މޯލްޑިވްސް ޕާޓްނާޝިޕް ފޯރަމް ނިންމުމާ ގުޅިގެން، މިއަދު ބޭއްވި ނިއުސް ބްރީފިން ގައި ނޫސްވެރިއެއްގެ ސުވާލު ފިނޭންސް މިނިސްޓަރު އަމީރު އަޑުއައްސަވަނީ.---ފޮޓޯ: ހުސައިން ވަހީދު/މިހާރު
18 ޖޫން 2019 - 19:36
66 comments
ރާއްޖެ އަށް އިންޑިއާ އިން ދޭ ކްރެޑިޓު ލައިންގެ ތެރެއިން 200 މިލިއަން ޑޮލަރު (3.8 ބިލިއަން ރުފިޔާ) އައްޑޫގެ އެކި ރަށްރަށުގެ މަގުތަކާއި ބަނދަރު ހެދުން ފަދަ މަޝްރޫއުތަކަށް ޚާއްސަ ކުރަން ނިންމާފައިވާ ކަމަށް ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.
މި ސަރުކާރުން ގާތްގުޅުމެއް ބާއްވަމުން އަންނަ އިންޑިއާ އިން ރާއްޖެ އަށް 800 މިލިއަން ޑޮލަރުގެ ކްރެޑިޓު ލައިނެއް ވަނީ ކަނޑައަޅައިފަ އެވެ. އަދި އެ ފައިސާ ޚަރަދު ކުރާނެ މަޝްރޫއުތައް ދިވެހި ސަރުކާރުން މިހާރު ވަނީ ފާހަގަކޮށްފަ އެވެ.
ރާއްޖޭގެ ތަރައްގީ އަށް ބޭނުންވާ ކަންކަން ބައިނަލްއަގްވާމީ ފަރާތްތަކަށް އަންގައި ދިނުމަށް ބޭއްވި މޯލްޑިވްސް ޕާޓްނާޝިޕް ފޯރަމް ނިމުމާ ގުޅިގެން ކުރުނބާ މޯލްޑިވްސް ގައި އޮތް ނިއުސް ބްރީފިން ގައި ފިނޭންސް މިނިސްޓަރު ވިދާޅުވީ، އައްޑު އަކީ އާބަން ސެންޓަރެއްގެ ގޮތުގައި ތަރައްގީ ކުރާއިރު އިތުރު މަގުތައް ޒަމާނީ ފެންވަރަކަށް ހެދުމުގެ މަސައްކަތް ކުރިއަށް ގެންދާނެ ކަމަށެވެ.
"އިންޑިއަން އެގްޒިމް ބޭންކުގެ ކްރެޑިޓް ލައިން ކަމުގައިވާ 800 މިލިއަން ޑޮލަރުގެ ތެރެއިން މި މަސައްކަތް ކުރަން ގަސްދު ކޮށްފައި ވަނީ،" ރައީސް އިބްރާހިމް މުހައްމަދު ސޯލިހުގެ ސަރުކާރަށް ބޮޑު ތާއީދެއް އޮންނަ އަދި މިދިޔަ ރައްޔިތުންގެ މަޖިލިހުގެ އިންތިޚާބުގައި ވެސް ހުރިހާ ގޮނޑިއެއް އެމްޑީޕީން ކާމިޔާބު ކުރި އައްޑޫގެ ތަރައްގީއާ ގުޅޭ ގޮތުން އަމީރު ވިދާޅުވި އެވެ.
އިންޑިއާގެ ބޮޑުވަޒީރު މޯދީ މިދިޔަ ހަފުތާގައި ރާއްޖެ އަށް ކުރެއްވި ރަސްމީ ދަތުރުފުޅުގައި ރައީސް އިބްރާހިމް މުހައްމަދު ސޯލިހާ ސަލާމް ކުރައްވަނީ: މި ސަރުކާރު ވެރިކަމަށް އައި ފަހުން ރާއްޖެ އާއި އިންޑިއާގެ ގުޅުން ވަނީ ވަރަށް ބޮޑަށް ވަރުގަދަ ކޮށްފައި.---ފޮޓޯ: ރައީސް އޮފީސް
އައްޑޫގެ ތަރައްގީ އަށް އިންޑިއާ އިން އެކަނި 200 މިލިއަން ޑޮލަރު ހޭދަކުރާ އިރު އެ ސިޓީގެ އެހެނިހެން ކަންކަމަށް ގާތްގަނޑަކަށް 414 މިލިއަން ޑޮލަރު (6.3 ބިލިއަން ރުފިޔާ) ޚަރަދު ކުރާނެ ކަމަށް މި ސަރުކާރުން ކުރިން ވަނީ އިއުލާން ކޮށްފަ އެވެ.
