ޝަންގްރިއްލާ ވިލިނގިލި ރިސޯޓްގައި ޓޫރިސްޓަކު ގެނބިގެން މަރުވެއްޖެ

އަހުމަދު އަދްޝަން، މިހާރު

12 ޖޫން 2019 - 15:52

އައްޑޫގައި ހިންގާ ޝަންގްރިއްލާ ވިލިނގިލި ރިސޯޓް އެންޑް ސްޕާގައި މިއަދު ޓޫރިސްޓަކު ގެނބިގެން މަރުވެއްޖެ އެވެ.

އެނގިފައިވާ ގޮތުގައި މޫދަށް އެރި އުޅެނިކޮށް ގެނބިގެން މަރުވީ އޮސްޓްރޭލިއާ އަށް ނިސްބަތްވާ 75 އަހަރުގެ ފިރިހެނެކެވެ. ހިތަދޫ ރީޖަނަލް ހޮސްޕިޓަލް (އެޗްއާރްއެޗް) އަށް މިއަދު މެންދުރެއްހާ އިރު އޭނާ ގެންދިޔަ އިރު މަރުވެފައިވާ ކަމަށް އެ ހޮސްޕިޓަލުން ބުންޏެވެ.

ނަމަވެސް އެ ހާދިސާއާ ބެހޭ އިތުރު ތަފުސީލެއް ނުލިބެ އެވެ.

ރާއްޖެ އަށް ޗުއްޓީ އަށް އަންނަ ޓޫރިސްޓުން މި ފަހަކަށް އައިސް ގެނބިގެން މަރުވާ ހާދިސާތައް ވަރަށް ބޮޑަށް އިތުރުވެފައިވާ އިރު، ޓޫރިޒަމް މިނިސްޓްރީން އަންނަނީ ރިސޯޓްތަކާއި ގެސްޓް ހައުސްތަކާ ގުޅިގެން މިފަދަ ހާދިސާތައް ހުއްޓުވޭނެ ގޮތްތަކެއް ހޯދަން މަސައްކަތްތަކެއް ވެސް ކުރަމުންނެވެ.

އެގޮތުން "ވޯޓަ ސޭފްޓީ" ޕްރޮގްރާމެއް މިދިޔަ މަހުގެ ތެރޭގައި ފަށާފައިވެ އެވެ.

މިދިޔަ އަހަރު ހިނގި އެކި ހާދިސާތަކުގައި އެކަނި ވެސް 39 ޓޫރިސްޓަކު ރާއްޖޭގައި ގެނބިގެން މަރުވެފައިވާ ކަމަށް ޓޫރިޒަމް މިނިސްޓްރީގެ ތަފާސްހިސާބުތަކުން ދައްކަ އެވެ.

ސ. ހިތަދޫ އައްޑޫ ޓޫރިސްޓުން ޓޫރިޒަމް ޝަންގްރިލާ ވިލިނގިލި ރިސޯޓް މަރު ގެނބުން

5 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލަންބެ

12 June 2019

ރާއްޖޭގެ ނޫސްތަކުގައި، ގިނައިން ހުންނާނީ، ޓޫރިސްޓަކު ގެނބިގެން މަރުވެއްޖެ، ކުޑަކުއްޖަކާ ބެހެނު މީހަކު ހައްޔަރުކޮށްފި، މަސްތުވާތަކެއްޗާއި އެކު މީހަކު ހައްޔަރުކޮށްފި، އަނެއްކާ އެމީހާ ދޫކޮށްލައިފި، ކުންފުންޏަކަށް ސަރުކާރުން ފައިސާތަކެއް ދޭން ކޯޓުން ހުކުމްކޮށްފި،.....މިއޮތީ ގައުމެކޭ ދަރިންނޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކީނާއްތަ

12 June 2019

އޮސްޓްރޭލިޔާ މީހުން ގެބިގެން މަރުވުން ދުރު. އެގައުމުގައި ތިބޭނީ ތަމްރީން ހަދާފައި ތިކަހަލަ ކަންކަމަށް ހުށިޔާރު ރައްޔިތިން. ތިވާނީ ކޮއްމެވެސް އެހެންކަމަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްލޮއަލީ

12 June 2019

ސުމްޕާ ވެރިކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާރަނގާ - އައްޑޫ ސިޓީ

12 June 2019

ކޮޅުމަޑުލުން އައްޑޫ ސިޓީއަށް ފަތުރުވެރިކަމުގެ ވަކިޒޯނެއްގެ ގޮތުގައި SUVADIVE Atoll ކަނޑައަޅާ މިޒޯނުގެ ޓްއަރިޒަމް ޑިވޮލޯޕްމަންޓް ޕްލޭންތަކާއި ޓްއަރިޒަމް ޕްރޮމޯޓްކުރުމަށް ބައިނަލް އަޤުވާމީ ފެއަރތަކުގައި ބައިވެރިވުމަށާއި މިފަދަ ކަންކަމުގެ ހައްލުހޯދާ ރިސޯޓްތަކުގެ ސައިޒުން Lifeguard ޕޯސްޓް ބަހައްޓާ ދުވަހަކު ބީޗް ނުފެންނަ ނޭޕާލް ފަދަ ޤައުމުތަކުގެ މީހުންގެ ބަދަލުގައި ދިވެހިންނަށް ވަޒީފާހޯދާދޭން ފަތުރުވެރިކަމުގެ ބޮޑު ޖަމީއްޔާއެއް އުފައްދާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާ މު ތާ

26 January 2020

އައްޑޫ އަތޮޅާ އެކު "ޒޯން ހަދާކަށް" ލާމު އަތޮޅާއި ތާއަތޮޅު ބޭނުމެއް ނުވެއެވެ. އައްޑޫ ސިޓ ފުޅާއެކު ފޯއްމުލަކު ސިޓީ ފުޅާ ދެސިޓީ ގުޅިގެން ޓޫރިޒަމް ޒޯން ހަދާ ށެވެ.