ބާ ކައުންސިލް އިންތިޚާބުގެ ބަޖެޓަކީ 1.2 މިލިއަން ރުފިޔާ

ވަކީލުންތަކެއް ހުވާކުރަނީ: ބާ ކައުންސިލްގެ އިންތިޚާބު އޮންނާނީ މި މަހުގެ 13 ވަނަ ދުވަހު-- ފޮޓޯ: ހުސައިން ވަހީދު/މިހާރު

އާސިމާ ނިޒާރު، މިހާރު

03 ޖުލައި 2019 - 10:46

ބާ ކައުންސިލް އިންތިޚާބަށް ހަމަޖައްސާފައިވަނީ 1.2 މިލިއަން ރުފިޔާގެ ބަޖެޓެއް ކަމަށާއި އެކަމަކު އެވަރަށް ޚަރަދު ނުވާނެ ކަމަށް އިލެކްޝަންސް ކޮމިޝަން (އީސީ)ގެ ރައީސް އަހުމަދު ޝަރީފް މިއަދު ވިދާޅުވެއްޖެ އެވެ.

ޝަރީފް "މިހާރު" އަށް ވިދާޅުވީ މި މަަހުގެ 13 ވަނަ ދުވަހު ބާއްވާ އިންތިޚާބަށް ބަޖެޓު ހަދާފައިވަނީ މަދުނުވާނެ ވަރަށް ކަމަށެވެ. އެއީ 30 ރަށެއްގައި އިންތިޚާބު ބާއްވަން ޖެހިދާނެ ކަމަށް ލަފާކޮށް ކަނޑައެޅި އަދަދެއް ކަމަށް އޭނާ ވިދާޅުވި އެވެ.

ނަމަވެސް ވޯޓުލާން ރަޖިސްޓްރީވާ ވަކީލުންގެ އަދަދަށް ބަލާފައި، ވޯޓުލާން ހަމަޖައްސާ ރަށްރަށް މަދުވެދާނެ ކަމަށާއި އޭރުން އެ ހަރަދުތައް މާ ކުޑަވާނެ ކަމަށް ވިދާޅުވި އެވެ.

"އެކަމަކު އެ ރަށްރަށަށް ނިންމާނީ ފައިނަލް ރަޖިސްޓްރޭޝަނަށް ފަހު،" ޝަރީފް ވިދާޅުވި އެވެ.

ބާ ކައުންސިލް އިންތިޚާބަށް ވޯޓު ކަރުދާސް ޕްރިންޓުކުރުމުގެ މަސައްކަތާ ގުޅޭގޮތުން އީސީން މިހާރު އަންނަނީ ފިނޭންސާ އެކު މަޝްވަރާކުރަމުންނެވެ. އެއީ އާއްމުކޮށް އިއުލާނުކޮށް އެކަން ހަވާލުކުރާނެ ވަގުތު ނެތުމުން ކަމަށް ވިދާޅުވި އެވެ.

ބާ ކައުންސިލްގެ އެގްޒެކެޓިވް ކޮމެޓީގައި ތިއްބަވާނީ ރައީސާއި ނައިބު ރައީސާއި ބަންޑާރަ ނައިބުގެ އިތުރުން އިތުރު ހަ މެމްބަރެކެވެ. އޭގެ ތެރެއިން ބަންޑާރަ ނައިބު ފިޔަވައި، އެހެން ހުރިހާ ބޭފުޅުން ވެސް އިންތިޚާބު ކުރާނީ ވަކީލުންގެ މެދުގައި ނަގާ ވޯޓަކުންނެވެ.

އިލެކްޝަންސް ކޮމިޝަން ޖުޑީޝަރީ ވަކީލުން އަހުމަދު ޝަރީފް (ސްޓެލްކޯގެ ކުރީގެ އެމްޑީ) ބާ ކައުންސިލް

5 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒީރޯ ޓޮލަރޭ

03 July 2019

އޭޖީ އޮފީހުން ތި އިންތިޚާުބު ދެ ފަހަރު ބާއްވައިފި. މިލިއަނެއްވެސް ނުދޭ. އަޅެ ހިސާބު ޖަހާބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޭސީ

03 July 2019

އަޅުގަނޑައް ހަމަ އެއްގޮތަކަށްވެސް ނުވިސްނޭ ބޭނުމެއް. އަނެއްކާމީ މެޑިކަލް ކައުންސިލް ކަހަލަ ކައުންސިލެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

03 July 2019

ބޭކާރު ޚަރދު. އެކިނަންނަން ހުސްކޮށް ތަންތަން އުފެއްދިއަސް ރައްޔިތުންނަށްވާ ފައިދާއެއް ހަރާން. އިޚްލާސްތެރިންނެތީ އެހެންވީމާ ލިޔެފައިވާ ގަވާއިދަކުން ހަދާ ގާނޫނަކުން އުފައްދާ ކޮމިޝަންތަކަކުން ކުރާނެ އެއްވެސް ކަމެއްނެތް. ޚަރަދު އިތުރުވުން ފިޔަވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއުރާޖު ސަމީރު

03 July 2019

އެންމެ މިލިއަނެއްވެސް ނުދާނެ ތި ކަމަކަށް. ކޮންހާ ބޮޑު ޚަރަދެއް ޖަހާކަށް. ރާއްޖޭގެ ހުރިހާ ވަކީލުންހެން އުޅެނީ މާލޭގައި. އަދި އެއީ 1000 އެއްހާ މީހުން. ވޯޓު ކަރުދާސް ޕްރިންޓުކުރަން ބަޔަކަށްދޭކަަށް ނުޖެހޭ. އީސީގެ ޕްރިންޓަރަކުންވެސް އެވަރަށް ވޯޓު ކަރުދާސް ހެދިދާނެ. އޭގައި ދެން ޖެހޭނީ އީސީގެ ތައްގަނޑު ޖަހަން. ބޭނުންވަރަކަށް ބަޖެޓު ޖަހާފަ، ނުދާ ޚަރަދެއް ދިޔަ ކަމަށް ދައްކައިގެން ލާރި ކެއުމަށް މަގުފަހިކުރަން ތި އުޅެނީ.