ރާއްޖޭގެ އާބާދީގެ ދެވަނަ އަށް އެންމެ ބޮޑު ސިޓީގެ ތަރައްގީ އަށް ހިންގާ މަޝްރޫއުތަކުގެ ތެރޭގައި ކޮމާޝަލް އަދި އިންޑަސްޓްރިއަލް ބޭނުމަށް އިތުރު ސަރަހައްދެއް ހިއްކުމާއި ޓޫރިޒަމްގެ މަޝްރޫއުތަކަށް އައްޑޫގެ ހަތަރު ފަޅެއް (25 ހެކްޓަރު) ބިން ހިއްކުމާއި ރަނގަޅު ފެންވަރަށް މަގުތައް ހެދުމާއި ހިތަދޫ ރީޖަނަލް ޕޯޓުގެ ޖާގަ އިތުރު ކުރުން ހިމެނެ އެވެ.
މޯލްޑިވްސް ޕާޓްނާޝިޕް ފޯރަމް ނިންމުމާ ގުޅިގެން، މިއަދު ބޭއްވި ނިއުސް ބްރީފިން ގައި ފޮރިން މިނިސްޓަރު ޝާހިދު (ކ) ވާހަކަ ދައްކަވާއިރު ފިނޭންސް މިނިސްޓަރު އަމީރު އަރިހުގައި.---ފޮޓޯ: ހުސައިން ވަހީދު/މިހާރު
އަދި އިތުރު ހައުސިން ޔުނިޓު އިމާރާތް ކުރުމާއި ހިތަދޫގައި މަސް ޕްރޮސެސް ކުރާނެ ފެކްޓަރީއަކާއި ޔޫތު ސެންޓަރަކާއި ރީހެބިލިޓޭޝަން ސެންޓަރަކާއި އިސްލާމިކް ސެންޓަރެއް ތަރައްގީ ކުރުމަށް ހަމަޖެހިފައިވެ އެވެ. އައްޑޫ ގަމުގައި ކޮންވެންޝަން ސެންޓަރެއް ތަރައްގީ ކުރުމާއި ސަރުކާރު އޮފީސް އިމާރާތެއް އެޅުމާއި ނޭޗާ ޕާކެއްގެ އިތުރުން ކްލައިމެޓް ރީސާޗް ފެސިލިޓީއެއް ގާއިމް ކުރުމަށް ޕްލޭން ކޮށްފައިވެ އެވެ.
އަމީރު ވިދާޅުވި ގޮތުގައި، މޯލްޑިވްސް ޕާޓްނާޝިޕް ފޯރަމަށް ސަރުކާރުން ހުށަހެޅި ބައެއް ޕްރޮޖެކްޓުތައް މިހާރު ވެސް ކުރިއަށްދާ ކަމަށެވެ. އެގޮތުން، ފެނާއި ނަރުދަމާ އާއި މަގު ހެދުމުގެ މަސައްކަތްތައް މިހާރު ވެސް ބީލަމުގެ ތެރެއިން މީހުންނާ ހަވާލު ކުރަމުން އަންނަ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާރަނގާ - އައްޑޫ ސިޓީ
19 June 2019
މިތަރައްޤީގައި ކޮޅުމަޑުލުން ފެށިގެން އައްޑޫ ސިޓީއަށް ރެޖިސްޓްރީވެފައިވާ 40-18 ދެމެދު އެންމެނަށް ފުރުސަތުލިބޭގޮތަށް އަމިއްލަބަމުގައި ބިމެއް ފްލެޓެއްނެތް ކޮންމެމީހަކަށް ފްލެޓްގަނެވޭނެއުސޫލު ހަމަޖެއްސުން ރަނގަޅު. * * އަދި މަދުވެގެން 5000 ފްލެޓް ހުޅުމީދޫ އަވަށުގައި އިމާރާތްކޮށް ހުވަދޫއަރޮޅުގެ 1000 މީހުން ހަމަނުވާ އާބާދީތައް އެއްފަސްކޮށްފިނަމަ ތަރައްޤީގެނައުން ފަސޭހަވެ ސަރަހައްދަށް އިޤްތިސޯދީ ކުރިއެރުމާއި ދިރުންލިބޭނެ. މިކަމަށްވެސް އެހީ ހޯއްދަވާ.
ޝޮކްތެރަޕީ
19 June 2019
ރާއްޖެ ފޮތިކުރަން ކުރާ މަސައްކައް ދިވެހިންނަ ހެޔޮވިންނޭނެކަން ޔަގީ. ވަގުތު ފާއިތުނުވަނީސް.
