މޯލްޑިވް ގޭސްގެ މެނޭޖިން ޑިރެކްޓަރު ޝަޒައިލް ޝިޔާމް އެ ކުންފުނީގެ ހަފުލާއެއްގައި ވާހަކަ ދައްކަވަނީ. -- ފައިލް ފޮޓޯ / މިހާރު
17 އޮކްޓޯބަރ 2019 - 11:39
8 comments
މޯލްޑިވް ގޭސްގެ މެނޭޖިން ޑިރެކްޓަރު ޝަޒައިލް ޝިޔާމަށް ކޮރަޕްޝަންގެ ތުހުމަތު ކުރެވި އޭނާ ސަސްޕެންޑު ކުރި ނަމަވެސް ކޮރަޕްޝަނުގެ އެއްވެސް އަމަލެއް ހިންގާފައި ނުވާނެ ކަމަށް އޭނާ ވިދާޅުވެއްޖެ އެވެ.
ސަރުކާރުގެ "ޒީރޯ ޓޮލަރެންސް"ގެ ދަށުން ޝަޒައިލް ސަސްޕެންޑްކުރީ އަންގާރަ ދުވަހު އެވެ. ރައިސް އޮފީހުގެ ތަރުޖަމާނު އިބްރާހިމް ހޫދު ވިދާޅުވީ ޝަޒައިލް ސަސްޕެންޑް ކުރީ ސަރުކާރުގެ "ޒީރޮ ޓޮލަރެންސް ޓު ކޮރަޕްޝަން" ގެ ދަށުން ހަދާފައިވާ ޕޯޓަލް އަށް ލިބިފައިވާ ޝަަކުވާތަކާ ގުޅިގެން ކަމަށެވެ. އަދި އެމައްސަލަތައް ބަލައި ނިމެންދެން ސަސްޕެންޝަނުގައި ބަހައްޓަނެ ކަަމަށް ހޫދު ވިދާޅުވި އެވެ.
ސަސްޕެންޑް ކުރުމާ ގުޅިގެން ޝަޒައިލް އިއްޔެ ފޭސްބުކްގައި ވަނީ، ސަރުކާރުން އޭނާ ސަސްޕެންޑު ކުރުމަށް ނިންމި ނިންމުމަށް އިހުތިރާމްކޮށް މަރުހަބާ ކިޔާ ކަމަށް ވިދާޅުވެފަ އެވެ. އަދި އޭނާ ކުންފުނި ހިންގި ގޮތުގެ މައުލޫމާތު ފެންނަން ހުންނާނެ ކަމަށް ވެސް އޭނާ ވިދާޅުވި އެވެ.
"އަޅުގަނޑު ކުންފުނި ހިންގާފައިވާ ގޮތް ހިސާބުތަކުން ފެންނަން ހުންނާނެ. ކޮރަޕްޝަނުގެ އެއްވެސް އަމަލެއް ހިންގާފައި ނުވާނެ ކަމުގެ ފުރިހަމަ ޔަގީންކަން މިފުރުސަތުގައި އެންމެނަށް އަރުވަން،" ޝަޒައިލް ލިޔުއްވާފައިވެ އެވެ.
— Shazail (@ShazailShiyam) October 16, 2019
ޝަޒައިލް ފޭސްބުކްގައި ކުރި ޕޯސްޓް އޭނާ ޓްވީޓުކޮށްފައި--
ޝަޒައިލް، މޯލްޑިވް ޖޭހުގެ އެމްޑީގެ މަގާމަށް އައްޔަނު ކުރީ، މިއަހަރުގެ ޖެނުއަރީ 6 ވަނަ ދުވަހު އެވެ. އޭނާ ވަނީ މީގެ ކުރިން ކޫއްޑޫ ފިޝަރީޒްގެ ޗެއާމަން ކަމާއި ފިޝަރީޒް މިނިސްޓްރީ އާއި ޓޫރިޒަމް މިނިސްޓްރީގެ ޑެޕިއުޓީ މިނިސްޓަރު ކަން ވެސް ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްދުﷲނާފިޒް
17 October 2019
ކޮރަޕްޝަންގެ އެއްވެސް އަމަލެއް ނުހިންގަން: ޝަޒައިލް، މާނުވެސް ބުނަނީ ހަމަ ތިހެން، އެކަމަކު........
