ހިލޭ ޑިގްރީއަށް ކިޔަވައިދިނުމުގެ ޕްރޮގްރާމު އިފްތިތާހުކުރުމުގެ ގޮތުން މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) ގައި ބޭއްވި ރަސްމިއްޔާތުގައި ދަރިވަރުންތަކެއް ބައިވެރިވަނީ.---ފޮޓޯ: ހުސައިން ވަހީދު/މިހާރު
10 ޖޫން 2019 - 12:33
24 comments
މަތީ ތައުލީމަށް ކިޔަވަން ހުޅުވާލި ލޯނު ގިނަ ބަޔަކަށް ނުލިބި މައްސަލަ ބޮޑުވުމުން، އަލުން ލޯނަށް އެދުމުގެ ފުރުސަތު ހުޅުވާލަން ހަޔަ އެޑިއުކޭޝަން މިނިސްޓްރީން ނިންމައިފި އެވެ.
ދެ ކެޓަގަރީއަކަށް ބަހާލައިގެން ކުރިއަށް ގެންދިޔަ ލޯނު އެހީ ހޯދުމަށް 993 ދަރިވަރުން ހުށަހެޅި އެވެ. އެކަމަކު އޭގެ ތެރެއިން ލޯނު ލިބުނީ އެންމެ 79 ދަރިވަރަކަށެވެ. މި މައްސަލައިގައި ދަރިވަރުން ޝަކުވާ އިންތިހާ އަށް ބޮޑުވެފައިވާ އިރު ފުރުސަތު ގެއްލުނީ އުސޫލާ ޚިލާފަށް ހުށަހެޅުމުން ކަމަށް ހަޔަ އެޑިއުކޭޝަން މިނިސްޓްރީން ވަނީ ބުނެފަ އެވެ.
އެ މިނިސްޓްރީން މިއަދު އާއްމުކުރި ބަޔާނެއްގައި ބުނީ މަތީ ތައުލީމާއި ތަމްރީނު ދިނުމުގެ އުސޫލު ދަރިވަރުންނަށް ލުއި ފަސޭހަ ވާނެ ގޮތަކަށް މުރާޖައާ ކުރުމަށް ފަހު މި ހަފުތާގައި އަލުން ހުޅުވާލާނެ ކަމަށެވެ. އެއީ ރާއްޖެ އިން ބޭރުގައި ކިޔަވަން 242 ޖާގަ އަށް ހުޅުވާލި ނަމަވެސް ގިނަ ބަޔަކު ޑިސްކޮލިފައިވެފައިވާތީ ކަމަށް މިނިސްޓްރީން ބުންޏެވެ.
އަލުން ހުޅުވާލާނީ އެޕްލިކޭޝަން ހުށަހެޅުން އިތުރަށް ފަސޭހަކޮށް، ލޯނު ބޭނުންވާ ފަރާތްތަކަށް ވީހާވެސް އަވަހަކަށް ފުރުސަތު ފަހިކޮށްދޭން ކަމަށް ހަޔަ އެޑިއުކޭޝަން މިނިސްޓްރީން ބުންޏެވެ. މައި އެޑިއު ޕޯޓަލްގެ ތެރެއިން އެޕްލިކޭޝަން އެޑިޓްކޮށް ފޯމު ހުށަހެޅުމުގެ ފުރުސަތު އަލުން ދޭން ވަނީ ނިންމައިފަ އެވެ.
"މަތީ ތައުލީމާއި ތަމްރީނަށް ދޭ ލޯނު އެހީގެ ފުރުސަތު ފަހިވެ ގިނަ ފަރާތްތަކަށް ލޯނު ލިބުމަކީ މި ސަރުކާރުގެ އެންމެ މުހިއްމު އެއް އަމާޒެވެ،" ބަޔާނުގައި ބުންޏެވެ.
ހަޔަ އެޑިއުކޭޝަނުން ބުނިގޮތުގައި ލޯނަށް ޑިސްކޮލިފައިވި ސަބަބު އެ މިނިސްޓްރީގެ ވެބްސައިޓުން ފެންނަން ހުންނާނެ އެވެ. އަދި އެއް ސަބަބަށް ވުރެ ގިނަ ސަބަބުތަކަށްޓަކައި ފޯމު ޑިސްކޮލިފައި ހުރެދާނެ ކަމަށް ވެސް މިނިސްޓްރީން ބުނެފައިވެ އެވެ.
