ހޯމް މިނިސްޓަރު އިމްރާން އަބްދުﷲ އިއްޔެ މަޖިލިހުގައި ވާހަކަ ދައްކަވަނީ. --- ފޮޓޯ: މަޖިލިސް
09 ޖުލައި 2019 - 14:56
12 comments
މާލޭގެ ގެއެއްގެ ތެރޭގައި ބިދޭސީއެއްގެ ގައިގައި ތަޅައި އަނިޔާކުރި ފުލުހުންގެ ތަހުގީގު ކުރިއަށްދާނީ އިންސާފުވެރިކަމާ އެކީގައި ކަމަށާއި ބޭއިންސާފުން އެއްވެސް އޮފިސަރަކަށް ފިޔަވަޅެއް ނާޅުއްވާނެ ކަމަށް ހޯމް މިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.
މަސްތުވާތަކެއްޗާ ދެކޮޅަށް ފުލުހުން ހިންގި އޮޕަރޭޝަނެއްގައި މަސްތުވާތަކެތީގެ ވިޔަފާރިކުރާ ކަމަށް ތުހުމަތުކުރެވޭ ބިދޭސީއަކަށް އަނިޔާ ކުރި މައްސަލަ ވަނީ ހޫނުވެފަ އެވެ. އަދި އެމީހާ އަށް އަނިޔާ ކުރި މައްސަލައިގައި ހަތް ފުލުހަކު ސަސްޕެންޑްކޮށް ޖިނާއީ ތަހުގީގެއް ވަނީ ފަށައިފަ އެވެ.
CP @M_Hameedh has taken swift actions within 30 minutes since the recent case that is suspected to involve torture during a search operation was brought to his attention, reported to relevant institutions & informed the public. Transparency is key to our approach to governance.
— Imran Abdulla (@ShimranAb) July 9, 2019
އިމްރާން މިއަދު ކުރެއްވި ޓުވީޓު.
އިމްރާން ކުރެއްވި ޓުވީޓެއްގައި ވިދާޅުވީ ފުލުހުން ހިންގި އޮޕަރޭޝަނެއްގައި މީހަކަށް އަނިޔާ ކުރި މައްސަލަ ޕޮލިސް ކޮމިޝަނަރު މުހައްމަދު ހަމީދުގެ ސަމާލު ކަމަށް އައިތާ ބައިގަޑިއިރު ތެރޭގައި ފިޔަވަޅު އަޅާފައިވާ ކަމަށެވެ. އަދި ކަމާ ބެހޭ މުއައްސަސާތަކާއި އާންމުންނަށް އޭގެ މައުލޫމާތު ހިއްސާކޮށްފައިވާނެ ކަމަށާއި އަމާޒަކީ ދެ ފުށް ފެންނަ ގޮތަކަށް މަސައްކަތް ކުރުން ކަމަށް އޭނާ ވިދާޅުވި އެވެ.
އިމްރާން ވިދާޅުވި ގޮތުގައި މި ސަރުކާރުން އަނިޔާވެރިކަމާއި ބޭއިންސާފަށް ޖާގައެއް ނުދޭނެ އެވެ. އަދި އަނިޔާވެރިކަމަށް ތާއީދު ނުކުރައްވާނެ ކަމަށް ވެސް ވިދާޅުވި އެވެ.
The govt will never tolerate torture & injustice. I assure that as much as we are against torture we would never take an unjust action against an officer. Hence I request both police officers & the public to refrain from speculations while the investigations are going on.
— Imran Abdulla (@ShimranAb) July 9, 2019
އިމްރާން ކުރެއްވި ޓުވީޓު.
"އަޅުގަނޑުމެން އަނިޔާއާ ދެކޮޅު. ބޭއިންސާފުން [ފުލުހުންގެ] އޮފިސަރަކާ މެދު އެއްވެސް ފިޔަވަޅެއް ނާޅާނަން. ފުލުހުންނާއި އާންމުންގެ ކިބައިން އެދެނީ އެ މައްސަލައިގެ ތަހުގީގު ކުރިއަށް ދާއިރު، ކަށަވަރު ނޫން މައުލޫމާތުތައް ނުފެތުރުމަށް،" އިމްރާން ކުރެއްވި ޓުވީޓުގައިވެ އެވެ.
ފުލުހުން މީހަކަށް އަނިޔާ ކުރަނިކޮށް ނަގާފައިވާ ސްކްރީން ޝޮޓެއް.
