ކޮމާންޑަރު: އޭނާ މަރުވީ ގިނަ ދުވަސްތަކެއް ވަންދެން ބަލިވެ އުޅުމަށް ފަހު.
19 ޖޫން 2019 - 12:21
27 comments
އެމްޑީޕީގެ މުޒާހަރާތަކުގައި އިސްކޮށް ހަރަކާތްތެރިވި، އެ ޕާޓީގެ ކޮމާންޑަރުގެ ނަމުން މަޝްހޫރުވެފައިވާ އާދަމް މޫސާ މިއަދު މަރުވެއްޖެ އެވެ.
އޭނާ މަރުވީ އެނގިފައިވާ ގޮތުގައި، އިންޑިއާގެ ޓްރިވެންޑްރަމްގެ ހޮސްޕިޓަލެއްގައި ފަރުވާ ދެމުން އަންނަނިކޮށް މިއަދު ފަތިހެވެ. އާދަމް މޫސާ ބަލިވެ އުޅޭތާ ދުވަސްތަކެއް ވަނީ ވެފަ އެވެ. އިންޑިއާ އަށް ގެންދިޔައީ އައިޖީއެމްއެޗުގައި ވެސް އެޑްމިޓްކޮށްގެން ގިނަ ދުވަސްތަކެއް ވަންދެން ފަރުވާ ދިނުމަށް ފަހު އެވެ.
ސްކޫލެއްގެ ސެކިއުރިޓީ އޮފިސަރަކަށް އުޅުނު އާދަމް މޫސާ އެމްޑީޕީގެ ހަރަކާތްތަކުން އަބަދުވެސް ފެންނާނީ އޭނާގެ ހާއްސަ ޔުނިފޯމުގަ އެވެ. ރީނދޫ ކުލައިގެ ގަމީހަކާއި ކަޅު ކުލައިގެ ފަޓުލޫނެއްގައި ތޮއްޕެއް އަޅައިގެން ހުންނަ އިރު، ގަމީހުގެ ކޮނޑުގައި ތަރިތަކާއި މޭމަތީގައި ގިނަ ބެޖުތަކެއް ހަރުކޮށްފައި ހުރެ އެވެ. ގަމީހުގެ ގިރުވާނުގެ އެއް ފަރާތުގައި ހުންނަނީ ދިވެހި ދިދަ ހަރުކޮށްފަ އެވެ.
ބައެއް މުޒާހަރާތަކުގައި ދިވެހި ދިދަ ހިފަހައްޓައިގެން ވެސް ހުރެ އެވެ.
Sad to hear of the passing of our commander beybe. Will miss him in MDP rallies. Innaa lillaahi wa innaa ilaihi raajioon. pic.twitter.com/QKGcZ0fXwA
— Mickail Naseem 🎈 (@MickailNaseem) June 19, 2019
އާދަމް މޫސާ އަކީ އެމްޑީޕީން އެންމެ ފުރަތަމަ އުފެއްދި ގޮފި، މާކަރީގެ މެމްބަރެކެވެ. ޕާޓީގެ އެކި ދަތުރުތަކުގައި ރަށްރަށަށް ވެސް ދެ އެވެ.
އެ ޕާޓީގެ ހަރަކާތްތަކާ އޭނާ ގުޅުނީ ސިފައިންގެ ތެރޭގައި އުޅުމަށް ފަހު އެވެ. ކޮމާންޑަރެއްގެ ޔުނިފޯމުގައި މުޒާހަރާތަކަށް ދާން ފެށީ، އެމްޑީޕީގެ ވެރިކަން ބަދަލުވުމުންނެވެ. ނިމިގެން ދިޔަ ސަރުކާރާ ދެކޮޅަށް އިދިކޮޅު ޕާޓީތަކުން ކުރި ހުރިހާ މުޒާހަރާތަކެއްގައި ހެން ބައިވެރިވި އެވެ.
"ސިފައިންގެ މީހަކަށް އުޅުނީމަ ހެން ބޮޑަށް ހީވަނީ ފަހުން އެގޮތަށް ހެދުން އަޅަން ފެށީ. މުޒާހަރާތައް ހުރަސްއަޅަން ފުލުހުން އުޅޭ ނަމަ، އެކަން ހުއްޓުވަން ކޮމާންޑް ކުރާނެ. ގާނޫނުއަސާސީ އަށް ހުރުމަތްތެރިކޮށް ހިތަން ވެސް އެދޭނެ،" އާދަމް މޫސާއާ ގާތް ގުޅުމެއް އޮތް، މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) ވިދާޅުވި އެވެ.