ހުސައިން
17 October 2019
ކޮންމެ ގޭސް ޝިޕްމެންޓެއް ތާރޑް ޕާޓީ މެދުވެރިކޮށް ނުވަތަ ސްޕޮޓްގައި އަގުބޮޑުކޮށް ( ކޮންމެ 45 ދުވަހަކުން ް130,000 ޑޮލަރ) އިތުރުވަނީ ކީއްވެ? ރައީސް މައުމޫނު އަދި ރައީސް ނަޝީދުގެ ސަރުކާރުގައި ގޭސް ގެނައީ އަބަދުވެސް ކޮންޓްރެކްޓް ހަދައިގެން ޝެލް އީސްޓާން އިންޓަރނޭޝަނަލް އިން ދުނިޔޭގެ މަރކެޓްގައި ކޮންމެ މަހަކު ހުންނަ އަގުގައި. އެ އަގު އޯޕެކުގެ ސައުދީ އަރާމްކޯއިން ނެރޭނެ. އެޔާއި ޚިލާފަކަށް މޯލްޑިވް ގޭސް އިން 1999 އިން 7 ފެބްރުއަރީ 2012 އަށް ގޭސް އެއްނުގަނޭ. ދެން ތިގެންނަ ސިލިންޑަރ ތިގަންނަނީ ކިހިނެއް? ކީކޭ ބުނާނީ މީ ރޯމާދުވާލޭ.
ޢެޑްމުންޑޯ
17 October 2019
ވައްކަންކުރާމީހާ ވައްކަންކޮއްފައި އައިސް ބުނާނެތަ ތިމަންނަ މިއައީ ވައްކަންކޮއްގެންނޭ ، މިސޮރު ދައްކާ ވާހަކަތަކުން ހިނިއަންނަނީ
ވާލުސޮރު
17 October 2019
ވަޒީފާ ލިބުމުން ތިބޭފުޅާއާއި އެމްޓީޑީސީގެ ވެރިންގެ ދިރިއުޅުން ކުއްލިއަކަށް ބަދަލުވިގޮތް ހަނދާން އެބަހުރިތޯ؟ މައުމޫން ވެރިކަމުން ފެށިގެން ވަހީދާއި ޔާމީނު ވެރިކަމުގައި ބޮޑެތި މަގާމު ލިބުނީމާ މިމީހުން ނުހުންނާނެ ބިރެއް. މީހަކު ބަލާނޭ ޖަވާބުދާރީ ކުރުވާނެކަމަށް. އެމީހުން ކޮޅު ބަދަލުކޮށްލާ ގޮތަކުން އިންނަނީ ވަޒީފާ ހަމަޖެހިފަ
ހާސަރު
17 October 2019
ޔާމީން ވެސް އަދީބުވެސް ބުނީ ތިޔަހެން. ބެލީމަތާއެގޭނީ
އިސްމާލްކަލޭފާނު
17 October 2019
މިހާރު ކަރަޕްޝަނެއް ނޯންނާނެ. މިހާރު އޮންނާނީ ސައި.
ޔާމީނު
17 October 2019
ކޮރަޕްޝަންއަކީ ކޯންޗެއް؟ ނޭގޭ
ގިޔާސް
17 October 2019
އެއީ އިންސާނާގައިގަވާ ތަބީޢީ ކަމަކަށް ކިޔާނަމެއް ކަމަށް ކުރީގެ ރައީސަކު ބުނި، ދެން މަ ހީހީހީ............