ ބިގުކުންފުންޏާއި ރޫޓައި އައިމާޔާ ދީބާޖާއާއި ޖީއެމްއާރަށް ދީފައި އެމީހުންދޭ ބައިރުފިޔާ ކަމަކަށްވެގެން އަތްޖެހިއަސް އެކަން މިއަދު ހުރިހާ ދިވެހިންވެސް ދަނޭ... މާތްﷲ ދިވެހި ޤައުމުގެ ތަނަވަސްކަން ވަގުންގެ މުށުތެރެއަިން ސަލާމަތްކުރައްވާށި ...
ވައްޓާލިއަގު
03 June 2019
މިއީ ލަދުވެތިކަމެއް. މިކަހަލަ ހަދިޔާގަ ހިފީމަ ގައުމުގެ އަގުވެއްޓޭ. މަވެސް ދީފާނަން ހެޔޮވަރު ޑިންގީއެއް.
ކަނބިލި
03 June 2019
އިންޑިއާއިން އެތިކޮޅުކޮޅު ދީގެން ދިން އެހީއެއް ގަބޫލުކޮށްލައިގެން އެމީހުން އެހީއެއް ދިއްކޮށްލީމާ ނޫނީ ކަމެއް ނުވާ ދެރަވަރު ނިކަމެތި ދަރަޖައަކަށް ރާއްޖެ ވެއްޓުނީބާ؟ ތިޔަ ފެރީގެ މައްސަލައަކީ ސަރުކާރަށް ހައްލު ނުކުރެވޭ ވަރުގެ ބޮޑުކަމެއް ނޫން. ނޫނީ ބައެެއްގެ ހިތްތައް ފައިސާއިން ގަންނަނީތޯ؟