އެކްސިޑެންޓެއްގައި ހައިވޭގެ ޑިވައިޑާތައް ހަލާކުވެފައި
16 ޖޫން 2019 - 15:17
18 comments
ސިނަމާލެ ބްރިޖާއި ހައިވޭގައި މި މަހު ހިނގި ބޮޑު ތިން އެކްސިޑެންޓްގައި އިހުމާލުވި ޑްރައިވަރުންގެ ލައިސަންސް ޓްރާންސްޕޯޓް އޮތޯރިޓީން ދިގު މުއްްދަތަކަށް ހިފަހައްޓައިފި އެވެ.
ފުލުހުން މިއަދު ބުނީ މި ފިޔަވަޅު އެޅީ ފުލުހުން ޓްރާންސްޕޯޓް އޮތޯރިޓީގައި އެދުމުން ކަމަށެވެ.
ލައިސަންސް ހިފެހެއްޓީ މި މަހުގެ ހަތަރު ވަނަ ދުވަހު ލިންކް ރޯޑުގެ ޑިވައިޑާތަކުގައި ކާރެއް ޖެހި، އެ ޑިވައިޑަރުތައް ހަލާކުވި އެކްސިޑެންޓާއި މި މަހުގެ ހަތް ވަނަ ދުވަހު މެރިން ރިސާޗް ސެންޓަރުގެ ފާރުގައި ކާރަކުން ޖެހުނު އެކްސިޑެންޓް އަދި މި މަހުގެ އަށް ވަނަ ދުވަހު ޑިވައިޑާތަކުގައި ކާރަކުން ޖެހި ހިނގި އެކްސިޑެންޓާ ގުޅިގެންނެވެ.
މީގެ ތެރެއިން ފުރަތަމަ އެކްސިޑެންޓާ ގުޅިގެން، އިހުމާލުވި ޑްރައިވަރުގެ ލައިސަންސް އެއް އަހަރު ދުވަހަށް ހިފެހެއްޓުމާއި އެ އެކްސިޑެންޓް ރިޕޯޓް ނުކުރި މީހަކު ޖޫރިމަނާ ކުރުމެވެ. ދެ ވަނަ އެކްސިޑެންޓާ ގުޅިގެން ޑްރައިވަރުގެ ލައިސަންސް އެއް އަހަރާއި ހަ މަސް ދުވަހަަށް ހިފަހައްޓާފައި ވާއިރު ތިން ވަނަ އެކްސިޑެންޓާ ގުޅިގެން ޑްރައިވަރުގެ ލައިސަންސް އެއް އަހަރަށް ވަނީ ހިފަހައްޓައިފަ އެވެ.
ބްރިޖާ ގުޅިފައިވާ ހައިވޭގައި ހަރުކޮށްފައިވާ ޑިވައިޑަރުތައް ފަސް އެކްސިޑެންޓެއްގައި ހަލާކުވެފައިވެ އެވެ. އެންމެ ފަހުން ރޭ ހިނގި އެކްސިޑެންޓެއްގައި ވެސް ޑިވައިޑާގެ ބައެއް ވަނީ ހަލާކުވެފަ އެވެ.
އެޗްޑީސީގެ މެނޭޖިން ޑިރެކްޓަރު ސުހެއިލް އަހުމަދު މިއަދު "މިހާރު" އަށް ވިދާޅުވީ، މިހާރު ބަހައްޓާފައި ހުރި ޑިވައިޑާތަކުގެ ބަދަލުގައި ރަނގަޅު ޑިވައިޑާތަކެއް ބެހެއްޓުމަށް ފުލުހުން އަންގާފައިވާ ކަމަށެވެ. އެހެންކަމުން ކޮންކްރީޓުން ޑިވައިޑާތައް ހެދުމަށް ނިންމާފައިވާ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަލާކު
16 June 2019
ރާއްޖޭގައި އަދި ހާއްސަކޮށް މާލޭ ބްރިޖް ސަރަހައްދުގައި ބާރަށް ސައިކަލާއި ކާރު ދުއްވާ ޒެބްރާކްރޮސްއަށް މަޑުނުކޮށް ދިއުމަކީ މިހާރު ފެޝަނެއް! މިކަން ހުއްޓުވަން ވެސް ބަޔަކު އެބަޖެހޭ އުޅެލަން!
ނަން
16 June 2019
ސައިކަލަކުން ޖައްސާފަ ފުލުހަކު މަރުވީމަ އުމުރަށް ލައިސަންސް ހިފެހެއްޓި މީހާވެސް އެއޮށް ދުއްވަނީ ސައިކަލް. ކުދިންނޭ އަޅާލާނެ ކަމެއް ނެތް. އަލުން ބަލުން ފޯމް ފުރާފަ ޓެސްޓް ހަދަން އެގްޒަމިނަރަށް ލާރިކޮކޮޅެއް ދިނީމަ ލައިސަންސް ލިބިދާނެ. ތީ މާކަ ބޮޑު ކަމެއް ނޫން.
