ކުރިއަށް އޮތް ދެ ތިން ދުވަހު މޫސުން ގޯސްވާނެ: މެޓް އޮފީސް

މިދިޔަ މަހުގެ ފަހުކޮޅު މާލޭއަށް ވެހުނު ބޯ ވާރޭގެ ތެރޭގައި މީހަކު ކުޑަކުއްޖަކު ގޮވައިގެން ހިނގާފައި ދަނީ: މޫސުން އެންމެ ގޯސްވާނެ ކަމަށް މެޓް އޮފީހުން ލަފާ ކުރަނީ މެދާއި ދެކުނުގެ އަތޮޅުތަކަށް ކަމަށް މެޓް އޮފީހުން ބުނި ،--. ފޮޓޯ: ނިޝާން އަލީ/މިހާރު

ލަމްޔާ އަބްދުﷲ، މިހާރު

19 ޖޫން 2019 - 14:32

1 comments

ކުރިއަށް އޮތް ދެ ތިން ދުވަހު ރާއްޖޭގެ ބޮޑު ސަރަހައްދަކަށް މޫސުން ގޯސްވާނެ ކަމަށް މެޓް އޮފީހުން މިއަދު ބުނެފި އެވެ.

މެޓް އޮފީހުގެ އެސިސްޓަންޓް މީޓިއޮރޮލޮޖިސްޓް އަޒީމާ އަހުމަދު "މިހާރު" އަށް ވިދާޅުވީ ކުރިއަށް އޮތް ދެ ތިން ދުވަހު ވެސް ރާއްޖޭގެ ބޮޑު ސަރަހައްދަކަށް މޫސުން ގޯސް ވާނެ ކަމަށެވެ. އެންމެ ބޮޑަށް މޫސުން ގޯސް ވާނެ ކަމަށް ލަފާ ކުރެވެނީ ދެކުނުގެ އަތޮޅުތަކަށާއި މެދު ރާއްޖޭގެ އަތޮޅުތަކަށް ކަމަށް ވިދާޅުވި އެވެ. ކުރިއަށް އޮތް ދެ ދުވަހު ބޯކޮށް ވާރޭވެހި ގުގުރުން އެކަށީގެންވާ ކަމަށް ވެސް އޭނާ ވިދާޅުވި އެވެ.

"ކުރިއަށް އޮތް 24 ގަޑިއިރުގައި ވެސް މޫސުން އެންމެ ގޯސްވާނީ މެދާއި ދެކުނުގެ އަތޮޅުތަކަށް،" އަޒީމާ ވިދާޅުވި އެވެ.

Male' City ah kuramundhaa vissaaraigai Male' ge baeh maguthakugai fen boduvumaa gulhigen MNDF Fire & Rescue Service in fen hikkumuge masakkaiy fashaifi. Mivaguthu pump beynun koggen fen hikkumuge masakkaiy kuramun dhany IGMH sarahadhdhu gai. pic.twitter.com/AZq7aXFLBH
— Maldives National Defence Force (@MNDF_Official) June 19, 2019

އެމްއެންޑީއެފުން ކުރި ޓްވީޓެއް

މާލެ އަށް މިއަދު ހެނދުނުން ފެށިގެން ކުރަމުން އަންނަ ވިއްސާރަ ކުރިއަށް އޮތް 24 ގަޑިއިރަށް ދެމިގެން ދާނެ ކަމަށް ލަފާ ކުރާ ކަމަށް ވެސް އަޒީމާ ވިދާޅުވި އެވެ. މި ވިއްސާރައާ އެކު މާލޭގެ މަގުތަކުގައި ވަނީ ފެންބޮޑުވެފަ އެވެ. އަދި މަގުތަކުން ފެން ހިއްކުމުގެ މަސައްކަތް އެމްއެންޑީއެފްގެ ފަޔާ އެންޑް ރެސްކިއު އިން ވަނީ ފަށާފަ އެވެ.

މެޓް އޮފީހުން ވަނީ ބ. އަތޮޅުން ފެށިގެން އައްޑޫ ސިޓީއާ ހަމައަށް މެންދުރު 2:00 ނިޔަލަށް ވައިޓް އެލާޓެއް ވެސް ނެރެފަ އެވެ. އެ ވަގުތު ބޯކޮށް ވާރޭ ވެހި، ގުގުރުން އެކަށީގެންވާނެ ކަމަށް އަޒީމާ ވިދާޅުވި އެވެ. އަދި މޫސުން ރަނގަޅު ނުވެއްޖެ ނަމަ ވައިޓް އެލާޓުގެ މުއްދަތު އެތަނުން އިތުރުކުރުން އެކަށީގެންވާ ކަމަށް ވެސް އޭނާ ވިދާޅުވި އެވެ.

White Alert for heavy rain, thunderstorm and gust winds of 40 mph. pic.twitter.com/SX7sEnG9TT
— Maldives Meteorology (@MetMaldives) June 19, 2019

މެޓް އޮފީހުން މިއަދު ކުރި ޓްވީޓެއް

ވިއްސާރަ ކުރިޔަސް އުތުރުގެ އަތޮޅުތަކުގައި ބާރަށް ވައި ނުޖެހޭނެ ކަމަށް އަޒިމާ ވިދާޅުވި އެވެ. އެހެން ނަމަވެސް ދެކުނާއި މެދު ރާއްޖޭގެ އަތޮޅުތަކަށް 10 މޭލާއި 20 މޭލުގެ ބާރުމިނުގައި ވައި ޖެހޭނެ ކަން އޭނާ ފާހަގަ ކުރެއްވި އެވެ. އަދި ވިލާގަނޑުގައި 40 މޭލުގެ ބާރުމިނުގައި ވައި ޖެހޭނެ ކަމަށް އޭނާ ވިދާޅުވި އެވެ.

މީގެ އިތުރުން މި ދުވަސްވަރު ކަނޑު ގަދަވާނެ ކަމަށާއި ކަނޑުދަތުރު ކުރާ މީހުން ވެސް މޫސުމަށް ހާއްސަ ސަމާލުކަމެއް ބަހައްޓަން އޭނާ އިލްތިމާސްކުރި އެވެ.

މޫސުން މާލެ އެމްއެންޑީއެފް މޫސުން ލަފާކުރާ ގޮތް މޫސުމާ ބެހޭ އިދާރާ

1 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޭސީ

19 June 2019

މިފެނުނީ މޫސުން ރަނގަޅުވުމުގެ ކޮޅުމަތި. މެޓުން އެއްޗެއް ބުނެފިނަމަ ބަލާނެ ކަމެއްނެތް އެޔާ އިދިކޮޅައް ކަންތައްވާނީ. މިހާރުވެސް ހީވޭ ވިއްސާރަ ހުއްޓާފަ އުޑުމަތި އަލިވެއްޖެހެން. ދ