އައިޖީއެމްއެޗްގެ އިމާރާތް: ޝާފިއީ ދެއްކެވި ވާހަކަތައް ދޮގުކުރެއްވި.-- ފޮޓޯ: ނިޝާން އަލީ/ މިހާރު
21 ޖޫން 2019 - 22:54
13 comments
ކޮމިއުނިކޭޝަން، ސައިންސް އެންޑް ޓެކްނޮލޮޖީގެ ސްޓޭޓް މިނިސްޓަރުގެ މަގާމުން މުހައްމަދު ޝާފިއީ އިސްތިއުފާ ދެއްވަމުން އައިޖީއެމްއެޗަށް ރައްދުވާ ގޮތަށް ދައްކާފައިވަނީ އެއްވެސް އަސާސެއް ނެތް ދޮގު ވާހަަކަތަކެއް ކަމަށް އެ ހޮސްޕިޓަލުން ބުނެފި އެވެ.
އައިޖީއެމްއެޗުން ނެރުނު ބަޔާނުގައި ބުނީ އެތަނަށް ބޭނުންވާ ހޮސްޕިޓަލް މެނޭޖްމަންޓް ސިސްޓަމް ހޯދުމުގެ މަސައްކަތް ކުރިއަށް ގެންދާނީ ބިޑިން ޕްރޮސެސްގެ ތެރެއިން ގާނޫނާއި ގަވާއިދުތަކުގެ ތެރެއިން ކަމަށެވެ.
ޝާފިއީ ރޭ ކުރެއްވި ޓްވީޓެއްގައި ވިދާޅުވީ ކޮރަޕްޝަންގެ މައްސަލައަކަށް މި ސަރުކާރުގައި ވެސް ހައްލެއް ނުލިބޭ ކަމަށެވެ. ކަންބޮޑުވުންތަކަށް އަޅާނުލާ ނަމަ މުސާރައެއް ހޯއްދެވުމަށް މަގާމެއްގައި ހުންނަވަން ބޭނުން ނުވާ ކަމަށް ވިދާޅުވި އެވެ.
އޭނާގެ މައިގަނޑު ކަންބޮޑުވުމަކީ، ކުރީގެ ރައީސް އަބްދުﷲ ޔާމީންގެ ސަރުކާރުން އައިޖީއެމްއެޗަށް ބޭނުންވާ ސޮފްޓްވެއާއެއް، ކޮރަޕްޝަނަށް މަގުފަހިވާ ގޮތަށް ހަވާލުކޮށްފައިވަނިކޮށް، މި ސަރުކާރުން ވެސް ކުރިއަށް ގެންދަން ނިންމާފައިވާތީ އެވެ. ނަމަވެސް އެކަން ދޮގުކޮށް އައިޖީއެމްއެޗުން ބުނީ ސޮފްޓްވެއާއާ ގުޅޭ މަސައްކަތްތައް އޮތީ މަޝްވަރާ މަރުހަލާގައި ކަމަށެވެ.
ކަމާގުޅުންހުރި އިދާރާތަކާއެކު އެ ބައްދަލުވުންތައް ފަށާފައިވާކަން ފާހަގަކުރި އެވެ.
ސިއްހީ ހިދުމަތް ދިނުމަށް ބޭނުންވާ ސޮފްޓްވެއާ ހޯދާނީ ހޮސްޕިޓަލްގެ މެނޭޖްމަންޓާއި ޑޮކްޓަރުންގެ އިތުރުން ގުޅުންހުރި ފަރާތްތަކުގެ މަޝްވަރާތަކަށްފަހު ކަމަށް ވެސް ބުންޏެވެ. ބޭރުގެ އެކި ހޮސްޕިޓަލްތަކުގައި ބޭނުންކުރަމުން އަންނަ އެފަދަ ސޮފްޓްވެއާތައް ބެލުމަށްފަހު، ރާއްޖޭގެ މާހައުލަށް އެކަށީގެންވާ ސިސްޓަމެއް ހޯދަން މަސައްކަތްކުރަމުން އަންނަކަމަށް ވެސް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮޔަސޮރު
22 June 2019
ޑޮސް އެއީ މަގޭ ފުރެންޑެއް! އޭނަ ޔަކީ ފައްކާ ރޯނުއެދުރެއް! ވާހަކައިން ވަރަށްމޮޅުވާނެ. ކަމެއް ކުރަންޖެހުނީމަ ކުރަނަޖެހޭނީ ދެންތިބިބަޔެއް.
މަސްވެރިޔާ
22 June 2019
އަލަށް އިސްކުރެވުނު ސީއީއޯ އަކީީ މަޝްހޫރު ބޭފުޅެއް. ޝައްކެއްވެސް ނެތް.
