2012 ފެބްރުއަރީ ހަތެއްގައި ޖުމްހޫރީ މައިދާނަށް އެއްވެ ތިބި ފުލުހުންނާ ބައްދަލުކުރައްވަން އޭރުގެ ރައީސް ނަޝީދު ވަޑައިގަންނަވަނީ. ފައިލް ފޮޓޯ
08 އޮކްޓޯބަރ 2019 - 09:18
105 comments
ކުރީގެ ރައީސް މުހައްމަދު ނަޝީދުގެ ވެރިކަން ބަދަލުވި ހާދިސާގައި އިސްކޮށް ތިއްބެވި ބޭފުޅުންގެ މައްސަލަ ބަލަން ރައްޔިތުންގެ މަޖިލިހުގެ ކޮމިޓީއަކުން މިއަދު އެޖެންޑާކޮށްފި އެވެ.
ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީން ބަލަނީ ފެބްރުއަރީ 7، 2012 ގައި ހިނގައިދިޔަ ހަމަނުޖެހުންތަކުގައި އިސްކޮށް ތިއްބެވި މީހުންގެ މައްސަލަ އެވެ. އެކަން ބަލަނީ ކޮމިޓީއަށް ލިބުނު ސިޓީއަކަށް ބިނާކޮށް ކަމަށް ވިޔަސް، އެ ސިޓީ ފޮނުވީ ކޮން ފަރާތަކުން ކަމެއް ބުނެފައެއް ނުވެ އެވެ.
ސިޓީގައިވާ ކަންކަން ބަލަން ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީގެ ބައްދަލުވުމެއް މިއަދު އޮންނާނެ ކަން މެމްބަރުންނަށް ވަނީ އަންގައިފަ އެވެ.
އެމްޑީޕީގެ ސުޕަ މެޖޯރިޓީ އޮތް ރައްޔިތުންގެ މަޖިލިހުގެ ކޮމިޓީއަކުން، ފެބްރުއަރީ 7 ގެ މައްސަލަ ބަލަން ފަށާ އިރު، އެ ދުވަހުގެ ހަމަނުޖެހުންތަކުގެ ތެރޭގައި އުޅުއްވި ބައެއް ބޭފުޅުންނަކީ މަޖިލިހުގެ މެމްބަރުންނެވެ. އޭގެ ތެރޭގައި މުޒާހަރާގެ ބައިވެރިންގެ ފަރާތުން ސިފައިންނާ މަޝްވަރާކުރަން ސިފައިންގެ މައި މަރުކަޒަށް ވެންނެވި ކުރީގެ ޑިފެންސް މިނިސްޓަރު މުހައްމަދު ނާޒިމް ހިމެނިވަޑައިގަނެ އެވެ. ދަނގަތީ ދާއިރާގެ މެމްބަރު ނާޒިމަކީ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީގެ ވެސް މެމްބަރެކެވެ.
އޭރު އެމްޑީޕީގެ އިސް ބޭފުޅުންގެ އެންމެ ބޮޑު ފާޑުކިޔުން އަމާޒުވި އެއް ބޭފުޅަކީ ވެސް ނާޒިމެވެ.
ނަޝީދުގެ ވެރިކަން "ބަޣާވާތަކުން" ވައްޓާލީ ކަމަށް އެމަނިކުފާނާއި އެމްޑީޕީން އަބަދުވެސް ތުހުމަތު ކުރެ އެވެ. އެކަމަކު ވެރިކަން ބަދަލުވި ގޮތް ބަލަން އެކުލަވާލި ރިޔާސީ ކޮމިޝަނުން ނިންމީ، ނަޝީދު އިސްތިއުފާ ދެއްވީ ގާނޫނާ ހިލާފް މަޖުބޫރު ކުރުމެއް ނުވަތަ ބިރު ދެއްކުމެއް ނެތި، އަމިއްލަފުޅަށް ކަމަށެވެ.
އޭރުގެ ނައިބު ރައީސް މުހައްމަދު ވަހީދު ވެރިކަމާ ހަވާލުވެވަޑައިގަތީ ގާނޫނާ އެއްގޮތަށް ކަމަށް ވެސް ރިޕޯޓުގައި ބުނެފައިވެ އެވެ. އެހެންކަމުން އެމްޑީޕީގެ ތުހުމަތުތަކަށް ބާރު ލިބޭ ނުވަތަ ވާގިވެރިވާ އެއްވެސް ހެއްކެއް އެ ކޮމިޝަނުގެ ތަހުގީގަށް ފެނިފައެއް ނުވެ އެވެ.