ދޮންމަނިކު
16 June 2019
ލައިސަންސް ހިފެހެއްޓީ އެންމެ 1 އަހަރަށް. ދެން ކޮން ދިގު މުއްދަތެކޭ ކިޔާކަށް. ބަލަ މިގޮތަށް ފިޔަވަޅު އެޅުމަށް ފަހު މިވެރިންގެ ނަމާ އެޑްރެސް ނޫހުގަ ޖަހާލަ ދެއްވަ ބައްލަވާ ޕްލީޒް! ކޮބާތޯ މިފަދަ ނުރައްކާތެރި ކޮށް ދުއްވާ މީހުންގެ ނަން މީޑިއާ އަށް ނުދެނީ ކޯއްޗެއް ފޮރުވަންތޯ! އެމީހުން ލަދުގަނެފާނެތީތޯ؟
ދޮންބެއްޔާ
17 June 2019
އެފަދަ މީސްމީހުންގެ ވަނަވަރު ހާމަކުރަން ފެނޭ. އޭރުން އޭނާ އެމުއްދަތުގައި އުޅަނދެއް ވާނަމަ އަތުލައިގަންނަން ވަރަށް ފަސޭހަވާނެ
އަހްމަދު
16 June 2019
ތިޔަ ލައިސަންސް ހިފެހެއްޓިމީހުން ދެން އެއްޗެއްނުދުއްވާނެތަ؟ ދުއްވިއްޔާ އެގޭނެތަ؟ އަނެއްކާވެސް އެސިޑެންޓެއްވިއްޔާއެނގޭނީ. ލައިސަންސް ނެތި ދުއްމާމީހަކުވެސް އެގެނީ އެކަހަލަކަމެއްދިމާވީމާ. ތިޔަލައިސަންސް ހިފެހެއްޓުމެކޭ ކަނޑުގައި ރޮނގެއް އެޅުމެކޭ އެއްވެސް ތަފާތެއްނެތް.
މާލެ މީހާ
16 June 2019
މިގޮތަށް ލައިސަންސް ހިފަހައްޓާ އިރު ރަނގަޅަށް ތަހުޤީގު ކޮށްފައު ކުރާނެ ކަމައް އުންމީދު ކުރަން. މިސާލަކަށް ކުރިން ދުވަހު ކާރެއް ހައިވޭގައި ދަނިކޮށް ޓަޔަރު ފަޅައިން ގޮސްގެން ޖެހުނު ފަދަ ކަން ކަމުގައި ޑްރައިވަރުގެ އިހުމާލު ނުވެދާނެ. ކޮންމެޔަކަސް ވަރަށް ރަނގަޅު ކަމެއް މިއީ
އެޑްމުންޑޯ
16 June 2019
ލައިސެންސް ހިފެހެއްޓިއަސް ނުފުދޭ ، ލިބުނު ގެއްލުމުގެ ބަދަލު ހޯދަން ޖެހޭނީ
ޅަބޭ
16 June 2019
ކީކޭ؟؟! ލާއިސާންސު އަތުލިއްޔޭ<؟؟< ނާހަމަތެދެއްތޭ؟؟ ތިއަރައިގަނެވުނީ އެމީހުންގެ އިންސާނީ ކަރާމަތައް. އަވަހައް ލައިސަންސުތައް ދޫކޮއްލާފަ ކަލޭމެން ބަލަންތިބޭ..
ޓެލެކޮމްބެ
16 June 2019
ލައިސަންސް ތިންފަށް ވެއްޖެ!!!
ދޮންބެއްޔާ
16 June 2019
އެބަ ރަނގަޅުވޭ. އިތުރަށް ފުރިހަމަވާނީ، އެމީހެއްގެ އިހުމާލުންވާ އެކްސިޑެންޓުތަކުގައި ހަލާކުވާ ތަންތަން ހެދުމަށް ހިނގާ ޚަރަދު ވެސް އެމީހުންގެ އަތުން ނަގާގޮތަށް ހަމަޖެއްސީމާ.
އަދާލަތު
16 June 2019
ހަލާކުވި ތަންތަން ހެދުމުގެ އަގުވެސް އެމީހުންގެ އަތުން ސަރުކާރަށް ލިބެންޖެހޭނެ. އެހެންނޫނީ ތިޔައީ ޙައްލެއް އޮތްކަމެއްނޫން.