މާލޭގެ ބާރުބޮޑު މަގެއް. ކޮންކްރީޓް ޕަމްޕަކުން ޖެހި މީހެއްގެ ފައި ވަނީ ޗިސްވެފައި
30 ޖޫން 2019 - 14:35
16 comments
ޕިކަޕެއްގެ ކަފު ޖަހައިގެން މާލޭގެ މަގެއްގެ މަތިިން ގެންދިޔަ ކޮންކްރީޓް ޕަމްޕް މެޝިނެއްގެ ފުރޮޅުން ޖެހި މީހެއްގެ ފައި ވަރަށްބޮޑަށް ޒަހަމްވެއްޖެ އެވެ.
ފުލުހުން ބުނީ ރޭ މެންދަމުން އަލިވެ، އެކެއް ޖަހާ އެހާކަށް ހާއިރު އިސްކަންދަރު މަގުގައި ހިނގި އެ ހާދިސާގައި ކޮންކްރީޓް ޕަމްޕުގެ ފުރޮޅު ދަށުވީ އެ މަގުގައި ޕާކްކޮށްފައި ހުރި ސައިކަލްތަކެއްގެ ކައިރިން ހިނގާފައި ދިޔަ މީހެއް ކަމަށެވެ. އެ ހާދިސާ ހިނގި އިރު ޕިކަޕް ދުއްވަން އިނީ ފުލުުހުން ބުނިގޮތުގައި ބިދޭސީއެކެވެ. އެ މައްސަލަ ފުލުހުން މިހާރު އަންނަނީ ތަހުގީގު ކުރަމުންނެވެ.
މަންޒަރު ދުށް މީހަކު "މިހާރު" އަށް ބުނި ގޮތުގައި އެ އެކްސިޑެންޓްގައި އަނިޔާވި މީހާގެ ފައިތިލަ އޮތީ ޗިސް ވެފަ އެވެ. އައިޖީއެމްއެޗުން ބުނީ އުމުރުން 41 އަހަރުގެ މީހަކަށް ފަރުވާދެމުން އަންނަ ކަމަށާއި އޭނާގެ ފަޔަށް ގެއްލުން ލިބިފައިވާ ކަމަށެވެ. އެކަމަކު އަނިޔާގެ ތަފުސީލެއް އެ ހޮސްޕިޓަލަކުން އަދި ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝުއައިބު
30 June 2019
ފުރޮޅުން ފައިގައި ޖެހުނީތަ ނުވަތަ ފަޔަށް ފުރޮޅު އެރީތަ...؟؟؟
ބޯ ހަލާކު
30 June 2019
މި ގައުމު ނޫނީ ނޫޅޭނެ ފޮރިން ލޭބަރުންނަށް ވެހިކަލް ދުއްވޭ ގައުމެއް. ސައިކަލްވެސް ދުއްވަނީ.. އަނެއްކޮޅުން ބުނާނެ މާލޭގަ ވެހިކަލް ގިނަ ވެއްޖެޔޭ.
ހިނގާ މީހުން
30 June 2019
ހިނގަން އޮންނަނީީ ދުވާރު، ދުއްވަން އޮންނަނީ ބާކީ އޮތް ޖާގަ
މާރަނގާ - އައްޑޫ ސިޓީ
30 June 2019
ތިއޮތް ފޮޓޯ ބަލާލުމުންވެސްއިގޭ ތިއީ ކުކުޅުކޮށްޓެއްފަދަތަނެއްކަން. * * ނޭފަތުކުރިއަށްވިސްނާ ދިވެހިންގިނަވީމަ 550 އަކަފޫޓްގައި 2 ކޮޓަރި، ސިޓިންގރޫމް، ފާހާނާ، ބަނދިގެ ހިމެނޭ ފްލެޓެކޭބުނީމަ މުޅިއުމުރުހޭދަކޮށް ލިބޭ ހުރިހާ އާންދަނީއެއް އެތަނަށްދައްކާ “ކުލީ އަޅުވެތިކަމުގައި” އުމުރު ނަގާލަނީ. * * މާލޭ ސަރުކާރަށް މަޖުބޫރުކޮށް “ކުލީ އަޅުވެތިކަމުން މިންޖުވެ” ލިބޭ އާމްދަނީއަކީ ދަރިންގެ ކެއުމަށާއި ކިޔެވުމަށް ހަރަދުކުރާއެއްޗެއް ކަމުގައިހަދާ ކުލިން ސަލާމަތްވޭ.
