ޑްރަގް ކޯޓުގެ ގާޒީ މަހާޒް އަލީ ޒާހިރާއި ކުރީގެ ބަންޑާރަ ނައިބު ފާތުމަތު ދިޔާނާ ސައީދު. ދެ ބޭފުޅުން ކޮމިޓީ އަށް އައްޔަން ކުރުމުގެ މައްސަލަ ވަނީ ކޮމިޓީ އަށް ފޮނުވާފައި.
21 އޮކްޓޯބަރ 2019 - 10:40
20 comments
ސުޕްރީމް ކޯޓުގެ ފަނޑިޔާރު ކަމުގެ މަގާމަށް ޑްރަގް ކޯޓުގެ ގާޒީ މަހާޒް އަލީ ޒާހިރާއި ކުރީގެ ބަންޑާރަ ނައިބު، ޑީއާރުޕީގެ ލީޑަރު އަބްދުﷲ ޖާބިރުގެ އަނބިކަނބަލުން ފާތުމަތު ދިޔާނާ ސައީދު އައްޔަންކުރުމުގެ މައްސަލަ ރައްޔިތުންގެ މަޖިލިހުގެ ޖުޑިޝަރީ ކޮމިޓީ އަށް މިއަދު ފޮނުވައިފި އެވެ.
ރައްޔިތުންގެ މަޖިލިހުގެ ޖަލްސާ އަށް ރައީސް އިބްރާހިމް މުހައްމަދު ސޯލިހް ފޮނުއްވި ސިޓީފުޅުގައި ވަނީ ސުޕްރީމް ކޯޓުގެ ހުސްވެފައިވާ ފަނޑިޔާރު ކަމަށް މަހާޒް ނުވަތަ ދިޔާނާ އައްޔަން ކުރުމާ މެދު މަޖިލިހުން ގޮތެއް ނިންމަވައި ދެއްވުމަށް އެދިވަޑައިގެންފަ އެވެ. އަދި ރިޔާސަތުގައި އިންނެވި މަޖިލިހުގެ ރައީސް، ކުރީގެ ރައީސް މުހައްމަދު ނަޝީދު ވަނީ އެ މައްސަލަ ޖުޑިޝަރީ ކޮމިޓީ އަށް ފޮނުއްވައިފަ އެވެ.
ސުޕްރީމް ކޯޓަށް އާ ފަނޑިޔާރަކު މި އައްޔަން ކުރަނީ އެ ކޯޓުގެ ފަނޑިޔާރު އަބްދުﷲ ދީދީ (ޑީޑީ) މަގާމުން ވަކިކުރުމުން އޭނާގެ ބަދަލުގަ އެވެ. އަބްދުﷲ ދީދީއާ ދެކޮޅަށް ޖުޑިޝަލް ސާވިސް ކޮމިޝަން (ޖޭއެސްސީ) އިން ބެލި ސުލޫކީ މައްސަލައެއް ސާބިތުވެ، އޭނާ މަގާމުން ވަކި ކުރަން އެ ކޮމިޝަނުން ވަނީ ލަފާ ދީފަ އެވެ. އަދި މަޖިލިހުގެ ބޮޑު އަޣުލަބިއްޔަތަކުން އަބްދުﷲ ދީދީ ވަނީ މަގާމުން ވަކިކޮށްފަ އެވެ.
ސުޕްރީމް ކޯޓަށް އައްޔަން ކުރައްވަން ރައީސް ޖޭއެސްސީ އަށް ފުރަތަމަ ފޮނުއްވީ މަހާޒްގެ ނަމެވެ. އެކަމަކު، ފަނޑިޔާރު ކަމަށް ކުރިމަތިލެއްވި ބޭފުޅުންގެ ތެރެއިން ޖޭއެސްސީ އިން ލަފާ ދީފައި ވަނީ ސުޕްރީމް ކޯޓުގެ ހުސްވެފައިވާ ފަނޑިޔާރު ކަމަށް މަހާޒު ނުވަތަ ދިޔާނާ އައްޔަން ކުރުމަށެވެ.
ޖޭއެސްސީން ނިންމީ މަހާޒާއި ދިޔާނާގެ ނަންފުޅަކީ "ހައިލީ ރިކޮމެންޑެޑް" ދެ ނަންފުޅު ކަމަށެވެ. އަދި ދެން ކުރިމަތިލެއްވި ބޭފުޅުންގެ ތެރެއިން ހައި ކޯޓުގެ ފަނޑިޔާރު އަލީ ސަމީރާއި ފަނޑިޔާރު މުހައްމަދު ނިޔާޒް އަދި ފަނޑިޔާރު ޝުއައިބު ހުސައިން ޒަކަރިއްޔާ އަކީ "ރިކޮމެންޑެޑް" ބޭފުޅުން ކަމަށް ވެސް ވަނީ ލަފާ އަރުވައިފަ އެވެ. އެކަމަކު، ރައީސް މަޖިލިހަށް ފޮނުއްވީ މަހާޒާއި ދިޔާނާގެ ނަން އެކަންޏެވެ.
