ޓޮރޭޒް ފުޓްބޯޅަ ކުޅުން ހުއްޓާލަން ނިންމައިފި

އައްޒާމް އަލިފުޅު، މިހާރު

21 ޖޫން 2019 - 14:00

މެޑްރިޑް (ޖޫން 21) - ޖަޕާނުގެ ސަގަން ޓޮސޫ އަށް ކުޅެމުން އަންނަ ސްޕެއިނުގެ ތަޖުރިބާކާރު ފޯވާޑް ފެނާންޑޯ ޓޮރޭޒް ފުޓްބޯޅަ ކުޅުން ހުއްޓާލަން ނިންމައިފި އެވެ.

އެތުލެޓިކޯ މެޑްރިޑާއި ލިވަޕޫލް އަދި ޗެލްސީގެ އިތުރުން އޭސީ މިލާނަށް ވެސް ކުޅުނު ޓޮރޭޒް، 35، ކުރި ޓްވީޓެއްގައި ބުނެފައިވަނީ 18 އަހަރަށް ފަހު ފުޓްބޯޅަ ކުޅުން ހުއްޓާލަން ނިންމާފައިވާ ކަމަށާއި އެކަމާ ބެހޭގޮތުން މުހިއްމު ކަންތައްތަކެއް ހިއްސާކުރުމުގެ ގޮތުން އާދިއްތަ ދުވަހު ނޫސްވެރިންގެ ބައްދަލުވުމެއް ބާއްވާނެ ކަމަށެވެ.

ޒުވާން އުމުރުގައި އެތުލެޓިކޯގެ ޔޫތު ޓީމުން ފާހަގަވި ޓޮރޭޒް އަކީ އެ ޓީމުގެ ތާރީހުގައި ކެޕްޓަންކަން ކުރި އެންމެ ޒުވާން ކެޕްޓަނެވެ. އުމުރުން 19 އަހަރުގައި ޓޮރޭޒް އެތުލެޓިކޯގެ ބޭންޑް އަޅައިގެން ކުޅުނުއިރު، އެތުލެޓިކޯގެ މިހާރުގެ ކޯޗު ޑިއޭގޯ ސިމިއޯނީ އަކީ އެ ޓީމަށް ކުޅެމުން އައި ކުޅުންތެރިޔެކެވެ. ޓޮރޭޒް އެންމެ ބޮޑަށް ފާހަގަވާން ފެށީ 2007 ވަަނަ އަހަރު 20 މިލިއަން ޕައުންޑަށް ލިވަޕޫލަށް ބަދަލުވި ހިސާބުންނެވެ.

މެންޗެސްޓާ ޔުނައިޓެޑުގެ ހުށަހެޅުންތަކަށް ނޫނެކޭ ބުނުމަށް ފަހު ސްޕެއިނުގެ ކޯޗު ރަފައެލް ބެނިޓޭޒްގެ އެދުމަށް ލިވަޕޫލަށް ބަދަލުވި ޓޮރޭޒް ވަނީ 2008 ވަނަ އަހަރު ބެލޮންޑިއޯގެ ތިން ވަނަ ހޯދައިފަ އެވެ. ލިވަޕޫލްގައި ގިނަ ރެކޯޑްތަކެއް މުގުރާލި ޓޮރޭޒަށް އެ ޓީމުގައި ތަށްޓެއް ނުލިބެ އެވެ.

ޓޮރޭޒްގެ ކްލަބް ކެރިއަރުގެ ގިނަ ކާމިޔާބީތައް ލިބުނީ ޗެލްސީގަ އެވެ. އެންމެ މޮޅު ކުޅުން ނުދެއްކުނު ނަމަވެސް 50 މިލިއަން ޕައުންޑަށް ޗެލްސީ އަށް ބަދަލުވެ ޓޮރޭޒް ވަނީ އެ ޓީމާ އެކު ޔޫރޮޕާ ލީގާއި ޗެމްޕިއަންސް ލީގުގެ އިތުރުން އެފްއޭ ކަޕް ހޯދައިފަ އެވެ. ޗެމްޕިއަންސް ލީގުގައި ބާސެލޯނާ ކަޓުވާލި މަޝްހޫރު ގޯލު ޖެހި ޓޮރޭޒް ވަނީ ޔޫރޮޕާ ލީގުގެ ފައިނަލުގައި ބެންފީކާ ކޮޅަށް ވެސް ލަނޑު ޖަހައިފަ އެވެ.

