އަބްދުﷲ ލުތުފީ
24 ޖޫން 2019 - 22:53
140 comments
ނޮވެމްބަރު 3 ގެ އުދުވާނީ ހަމަލާގެ މޭސްތިރިޔަކަށް ހުރި ހާޖަރާގޭ އަބްދުﷲ ލުތުފީ ފިލައިގެން އުޅުމަށް ފަހު، ސްރީ ލަންކާގައި ހުންނަ ރާއްޖޭގެ އެމްބަސީ އަށް އަމިއްލަ އަށް ހާޒިރުވުމުން ފުލުހުންގެ ބެލުމުގެ ދަށުގައި ގެންގުޅެމުން އަންނަ ކަމަށް ފުލުހުން މިރޭ ބުނެފި އެވެ.
ފުލުހުން ނެރުނު ބަޔާނުގައި ބުނީ ލުތުފީ ފުލުހުންގެ ބެލުމުގެ ދަށަށް ގެންދިޔައީ ސްރީ ލަންކާގައި ހުންނަ ރާއްޖޭގެ އެމްބަސީ އަށް މިދިޔަ މެއި މަހުގެ 1 ވަނަ ދުވަހު ހާޒިރުވުމުން ކަމަށެވެ. ލުތުފީ ހުރީ ދިވެހި ފުލުހުންގެ ބެލުމުގެ ދަށުގައި ކަމަށާއި އޭނާ ރާއްޖެ ގެނައުމަށް ކުރަންޖެހޭ އިދާރީ ކަންތައްތައް ލަންކާގެ ކަމާބެހޭ އިދާރާތަކާ ގުޅިގެން ކުރަމުން އަންނަ ކަމަށް ފުލުހުންގެ ބަޔާނުގައިވެ އެވެ. އެކަމަކު، އޭނާ މިވަގުތު ހުރީ ލަންކާގައި ހުންނަ ރާއްޖޭގެ އެމްބަސީގައި ކަމެއް ނުވަތަ ނޫން ކަމެއް ފުލުހުންގެ ބަޔާނުގައި ނެތެވެ.
ލުތުފީއާ ބެހޭ މައުލޫމާތު ފުލުހުން ހާމަކޮށްފައި މި ވަނީ ލަންކާގައި ހުންނަ ރާއްޖޭ އެމްބަސީގައި ލުތުފީ އުޅޭ ކަމަށް ވިދާޅުވެ، ކުރީގެ ހޯމް މިނިސްޓަރު އުމަރު ނަސީރު ޓްވީޓްކުރައްވާފައި ވަނިކޮށެވެ.
އޭޕްރީލް 21 ވަނަ ދުވަހު ސްރީ ލަންކާގެ ބައެއް ފައްޅިތަކާއި ހޮޓާތަކަށް ދިން ހަމަލާތަކަށް ފަހު، ގަވައިދާ ހިލާފަށް އެ ގައުމުގައި އުޅޭ މީހުން ހޯދުމުގެ މަސައްކަތް ސަލާމަތީ ބާރުތަކުން އަންނަނީ ކުރަމުންނެވެ. އެގޮތުން، ވިސާ ނެތި ލަންކާގައި އުޅޭ ދިވެހިންގެ އެތައް ބަޔަކު ވެސް މި އޮޕަރޭޝަނުގައި ވަނީ ފާހަގަވެ، އޭގެތެރެއިން ބައެއް މީހުން ހައްޔަރުކޮށްފަ އެވެ.
ޓެރަރިސްޓް ހަމަލާ އަށް ފަހު ލުތުފީ ހައްޔަރުކޮށް ކަނު ބަނދެގެން ޝަރީއަތަށް ހާޒިރުކުރަނީ
ލުތުފީ ސްރީ ލަންކާގައި އުޅެނީ ޖެނުއަރީ 16، 2010 ގައި ބޭސްފަރުވާ އަށް އިންޑިއާ އަށް ފޮނުވުމުން ފިލައިގެން ގޮހެވެ. އަދި އޭނާ ހޯދައި ހައްޔަރުކޮށް ހުކުމް ތަންފީޒުކުރުމަށް ފުލުހުންނާއި ކަރެކްޝަންސްގެ މައްޗަށް މާޗް 26، 2012 ގައި ކޯޓުން އަމުރެއް ވެސް ކޮށްފައިވެ އެވެ. އޭގެ ފަހުން ފުލުހުން ވަނީ ލުތުފީ ހޯދަން އިންޓަޕޮލް މެދުވެރިކޮށް ނޯޓިސް ވެސް ނެރެފަ އެވެ.