ސުޕްރީމް ކޯޓުގެ ފަނޑިޔާރު ކަމަށް ހައި ކޯޓުގެ ފަނޑިޔާރު ހަސަން އަލީ އާއި ކުރީގެ ޑެޕިއުޓީ ޕްރޮސެކިއުޓާ ޖެނެރަލް މަރިޔަމް ނިހާޔަތު ވެސް ފަނޑިޔާރު ކަމަށް ކުރިމަތިލެއްވި އެވެ.
ސުޕްރީމް ކޯޓުގެ ފަނޑިޔާރުންގެ ބެންޗުގެ އަދަދު އިތުރުކުރަން ކޯޓުތަކުގެ ގާނޫނަށް ގެނައި އިސްލާހުގެ ދަށުން އިތުރު ދެ ބޭފުޅަކު ވަނީ އެ ކޯޓުގެ ފަނޑިޔާރު ކަމަށް އައްޔަން ކުރައްވައިފަ އެވެ. އެއީ ފަނޑިޔާރު ޑރ. އަޒްމިރަލްދާ ޒާހިރާއި ސިވިލް ކޯޓުގެ ކުރީގެ ގާޒީ އައިޝާ ޝުޖޫން މުހައްމަދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
21 October 2019
ތަހުޒީބް ތައުލީމީ ބޮޑުއާބާދީއަކުން ނިކުންނަ މަތީތައުލީމީ މީހުނަކީ އާދައިގެ ބައެއްކަމަށް ހީކޮށްގެން ނުވާނެ. # އުމުރުފުޅުން 45 ފުރިފައިވާ ދިޔާނާ ސައީދުވަނީ އޮސްޓްރޭލިއާއިން އެލްއެލްބީ، ޤާނޫނީދާއިރާއިން ޖެޕާނުން މާސްޓަރ ހާސިލް ކުރައްވާފަ. # ސްޓޭޓް އެޓަރނީގެ އިތުރުން ބަންޑާރަނައިބް ކަން އަދާކުރެއްވުމާއި ޤާނޫނުހަދާ މަޖިލިސްމެންބަރުކަމުގެ އިތުރުން މަލްޓިޕާޓީ ނިޒާމެއްހޯދުމުގައި އިސްދައުރެއް އަދާކުރި. ސާކް އެސްޖީކަންކޮށް ޑިޕްލޮމެޓިކް ތަޖުރިބާ ލިބިފައިވޭ
އިންޓެލިޖެންސް
21 October 2019
ދިޔާނާއަކީ ބަޤާވާތުގެ ބައިވެރިއެއް
ވާލުސޮރު
21 October 2019
އެންމެ ގާބިލު އެންމެ ރަނގަޅީވެސް ދިޔާނާ، އެހެންވިޔަސް ދިޔާނާއަށް އެނގިލައްވާނެ ހުރިހާ މޮޅެއް ނުލިބޭނެކަން. ތަނަވަސް ފިރިކަލެއް އަރާމު ދިރިއުޅުމެއް އަދި ވިޔަފާރިން ހިއްސާ ލިބުނު އިރު ކަމަނާގެ ދެން ހުރި ރަނގަޅު މޮޅު ކަންކަމަށް ހުރަސް އެޅެނީ ފިރިކަލުންގެ އަމަލުތަކުގެ ސަބަބުން. ހޮނޑާފުށީގެ ސަންރައިސް ކޭސްއާއި ކާށިދޫ ދާއިރާގެ ގޮނޑި ހޯދަން އުޅުމުގެ ސަކަރާތާއި މިހެން ގޮސް ކޮންމެ ގޯހެއް ފިލުވުމަށް ފިރިކަލުންގެ އެހީތެރިޔަކަށް ފެންނަނީ ދިޔާނާ
އަބްޅޯ
21 October 2019
ދިޔާނާ އަކީ ވަރަށް ޤާބިލް ބޭފުޅެއް. އެކަމަނާ މިހާތަނަށް ދައްކަވާފައިވާ ސާބިތުކަމަނީ ސްޕްރީމް ކޯޓަށް އެކަމަނާ އައްޔަން ކުރަންޖެހޭ ސަބަބު. އިންސާފް ޤާއިމް ކޮއްދެއްވާނެ ކަމާއިމެދު ޝައްކެތްނެތް. ބަޔަކު ޒާތީވެ އެކަމަނާނެ އަބުތު ކަތިލަން މަސައްކަތް ކުރާތީ ހިތާމަކުރަން. އެކަނާއަށ ކާމިޔާބަށް އެދެން
ދވއސއ
21 October 2019
އަބްޅޯގެވާހަކައަށް ތާޢީދުކުރާނަމެވެ. ދިޔާނާއަކީ ރައްޓެއްވެސްނޫނެވެ. އެކަމަކު އޭނާކިބައިގަ ސާބިތުކަމާއި ކެރުމާއި ތަޖުރިބާއާއި ޢިލްމު އެބަހުއްޓެވެ. ހުރިހައިކަމަކުން ވަނަލިބޭ މިންވަރަށެވެ. ހިތާމަވެރިވެވޭ، އެކަމަކު އެޔާއިދުރަށްވެސް ދެވެންނެތްއޮތީ ސުވާލުއުފެދޭ ހިޔަންޏެކެވެ. އެހިޔަނީގެ އަސަރާއި ނުފޫޒު ނުފޯރާނެނަމަ، ދިޔާނާވަރުގެ ޝަޚުޞިއްޔަތެއް ތިކަމަށް ނުހުންނާނެޔޭވެސް ނުބުނެވޭވަރެއްނޫނެވެ. މިޝައްކު ފިލާފާނެބާއެވެ؟
އަހުމަދުއަލޯ
21 October 2019
ވާލުސޮރު = ބެޓްމޭން؟ ސަޅި. ދިޔާނާގެ އަބުތު ކަތިލަން ބަޔަކު ނޫޅޭ. ސިޔާސީ ކަންކަމުގެ އިސްސަފުގައި އުޅެއުޅެފައި ތިޔަ ތަނަށް ހޮވަންވީމަ، އެވާހަކަ ދެއްކީމަ އެއީ އަބުތު ކަތިލުމެއް ނޫން. ހަގީގަތް. އެހެރީ ފޮޓޯ އާއި ވީޑިއޯ.