ކޮމިޝަންގެ ރިޕޯޓުގައި ބުނެފައި ވަނީ ފެބްރުއަރީ 6، 7 އަދި 8 ވަނަ ދުވަހު ފުލުހުން އަނިޔާވެރިވެފައިވާ ކަމަށާއި އެކަން ބަލައި ތަހުގީގުކޮށް ކުށްކުރި މީހުން އިންސާފުގެ ކުރިމައްޗަށް ގެންނަން ޖެހޭ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިލާވަޅު
08 October 2019
ތިޔަކަން ފަށަންވާނީ އަބްދުﷲ ޤަޒީއާހަމައިން މިކަމުގައި ސާމިލްވާ މީހުން އަލުން ތަހުގީގުކުރަންޖެހޭ ރައްޔިތުންނައް ހާމަކަންބޮޑުގޮތެއްގައި ލައިވްކޮށް، 1. ރައީސް ނަޝީދް 2. ޑިފެންސް މިނިސްޓަރު ތަލްހަތް އިބްރާޙީމް ކަލޭފާން 3. ހޯމް މިނިސްޓަރ އަފީފް 4. ޕޮލިސް ކަމިޝަނަރ ފަސީހް 5. ސީ.ޑީ.އެފް މުސާ ޖަލީލް 6. ދަޢުލަދުގެ ބަންޑާރަ ނައިބު އޭރުގެ
އަލިބޭ
08 October 2019
އެމް.ޑީ.އެން ގެ މައްސަލަ އޮއްބާލަން ހިންގާ ކަމެއް
ނޫސް ބަލާމީހާ
08 October 2019
ޤައުމުގައި ފިތުނަރޯކަށް އަންދާން ކުރާމަސައްތް ހުއްޓާލަން ގޮވާލަން. މާދަމާ އެހެން މީހަކު ވެރިކަމަށް އަރާފައި މިއަދު ހިންގާ ތިޔަ ތަޙްޤީގާ ދެކޮޅަށް މައްސަލަ ހޫކުރަން ފެށުމުގެ ފެށުން ހުއްޓާލާ ހަވާލުކޮށްފައި އޮތް ރައްޔިތުންގެ އަމާނާތް ތެދުވެރިކަމާއެކު ހިންގާދެއްވާ. އިބޫސާލޙް. ހަމަކަށަވަރުން އޭނާއާއި އޭނާއަށް ތަބައަވީހާބަޔަކީ ޤައުމު ހަލާކުކުރަން އުޅޭމީހުން.
ސަފު
08 October 2019
ބަލާ! ބަލާ! ބެލިބެލިހެން ފެންނާނީ މިސަރުކާރުގެ ބިންގަލުގަ ރެނދުލާތަން ސަރުކާރުގެ ގިނަ މަގާމުތައް ހުސްވަމުންދާތަން. "ބާޣީން ފުރަމުންދާ މަގާމުތައް"
އާޤިސާ
08 October 2019
7ފެބުރުއަރީވެސް ބަލަންވީ! ޑެންމާކުގައި ދެއްކިވާހަކަވެސް ބަލަންވީ! ހުކުމަށް ފިލާ ހުރި މައްސަލަވެސް ބަލަންވީ! ކޯޓުތަކަށް ނުފޫޒު މިހާރުވެސް އެބަފޯރުވާ! ޢެމައްސަލަވެސް ބަލަންވީ! އެމަކު އެންޑީއެން މައްސަލަ ފުތަމަބަލާށޭ! ފިޔަވަޅު އަޅާށޭ
ވަހުދަތު
08 October 2019
ވެރިކަމަށް އަންނަން ވެގެން ބުނާނެ ބަދަލެއް ނުހިފާނަމޭ! މާޒީ ހަދާންނައްތާލާފަ ގައުމު ބިނާ ކުރުމަށާއި ތަރައްޤީ ގާއުމުކުރުމަށޭ އުޅޭނީ! ދީން ހިމާޔަތްކުރާނަމޭ! މިއަދު މިފެއްނަނީ އޭގެ އިދިކޮޅު
ހަސަނަކަލޯ
08 October 2019
ތިޔަހެން ކުޅޭގޭމަކުން ޖަހާސަކަރާތަކުން ލާދީނީ މީހުން ނެރުނު ލާދީނީ ރިޕޯޓުގެ ވާހަކަ މަށެއް ނުހުއްޓާނަމޭ! އެންޑީއެން އުވާލާ
haneef
08 October 2019
އެމްޑީއެން ގެ ވާހަކަ އޮއްބާލަން ޖަހާސުޓަންޓެއް
ވަޗުރު
08 October 2019
ކަންކަން ނުވާތީ މީހުން ބޮލުގައި ތެތްގޯނި އަޅުވަން އަނެއް ގޭސްގަނޑެއް އަނބުރަންފެށީ. ދެންއަން ވެރިކަމެއް ފެށޭ އިރަށް އަބްދޯ ގާޒީ މައްސަލަ ބަލާފައި އަންނި އެނބުރި ޖަލަށް އަރަން ޖެހޭނެ. ތިޔަ ޗޭނު ކަނޑާ ކުރިއަށްދާކަށް ނުވޭތޯ
ޝޮކްތެރަޕީ
08 October 2019
ހަގީގީ ޤައުމުގެ ދުސްމަންކީ ނަޝީދު. ޤައުމަށް ލިބުނު ގެއްލުން ވަރައްބޮޑު ނަޝީދުގެ ސަބަބުން.