ފަނޑިޔާރުންނަށް ކުރި ތުހުމަތުތަކާ މެދު ގޮތް ނިންމާނީ ކޮމިޝަނުން: ޖޭއެސްސީ

ޖޭއެސްސީ: އަލް ޖަޒީރާގެ ރިޕޯޓުގައި ވަނީ ފަނޑިޔާރުންނަށް ބޮޑެތި ތުހުމަތުތަކެއް ކޮށްފައި --ފޮޓޯ/މިހާރު

މުއިއްޒު އިބްރާހިމް، މިހާރު

12 ސެޕްޓެމްބަރ 2016 - 12:46

ސަރުކާރުގެ ޚިޔާނާތާއި ކޮރަޕްޝަންގެ އޮތް މިންވަރާ ބެހޭގޮތުން އަލް ޖަޒީރާއިން ގެނެސްދިން ޑޮކިއުމެންޓްރީގައި ފަނޑިޔާރުންނާ ބެހޭގޮތުން ފެންމަތިކުރި މައްސަލަތަކާ ބެހޭގޮތުން ގޮތެއް ނިންމާނީ ޖުޑިޝަލް ސާވިސް ކޮމިޝަން (ޖޭއެސްސީ) ގެ ޖަލްސާއަކުން ކަމަށް އެ ކޮމިޝަނުން ބުނެފި އެވެ.

ސްޓީލިން ޕެރަޑައިސްގެ ނަމުގައި މިދިޔަ ބުދަ ދުވަހު އާންމުކުރި ޑޮކިއުމެންޓްރީގައި ބުނާގޮތުން 4،000 ޑޮލަރު ދޭން ކުރީގެ ނައިބު ރައީސް އަހުމަދު އަދީބުގެ ކިބައިން ސުޕްރީމް ކޯޓުގެ ފަނޑިޔާރު އަދި ޖޭއެސްސީގެ ރައީސް އަލީ ހަމީދު އެދިވަޑައިގަތެވެ. އެގޮތަށް އެދުމުން އެ ފައިސާ އަލީ ހަމީދަށް ފޯރުކޮށްދިން ކަމަށް، އަދީބުގެ ފޯން މެސެޖްތަކާއި ހަވާލާދީ އެ ރިޕޯޓުގައި ބުނެފައިވެ އެވެ.

މީގެ އިތުރުން ކުރީގެ ރައީސް މުހައްމަދު ނަޝީދަށް އިއްވި 13 އަހަރުގެ ޖަލު ހުކުމަކީ ވެސް ރައީސް އަބްދުﷲ ޔާމީނާއި އަދީބު ބައިވެރިވެވަޑައިގެން ލިޔުނު އެއްޗެއް ކަމަށް އެ ރިޕޯޓުގައި ބުނެފައިވެ އެވެ.

ޖޭއެސްސީގެ މީޑިއާ އޮފިޝަލް ވިދާޅުވީ އެ ރިޕޯޓުގައި ފާހަގަކުރި ކަންކަމާ މެދު ގޮތެއް ނިންމާނީ އެ ކޮމިޝަންގެ ޖަލްސާއަކުން ކަމަށެވެ. އެފަދަ ނިންމުމެއް މިހާތަނަށް ނުނިންމާ ކަމަށް އޭނާ ވިދާޅުވި އެވެ.

ފަނޑިޔާރުންގެ އިތުރުން ރައީސް ޔާމީނާއި ސަރުކާރުގެ އިސްވެރިންގެ މައްޗަށް ވެސް އެ ރިޕޯޓުގައި ކޮރަޕްޝަންގެ ތުހުމަތުކޮށްފައިވެ އެވެ. އެކަމަކު ސަރުކާރުން ވަނީ އެ ތުހުމަތުތައް ދޮގުކޮށްފަ އެވެ.

ފަނޑިޔާރުން ޖުޑީޝަލް ސާވިސް ކޮމިޝަން ކޮރަޕްޝަން އަލް ޖަޒީރާ ސްޓީލިން ޕެރެޑައިސް

19 ކޮމެންޓް, 87 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައި

13 September 2016

ބޮޑު ޖޯކަކަށްނު ތިވާނީ ޖޭއެސްސީ އިން ގޮތެއް ނިންމަން ޓޭބަލް ކުރީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމިދ

13 September 2016

ދެން ކީކޭބުނާނީ........ މިބޭބޭފުޅުން މިކަހަލަ ވާހަކަ ދައްކަވާއިރު ލަދެއްވެސް ނުގަންނަކަމާއިމެދު ހިތާމަކުރަނީ. ރައްޔިތުން މިއީމުޅިން ކޮސް ބަޔެއްކަމައް މިބޭފުޅުން ހީކުރައްވާކަހަލަ... ރައްޔިތުންނައް މިބޭފުޅުން ނުސީދާގޮތުގައިމިކުރަނީ މަލާމާތް. ބައެއްފަޑިޔާރުންނާއިމެދު ކުރެވޭ ތުހުމަތު ކިހިނެއްތޯ މިގޮތައް ކަންތައްދާނަމަ ފޮހެލެވޭނީ. މިކަމުންވެސް ކުރެވޭ ތުހުމަތު ވާނީ އިތުރު.. މިއީ އެޔައް ލިބޭއިތުރު ބާރެއް.