ފަނޑިޔާރު ޑީޑީ ވަކިކުރަން ނިންމައި މައްސަލަ ތަޅުމަށް

ސުޕްރީމް ކޯޓުގެ ފަނޑިޔާރު އަބްދުﷲ ދީދީ (ޑީޑީ). އޭނާ ފަނޑިޔާރު ކަމުން ވަކިކުރަން ރައްޔިތުންގެ މަޖިލިހުގެ ޖުޑިޝަރީ ކޮމިޓީން ވަނީ ނިންމާފައި. --- ފޮޓޯ: ނިޝާން އަލީ/މިހާރު

މުހައްމަދު ޔާމީން، މިހާރު

28 އޯގަސްޓް 2019 - 09:43

15 comments

ސުޕްރީމް ކޯޓުގެ ފަނޑިޔާރު އަބްދުﷲ ދީދީ (ޑީޑީ) ވަކިކުރުމަށް ރައްޔިތުންގެ މަޖިލިހުގެ ޖުޑިޝަރީ ކޮމިޓީން ނިންމައި އެ މައްސަލަ މަޖިލިހުގެ ތަޅުމަށް ރޭ ފޮނުވައިފި އެވެ.

ޑީޑީ ވަކިކުރަން ނިންމީ ޖުޑިޝަރީ ކޮމިޓީގެ ބައްދަލުވުމުގައި ބައިވެރިވެވަޑައިގެންނެވި އަށް މެމްބަރުންގެ އިއްތިފާގުންނެވެ. ކޮމިޓީގެ ރިޕޯޓު މިއަދުގެ ޖަލްސާ އަށް އެޖެންޑާކޮށްފައިވާ އިރު، ފަނޑިޔާރު ޑީޑީ ވަކިކުރުމާ މެދު މި ޖަލްސާގައި ގޮތެއް ނިންމާނެ ކަމަށް ވަރަށް ބޮޑަށް ބެލެވެ އެވެ.

ގާނޫނުއަސާސީ ބުނާގޮތުން ފަނޑިޔާރަކު މަގާމުން ވަކި ކުރެވޭނީ ޖޭއެސްސީން ހުށަހަޅާ ހުށަހެޅުމަކަށް ބިނާކޮށް މަޖިލީހުގެ ޖަލްސާގައި ވޯޓުގައި ބައިވެރިވާ މެމްބަރުންގެ ތެރެއިން ތިން ބައި ކުޅަ ދެ ބައި މެމްބަރުންގެ އަޣުލަބިއްޔަތުން ފާސްވުމުންނެވެ. މަޖިލިހުގައި މިހާރު 87 މެމްބަރުން ތިއްބަވާ އިރު، އެ މެމްބަރުންގެ ތެރެއިން 58 މެމްބަރުންގެ ވޯޓު ލިބިއްޖެ ނަމަ، ޑީޑީ މަގާމުން ވަކި ކުރި ކަމަށް ނިންމޭނެ އެވެ.

ޖުޑީޝަލް ސާވިސް ކޮމިޝަން (ޖޭއެސްސީ) އިން ބަލަމުންދިޔަ މައްސަލައަކާ ގުޅިގެން ފަނޑިޔާރު ޑީޑީ ވަކިކުރަން މަޖިލީހަށް ފޮނުވީ ވެސް އެ ކޮމިޝަނުންނެވެ. ގާނޫނުއަސާސީގައިވާ ގޮތުން ފަނޑިޔާރުން އައްޔަން ކުރުމާއި ވަކިކުރުމުގެ ބާރު ދީފައި އޮތީ ޖޭއެސްސީއަށެވެ. ޖޭއެސްސީން ފަނޑިޔާރުންގެ މައްސަލައިގައި ގޮތެއް ނިންމިޔަސް، އެކަން ތަންފީޒު ވާނީ މަޖިލިހުގެ މެމްބަރުންގެ މެދުގައި ނަގާ ވޯޓަކުންނެވެ.

ޖޭއެސްސީ އިން ބަލާ މައްސަލައާ ގުޅިގެން ފަނޑިޔާރު ޑީޑީ މިހާރު ހުރީ ސަސްޕެންޑްކޮށްފަ އެވެ.