ބޭއިންސާފުން ފުލުހަކަށް ފިޔަވަޅެއް ނާޅާނެ ކަމުގެ ޔަގީންކަން އިމްރާން ދެއްވި އިރު، އެ އޮޕަރޭޝަން ހިންގި ޑްރަގް އެންފޯސްމަންޓް ޑިޕާޓްމަންޓް (ޑީއީޑީ) ގެ ފުލުހުންގެ ދިފާއުގައި ތިބި ކަން ސޯޝަލް މީޑިއާގައި ބައެއް ފުލުހުން ގެންދަނީ ހާމަކުރަމުންނެވެ. އެގޮތުން، ފޭސްބުކް ޕްރޮފައިލްތަކުގެ ފޮޓޯތަކުގައި ކަޅު ކުލައިގެ ބެކްގްރައުންޑެއްގައި "ވިތު ޑީއީޑީ" ނަން ވަނީ ޖަހައިފަ އެވެ.
ސޯޝަލް މީޑިއާގައި އާންމުވެފައިވާ ވީޑިއޯ އިން ފެންނަ ގޮތުގައި ކުލަ ހެދުމުގައި ތިބި ދެ ތިން ފުލުހުން ވަނީ އަތުންނާއި ފައިން މީހަކަށް ހަމަލާދީފަ އެވެ. އަދި ގަލަކުން ވެސް އެމީހާގެ ގައިގައި ޖަހަ އެވެ. މަސްތުވާތަކެތީގެ މައްސަލާގައި އެގެއިން 36 އަހަރުގެ ބަންގްލަދޭޝް ފިރިހެނަކު ހައްޔަރު ކުރި އެވެ. ވީޑިއޯ އިން ފެންނަ ގޮތުގައި ފުލުހުން އަނިޔާ ކުރީ އެ މީހާއަށެވެ.
ފުލުހުން ބުނިގޮތުގައި އެ އޮޕަރޭޝަނުގައި މ. އުޖާލާގެ އިން ވަނީ ގާތްގަނޑަކަށް 461 ގްރާމްގެ މަސްތުވާތަކެތި ކަމަށް ބެލެވޭ ތަކެތި އަތުލައިގަނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަދާލަތު
10 July 2019
މިހާރު 6 ޕޮލިހުން ސަސްޕެންޑް ވެސް އެއީ 6 ޢާއިލާޔަށް ދެވުނު ހަނދާން ނުނެތޭވަރުގެ އަނިޔާއެއް. އެމީހުން ސަސްޕެންޑް ކުރަންވީކީނޫން. މުވައްސަސާތެރެއިން، އެފަދަކަންތައް ރަނގަޅު ކުރާނީ. އެމީހުން އަދާކުރީ ވަޒީފާގެ ޛިންމާ. ހުވާގެ ވާޖިބު. އަނިޔާލިބިފައިވާނަމަ ލިބުނުމީހަކަށްލިބުނީ، ފުލުހުންގެ ވާޖިބަށް ހުރަސްއެޅުމުން. 2012 ޢިމްރާންގެ މައްސަލަބެލޭނެދުވަހެއް އަންނާނެކަން ހަދުމަފުޅު ނައްތަވައި ނުލައްވާތި.
މެސީ
10 July 2019
ޔާމީން ވެރިކަމުގައި ބޭއިންސާފުން ޕޮލިސް ސައިފް އާއި 7 ފުލުހަކު ހައްޔަރު ކުރި އިރު ކޮބާތަ ތި ޕްރޮފައިލް ކަޅުކުރި މީހުންތަށް، އޭރު ކަޅުކުރަން ނުކެރިފަ މިހާރު ބަޔަކަށް ޑީއީޑީ ޕޮލިހުން އަނިޔާކުރިކަން ފެންނަން ހުއްޓާ އެއަށް ސަޕޯޓް ކުރަން ޕްރޮފައިލް ކަޅުކުރީމަ އެނގެނީ މިމީހުންގެ އިހުލާސްތެރިކަމެއް ނެތްކަން
އިންސާފް
09 July 2019
ޑްރަގް ޑީލަރުންނާ ކުރިމަތިލާންވީ ހަރުކަށިކޮށް..
އުދުހޭ
09 July 2019
ހަރުކަށިވާންޖެހޭނީ ގާނޫނީ އިމުގެތެރެއިން. އަނިޔާއާ އަހަރެން ދެކޮޅު. ގާނޫނާ އެއްގޮތަށް އިންސާފުންވިއްޔާ މަރުގެ އަދަބު ދިނަސް އޯކޭ.