ޓެރަރިސްޓް ޖަމާއަތެއް ކަމަށްވާ ޕްލޯޓްގެ ހަނގުރާމަވެރިންނާ އެކު ނޮވެމްބަރު 3، 1988 ގައި ލުތުފީ އިސްކޮށް ހުރެ މާލެ އަރައި ދިން ހަމަލާތަކުގައި 19 ދިވެއްސަކު ޝަހީދުވި އެވެ. މި އުދުވާނީ ހަމަލާއާ ގުޅިގެން ލުތުފީ މަރަން ހުކުމްކުރި އެވެ. ނަމަވެސް އޭރުގެ ރައީސް މައުމޫން އަބްދުލްގައްޔޫމް އަދަބު ލުއިކޮށްދެއްވައި އުމުރު ދުވަހުގެ ޖަލުހުކުމަކަށް ބަދަލުކޮށްފައި ވަނިކޮށް ލުތުފީ ފިލީ ކުރީގެ ރައީސް މުހައްމަދު ނަޝީދުގެ ވެރިކަމުގައި ބޭސްފަރުވާ އަށް ރާއްޖޭން ބޭރަށް ފޮނުވުމުންނެވެ.
ލުތުފީއާ އެކު އެ ހަމަލާގައި ދެން އެންމެ އިސްކޮށް އުޅުނު ސަގަރު އަހުމަދު ނާސިރު ވަނީ ޖަލު ހުކުމުގެ މުއްދަތު ހަމަވެގެން މިނިވަންވެފަ އެވެ. އުމުރު ދުވަހުގެ ޖަލު ހުކުމް ކަމަށް ބަލަނީ 25 އަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަށްޑޫ ކަތީބު
26 June 2019
މިހާރުން މިހާރަށް ގެނައުމަށް ގޮވާލަން ލައްކަ ދުވަހު އުލެވިއްޖެތާ ފިލައިގެން
ކައިޓް
26 June 2019
އަޅުގަނޑަކީ ނޮވެމްބަރ 3 ގެ މެޑެލް ލިބުނު (އޭރު އުމުރުން 19 އަހަރު ) ސޯލްޖަރެއް. ލުތުފީ އަކީ ޣައްދާރެއް! ޤާތިލެއް. އޭނާ ދޫކުރުން އެންމެ ހަރުކަށި އިބާރާތުން ކުއްވެއެރި ކުރަން. ވަގުތުން ހިފާ ހައްޔަރު ކުރަން ކޮމާންޑަރ އިން ޗީފް އަށް ދަންނަވަން.
އަށްޑޫ ކަތީބު
26 June 2019
ތިޔަ ބުނާ މެޑަލަ ޖަހާލި ގޮޓް ބުނެލިނަމަ ދޯ. ފިލި މީހުންނަށޯ މެޑަލް ދިނީ އަޑު އަހަން،
ސާދާސީދާ
26 June 2019
2012، 2013، 2014، 2015، 2016، 2017 އަދި 2018 ގައި ވެރިކަމުގައި ލުތުފީ ނުހޯދީ ކީއްވެ؟ ޢުމަރުގެ ހޯމް މިނިސްޓަރު ކަމުގައި، ޑރ. ޖަމީލްގެ ހޯމް މިނިސްޓަރުކަމުގައި އަދި އަޒްލީންގެ ހޯމް މިނިސްޓަރުކަމުގައި މިކަން ނުކުރީ ކީއްވެ؟ 8 އަހަރު ޑީލް ހަދާފަ މިހާރު ކީކޭތޯ ތިކިޔަނީ؟
ކައުންސެލަރު
25 June 2019