ޑީޑީގެ މައްޗަށް ކުރާ އެންމެ ބޮޑު ތުހުމަތަކީ އެމްއެމްޕީއާރުސީގެ ޚިޔާނާތުގެ މައްސަލާގެ ތުހުމަތު ކުރެވޭ މީހަކު ވަކި ގޮތަކަށް ހުކުމްތައް ނެރުމަށް ފަނޑިޔާރުންނަށް ފައިސާ ދިން އިރު ފަނޑިޔާރު ޑީޑީ އަށް ވެސް ފައިސާ ލިބިފައި އޮތް ކަމަށް ތުހުމަތުކުރެވުމެވެ. ޑީޑީ ވަނީ ރިޝްވަތުގެ އެއްވެސް އަމަލެއް އަދި ޖިނާއީ އެއްވެސް އަމަލެއް ދުވަހަކު ވެސް ހިންގަވާފައި ނުވާނެ ކަމަށް ވިދާޅުވެފަ އެވެ.

ޑީޑީ ސަސްޕެންޑް ކުރަން ޖޭއެސްސީން ނިންމާފައި ވަނިކޮށް ސުޕްރީމް ކޯޓުން ވަނީ އެ ސަސްޕެންޝަނަށް އަމަލު ކުރުން ފަސްކޮށް، އިތުރު ފިޔަވަޅެއް އެ މައްސަލާގައި ނާޅަން އަމުރުކޮށްފަ އެވެ. އެކަމަކު ޖޭއެސްސީން ވަނީ އެ އަމުރު ގަބޫލު ނުކޮށް، ސަސްޕެންޝަން ދެމި އޮންނާނެ ކަމަށް ނިންމައިފަ އެވެ. ޑީޑީ ވަނީ ކުރިން ހައި ކޯޓުގެ އިސް ފަނޑިޔާރު ކަން ކުރައްވައިފަ އެވެ.

ރައްޔިތުންގެ މަޖިލިސް މަޖިލީހުގެ މެމްބަރުން ޖުޑީޝަލް ސާވިސް ކޮމިޝަން ޖުޑީޝަރީ ގާޒީ އަބްދުﷲ ދީދީ ޖުޑީޝަރީ ކޮމިޓީ (ރައްޔިތުންގެ މަޖިލިސް)

15 ކޮމެންޓް, 48 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑރ.ފަޒުނާ/ހިތަދޫ/ސ.އެފުރިކާ

28 August 2019

މައުލޫމާތު ލިބޭ ގޮތުގައި ދީ ދީ އަށް ކުޑަވަރެއްގެ ފަނޑިޔާރުކަމުގެ ވަޒީފާއެއް ޑިމޮކުރެޓިކު ރިޕަބުލިކު އޮފް ކޮނގޯ އިން ވަނީ ހުށއަޅައިފައި.. މީގެ 3 ދުވަސްކުރީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

28 August 2019

ރަގަޅު. އެންމެން ވަކިކޮށް އަދަބު ދެވެންވާނެ. ހަމަ ތިގޮތަށް ދެން ސްޕްރީމް ކޯޓުގަ ތިބީވެސް ވަގުތުން ބޭރުކުރަންޖެހޭ ބަޔެއް. އިންސާފުގާއިމްވާނީ އޭރުިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީޕީއެމް

28 August 2019

ދީދީ އަށް އެ މަޤާބު ލިބުނުގޮތް ބަލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާ އިންސާފު

28 August 2019

މިއަދު ފުރިހަމަ ބާރު ލިބިފައިވާތީ، މާދަމާ ތީގެ އަނެއްކޮޅު ތިޔަ މީހުންނަށް ފެނުމަކީ ދުނިޔެ ދައްކާ ޙަގީގަތެވެ! ފަޑިޔާރުގެ މައްސަލަ އޮތީކަމަށް ވެސް ވެދާނެއެވެ! އެކަމަކު، ތިޔަ މައްސަލަ ބެލި ޖޭސީގެ ރިޔާސަތުގައި އިނީ މައްސަލައިގެ ވަރަށް ބޮޑު މަސްލަޙަތު އޮތް ފަރާތެވެ. ދެން އަޣުލަބިއްޔަތަކީ މަސްލަޙަތު އޮތް ފަރާތުގެ އޭރުގެ ޤާނޫނީ ޓީމެވެ! މަޖިލީސް އަތްމަތީގައެވެ! ވީމާ ޢަދުލުވެރިވާނެ ވަރު ވިސްނާލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޯޓްކަޓް

