ރާއްޖޭގެ ކްރެޑިޓް ރޭޓިންގެ ސަބަބުން އިންވެސްޓަރުންނަށް އިތުބާރު ލިބިއްޖެ: އެންޑްރޫ

ގެސްޓްހައުސް ކޮންފަރެންސްގައި ބީއެމްއެލްގެ ސީއީއޯ އެންޑްރޫ މިއަދު ވާހަކަ ދައްކަވަނީ.-- ފޮޓޯ: ނިޝާން އަލީ/ މިހާރު

އަލީ ނާފިޒް، މިހާރު

24 ސެޕްޓެމްބަރ 2016 - 15:31

ރާއްޖެ އަށް ލިބިފައިވާ ކްރެޑިޓް ރޭޓިންގެ ސަބަބުން އިންވެސްޓަރުންގެ އިތުބާރު ލިބޭނެ ކަމަށާއި އެހެންވެ މިއީ އިންވެސްޓްމަންޓް ގެނައުން އިތުރު ކުރަންވީ ވަގުތު ކަމަށް ބޭންކް އޮފް މޯލްޑިވްސް (ބީއެމްއެލް)ގެ ސީއީއޯ އެންޑްރޫ ހީލީ މިއަދު ވިދާޅުވެއްޖެ އެވެ.

ބީއެމްއެލް އިން ޓައިޓްލް ސްޕޮންސަރުކަން ނަގާފައިވާ ރާއްޖޭގެ ފުރަތަމަ ގެސްޓްހައުސް ކޮންފަރެންސްގައި ވާހަކަ ދައްކަވަމުން އެންޑްރޫ ވިދާޅުވި ގޮތުގައި ރާއްޖެ އަށް ދީފައިވާ "ބީ2"ގެ ރޭޓިން އަކީ ފަށައިގަންނަން ރަނގަޅު ވަރެކެވެ. އޭގެ ސަބަބުން ރާއްޖޭގެ އިގްތިސާދުގެ ހާލަތާ މެދު ތިންވަނަ ފަރާތަކުން ދެކޭ ގޮތް އެނގިގެން ގޮސްފައިވާކަން އޭނާ ފާހަގަކުރެއްވި އެވެ.

"މިއީ ރަނގަޅު ފެށުމެއް،" އެންޑްރޫ ވިދާޅުވި އެވެ.

"ދެން މަސައްކަތް ކުރަންވީ މި ރޭޓިން ދެމެހެއްޓުމުގެ އިތުރަށް، މި އަށް ވުރެ ރަނގަޅުކުރުން."

މިއަދު ކުރިއަށް ގެންދާ ގެސްޓްހައުސް ކޮންފަރެންސްގެ ތެރެއިން ފިނޭންސް މިނިސްޓަރު މުނައްވަރު (ވ)، ބީއެމްއެލްގެ ސީއީއޯ އެންޑްރޫއާ ވާހަކަ ދައްކަވަނީ.-- ފޮޓޯ: ނިޝާން އަލީ/ މިހާރު

އެންޑްރޫ ފާހަގަކުރެއްވި ގޮތުގައި ތަރައްގީގެ ބޮޑެތި މަޝްރޫއުތަކެއް ހިންގަމުން އަންނައިރު މިއީ ރާއްޖޭގެ އިގްތިސާދަށް ވަރަށް މުހިއްމު ދުވަސްވަރެކެވެ. އެހެންވެ، ޓޫރިޒަމާއި އެ ނޫން ވެސް ދާއިރާތަކުން ރާއްޖެ އަށް އިންވެސްޓްމަންޓުތައް ގެނައުން ކުރިއަށް ގެންދަންޖެހޭ ކަމަށް އޭނާ ވިދާޅުވި އެވެ.

ރާއްޖޭގެ އިގްތިސާދު ކުރިއެރުވުމަށް ކުރާ މަސައްކަތުގައި ބީއެމްއެލް އިން އަބަދު ވެސް އެއްބާރުލުން ދޭނެ ކަމުގެ ޔަގީންކަން އެންޑްރޫ ދެއްވި އެވެ. އެ ގޮތުން، އޭޓީއެމް އާއި ކްރެޑިޓް ކާޑާއި އެ ނޫން ވެސް ގިނަ ހިދުމަތްތަކެއް ރާއްޖޭގެ އެކި ކަންކޮޅުތަކަށް ފުޅާކުރަން އަބަދު ވެސް މަސައްކަތް ކުރާކަން އޭނާ ފާހަގަކުރެއްވި އެވެ.

ދުނިޔޭގެ އެންމެ ބޮޑު ތިން ކްރެޑިޓް ރޭޓިން އެޖެންސީގެ ތެރޭގައި ހިމެނޭ މޫޑީސް އިންވެސްޓާސް ސާވިސް އިން ރާއްޖެ އަށް ދިނީ "ބީ2"ގެ ރޭޓިން އެކެެވެ. އެއީ ބޮޑެތި ގޮންޖެހުންތަކެއް ހުއްޓަސް ދަރަންޏާއި އެ ނޫން ވެސް މާލީ ގޮތުން އަދާކުރަންޖެހޭ އެހެން ޒިންމާތައް ފުރިހަމަ ކުރުމުގެ ގާބިލުކަން ލިބިފައިވާ ގައުމުތަކަށް ދޭ ރޭޓިން އެކެވެ. އެކަމަކު، އެކަން ކުރެވޭނީ، އެ ރޭޓިންގެ ތަފްސީލުގައިވާ ގޮތުން، މުޅި އިގްތިސާދަށް ގެއްލުން ނުވާ ގޮތަށް އިގްތިސާދީ އަދި މާލީ ސިޔާސަތު ބައްޓަންކޮށްގެންނެވެ.

