ގްރީން މޫން ކެފޭގައި ރޯވި އަލިފާންގަނޑު ނިއްވާލަން މަސައްކަތްކުރި ސިފައިނެއް -- ފޮޓޯ: އެމްއެންޑީއެފް
20 އޮކްޓޯބަރ 2019 - 20:50
12 comments
މާލޭގައި ހުންނަ ކެފޭއެއްގެ ބަދިގެ ތެރޭގައި ހުރި ގޭސްފުޅިއެއް ގުޅަން އުޅުމުގެ ތެރޭގައި މިއަދު ހަވީރު ރޯވި އަލިފާންގަނޑު ނިއްވައިލީ، އެ ކެފޭ ކައިރީގައި ހުންނަ ޕެންޝަން އޮފީހުގެ މުވައްޒަފުންނަށް ފަޔާ ޑްރިލްއެއް ހަދަމުން ދިޔަ ސިފައިން ކަމަށް އެމްއެންޑީއެފުން ބުނެފި އެވެ.
މިއަދު ހަވީރު ހައެއް ޖަހަން އުޅެނިކޮށް، އަލިފާނުގެ ހާދިސާ ހިނގީ ޗާންދަނީ މަގުގައި ހުންނަ ގްރީން މޫން ކެފޭގަ އެވެ. މި ހާދިސާ ހިނގިއިރު، އެ ކެފޭގެ ބަދިގޭގައި ތިބި ދެ ބިދޭސީއަކު ތިއްބެވެ. އެ މީހުންނަށް އެއްވެސް އަނިޔާއެއް ނުވެ އެވެ. އެކަމަކު ބަދިގެ އަށް ގެއްލުންވި ކަމަށް އެމްއެންޑީއެފުން ބުނެ އެވެ.
އެމްއެންޑީއެފުން ބުނިގޮތުގައި، ބަދިގޭގައި އަލިފާން ރޯވެގެން އުޅުނު ވަގުތު، ޕެންޝަން އޮފީހުގެ މުވައްޒަފުންނަށް ސިފައިން ދިޔައީ އަލިފާން ނިއްވާނެ ގޮތުގެ ތަމްރީނު ދެމުންނެވެ. އަދި ހަމަ އެ ވަގުތު، ގްރީން މޫން ކެފޭގެ ބަދިގޭގައި ރޯވި އަލިފާންގަނޑު ނިއްވައިލީ ފަޔާ ޑްރިލް ދަސްކޮށްދޭން ތިބި ސިފައިންގެ މަސައްކަތުން އެންމެ ތިން މިނިޓުގެ ތެރޭގައި ކަމަށް އެމްއެންޑީއެފުން ބުންޏެވެ.
މާލޭގައި ދާދި ފަހުން ކެމިކަލް ގުދަންތަކެއްގައި ރޯވެ، އަދި ލޯންޗަކަށް ތެޔޮ އަޅަމުން ދަނިކޮށް އެ ލޯންޗާއި ބައުޒަރުތަކެއްގައި ރޯވެ އަލިފާނުގެ ބޮޑު ދެ ހާދިސާއެއް ވަނީ ހިނގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަޙީދު
21 October 2019
ސިފައިންނަށް އަބަދުވެސް އިހްތިރާމާއި ޔަގީންކަން އޮވޭ.
މަސައްރަބޭ
21 October 2019
ގަދަ! ސާބަސް!
ވާލުސޮރު
21 October 2019
ރިއަލް ޓައިމް ޑްރިލެއް ދެއްތޮ. ޕެންޝަން އޮފީހުގެ މުއައްޒަފުންވެސް އެ އަލިފާން ނިއްވަން ބައިވެރިވި ނަމަ ވަރަށް ގިނަ ކަންތައްތައް ދަސްވާނެ
ވަގު ކަދުރު
21 October 2019
އަލްޙަމްދު ލިއްލާހި.
ބޯގަން
20 October 2019
ދިވެ ހި ސިފައިންނަށް އަހަރުމެން އިހ ހްތިރާމް ކުރަމެވެ. އަދި ނޮވެމްބަރ 3ގެ ހާދިސާ ގައިވެސް ދެއްކެވި ހިތްވަރާއި ގްރުބާނީ ބަލައިގަންނަމެވެ. ތަނުގެ އިސްވެރިންވެސް މިކަންކަން ބަލައިގަންނާނެ ކަމަށް އުއްމީދުކުރަމެވެ
އެމްޑީޕީ
20 October 2019
ޝުކުރިއްޔާ ދިވެހި ސިފައިން.
ޙަލީމު
20 October 2019
މިކަހަ ހަލަ ކޮންމެ ތަނެއްގައި ފުލުހ ހުން ބަލާނީ ވީއެންމެ އަވަ ހަކަށް "އެވެނި މިވެނި ކަމެއް ހިނގައިގެން ފުލުހުން ހަރަކާތްތެރި ވަނީ" ޖަހ ހާފައި ހެޑްލައިން ބްރޭކް ކުރެވޭތޯ. މިތަނުގައި ވެސް މަގުމަތި ބަލަހައްޓަން އުޅުނު ފުލުހުން، ހީވާގޮތުން މިއަދު ފޮޓޯއެއް ނަގާލާނެ ރަނގަޅު ފުރުސަތެއް ނުލިބިފަ ތިއޮތީ.
ކަރީމް
21 October 2019
ކަލެއަށް މާބޮޑަށް އެނގެނީ. ތިޔަ ބުނާ ސިފައިންނަކީ ކައި ކައިގެން ޕެރޭޑް ކުރަން ތިބޭ ބައެއް. ފުލުހުންނަކީ ރެއާއި ދުވާލު ރައްޔިތުންނާއި ގާތުން ހިދުމަތް ދޭ ބައެއް. ތި ޔަ ބުނާ ސިފައިންގެ ގާބިލްކަން ފެނުނޭ 07 ފެބުރުއަރީ 2012 ގައި ވެސް. ފުލުހުން ޖުމުހޫރީ މައިދާނުން ފަހާނުލެވުނު ބައެއް، ދެން ކޮން މޮޅު ވާހަކައެއް ދައްކަން. ދަޢުލަތެއް ހިމާޔަތް ކުރުމުގެ އެންމެ އިސް ރޯލް އޮތީ ސިފައިންނަށް. އެކަމަކު އެ ދުވަހު ދިޔައީ ޗޮކުން. ބޮޑު ފެއިލިއާ އެއް ހަމަ
ައަސްލު
22 October 2019
ވަރަށް ބޮޑު ތެދެއް. ތިއީ ހަމަ ކަން ހިނގާގޮތް
ބުރެކި
20 October 2019
އަލިފާން ނިއްވާލީ ސިފައިން. ދެން ނިއްވާލި މީހުނަކީ ނިދިން ހޭލައިގެން އެތަނަށް ދިޔަބައެއްތޯ، ހިނގާފަދިޔަބައެއްތޯ، ކާންތިބެފަ ދިޔަބައެއްތޯ ބަލަން ރައްޔިތުން އެބައުޅޭތަ.
ނަޖީބު އައްބާސް
21 October 2019
ނާދޮގެއްނޫން ކޮންމެތާކުތިބެފަ ދިޔަސްކޮންކަމެއްތޯ
ށުކުރިއްޔާ
20 October 2019
ޝުކުރިއްޔާ ސިފައިން.