28 August 2019

ޖޭއެސްސީއަކީ އެމްޑީޕީ، މަޖްލިހުގެ ކޮމިޓީގަ މެޖޯރިޓީ އެމްޑީޕީ، މަޖްލިހުގެ ތަޅުމުން ނިމޭނީ އެމްޑީޕީ މެޖޯރިޓީ ބޭނުންވާ ގޮތަށް. ފުރަތަމަ މަރްހަލާއިން ނިންމާ ނިންމުން ތަފާތުވާނެ ހާލަތެއް ނާންނާނެ ފަހުގެ އެއްވެސް މަރްހަލާއެއްގައި. އެހާ ދިގު ޕްރޮސެސްއަކުން ގޮސް ކަން ނިމެން އަންނަނީ ފުރަތަމަ މަރްހަލާގަވާ ގޮތަށް ކަމަށް ސާފުވާއިރު ހަގީގަތުގަ މިއީ ކަމެއް ނިންމުމުގައި ވަގުތު ބޭކާރުކޮށް ކަމެއް ގަވައިދާ އެއްގޮތަށް ދާ ކަމަށް "ދެއްކުން"

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާސިރު

28 August 2019

ވަރަށް ރަގަޅު ނިންމުމެއް. ބޮޑިތިލަދުންމަތީ މީހަކަށް ސްޕްރީމް ކޯޓުން ޖާގަ ދެއްވާނެކަމަށް އުންމީދުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާއިން

28 August 2019

ލައްބަ.ސަމީރު ނޫނީ ނިޔާޒު.ސުޕްރީމްކޯޓަކީ ބޮޑުންގެ ދަރިންނަށް ދޭ އެއްޗެއް ގޮތުގައި އޮތީމާ ކަމަކު ނުދޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

28 August 2019

ވަކި އަތޮޅެއް، ކުލައެއް، ދަރިފަސްކޮޅަކަށްވާތީ މަގާމު ލިބެންޖެހޭކަމަށް ވިސްނުމަކީ ކޮށި ނާތަހުޒީބީ ވިސްނުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުރޭތަ

28 August 2019

ތިޔަ މައްސަލަ ބެލީ ބެންޗަކުން. ކިހިނެއް އެކަކަށް ދީގެން ނިންމަނީ. މުޅި މައްސަލައިގެ ހިމެނޭ އެންމެން ނުބަލާތަ؟ އެންމެން ވެގެން ބޭންކެއް ފަޅާލިއަސް އަންނާނީ ފަހަރަކު މީހެއްގެ ވާހަކަ ދޮތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާމީނު

28 August 2019

ޑީޑީގެ މައްސަލަ އަލީ އަބުދުﷲ ޤާޒީ މައްސަލާގައި ނަޝީދުގެ މައްޗަށް ހުކުމް ކުރި ކަމެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން...

28 August 2019

އޭނާ ގެ މައްސަލަތައް ބައިވަރު...ހަސަދަވެރިކަން އެއްކިބާގައި ބާއްވާފަ ވަކިއަތަކަށް ނުޖެހި ވިސްނާލާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްނާ

28 August 2019

ތި ޔަ ކޮމެންޓުގަ މަދީ އެންމެ ބަހެއް "ނާއިންސާފުން" ކުރިޔަށް ލީނަމަ ހަމަ ޖެހޭނެ. "ޑީޑީގެ މައްސަލަ އަކީ އަބުދުﷲ ޤާޒީ މައްސަލާގައި ނާއިންސާފުން ނަޝީދުގެ މައްޗަށް ހުކުމް ކުރި ކަމެވެ" މިގޮތަށް.