ވަތަން އިސްކުރަންޖެހޭ
19 June 2019
މިކުރަނީ ކީކަން ދިވެހިންނަ އެގޭތަ.
ވަބިން
19 June 2019
ތިލަދުންމަތި ރާއްޖެގެ ޗާޓުގަ ނެތީބާ؟
ކަނބިލި
19 June 2019
ތުންތުން މަތިން ދައްކަމުން އަންނަ ވާހަކަތައް މުޅިން ދޮގެއް ނޫން. އައްޑޫގައި އިންޑިއާގެ ކޮންމެވެސް މަރުކަޒެއްގެ ޝައުގުވެރިކަން އެބައޮތް. ފޮރުވިފައިވާ ސިއްރުތައް ފަޅާއަރާނެ. ތާރީޚު އިޢާދަވުން ދުރެއް ނޫން. ތަފާތަކީ ކުރިން ތިއްބެވި ގައުމުގެ ވެރިން ގައުމުގެ އެއްބައިވަންތަކަމަށް ގުރުބާންވެ އިޚްލާސްތެރިވުމާއި މިހާރު ތިބި ވެރިން ގައުމަށް ޣައްދާރުވުން
ޗިޗަންޑާނަވާރަ
19 June 2019
ޖަޒީރާ އަކީ ހައުސިން ޔުނިޓާ ފްލެޓްތަ؟ އެކަމަކު މެނިފެސްޓޯގަ ޖަހައިގެން އުޅުނީ ބިން ދޫކުރާނަމެ. އުމުރު ހުސްމިވަނީ މިކަމަކާ ދުވެ ދުވެ.
އިންޑިޔާގެ ހުރި ތަމަޅަސޮރު
19 June 2019
މިކޮމެންޓްތަށް ކިޔާލީމާތާ އަދި މިއެގުނީ މިއުޅެނީ އެހީއެއްދީގެންނޫންކަން ، ދަރަންޏަށް މުދާތަކެއް އިންޑިޔާއިން ނަގަނީކަން ، އެދަރަނި އިންޓަރެސްޓާއި އެކު ދައްކަންވެސް ޖެހޭކަން ، އެހީއެކޭ ކިޔާފައި ހާދަ ބޮޑު އޮޅުވާލުމެކޭދޯ
ހޭބަލިނުވޭ
19 June 2019
ހޫނ ޔާމީނު ބުރިޖާ ފުލެޓާ އެއަޕޯޓު އެޅީ އައްޕަ ބޮޑު ފޮށީގަ ހުރި އަމިއްލަ މުދަލުންވިއްޔާ..ޗައިނާއަށް މިޤައުމު ދެރުވިވަރަށް މިއިންޒަމާނަކު ނެތް ވެރިޔަކު ރާއްޖެ ދަރުވާފައެއް.. އިންޑިއާއިން ދިގު މުއްދަތަކަށް 2 ޕަސެންޓު ލައިފަ ދިން ކުރެޑިޓް ފެސިލިޓީގެ ވާހަކަ ހޭބަލިވެން ތިޔަ ދައްކަނީ
އެޑްމުންޑޯ
19 June 2019
ކުދިންނޭ އައްޑޫ ތަރައްގީ ކުރާނެ ވާހަކަ މިސަރުކާރުން ބުނާތީ ދެރަނުވޭ ، އައްޑޫ ކީއްކުރަން ، ވ. އަތޮޅު ފަދަ ކުޑަ އަތޮޅެއްވެސް މިމީހުންނަކަށް ތަރައްގީއެއް ނުކުރެވޭނެ ، ބަލަންތިބެބަލަ ، ކުރީ ސަރުކާރުން ފަށާފައިހުރި ޕްރެޖެކްޓެއް ނަން ބަދަލުކޮއްގެން ފަހަރެއްގައި ކޮއްފާނެ
މުށި
19 June 2019
ކިހާވަރެއްގެ ކަޓެއް ނެގިންތަ؟
ލިންލިން
19 June 2019
މި ސަރުކާރަށް މާލެ އާއި އައްޑޫ ނޫން ތަނެއް ނުފެނޭ.. ހާއްސަކޮށް އުތުރަށާ ބޮޑު ތިލަދުންމައްޗަށް ވަރަަށް ބޮޑަށް އިހުމާލުކޮށްލައިފަ އޮތީ.. އިންޑިއާއާ މާ ކައިރިވީމަ ކަންނޭނެ.. ނަތީޖާ ވަރަށް ހިތިވާނެ