ކްރެޑިޓް ރޭޓިން އާއްމުކޮށް ބޭނުންކުރަނީ އިންވެސްޓްކުރަން ބޭނުުންވާ ފަރާތްތަކުންނެވެ. އެ ގޮތުން، އިންވެސްޓްމަންޓުތަކުގެ ފައިދާ ލިބޭނެ މިންވަރާއި ދަރަންޏަށް ނަގާ ފައިސާ ދެއްކޭނެކަން މި ރޭޓިން އަށް ބިނާކޮށް ދެނެގަނެވޭނެ އެވެ.

އިގްތިސާދު ބީއެމްއެލް ރާއްޖޭގެ އިގްތިސާދު ކްރެޑިޓް ރޭޓިން ފޮރިން އިންވެސްޓްމަންޓަސް ސީއީއޯ އެންޑްރޫ ހީލީ

10 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ

25 September 2016

ސަރުކާރުން ދެއްވާ މިކަހަލަ މަޤާމުތަކުގަ ތިބޭ، ބޮޑެތި މުސާރަޔާ އިނާޔަތްތައް ލިބޭ ބޭފުޅުންނަށް ހޮނެސްޓް އޮޕީނިއަން ނުދެވޭނެ. ދެއްވޭނީ ގިރިޓީ ކޮށްފަ ހުންނަ އޮޕީނިއަން، ފަރުވާތެރިކަމާއެކީ ވޯޑްކޮށްފަ ހުންނަ. މިނިވަން ހޮނެސްޓް ޚިޔާލެއް ނުދެވޭނެ. ވިދާޅުވެވޭނީ ދޮގާއި ތެދު މަސްހުނިކޮށްގެން؛؛ ބުނަން އުޅޭ ވާހަކަ ވަކި ޒާތަކަށް ބައްޓަންކޮށްގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުގާބޭ

25 September 2016

25000 ކުރެޑިޓް ކާޑުން ހަރަދުކުރިން، 8 މަސް ފަހުން ފައިސާ ނުދައްކައިގެން 65000 ދައްކަން ޖެހުން. ކުދިން ނޭ މީ މަގޭ ތަޖުރިބާ. ނިކަން ވިސްނައިގެން ކުރެޑިޓުބޭނުންކުރާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެންތަ

24 September 2016

މުޅި ޤައުމު ކުރެޑިޓް ފަންޑިންއަށްގޮސް ހުސްކޮށްލާފަ ކޮން އިތުބާރެއް ކިޔާކަށްތަ؟ ކްރެޑިޓް ސްކީމްގަ ޖެހި މުޅި ޤައުމު ދަރާ ވިކިފަ. ލުއި ލޯނެއް އެސްޓީއޯ ސްކީމެއް އެމްއެފްއެލްސީ ސްކީމްއަށް އެއްޗެއް ނުނަގާ މީހެއް ޤައުމުގަ ނެތް. ދަރަނީގެ މައްޗަށް ދަރަނި ނަގާ އެންމެން ވިކިފަ. މިހެންތިއްބާ ކިރިޔާ ލޮޅުމެއް އަޔަސް އެންމެން އެކީ (%5 ފިޔަވާ) ދަރާ އަޅިއަށްވާނެ. އިޤްތިޞާދީ މާހިރުން ވިސްނުން މުހިއްމު ރާއްޖޭގެ ކްރެޑިޓް ފައިނޭންސް ސެކްޓަރ ސްޓޭންޑަޑައިޒް ކުރުމާ ދޭތެރޭ. ނޫނީ ވަރަށް ގޯސްވެދާނެ، 2008 ގައި އެމެރިކާގެ މޯގޭޖްތައް ކޮލާޕްސްވެގެން ދިޔައީ ހަމަ ރާއްޖެ މިދާ މަގުން އެމީހުން ހިނގަމުންގޮސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރާ

24 September 2016

އިތުބާރު ގައުމުން ގެއްލިދިޔައީ ގަދަބާރުން ކަންތައްތައް ކުރަންއުޅުމުން!.. މިތުރުންފަދަ ގައުމަތަކުގެ އަޑުނާހާ ހަތުރުންނަށް އަދުހެދުމުން.!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅެވާ

24 September 2016

ވަރަށް އުފާވާނެތާ ގިނަ ލޯނު ދޫކުރެވޭ ގޮތްވީމަ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރާ

24 September 2016

ތަރައްގީއެއް ގައުމަކަށް ގެނެވޭނީ ހަމައެކަނި އިންވެސްޓަކުންނޫނޭ! ތަރައްގީ ގައުމަކަށް ލިބެނީ ރައްޔިތުންގެ ޖީބައް ލުއިވެގެންނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގގ

24 September 2016

އެފްރިކާ ބައްރުގައި އޮންނަ ބިމުގެ މުއްސަދިކަން ލިބިފައިވާ ސޫދާނާއި އެކު އިޤުތިސާދީ ވިޔަފާރި ގުޅުުން ބަދަހި ކުރަންޖެހޭ ސޫދާނަކީ ވަރަށް އުފެއްދުންތެރި ޤައުމެއް!