ފޯމު ޑިސްކޮލިފައި ކުރި ސަބަބުތައް
- ސެޓްފިކެޓް އަދި ޑޮކިއުމެންޓްތަކުގެ ދެ ފުށް ހުށަހަޅާފައި ނެތުން.
- ސްކީމްގެ ދަށުން ކިޔަވަން ދާން ހުޅުވާލާފައި ނުވާ ގައުމަކުން ކިޔަވަން އެދިފައި ވުން.
- ކޯސް ހިންގާ ކަމުގެ ލިޔުން ހުށަހަޅާފައި ނެތުން.
- ކޯހަށް ވަނުމަށް ބޭނުންވާ އެމްކިޔުއޭގެ ޝަރުތު ފުރިހަމަ ނުވުން.
- ކުރީގެ ލޯނެއް ނުދައްކައި އޮތުން.
- އެޕްލިކޭޝަންގެ ހުރިހާ ބައެއް ފުރިހަމަކޮށްފައި ނެތުން.
- އިއުލާނާ އެއްގޮތަށް އެޓެސްޓޭޝަން ފުރިހަމަވެފައި ނެތުން.
- ހުށަހަޅަން ޖެހޭ ސްކީމް ނުވަތަ އެހެން ކެޓަގަރީއަކަށް ފޯމު ހުށަހަޅާފައި ވުން.
- ކޮލިފައިވެ، ނަމަވެސް ކަނޑައަޅާފައިވާ 30 ސްލޮޓް ތެރޭގައި ނުހިމެނުން.
- ރިޕީޓް އެޕްލިކޭޝަން ހުށަހަޅާފައި ވުން.
- ޖެނުއަރީ 1، 2019، ގެ ކުރިން ކިޔަވަން ފަށާފައިވާ ދަރިވަރުން އަލަށް ކިޔަވަން ފަށާ ދަރިވަރުންގެ ކެޓަގަރީ އަށް ފޯމު ހުށަހަޅާފައި ވުން.
- ސެޓްފިކެޓް އެކްރިޑެޓް ކޮށްފައި ނެތުން.
- މޯލްޑިވްސް މެޑިކަލް އެންޑް ޑެންޓަލް ކައުންސިލުން ގަބޫލުނުކުރާ ކޯސްތަކަށް ކުރިމަތިލާފައި ވުން.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮމްބޭބެ
10 June 2019
ޢާންމުކޮށް ތިކަހަލަ އެޕްލިކޭޝަންތަކުގަ ޑޮކިއުމެންޓްސް ހަމަނުވަންޏާ ފޯމް ބަލައި ނުގަންނަކަމަށް އަޅުގަނޑަށް އެނގިފައޮންނަނީ. ދެންކީއްވެބާ ފޯމްތަށް ބަލައިގަތީ؟ އަޅެ މިފަހަރު އަޅުގަނޑު ދާނަން ކައިވެނި ކުރާ ފޯމެއް ފުރައިގެން. ދެފުށް ހުށަހަޅާނަން އޭރުން ހޮވޭނެތާ؟
ލޯނު ދޮހުއްތު
10 June 2019
ލޮނައް އަލައް ހުޅުވާލުމަކީ އެއްމެ އިންސާފުވެރިގޮއްތޯ ހަމަސުވާލު އުފެދޭ
އަދީބު
10 June 2019
ކިޔެވުމަށް ލޯނު ބޭނުންވާނީ، އެފަދަ މާލީ ތަނަވަސްކަމެއް ނެތް ފަރާތްތަކެވެ. މާލީ ތަނަވަސްކަން ނެތް ފަރާތްތަކަކުން ކިޔަވަން ފަށްޓައިގެނެއް ނޫޅޭނެއެވެ. ތިޔަ ލޯނު ދެނީ ހަޤީޤަތުގައި ވެސް ހައްޤު ބަޔަކަށް ކަމުގައިވާނަމަ، ތިޔަ ބޭފުޅުންގެ އިޚްލާސްތެރިކަމެއް ހުރި ނަމަ ތިޔަ ލޯނު ދޭންވީ ކިޔަވަން ފެށުމުގެ ކުރިންނެވެ. މިހާރު ދެންޏާ ދޭންވީ، މިއަންނަ އަހަރުގައި ވިޔަސް، ދެން އެންމެ އަވަހަކަށް އޮތް އިންޓޭކުގައި ކިޔަވަން ފަށަން ބޭނުންވާ ފަރާތްތަކަށެވެ.