އެމްޑީޕީގެ ގިނަ ބަޔަކު އޭނާ ސިފަކުރީ، އިސްލާހަށް ލޯބިކުރި އެ ޕާޓީގެ ހަރަކާތްތެރިއެއްގެ ގޮތުގަ އެވެ. އޭނާ ނެތުމަކީ އެ ޕާޓީގެ ހަރަކާތްތަކަށް ލިބޭނެ ފަޅުކަމެއް ކަމަށް ބުނެ އެމްޑީޕީގެ ބައެއް މެމްބަރުން ހިތާމަފާޅުކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޟިރާ
21 June 2019
ސަރުކާރު ބަންދު ނުކުރޭތަ؟
ޗިކް
21 June 2019
ކޮންމެސް މީހެއް ބުނެދީފާނަންތަ މަރުވާ މިހުންނާ ނިޔާވާ މީހުން މިދެނެ ގަންނަ ގޮތެއް؟!!! ކޮމާންޑަރ ބޭބެގެ ފުރާނައަށް ސުވަރުގެ މިންވަރު ކުރައްވާށި.. ބޭބެއަކީ ގިތްވަރުގަދަ ބޭފުޅެއް..އިންސާފް ހޯދުމުގައި އެމީހަކަށް ކުރެވުނު ކަމެއް ކުރުމުގެ މިސާލު ދެއްކެވި 3>
ސިމްވާ
19 June 2019
إِنَّا لِلّهِ وَإِنَّـا إِلَيْهِ رَاجِعُونَ.
ޙާޑް
19 June 2019
إِنَّا لِلّهِ وَإِنَّـا إِلَيْهِ رَاجِعُونَ.
ދިވެހިދަރި
19 June 2019
إِنَّا لِلّهِ وَإِنَّـا إِلَيْهِ رَاجِعُونَ. އާދަންބެއަށް ސުވަރުގެ މިންވަރު ކުރައްވާށި.....
މިއްކޮ
19 June 2019
إِنَّا لِلّهِ وَإِنَّـا إِلَيْهِ رَاجِعُونَ.
ކޮމަންމޭން
19 June 2019
إِنَّا لِلّهِ وَإِنَّـا إِلَيْهِ رَاجِعُونَ. اَللّٰهُمَّ اغْفِرْلَهَا وَارْحَمْهَا وَعَافِهَا وَاعْفُ عَنْهَا. "މިހާރު" އަށް، މެދޭތެރެއިން ފެނުނު "ނިޔާވެއްޖެ" މިބަސް މިނޫހުގައި ބޭނުންކޮށްފަވަނިކޮށް. އަނެއްކާވެސް މިޚަބަރުގައި މިވަނީ "މަރުވެއްޖެ".
ޕިންކީ ރަދީފު
19 June 2019
ގެއްލުނީ ހިތްވަރުގަދަ ފަހުލަވާނެއް.....އާދަންބެއަށް ސުވަރުގެ މިންވަރު ކުރައްވާށި.....
ޓަކާ ގްރޫޕް
19 June 2019
ނަޝީދުއަކީ ވެސް ހަމަ އިންސާނެއް. އަބަދަކު ދުނިޔެއަކު ނުހުންނާނެ. އޭރުން ޕާޓީގެ ބޭނުމެއްވެސް ނޯންނާނެ. ހަޔާތަށް އުއްމީދު ގެނެސްދެވޭނީ އިސްލާމް ދީނުން. ދާއިމީ ފިކުރެއް
ސަންޕަ އަހަންމަދު
19 June 2019
ކޮމާންޑަރ ނެތްތައް ފޫބައްދާނީ ކާކުބާ؟ އެމްޑީޕީއަށް އެފަދަ ކޮމާންޑަރެއް ބޭނުންވާނެ. ﷲ ސުބުޙާނަހޫ ވަތަޢާލާ މަރުހޫމުގެ ފުރާނައަށް ރަޙްމަތްލައްވާންދޭވެ. އާމީން.