"...ޖެނުއަރީ 16، 2010 ގައި ބޭސްފަރުވާ އަށް އިންޑިއާ އަށް ފޮނުވުމުން ފިލައިގެން ގޮހެވެ." ބަލަ ދެނެއެއްނުލައްވަމު ދެއްތޮ އިސްތިއުފާދިން މީހާ ބުންޏެއްނު ލުޠުފީއަކީ ތިމަންނަގެ ގާތްރައްޓެއްސެކޭ. އެހެންވީމާ މިބުނިބަހުން ސާފުކޮށް އެނގިއްޖެ ފިލީކީ ނޫންކަން. ފިލުވީކަން. އެހެންވީމާ ތިޔައުޅޭއެންމެންނަށްވުރެ ޢުމަރު ނަޞީރު މަށަށް މާރަނގަޅު. އުމަރު އެހެންބުނިފަހުންވިއްޔާ މިހިލިގަތީ. އަނެއްކޮޅުން މީ ދެގެރި ތަޅާނެކަމެއް މީނާ ހައްޔަރުވީމާ. ބަލަންތިބެމާ
ކޮލަ
25 June 2019
ސޯލިހުމެން ކިހާ ގަދަ 2 މަސް ވަންދެން އެމްބަސީގަ ފުރިހަމަ އިއްޒަތުގަ ލުތުފީ އެގެންގުޅެނީ ސޯލިހު ސަރުކާރު ރަގަޅު ކަމުން ހުރިހާ އެންމެން ހައިރާންވެފަ
މިސްރާބު
25 June 2019
ހަނދާން އެބަހުރިތޯ ރޫހާނީ ލީޑަރު އިނޑިއަން އެންބަސީތެރޭގަ 'ފިއްލަވައި' އިން ހަނދާން؟ އެންބަސީ ތެރޭ ފިލުމާއި/ފިލުވުމަކީ ވަކި ބަޔަކު ދަންނަ ކަމެއް!
މޮގާންބޯ
25 June 2019
ޑިފެންސް މިނިސްޓަރާއި، ހޯމް މިނިސްޓަރު އިސްތިއުފާދީފައި ގެއަށް ދުރުވަން ފެނޭ. މިދެން ކިހާ ބޮޑުވެއްޖެ ކަމެއް އިބޫ ހޮވީކީ ހާމަކަން ބޮޑުކޮށްވެރިކަން ކުރަން. މިހާރު އެކަމު ސިއްރިއްޔާތުގައި ހުރިހާ ކަމެއް ހިނގަނީ. އަދި ކެޔޮކޭވަރު ފެންނާނެ.
ހަގީގަތް
25 June 2019
މިއޮތްހުރިހާ ޒަމާނެއްވީއިރުވެސް ލުތުފީ ހުރީ ހަމަ ދޫކޮށްލާފަ. މައުމޫނުވެސް ޔާމީނުވެސް ބޭނުންވެގެން މިކަމާ އުޅުނުނަމަ ލަންކާއިން ވަގުތުން މިކަންކޮށްދޭނެ. ފިލައިގެން އުޅެން މިއީ އަފްއާނިސްތާނުގެ ހޮހޮޅައެއްގެތެރޭ އިން މީހެއްތަ؟ މިއީދެން މިހާރު ސިޔާސީ ބޭނުމަކަށް ދައްކާ ވާހަކައެއް.
ފިސް
25 June 2019
އެތައް ބައެއް މަރާފަ މިވެސް ސިޔާސީ ކަމަކައްހަދާފަ ލުތުފީ ފޮރުވައިގެން. ގައުމުން މަރުވެދިޔާއީ އާމްރައްޔިތުން ކަން ސަރުކާރައް ނޭގެނީބާ..ލުތުފީ މީހުން މެރީމަ މަރަކައްނުވޭ
ހުތާ
25 June 2019
އިންޓަޕޯލް މެދުވެރިކޮށް ހޯދަނުންދާ މީހަކު އެމްބަސީއަށް ގޮސް އަމިއްލައަށް ދިއުމުން ފުލުހުންގެ ބެލުމުގެ ދަށުގައިވިއަސް އޭނާއަށް ދެމަސްދުވަހު އެމްބަސީގައި ދިރިއުޅެވިގެން ނުވާނެއެވެ. ހަމަވަގުތުން ރާއްޖެ ގެނެވެންޖެހޭނެއެވެ. ލުތުފީ ފުލުހުންގެ ބެލުމުގެ ދަށަށް ގެންދިޔަކަން މިއަދާ ހަމައަށް ސިއްރުކޮށްފައި ބޭއްވުމަކީވެސް ސަރުކާރުން ކޮށްގެންވާނެކަމެއްނޫނެވެ.