މަހުޖަނު
11 June 2019
ތަނަވަސްކަން ނެތަސް ދަރިންނަށް ކިޔަވައިދޭން ބޭނުންވާނެ ދޯ. ކިޔަވަން ފަށައިގެން ވެސް ކޯސް ފީ ދެއްކުމުގަ ދަތިވެގެން ކިޔެވުން ހުއްޓާލަން ޖެހޭ ކުދިން ވެސް އުޅޭ.
ހަމަހަމަ
10 June 2019
ދެން މިފަހަރު ޕާޓީ ކުދިންނަށް ބަހާ އަޅާލާ. ފަހުން މީހުން ތެޅިގަތީމަ ދެރަވޭބުނޭ
މޮހޮނު
10 June 2019
ކޮބާހީވޭ ކަމެންހެން. މީ ހުސްކުރާ ސަރުކާރު ދެން އަންނާނީ ޖަމާކުރާ ސަރުކާރު. މީ ވަރައް ވާހަކަ.
ޕޮއިންޓް
10 June 2019
ލޯން ދީފަ ހުރީ ދޭން ބޭނުންވާ ބަޔަކަށް. މިހެން މިބުނި ސަބަބަކީ ޑިގްރީ އަށް އަލަށް ކިޔަވާ ކުދިންގެ ހޮވުނު ލިސްޓް ވަރަށް ރަގަޅަށް ބެލުމަށް ފަހު. 93.59، 97.25، 48.72 އަދި 47.44 ޕޮއިންޓް ލިބިފައިން 04 ކުދިން ނޮހޮވޭ އިރު ހޮވިފަ ތިބި ލިސްޓް ގައި އެބަ ހިމެނޭ 46.15 ލިބުނު ކުއްޖެއްވެސް. އޭސީސީ އިން މިކަން ނުބަލަނީ ކީއްވެތޯ ސުވާލު އުފެދޭ.
ކިމާތީމާ
10 June 2019
ޤުރުއާނާއި ބެހޭ އަމިއްލަތަންތަނަށް ބައެއް ކޯސްތަކުގެ ހުއްދަ ހިފަހައްޓާފައިވާ ނުބައި ވަޒީރަކު ކުދިންގެ ލޯންތައް ނުބައިކޮށްލަން ޖެހިލުންވާނެތަ؟
ދިލްޕިންމާ
10 June 2019
ލޯނު ދިނުން ހުއްޓާލާ، ރާއްޖޭގައި ތިބެގެން ކިޔަވަން އެއޮތީ ހިލޭ ހުޅުވާލާފައި، ލޯނުދޭންވީ ޑޮކްޓަރުން، އެކައުންޓެންޓުން، ނަރުހުން، ޓީޗަރުން، ޕްރޮފެސަރުން އުފެއްދުމަށް، އަދި ރިސާޗާސް އުފެއްދުމަށް
ކޮމަންމޭން
10 June 2019
ކޮލެޖަކަށް އޮންލައިންކޮށް އެޕްލައިކުރިޔަސް އެޕްލިކޭޝަންގަ ފުރަންޖެހޭ ބައެއް ފުރިހަމަނުކޮށް ނެކްސްޓް/އަޕްލޯޑް ބަޓްން އެކްޓިވްއެއްނުވޭ. ހަމައެގޮތަށް އަޕްލޯޑްކުރަންޖެހޭ ފޯމެޓްގަ އެއަދަށް ޑޮކް އަޕްލޯޑް ނުކުރަނީސް ދެން އިން ސްޓެޕްއަކަށް ނުދެވޭނެ. މިހާ ވަރަށް ވެސް ތިޔަ މިނިސްޓްރީ ޕޯޓަލް ފަރުމާނުކުރެވިވާ ވާހަކަ ތޯ ތިވިދާޅުވަނީ. ނުވަތަ ނެކްސްޓް ބަޓަން އެކްޓިވޭޓްކުރުމަށް ސެޓްފިކެޓްތަކުގެ ބަދަލުގަ އެކުދިންގެ ފޮޓޯތޯ ޕީޑީއެފްކޮށް އަޕްލޯޑްކޮށްފަހުރީތޯ؟
ޖާދު
10 June 2019
ހަމައެކަނި ރާއްޖޭން ބޭރުގަ ކިޔަވާ ކުދިންނަށްތަ ލޯނު ލިބެނީ، ރާއްޖޭގެ ޔުނިވަރސިޓީ ތަކާއި ކޮލެޖުތަކުން މާސްޓާސް ހަދާ ކުދިންނަށް ފުރުޞަތެއް ނެތީތޯ؟