އޭނާ
22 June 2019
ކޮރޮޕްޝަނަކީ ފައިސާގަނޑެއްގެ ތެރެއަށް އަތްބާނާފައި މިލިއަނުން ރުފިޔާ ނެގުން އެކަންޏެއްނޫން، ތިމާއަށް ނުވަތަ ތިމާގެ މަސްލަހަތުހިމެނޭ ފަރާތްތަކަށް ނާޖާއިޒުފައިދާ ލިބޭގޮތަށް މަގުފަހިކޮށްދިނުމަކީވެސް ހަމަ ކޮރޮޕްޝަން، މި ސަރުކާރުގެ އިދާރާތަކުގަ އަދިވެސް އެކަން ހުއްޓުމެއްނެތި އެގޮތަށް އެބަހިނގާ، މިސަރުކާރުގެ އިދާރާތަކުގެ އިސްމަޤާމްތަކުގަ އަދިވެސްތިބީ ކުރީ ސަރުކާރަށް ވަފާތެރިން، ޔާމީނަށްޓަކައި މަރުދިންމީހުން، ތަފާތަކީ މަޤާމް ދިފާޢުކުރަން ކުލަބަދަލުކުރީ
ސިމާލް
22 June 2019
ތިތާ ތިބީއަދިވެސް މިދިޔަސަރުކާރުގައިތިބި ބޮޑުން ދެންވެސް ވާނީހަމަތިހެން. އިބޫ މާހިތްތިރީ ހުރިހާމީހުން ބަދަލްކުރަންވީ އެހެން ޑިޕާޓްމަންތަކަށް
މަސްވެރިޔާ
22 June 2019
ބަދަލުކޮއްފަ ލަނީ ކޮންކުދިންނެއް؟ ޕާޓީކުދިންތޯ؟
ހިތާމައ
22 June 2019
ޝާފިއީ ދައްކާފައިހުރި ވާހަކަ ދައްކާފައި ހުރީ (ހެތްކާއި ގަރީނާތަކާއިއެކު) ތި ޕްރޮޖެކްޓްގައި ކަމާއި އެކަށީގެން ނުވާ ވަރުގެ ބޮޑު އަގެއް އޯޕަންސޯސް ޕްލެޓްފޯރމްތަކެއްގެ އެހީގައި ހިންގާ ސޮފްޓްވެއަރއަކަށް ނަގާތީއެވެ. ޕްރޮފެޝަނަލް މީހުންގެ އަގު ވައްޓާލައިގެން ވާނީ ފައިދާއަށްވުރެ ބޮޑަށް ގެއްލުމެވެ. މި ތުހުމަތުތަކާއި ގުޅިގެން ކުރަންވީ ކަމަކީ، ކަމުގެ މާހިރުން ލައްވާ އެކަށީގެންވާ ތަޙުގީގެއް ކުރުމެވެ. މީހުން ބަދުނާމުކުރުމެއް ނޫނެވެ.
ސައުދު
22 June 2019
ޝާފިއީ އަކީ އައިޓީ ޕްރޮފެޝަނަލް މީހެއް. ވަތަނިއްޔާ އައިޓީ ހެޑަކަށް އޭނާހުރެ އެކުންފުނި ރާއްޖޭގައި އެސްޓަބްލިޝްކުރީ. އޭރު އެކުންފުނީގެ އެހެން ކަމެއްގައި އަޅުގަނޑުވެސް އުޅުނިން. ވަރަށް ތެދުވެރި ބޭފުޅެއް އެއީ އޭރު.
ދިވެއްސެއް...
22 June 2019
ވަރަށް ގަބޫލު ނުކުރެވޭ ޝަފިއީ ދޮގުވާހަކައެއް ދައްކާނެ ކަމަށް. އާންމުކޮށް ސިޔާސީ މަގާމުތަކުގަ ތިބޭ ވާނުވާ ނޭގޭ މީހެއްނޫން އެއީ. ދެން މިވާހަކަތައް މިފެށުނީތާ. އިތުރު ތަފްސީލުތައް އަންނާނެ ކަމަށް އުއްމީދުކުރަން.
އަހަރުމެންވެސް
22 June 2019
ޝާފިއީ ދައްކާފައިވަނީ ތެދު ވާހަކަތަކެއް، ދެންއޮޅުވާލާން އުޅޭނެކަމެއްނެތް! އަހަރުމެން މިތިބީ ފިސާރި ހޭލާ!
ޔޫސަރ
22 June 2019
މި ދޭނެ ބަޔަކު މިހާރުވެސް ވަނީ ހަމަޖެހި ނިމިފަ. ބިޑޭ ކިޔާގެން އުޅޭނެ ކަމެއްނެތް. ބަޔަކު ލައްވާ ބޭކާރު މަސައްކަތެއް ކުރުވަން.
ބާގުޞޭ
22 June 2019
ތިތާއުޅޭ މިނިސްޓަރުން ތީ ސައިންސް އެންޑު ފުޅިމަދިލު އުނގުރި ކިޔަވާފަތިބިރ ބައެއް. މިސޮރައް ހީވީ ތިމަން ނަޔަކީ މިނިސްޓަރޭ. އަދި ބުނެފިޔެއްނުން ތިމަންނަޔައް ޖެމުންސްގެ އެޑުމިޖް ޕާސްވޯޑު ދޭށޭ.