ހައްސާ222
09 July 2019
ބަޣާވާތް ކުރިމީހުންނަށް އެކަމުގެ ހިތިރަހަ އާއި ބާޣާވާތް ކުރިގޮތާއި ކޮށްފާނެކަންވެސް ރަނގަޅަށް އިގޭނެ. އެމީހުން ވަރަށް ބިރުވެސް ގަންނާނެ.
ހައްސާ222
09 July 2019
ޕޮލިސް ކުދިންކޮޅެއް ގެ ޕްރޮފައިލް ޕިކްޗަރ ބަދަލުކޮށްލާއިރަށް ބިރު ގަނެގެން މިކަންނުވާނެ. ބޭއިންސާފުން ފިޔަވަޅެއް އަޅާކަށް ނުޖެހޭ. އެންމެންނަށް ފެންނަން އެހެރީ އިންސާނަކަށް އިންސާނިއްޔަތުކަމެއްނެތި ކުރި އަނިޔާ. ބަގާވާތް ދެން މިގައުމަކު ނުކުރެވޭނެ.
ދެހާސް
09 July 2019
އެއީ ޕޮލިސް ކުދިންނެއް ނޫން. ގިނައީ ފޭކް އެކައުންޓު!
ދިސްވޭއޭ
09 July 2019
ރާއްޖޭން ޑްރަގް ނައްތާލަން ބޭނުން ނަމަ މަޖްލީހުން ޖެހޭނެއޭ ފުލުހުންނަށް ބާރު ތަކެއް ދޭން އަދި ޖެހޭނެއޭ ފުލުހުން ނަށް އިތުބާރުވެސް ކުރަން މިހާރު މިރާއްޖޭގައި ހުރި ޕޮލިސް ކަމިޝަނަރު ބެލުމުގެ ދަށުން ފުލުހުން ކުރި މަސައްކަތުން މިވޭތުވެ ދިޔަ ކުރުމާޒީގައި ރައީސް އިބޫގެ ވެރިކަމުގައި ވަނީ މާލޭން ޑްރަގް އަތުލުމުގެ ކަން ކަން ވަރަށް ރަނގަޅަށް ކޮށްފައޭ އެކަން ދެމެހެއްޓުމަށް ޓަކައި މަޖްލީހުގެ މެމްބަރުން ޖެނުއިންލީ ކޮށް އޯޕަން މައިންޑުން ވިސްނުން ބޭނުންތެރިއޭ
ސަންޕަ އަހަންމަދު
09 July 2019
މީނަދައްކާވާހައެއް ހަމައެއްނުޖެހޭ. ޕޮލިހުން ދައްކާވާހަކަވެސް ހަމަ އެފަދަ.
1828
09 July 2019
ގިނަވާނީ ބޭއިންސާފުން ވަކިކޮށްފައި ތިބި ފުލުހުން
ވާނެއޭ
09 July 2019
ފުލުހުންގެ އިދާރާ އިން ވެސް އެބަޖެހޭ ބަލަން ފޮޓޯ ގައި ފުލުހުން އަނިޔާ ކުރި ކަމަށް ބުނާ މީހާ އަށް ކުރި އަނިޔާ އާއި އަދި އޭނާ އަށް އަނިޔާ ކުރަން ޖެހުނު ގޮތް ރަނގަޅަށް ފުލުހުން އެކަން ކުރީ އެއީ ޑްރަގް އަތުލުގެ މަސައްކަތުގެ ތެރެއިންނޭ މާލޭގައި ޑްރަގް ޑީލް ކުރާ މީހުން އަދި ޑްރަގް ވިޔަފާރި ކުރާ މީހުން އަތުލައިގަތުމަކީ އެއީ ފަސޭހަ ކަމެއް ނޫނޭ އެމެން އަތުލާއިރު ބަޔެއް ފަހަރު ފުލުހުންނަށް ފިލަން އެމެން ދުއްވައިގަތުމުގެ ސަބަބުން އެމެންނަށް އަނިޔާ ވެސް
ޖުމަ
09 July 2019
ތެދުވެރިކަމާ އިންސާފު އެބަހުރިތަ. ރޯމާ ދުވާލު ހަދާލާ ބޮޑެތި ދޮގު ބަލާބަލަ އިސްތިއުފޭން މަޖުބޫރު ވެެއްޖެ. ލަދެއް ހަޔާތެއް ނެތް މީހެއް.