އަހަންމައިދީގެ ދޮންއާދަނު
21 October 2019
ބަލަގަ މަޖިލީހުގަ އެ އޮތް ސީވީގަ އޭނާ ނެތޭ ހަ މަހުގަ އެއް ތަނެއްގަ ހުރެފަ! ގާބިލީ ކޮން ގޮތަކުން ބާ؟
ޚާމިލް
21 October 2019
ތިޔަތަނުން މޮޅީ ދިޔާނާ އެކަމަކު ޖާބިރު ސަރުކާރަށް ގޮވެލި ގޮވާތީ ސަރުކާރު އޮތީ ދިޔާނާ އާ ދެކޮޅަށް.
ފެންބެ
21 October 2019
އަޅެ ކިޔާދީބަލަ މޮޅުމީހަކު މޮޅު ވީގޮތް
ހިގޮ
21 October 2019
ބްރިޖް އެޅި މީހުންވެސް ތިވަރަށް ދިރާސާ އެއް ނުކުރާ ކަންނޭގެ ވަރުގަދަ ދިރާ ސާއެއްތާ؟ރައްޔިތު އެކިފަހަރު މަތިން ދިޔާނާ ބަލައި ނުގަތް ކަމާ އެކިސިޔާސީ ޕޯޑިއަމް ތަކުން ފެންނަކަމާއި ސާކްގެ އިސްމަގާމެއްގަ ހުރެފަ އިސްތިއުފާަ ދީ އިދިކޮޅު މުޒާހަރާގަ އުޅުނުކަން ދިރާސާ އިން ދައްކާ ތޯ މަގޭ ދުޢާ...
ސެެއސދސަ
21 October 2019
ޖާބިރުގެ މަސައްކަތް މިފަހަރު ފެންނާނެ. ކުޅަދާނަކަން.
ތައްޚާނުބޭގެއިބްރާހީމް
21 October 2019
ދިޔާނާއަށް މިކަންލިބިއްޖިއްޔާ ޑިމޮކުރަސީ މަސްހުނިވާނެ. ސަބަބަކީ މިހާރު ދިޔާނާގެ ފިރިކަލުންނަކީ އިދިކޮޅު އެންމެ އިސްލީޑަރުކަމަށްވާތީ.
ައަހުމަދުއަލޯ
21 October 2019
ދިޔާނާ = ޖާބިރު = ކޮންފްލިކްޓް އޮފް އިންޓްރެސްޓް
ޝޯލޭ
21 October 2019
ހައި ކޯޓުގަވެސް ގިނަދުވަސްވީ ރަނގަޅު އެތައް މީހުން ތިއްބާ ޑްރަގް ކޯޓުގަ އިން ތިޔަހާ ޅަ މީހަކު ތިޔަ މަޤާމަށް ގެންނަން އިބޫ ސޯލިޙް ތިއުޅުއްވަނި ތި މަހާޒު ކިހާ ބާރުވެރި ފަރާތްތަކަކާ ގުޅިފަހުރެގެންބާ؟
ބޯލޭ
21 October 2019
ރަނގަޅު ސުވާލެއް! މިހައިތަނަށް ތިޔަ ބާރު ހުރި މަގާމަށް އަންނަނީ ބާރު ހުރި މީހުން! މަހާޒު ހައިކޯޓަށް ޔާމީނު ގެންދަން އުޅުމުން ނުދިޔަކަން އެނގޭތަ؟ އެއީ ގޮތެއްގަ ހުންނަ މޭންއެކޭ! ހަގީގަތަކީ އިބޫއަށްވެސް މަހާޒުގެ އުސޫލުތަކާ ނުކުލެވޭނޭ