ޕާކިސްތާނުގެ މިސްކިތަށް ދިން ހަމަލާގައި ޒަޚަމްވި ގިނަ މީހުންނަށް ދަނީ ހޮސްޕިޓަލުގައި ފަރުވާ ދެމުން. --ފޮޓޯ:އޭއެފްޕީ
17 ސެޕްޓެމްބަރ 2016 - 08:40
1 comments
ޕިޝާވަރު (ސެޕްޓެމްބަރު 17) - ޕާކިސްތާނުގެ ހުޅަނގު އުތުރުގެ ޕިޝާވަރުގެ މިސްކިތަކަށް ޖާނުންފިދާވެގެން ދިން ހަމަލާއެއްގައި 23 މީހުން މަރާލާފައިވާ ކަމަށް އޮފިޝަލުން ބުނެފި އެވެ.
ހަމަލާ އަމާޒުކޮށްފައި ވަނީ އިއްޔެ ހުކުރު ނަމާދަށް ދިޔަ މީހުންނަށް ކަމަށްވެ އެވެ. މި ހަމަލާގައި ވަނީ 40 އަށް ވުރެ ގިނަ މީހުން ޒަޚަމްވެފަ އެވެ. މީގެ ތެރޭން ގިނައީ ކުޑަ ކުދިންނެވެ.
ރިޕޯޓްތައް ބުނާ ގޮތުގައި މިސްކިތުގައި ޖާނުންފިދާވުމުގެ ހަމަލާދީފައި ވަނީ ޕާކިސްތާނުގެ ތާލިބާން ޖަމާއަތެއް ކަމަށްވާ ޖަމާއަތުލް އަހުރާރުންނެވެ. މިއީ މީގެ ދެ އަހަރު ކުރިން ޕާކިސްތާން ތާލިބާން ޖަމާއަތުން ވަކިވެފައިވާ ބައެކެވެ. ޕާކިސްތާނުގައި މި ޖަމާއަތުން ވަނީ ވަރަށް ގިނަ ހަމަލާތައް ދީފަ އެވެ. މީގެ ތެރޭގައި ގުއެޓާގެ ހޮސްޕިޓަލެއްގައި އޮގަސްޓް މަހު ޖާނުންފިދާވުމުގެ ހަމަލާދީ 70 މީހުން މަރާލި ހާދިސާ ވެސް މެ އެވެ.
ޕާކިސްތާނުގައި ގަބީލާތަކުގެ މީހުން އުޅޭ ސަރަހައްދުތަކަށް ވޭތުވެދިޔަ ދުވަސްތަކުގައި ވަނީ ތާލިބާނުންނާއި އިސްލާމިކް ސްޓޭޓް (އައިއެސް) އިން ދޭ ހަމަލާތައް އިތުރުކޮށްފަ އެވެ. ތާލިބާން ސިފައިން 2014 ވަނަ އަހަރު ވަނީ އެ ހިސާބުތަކުގައި ތާލިބާނުންގެ ބާރު ކުޑަ ކުރުމަށް އޮޕަރޭޝަނެއް ފަށައިފަ އެވެ. ނަމަވެސް ތާލިބާނުންދޭ ހަމަލާތަކަށް ހުއްޓުމެއް އައިސްފައެއް ނުވެ އެވެ.
ބީބީސީން ބުނީ ޖާނުންފިދާވުމުގެ ހަމަލާ ދިން އިރު 200 ވަރަކަށް މީހުން ހުކުރަށް ގޮސް ތިބި ކަމަށެވެ. އެ ސަރަހައްދުގެ އިދާރީ އޮފިޝަލަކު އޭއެފްޕީ އަށް ބުނީ ބޮން ގޮއްވާލާފައި ވަނީ ހުކުރު ނަމާދު ކުރިއަށް ދަނިކޮށް ނަމާދުކުރާ މައި ހޯލުގައި ކަމަށެވެ.
ބޮޑު ވަޒީރު ނަވާޒް ޝަރީފް ވަނީ މި ހަމަލާ ކުށްވެރި ކުރައްވައިފަ އެވެ. ޓެރަރިސްޓުން ދޭ ފިނޑި ހަމަލާތަކުގެ ސަބަބުން ޓެރަރިޒަމާ ދެކޮޅަށް ސަރުކާރުން ކުރާ މަސައްކަތަށް ކުޑަވެސް ހުއްޓުމެއް ނާންނާނެ ކަމަށް ވެސް ނަވާޒް ޝަރީފް ނެރުއްވި ބަޔާނުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަލަންވީ
17 September 2016
މިހިރީ މީ ޕާކިސްތާނުގެ ވެރިކަމަށް ދަހިވެތި ވެފައި ތިބި މުއްލާ އިން ކަމަަށް ވާ ތާލިބާނުން ކުރާ ކަންކަމެވެ. މީ ދީނީ ޖިހާދު ތޯއެވެ. ބަޔަކު ނަމާދަށް މިސްކިތުގައި ތިއްބާ ހަމަލާ ދީ މަރާލާނީ މީ ދެން އިންސާނިއްޔަތާއި ޚިލާފު އަމަލު ނޫން ދެން ކޮން ކަމެއްތޯއެވެ. އަދި ތުނބުޅި ލުމުން އެކަނި ނުފެދޭނެއެވެ. ވެރިކަމުގެ ދަހިވެތި ކަން ހިތުން ފިލުވާލަން ޖެހޭނީ ފުރަތަމަ ވެސް. އެއީ ކުރަންވީ ކަމަކީ.