ޗެލްސީ ދޫކޮށް 2015 ވަނަ އަހަރު އިޓަލީގެ ގަދަބާރު އޭސީ މިލާނަށް ކުޅުމަށް ފަހު އެނބުރި އެތުލެޓިކޯ އަށް ޓޮރޭޒް ބަދަލުވީ 2015 ގަ އެވެ. އަދި މިހާރުގެ ކްލަބް ސަގަން އަށް ސޮއިކުރީ މިިދިޔަ އަހަރު ޖުލައި މަހު އެވެ. އޭގެ ކުރިން އޭނާ ވަނީ އެތުލެޓިކޯއާ އެކު ޔޫރޮޕާ ލީގު ކާމިޔާބުކޮށްފަ އެވެ.

ސްޕެއިން ގައުމީ ޓީމަށް 2003 ވަނަ އަހަރު ކުޅެން ފެށި ޓޮރޭޒަކީ ސްޕެއިނުގެ ރަން ޖީލުގެ މުހިއްމު ކުޅުންތެރިއެކެވެ. ޓޮރޭޒް ވަނީ 2008 ވަނަ އަހަރާއި 2012 ވަނަ އަހަރުގެ ޔޫރޯ ތަށި ސްޕެއިނުން އުފުލާލިއިރު ފައިނަލުގައި ގޯލު ޖަހައިފަ އެވެ. އަދި 2010 ވަނަ އަހަރު ވޯލްޑް ކަޕް ކާމިޔާބުކުރި ސްޕެއިން ޓީމުގައި ވެސް ޓޮރޭޒް ހިމެނެ އެވެ. ޓޮރޭޒް ވަނީ ސްޕެއިން ގައުމީ ޓީމަށް 110 މެޗުން 38 އަށް ގޯލް ޖަހައިފަ އެވެ.

ޗެލްސީ އޭސީ މިލާން ލިވަޕޫލް ފެނާންޑޯ ޓޮރޭސް ސްޕެއިންގެ ގައުމީ ޓީމް

11 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިސޭ

21 June 2019

ޓޮރޭޒް އަކީ ތާރީޚުގައި ލިޔެވިގެންދާނެ މޮޅު ކުޅުންތެރިއެއް. އެންމެ ފާހަގަ ކުރެވޭނީ ބާރސާގެ ޓިކި-ޓަކާގެ ރަން ޒަމާނުގެ 10 ކުޅުންތެރިންނާއެކު ކުޅުނު ޗެލްސީން ބާރސާ ބޮއްވި ދުވަހު ޓޮރޭސް ޖެހި ލަނޑު. ހަމަ އެކަނި 72% ބޯލް ޕޮޒެޝަން ހޯދަން ކުޅުނު ބާރސާއާ 2-2 އިން އެއްވަރުވެ، އެގްރިގޭޓުން މޮޅުވި ދުވަސް އެއީ ތާރީޚުގައި މިހާރުވެސް ލިޔެވިފައި އޮތް ދުވަހެއް. ޓިކީ-ޓަކާގެ ބޯރިންގ ސްޓައިލްގެ ނިމުމުގެ ފެށުން ރަމްޒުކޮށްދިން ދުވަހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަގީގަތް

21 June 2019

ޕެޕްގެ ޓިކީ ޓަކާ ބޯރިންގްއޭ ބުނާނީ ފުޓްބޯޅައިގައި އެކައްޗެއްވެސް ނޭނގޭ މީހުން. މި ސްޓައިލަކީ ޓެކްޓިކަލީ ބްރިލިއަންޓް ކުޅުންތެރިންނަށް އެކަނި ކުޅެވޭނެ ސްޓައިލްގެ ފުޓްބޯޅައެއް. އެދުވަސްވަރު ބާސާއިން ސްޕެއިން އަދި ޔޫރަޕުގައި ތަފާތު ދެއްކި. ދެން ޓޮރޭސްއަކީ މޮޅު ކުޅުންތެތިޔަކާމެދު އެއްވެސް ޝައްކެއް ނުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިސޭ

22 June 2019

ސްޕެއިން އިން ވޯރލްޑް ކަޕް ނެގިއިރު މެޗެއްގައި އެންމެ ގިނައިން ޖެހުނީ 2 ލަނޑު. ނޮކް އައުޓް ސްޓޭޖުގައި މެޗެއްގައި 1 ލަނޑަށްވުރެ ގިނައިން ޖެހިފައެއް ނެތް. އެހެންވީމަ މުޅި މެޗުގައި ބޯޅަ ޕާސްކޮށްކޮށް ތިބުމުގެ ބޭނުން ކޮބާ އެޓޭކް ނުކުރެވެންޏާ؟ ޗެލްސީ އާ ބާރސާ ކުޅުނު 2 ލެގުގެ އެގްރިގޭޓަކީ 3-2. މޮޅުވީ ޗެލްސީ. ކޮމްބައިންޑް ޕޮޒެޝަން އެކަމަކު 73%. ހުދު ގާރޑިއޮލާވެސް ބުނެފަ އެބައިން ހަމަ އެކަނި ޕާސްކޮށް ކޮށް ތިބެން ޕާސްކުރުން ވައިކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިސޭ

22 June 2019

ދެން އޮތީ 2012-2013 ޔޫސީއެލްގެ ވާހަކަ. ބަޔާން ބާރސާގެ ޓިކީ-ޓަކާ ބަލިކުރީ 7-0 އިން. ފުރަތަމަ ލެގް 4-0 އިން ދިޔައިރު ބާސާގެ ޕޮޒެޝަން 63%، އެކަމަކު ބަޔާނުން 9 ޝޮޓް ގޯލަށް ހެދިއިރު ބާރސާއަށް ހެދުނީ އެންމެ ޝޮޓެއް. މިވަރުންވެސް ތިކިޔަނީ ބޯރިންގއެއް ނޫނޭ؟ ޗެމްޕިއަންކަން ހޯދި ބަޔާންއާ ގާޑިއޮލާ ހަވާލުވެ، ޖެހިގެން އައި އަހަރު ރެއާލް އަތުން ކެޓީ 5-0 އިން.. ގާރޑިއޮލާ އެދުވަސްވަރު މީމް އަކަށް ވީ މިކަހަލަ މެޗަކުން ބަލިވީމަވެސް، "ބަޓް ވީ ހޭޑް ޕޮޒެޝަން" ކިޔާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލެއްގި ކޮމިޝަނަރ

22 June 2019

ކަލޯމެން ވާނުވާ އެގިގެން ކޮމެންޓްކޮށްބަލަ. ބާސެލޯނާ އެއްސީޒަނުގަ 6 ތަށިނެގީ ޓިކީޓަކާ ކުޅެގެން. ސްޕޭނުން ޖެހިޖެހިގެން ދެޔޫރޯ ނެގީވެސް އަދި ވޯލްޑްކަޕް ތަށިވެސް ހޯދީވެސް ހަމަ ޓިކީޓަކާ ކުޅެގެން. އިނގިރޭސިން މޮޅު ބަލާފޫހިނުވާ ބޮޑުބޯޅަ ކުޅެގެން ވޯލްޑްކަޕް ހޯދުނީ 1966އަހަރު އެކަނި. އަދިތިބުނާ މޮޅު ޓެކްޓިކަލް ރަންގަޅު ބޯޅަކުޅެގެން ޔޫރޯ ތަށްޓެއް ނުނެގޭތާ ފައިނަލަށްވެސް ނުދޭ. އެހެންވީމާ އިނގިރޭސި ބޮޑުބޯޅަ ކިހާކާމިޔާބުދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަގީގަތް

22 June 2019

ހިސޭ. ކަލޭ ތިޔަ ދައްކަނީ އެންމެ މެޗެއް ނުވަތަ ދެތިން މެޗެއްގެ ވާހަކަ. އަހަންނަށް ބާސާއިން ރީތި ފުޓްބޯޅަޔާއެކު މޮޅުވި 200 މެޗުގެ ވާހަކަ ދެއްކިދާނެ. މެންޔޫ ދެ ފައިނަލުން ބަލިކުރުމާ މެޑްރިޑް ޔޫސީއެލް ސެމީ ފައިނަލުން ބަލިކރިކުރުން މިއީ މިކަމުގެ އަލިގަދަ ހެކި. ސްޕެއިންގެ ވާހަކަޔެއް ނުދައްކަން. މިބުނަނީ ޕެޕްގެ ބާސާ ކުޅުނު ކަހަލަ ރީތި ފުޓްބޯޅައެއް ދެނެއް ނުފެންނާނެޔޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަމްްް

22 June 2019

އެއަށްވުރެ ރީތި ފުޓްބޯޅައެއް ކުޅެގެން ނޫންތޯ ލިވަރޕޫލުން މިއަހަރުވެސް ބާރސާ 4-0 އިން ބަލިކުރީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަގީގަތް

22 June 2019

ޝަމްއަށް. މިހާރު ބާސާ ކުޅެނީ ޓިކީ ޓަކާއެއްނޫން. ޕެޕް ގާރޑިއޯލާގެ ސިޓީ އެކުޅެނީ އެ ފުޓްބޯޅައިިގެ 80%. އެމީހުންވަނީ ލިވަޕޫލް ބަލިކޮށްފަ. ޕެޕްގެ ބާސާ ކުޅުނު ކަހަލަ ރީތި ފުޓްބޯޅައެއް އެއްވެސް ޓީމަކަށް ނުކުޅެވޭނެ. އެ ޑޮމިނޭޝަނެއް ނުހޯދޭނެ. ބާސާ އެމީހުންގެ އެންމެ ދަށް ސީޒަނުގައި ލިވަޕޫލް އަމިއްލަ ދަނޑުގައި 3-0 ބަލިކުރި. ކީއްވެ އެވާހަކަ ނުދައްކަނީ. ގައިމު ރީތި މޮޅު ޑޮމިނޭޓިންގް ފުޓްބޯޅައެއްނަމަ އެއް ގޯލް ނަމަވެސް ޖެހުނީސްކަން ޔަޤީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަމްްް

22 June 2019

އެންމެ ދަށް ސީޒަން؟ ދަށް ސީޒަނަށްވީ ސީޒަނުގެ ފަހުކޮޅު 2 މެޗަކުން ބަލިވެގެން. އޭގެ ކުރިން ބެލެވިފައި އޮތީ މިއިން ޒަމާނަކުވެސް ބާރސާގެ އެންމެ ކާމިޔާބު ސީޒަނަށް ވަނެކަމަށް. ޓްރެބްލް ހޯދާނެކަމަށް. ކުއާރޓަރ އިން ކަޓަމުން އައި ބާރސާ މިއަހަރު ސެމީފައިނަލަށްވެސް ދެވުނު. ދެން ކޮން ދަށް ސީޒަނެކޭ ކިޔާކަށް؟ ކޮޕާޑެލްރޭ ފައިނަލް ކުޅުނު. މިވޭތުވެދިޔަ 4ވަރަކަށް އަހަރު ބާރސާގެ އެންމެ ކާމިޔާބު ސީޒަން މިއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަގީގަތް

22 June 2019

ޝަމްއަށް. ކާމިޔާބު ސީޒަނޭ. ކަލޭ ފުޓްބޯޅަ ނުބަލާކަން މިހާރު އިނގިއްޖެ. ބަލަ ވޭތުވެދިޔަ އަހަރުތަކުގައި ބާސާއިން ލަލީގާ ހޯދީ 90 ޕޮއިންޓަށްވުރެ ގިނައިން ހޯދައިގެން. އަދި އެހެން ޓީމްތަުގެ މައްޗަށް ޑޮމިނޭޓްކޮށްގެން. އެކަމަކު މިފަހަރު ލިބުނީ އެންމެ 87 ޕޮއިންޓް. އަދި މިއީ ލަލީގާގައި ވޭތުވެދިޔަ 4 އަހަރު އެންމެ މަދުން ގޯލް ޖެހުނު ފަހަރު. ގިނަ ފަހަރު 100 ގޯލަށްވުރެ ގިނައިން ޖަހާ. މިދިޔަ ސީޒަނުގައި ކޮޕާ އަދި ލީގު ހޯދުނުއިރު މިފަހަރު ލިބުނީ ލީގު އެކަނި.