ހުތާނި
30 June 2019
ރަށަށް ދޭބަލަ. އޭރުން ގޭކުލިދައްކާކަށް ނުޖެހޭނެ.
މޮގޮށިމީދާ
30 June 2019
ހިތާމީއަށް މާރަނގާ އައްޑޫ ސިޓީ ބުނެފައިއެއޮތީ ތިކަހަލަ އެއްޗެހި ގިނަރަށެއްގައި އިންސާނުންނަށް ދިރިއުޅެން އުދަގޫވާނެވާހަކަ. ކަންދިމާވީވެސް އެހެންދޯ. ހެހެހެހެ.
ބޮޑުމީހާ
30 June 2019
މާލެ ނޫން އެހެން ސަރަހައްދުތަކެއް ސިޓީތަކަށް ހަދައިގެންނޫނީ މާލެއަށް އޮތް ތޮއްޖެހުން ހައްލެއްނުވާނެ
މާރަނގާ - އައްޑޫ ސިޓީ
30 June 2019
ރައްކާތެރިކަމާއި އިންސާނުންދިރިއުޅޭނެމާހައުލުގެއްލި ޑަރަޤާއި މާރާމާރީ އަދި އިލީގަލް Immigrants މައްސަލަ ހައްދުންނެއްޓި ދައުލަތެއްގެރައްކާތެރިކަމުންބޭރުވެ Slum city އެއްގެހާލަތަށް ތިޔަރަށްގަނޑުވެއްޓިފައިވާއިރުވެސް މުޅިދައުލަތުގެހަޒާނާ ތިތަނަށްތަޅާހުސްކުރަނީކީއްކުރަން. * * އިތުރަށް ދައުލަތުންޙަރަދުކޮށް ސޯޝަލްހައުސިންގ ސްކީމްތައް ހިންގައި ތިރަށްގަނޑުގެ މުޑުދާރުކަމާއި ބިރުވެރިހާލަތު އިތުރުނުކޮށް ލާމާއި އައްޑޫގައި މީހުނަށް ދިރިއުޅެވޭނެގޮތްހަދާދީބަލަ.
ރަދީފް
30 June 2019
@މާރަނގާ.ކަލޭމެން އައްޑޫ މީހުން އޮތީ މަޖްލިސް އަދި ކައުންސިލްވެސް ރީނދޫ ގަބީލާއަށް ދީފަ ދޯ.އެހެންވީމަ ކޮސްނުގޮވާ މަހަށް ދޭބަލަ.
އަރިއްޕެ
30 June 2019
ރޭގަ ހިނގި އެކްސިޑެންޓެއް ނޫން މިޔަކީ..ބުރާސްފަތި ދުވަހުގެ ރޭ މެންދަމު ހިންގި ކަމެއް..މަ ދެކުނިން އެމަންޒަރު..
ސަހފޖ
30 June 2019
ސުބުޙާނަﷲ. ރޭ ދަންވަރު ހިނގި ކަމެއް. އެކަމަކު އެވާހަކަ ނޫހާ ހިސާބަށް އައީ އަދި ކިރިޔާ. ދުއްވާ އެއްޗެއްގެ ދަށުވެ މީހަކު މަރުވިއަސް މިޤައުމުގެ ޤާނޫނުން އެމީއަށް ލިބޭނޭ އެއްވެސް އަދަބެއް ނެތް.
އަލީނޫރައްދީން
30 June 2019
8% މީހުން ކީއްވެބާ މި ހަބަރު ކިޔާފަ އުފާވީ؟
ރަދީފް
30 June 2019
އެބައި މީހުން އެއީ ހިއުމެނިޓީ ނުދަންނަބައެއް.ނަމަވެސް އެމީހުންހިތުން އެއީ ދަންނަބޭކަލުން.
ރަދީފް
30 June 2019
މިފަދަ ހެވީ މެޝިނަރީޒްތައް މޫވް ކުރާއިރު ކާރިން ގޮސްގެން ނުވާނެ.އަދި އެވެހިކަލް ކާރީގަ ގައިޑްކުރާނެ ބަޔަކު ތިބެން ޖެހޭ.އަނިޔާ ލިބުނު މީހާއަށް އަވަސް ޝިފާއަކަށް އެދެން.